رِسالة إلى أُنْثى وجندريِة

[azzam_farah]

رسالتي فحواها: أنا بقدر أستحمل "الوهم" يِكون واحِد مِن معارفي، بستحمِلو علشان عِندي رِسالة عاوِز أوفيها حقها تجاه "الموهوم" علشان عشمان فيهو يصحى من رقدتو، وعلشان حاجات تانية حامْياني أنا بنصح سيدتي، تقلِلي شوية مِن الحِده وترجعي "أُنثى" كما أراد لك الله ربي وربُك ورب العالمين، فإن إرتِداء ثَوب "الجلافة" و"الصلف" و"الخشونة" و"محمد ولد" لا يتماشى مع خَيرات الله تعالى فيكي، فقد منحكِ الله تعالى خَيرٌ كثير، فلا تكفُري بعطاء الله تعالى بِالإفْتِراء والخُشونة في التعبير، فإن الحياء والإنْكِسار تفعلهُ الأُنثى عمدًا وذكاء مِنها حِزاء غرور الرجل وجين الإسْتحواز فيه، ولَيس في هذا مِن بأس.

لَيس مِن الذكاء أن تتطرق الأُنثى إلى مواضيع إن كتبها رجُل صُنِفت تحت "سوء الإخْتِيار".. سَيِدتي.. عِندما تكْتُبين عن "الحاجات البِكون تحتها خط أحمر" هل يكون هذا مِن مُنْطلق "الجندرة" مثلاً؟ العُمْق.. الإقْدام.. أم تنْسين حين الكِتابةِ أنكِ أُنثى وتأخُذُكِ الكِتابة إلى دُنْياواتٍ أُخرى.. ماذا يحدُث بِالله عِندما تكْتُبين في محظوراتنا الشعبِية؟!

ما الذي يَغُرُكِ سيدتي أن تصبحي مثلي.. هل تحسدينني على مفهوماتي البليدة؟! أم علك ترومين الشقاء.. شقاء الإنفاق <... وَبِمَا أَنفَقُواْ مِنْ أَمْوَالِهِمْ...> النساء 34 لم أختار نوعي (رجل). هل لكِ سيدتي أن تختاري أن تُـفَـعِـلي نوعِك. لَيس هُناك أسوأ مِن "الإنقاذ" إلا "جميلة" كفرت بذاتها، لصالح جلافة رمى الله تعالى بها بعض الرجال. أبَيتِ اللعنةِ ما غَرَكِ وإنتِ يعشقونك الذين تريدين أن تتمثلي بهم. سيكتب في شمالُك ما تفعلينه بنفسك <... وَمَا رَبُّكَ بِظَلاَّمٍ لِّلْعَبِيدِ> فصلت 46 دعي سيدتي "حاجاتِك" تنساب، كما كانت سابقًا تنساب رغم عنك، ويحك إنها هكذا خُلِقت، خُلِقت لتنساب رغم أنفك، فتنداح بمتواليات حتى تصل إلى والهٌ أو عاشِقٌ أو محتاج حاجات. الأمر لا يعدو سيدتي "توزيع إنتاج" لا أكثر، فبينما نبت لي "شنب" زاد الله تعالى لك "شعر رأسك" وإلا لكان "كثافة في الإنتاج وسوء في التوزيع" وهذا لا يرضى ماركس أو الرسول مُحمد بِن عبدالله صلى الله عليه وسلم، فلما تريدين أن تصبحي "محمد ولد" أبيتُ اللعنة. سيدتي إني ما إنفككت أحدق <فِي أَيِّ صُورَةٍ مَّا شَاء رَكَّبَكَ> الإنفطار8 تذهلُني "التضاريس" فيكي وأندهش لحصيلة ما تعرفين، ما تعرفين نتيجة ما تقرأه عيناك النجلاوتين، لله درهما وما تفعلة بي. سأختار لقلبي ما هو غَيري يكون، أو كُنت "مِثْلي" و"نرجسي" أعشقُ ذاتي، هل هذا ما تُريدين سيدتي الجميلة

[جيجي]

سلام ياعزام
رسالة غريبة في زمن مازمنها اظنوا
اولا نحن كانثوات فتنا الاسترسبوينت والفليكسبيلتي بتاعتنا ضربت ومفهوم الانوثة دا بقى لوس ساي فما تتعبوا حالكم كتير
ثانيا لي مايكون عندنا حق سوء الاختيار والغلط وكل صفات البشرية بسالبهاوموجبها
ثالتا التحجيم بانه تجعل المرأة تحت بند مواصفاتك دا الا تبلوا وتشرب مويته
رابعا ياريتني لو جيت راجل عشان استمتع بحقوق اني اكون انسان كامل
خامسا ماشايف انه دا ذكاء من المرأة انها تحاول تكون الاتنين
سادسا اول مرة تعترفوا بالجلافة والصلف

[سماح محمد]

تحياتي أ.عزام

أتفق مع الرؤية التي طُرحت عبر رسالتك، حول أن صراع الجندر قد حدا بالأنثى لأن تحاول أن تكون رجلاً بكل تفاصيله ، متناسية أن نموذج الإنسان المثالي لا يتطلب أن تكون من جنس محدد.!!
لكن
دعني أقف عند بعض النقاط التي أختلف معك فيها

فإن الحياء والإنْكِسار تفعلهُ الأُنثى عمدًا وذكاء مِنها حِزاء غرور الرجل وجين الإسْتحواز فيه، ولَيس في هذا مِن بأس

شتان بين هاتين الصفتين ياسيدي..!!
فالحياء شعبة من شعب الإيمان..وصفه محببه
لكن ليتك تشرح أي إنكسار تعني؟؟وكيف نطالب إنسانا ما بأن ينكسر..هل ليرضي غرور أحدهم؟؟!
ليتنا نسميه تفهما..حنواً..لنُذِهب عن المعنى البأس

لَيس مِن الذكاء أن تتطرق الأُنثى إلى مواضيع إن كتبها رجُل صُنِفت تحت "سوء الإخْتِيار".. سَيِدتي.. عِندما تكْتُبين عن "الحاجات البِكون تحتها خط أحمر" هل يكون هذا مِن مُنْطلق "الجندرة" مثلاً؟ العُمْق.. الإقْدام.. أم تنْسين حين الكِتابةِ أنكِ أُنثى وتأخُذُكِ الكِتابة إلى دُنْياواتٍ أُخرى.. ماذا يحدُث بِالله عِندما تكْتُبين في محظوراتنا الشعبِية؟!

الجزئية أعلاه أراها تتغول بجدارة على حرية التعبير..
محاولة إستبعاد الأنثى من مناقشة المحظورات فيه وصاية غير محببة..
وهذا حق كامل لا أظن أن فيه جدالا..
أتقبل التحفظ على (سوء الإختيارات) في الكتابة، كلٌ حسب خلفيته ومفاهيمه يرفض أو يتقبل المواضيع المختلفة..لكن أن يزداد ذاك الرفض أو أن ينتج عن نوع الكاتب فذاك ما أرى فيه بعض الإجحاف.

ودعني أسجل إعجابا بكتابتك سيدي الفاضل رغم إختلافي مع بعض رؤاك..

دمت بخير

[منال]

المشاركة الأصلية كتبت بواسطة azzam_farah

لَيس مِن الذكاء أن تتطرق الأُنثى إلى مواضيع إن كتبها رجُل صُنِفت تحت "سوء الإخْتِيار".. سَيِدتي.. عِندما تكْتُبين عن "الحاجات البِكون تحتها خط أحمر" هل يكون هذا مِن مُنْطلق "الجندرة" مثلاً؟ العُمْق.. الإقْدام.. أم تنْسين حين الكِتابةِ أنكِ أُنثى وتأخُذُكِ الكِتابة إلى دُنْياواتٍ أُخرى.. ماذا يحدُث بِالله عِندما تكْتُبين في محظوراتنا الشعبِية؟!

[/SIZE][/COLOR]

سلامات عزام
قدر ما حاولت افهمك عنوان بس غلبنى - افهم علاقة الكتابه بالجندر شنو؟

طيب الطلعت بيهو كتابتك تضمن مفاهيم و عشان نقدر نناقش و النقاش هنا يطول كدى ورينا الفهم الجندرى لديك فى الكتابة
الجندر اصلا مفهوم تنموى لتمكين المراة فى المجتمع
اى هو دور مجتمعى المراة غائبه عنه يردون اهل التنميه ان تكون مشاركة فى بناء المجتمع و لها من القرارات المؤثرة فى نط و مجالات الحياة العامة لانو الحياة العامة للمجتمع دى public تقوم مناصفه بين النوعين الرجل و المرأة وده تعريف الجندر بالمناسبة ما مقطوع اخدر ... ولاحظ انو رجل/ امراة ما ذكر و انثى عشان ما نتكلم الجنس ...

اما فى مجال الكتابه يا عزام مضى زمن تخصيص الكتابة الى غير رجعة مثل ما مات الحرملك وماتت الكثير من المفاهيم بفعل حراك المراة المجتمعى المتسارع بغرض استدامة التنميه و من اجل العدالة و السلم الاجتماعى و ما قلنا مساواة لانو لسه مشوارنا تجاهها اى المساواة طويل و تحفه الاشواك و لكن بالتغيير المجتمعى سوف نصل من غير ادنى شك لثقتنا العاليه جدن فى قدرات مجتمعاتنا المحليه و تقدمها و نزع غشاوة التحلف المفروضه بغرض التجهيل
نمضى للكتابة يا عزام نحن فى عصر لا للكتابة الانثويه ولا ... لتانيث الكتابه
اكتب انت و خاطب العقل الانسانى من غير تصنبف
مادام الثقافة هى للجميع

سؤال برئ
المحظورات الشعبيه هى شنى؟
و ليه سميت محظورات - و من حقى اسال من الحظرها

اخيرا نختلف هول المفاهيم - بحجم قدراتنا الذهنيه
و لكن تبقى العلميه هى العلميه

الجندر مادة تدرس الان فى الجامعات السودانيه
و بحساباتى النوع الاجتماعى - اساس تقسيم الادوار فى المجتمع
هو المخرج من قسمة السلطة و الثروة
شفت العلم بقدمنا كيف

عموما نحتاج لتوضيحك
مودتى

[azzam_farah]

جيجي

دا الا تبلوا وتشرب مويته

ليه بس كِده!
حتى عُنف كلِماتِك الفوق دي بِتْعارض مع توقيعك

بننجرح كل يوم....لكن

[azzam_farah]

سماح محمد
كيف حالِك؟ علِك طَيبة

ليتنا نسميه تفهما..حنواً..لنُذِهب عن المعنى البأس

فاليكُن.. المُهِم تعدي الريح دون خسائِر.. الريح البتقوم في البيت بين البت والولد.. البتقوم بين الزَوجَين.. بَين الزُملاء في العمل..

الجندرة البِقت بس محصورة في إجْتِهاد الفتاة/المرأة أن تتمثل بأحدِهمْ..

مِن الذكاء الإجْتِماعي أن تسمح الفتاة/المرأة بِمُرور ريح لِكسب وضع أو على الأقل لِلحِفاظ على المُكْتسبات الأصلاً تم كسْبِها بِطُلوع الروح

[azzam_farah]

منال
كيف حالِك؟ علِك طَيبة

قدر ما حاولت افهمك عنوان بس غلبنى - افهم علاقة الكتابه بالجندر شنو؟

رِسالتي -مَوضوع البوست- لَمَتْ في بطُنا عِده وصايا أكان مِن ضمنها كِتابة الفتاة/المرأة.. دي العِلاقة.
ـــــــــــــــــــــــــــ

ورينا الفهم الجندرى لديك فى الكتابة الجندر

في الكِتابة وأعمال التطريز وفي كُل الحياتيات

البِت زي الولدْ
مُهيش كِمالت عددْ
في الإحْتِمال والجَلَدْ

[youtube]http://www.youtube.com/watch?v=j9bwEEa6J64[/youtube]

ــــــــــــــــــــــــــ

ولاحظ انو رجل/ امراة ما ذكر و انثى عشان ما نتكلم الجنس

معلوم وده إسمو "علم النوع الإجْتِماعي" أو "الجنوسة"

ــــــــــــــــــــــــــ

سؤال برئ
المحظورات الشعبيه هى شنى؟

زي عمود " مرافي" التِحِت ده مثلاً

قوادة اليكترونية..

http://sudanyat.org/vb/showthread.php?t=22003

ــــــــــــــــــــــــــ

و ليه سميت محظورات

لأن عيب الفتاة/المرأة تتكلم في "القوادة" والحاجات الزَيها، وخُصوصًا لو ماف ضرورة.. أو في علاج ناجِح لِلظاهِرة..
ــــــــــــــــــــــــــ

و من حقى اسال من الحظرها

حظرها ناس أبوك وأخوك في الأول (العرف) وبعدين جا الإسلام أكد الحظر
ــــــــــــــــــــــــــ

هو المخرج من قسمة السلطة و الثروة

شفت العلم بقدمنا كيف

شُفْت.. بس أنا ما بتكلم على الجُزئِية دي.. أنا بتكلم على إنو "الجندرة" مُش قُوة عين

إحْتِراماتي،،،

[الزوول]

اختصار ما فهمته
وأتفق في قدر كبير جداً مع عزام
هنالك مواضيع للكتابة تلتصق بالجندر التصاقاً لا فكاك منه (وفي الحياة كذلك)
لو كتبها (أو مارسها ) الجنس الآخر لصارت مستهجنة
وهذا ينطبق على الجنسين
أحد الزملاء في سودانيزأونلاين يكتب مواضيع أقل ما توصف به البذاءة ، مستهجنة على نطاق واسع من القراء ، في اعتقادي أن الاستهجان كان سيكون أكثر لو أن كاتبها كان أحدى الأخوات
وبالمقابل
لا اعتقد أن ألاستهجان سيكون أقل منه لو افترضنا أن أحد الأخوة صارت هوايته الكتابة في المكياج ومكواة الشعر.
...

[منال]

المشاركة الأصلية كتبت بواسطة azzam_farah

منال
كيف حالِك؟ علِك طَيبة

رِسالتي -مَوضوع البوست- لَمَتْ في بطُنا عِده وصايا أكان مِن ضمنها كِتابة الفتاة/المرأة.. دي العِلاقة.
ـــــــــــــــــــــــــــ



في الكِتابة وأعمال التطريز وفي كُل الحياتيات

البِت زي الولدْ
مُهيش كِمالت عددْ
في الإحْتِمال والجَلَدْ

معلوم وده إسمو "علم النوع الإجْتِماعي" أو "الجنوسة"

تمام نكون فى علم الاجتماع دى و الجنوسه دى اظن لغة اهل الشام و اللبنانين
ــــــــــــــــــــــــــ


[/SIZE]

زي عمود " مرافي" التِحِت ده مثلاً

قوادة اليكترونية..

http://sudanyat.org/vb/showthread.php?t=22003

ــــــــــــــــــــــــــ

لأن عيب الفتاة/المرأة تتكلم في "القوادة" والحاجات الزَيها، وخُصوصًا لو ماف ضرورة.. أو في علاج ناجِح لِلظاهِرة..
ــــــــــــــــــــــــــ



حظرها ناس أبوك وأخوك في الأول (العرف) وبعدين جا الإسلام أكد الحظر
ــــــــــــــــــــــــــ

[/SIZE]


[/RIGHT]
[/RIGHT]
شُفْت.. بس أنا ما بتكلم على الجُزئِية دي.. أنا بتكلم على إنو "الجندرة" مُش قُوة عين

إحْتِراماتي،،،

بخير و عافيه والله

طيب خلينا نمسك الكتابة و ان كتبتا ماف حاجه تانى اسمها كتابة انثوبه الكتابه ياها الكتابه البتخاطب اى زول فى اى فئة عمريه له .
لو بتفق معاى انو المراة الكاتبه او التى تعمل بالحياكه و التظريز كلهن قضاياهن واحدة وفى المجتمع ذاتا قضايا الرجل بكون ماف داعى استمر هنا

لكن ذكرك للبوست كمثال خلانى افكر فى حته تانى يا عزام ... لو انت بتقصد stereotype النمطيه او التنميط للمراة هنا بقيف و اتمنى انى اكون جوه النص عشان اواصل فى فكرة التنميط دى
طبعا فكرتى ليها انو المرأة هى الاجدر و الاكثر على نقل الحاله و هى مراة واقع لمشاهد كتيرة صاحبة البوست ليه استوقفتها القوادة دى لو ما فكرت فى مالات ذلك على حالة المراة و اكدت انها تجارة يبقى اكيد هى بتكلم هنا بلسان كل النساء
ولو مسكنا ذات المثال قلم رجل حصيف و ناقل للحالات دى بختك فى الوضع الماساوى واللاانسانى للمراة و هنا و كيف يتاجر بها جسديا
زى ماف برضو راجل قاص و شاعر و فنان و نحات برسمو مشاهد و صور للمراة بالكلم و الفن الراقى وبل يتفوقوا على نساء حتى فى زواية الشوف لحال النساء
الشغله هنا اتجاهات تفكير ليس الا
وحتة طرح الموضوع المكتمل الفكرة و المعالجة فى المنتديات دى كلهاا يا سيدى ما موجودة حتى من الفطتحله و اساطين الكتابه ليه؟ ىنو المنتديات تطرح موضوع و تسوقو تشعبات النقاش فيه
الاحتمال و الجلد دى تبقى حاجه تانيه بتودينا لحتات التكوين البيلوجى و الفسيلوجى و التاثر الاجتماعى

[azzam_farah]

منال

كلامِك الفوق ده كلو شائِع ومعروف.. بس مرافي -كمِثال قريب- كتبت في مَوضوع معروف لِلجميع وما عِنْدها ليهو عِلاج.. ايه الداعي ليهو مِن الأساس.. ايه الداعي طالما إنو معروف وهي ما عِندها ليهو عِلاج.. أنا بتكلم عن إنو "الملافظ سعد" بِدون مانشيتات كبيرة.. القوادة ما كان حقو تكتِب فوقا مرافي.. أها عمودا ليهو يومين إتداخل فوقو منو؟ شُفتي كيف إنو مِن المحظورات!

مهنة القُوادة دي -نسأل الله السلامة- مُصنفة على إنها أقدم مهنة في العالم ده.. مرافي ولا غيرا علاجا ليها شنو؟ ولا حاجة.. غير إنها شالت الحيا وضربت بيهو عرض الإسفير ما عملت أيُتها حاجة ولا حتعمل.. أنا ما بتكلم عن مرافي بالذات، بس إسمها جا كمِثال ما أكتر..

يعني:
- القوادة كخبر، قديم.
- ومرافي ما طرحت ليها حل لظاهرة القوادة

طَيِب نفهم شنو غير إنو دي قُوة عين وجسارة غير مُبررة.. وفهم غلط للجندرة.. وشوفوني أنا كيف عميقة وما بخاف وعندي كَيْنونة وذات مُسْتقلة.. وبفْتكِر وبعتقِد وبرى والتعابير الطلعت موضه ها الأيام البمْلن بيها البنات، الوهم، الفراغات البينات "الفكرة" و"الواقِع"

الجندرة مو قُوة عين وجسارة بلا جيه

[منال]

المشاركة الأصلية كتبت بواسطة azzam_farah

منال

حظرها ناس أبوك وأخوك في الأول (العرف) وبعدين جا الإسلام أكد الحظر
ــــــــــــــــــــــــــ

[/SIZE]

[/RIGHT]
شُفْت.. بس أنا ما بتكلم على الجُزئِية دي.. أنا بتكلم على إنو "الجندرة" مُش قُوة عين

إحْتِراماتي،،،

قسمتها /2 لانو الاقتباس صعب على

نستمر
العرف يا استاذنا الوضعو المجتمع ... و بحكم على النوع و المجتمع زى ما قلت بى يبدا من ابوى و اخوى الاسرة الضغيرة الى المجتمع الكبير
اديك مثال من عندي
نحن خمسه ينات - ولد واحد - عايزين ندخل قاعة الصداقه و نشاهد مسرحية نبته حبيبتى ... قدر ما ابوى حنس اخونا يودينا اتعلل بى حاجاتو برنامجو وبعد اصرار و تدخل الوالدة ساقنا على مضض و فى العربيه ماف كلام ولا حكى
نزلنا قطعنا تذاكرنا و دخلنا قال لينا بجى الساعة 11.20 الاقكن هنى
يا زول دخلنا العرض و استمتعنا
جينا فى العربيه نحكى المشاهد كعادة السودانسن - لقينا اخونا بحكى معانا و هو قبيل كان كاضم عديل كان حاضر العرض بس ما معانا فوق - اها لانو المجتمع عرفو صور ليهو بنات شنو كمان البشوفن مسرحيه و بجنن انصاص الليالى و كيف هو يحرسن و يتخلى عن برنامجو و هو بجى الساعة 2 صباحا من ونسة شلة قول
ولو كا كان ابوى الله يرحمو وقف معانا و حات الله ما كان شقنا المسرحيه

وغلينا كنساء و رجال ان نعمل معا لتغيير العرف و المفاهيم دى و المتعارف عليهو ده ذاتو من المقترض يكون متجدد حسب البيئه و الزمان و المكان و الشخوص و العوامل المؤثرة ولا شنو

يا عزام الاسلام و العرف ده موضوع كبير جدا
ومع ان الاسلام اعطى المراة كيونتها كانسان فى المقام الاول
وهل الاسلام مبنى على العرف و التقاليد عشان نشهرها فى حراك النساء فقط
ولو ممكن تورينى الاسلام اكد على شنو فى اعرافنا السودانيه التى تحجم المرأة
المجتمع يا عزام هو الرسم الصورة النمطيه دى للمراة و الرجل

هسه انا منال بتلبش جدن و يجينى طشاش نظر
لامن اشوف شاب مهندم لابس قميص لامع فيهو زركشه و ترتر كمان
بل حتى فى الوان ما بفضل الشاب يلبيها زى الفوشى
وده لانو اتعودت على صورة نمطيه برضو لمظهر الشاب
وقس على هذا المنوال الكثير للمراة برضو


اما الشق الاخير
قوة العين = الجراة
ثم الجندرة و كدى فى الاول يا عزام ما دام اتفقت معاى فى الجزئية دى
الان شغاله فى حاجه اسمها جندرة الديمقراطيهEngendering democracy على مستوى المكتب اها شفت بقينا نكنكش فى الجندرة دى و دايرين الديمقراطيه ان قامت فى السودان تكون مجندرة بدأ من الميزانيه اها رايك شنو

طيب الجراة و قوة العين دى يا عزام مش من الكرايزما للشخص سواء انو امراة /رحل
لكن حتت انو فى مواضيع كده النساء ما مفروض يكتبو او يتكلمو عنها دى و الله تانى ما بتجى

هسه قبل ايام فى المكتب وفى جازرينج صاحبتى قالت لى يا منال هسه انت ممكن تشيلى سلاح و تطلعى لقضيتك
قت ليها: الخلا د. مريم الصادق و زهرة حيدر يشيلن سلاح شنو
هو ذاتو البخلينى و يدينى الدافعيه اشيل سلاح و المجتمع بستهجن ده
فى حين انو الدفاع الشعبى درب الكثيرات من النساء بالمناسبة لسه ما ادربت لكن ناويه عشان شوبه مدى رخرخت الرجال دى بوش كبير و نخليهم يربطو العمم و يتحزمو سمح .... وتييييييييييييييييب

و يبقى الموضوع كبير مطروح للنقاش
مودتى و قنب عافيه

[منال]

المشاركة الأصلية كتبت بواسطة azzam_farah

منال

طَيِب نفهم شنو غير إنو دي قُوة عين وجسارة غير مُبررة.. وفهم غلط للجندرة.. وشوفوني أنا كيف عميقة وما بخاف وعندي كَيْنونة وذات مُسْتقلة.. وبفْتكِر وبعتقِد وبرى والتعابير الطلعت موضه ها الأيام البمْلن بيها البنات، الوهم، الفراغات البينات "الفكرة" و"الواقِع"

الجندرة مو قُوة عين وجسارة بلا جيه

معلوم يا عزام الموضوع مطروح للجميع و اخدنا موضوع البوست كمثال و تساق عليه ... البعرفو صحى فى مشكلة فى اختيار اسم لموضوع بوست ما و يمكن عمليه مرهقه كمان

وما تحته خط يحتاج لمراجعة منك
الجندر مصطلح و ما نسيقه سيظل كتاباتنا بس

احترامى اليك

[azzam_farah]

منال

وهل الاسلام مبنى على العرف و التقاليد عشان نشهرها فى حراك النساء فقط ولو ممكن تورينى الاسلام اكد على شنو فى اعرافنا السودانيه التى تحجم المرأة المجتمع يا عزام هو الرسم الصورة النمطيه دى للمراة و الرجل

<خُذِ الْعَفْوَ وَأْمُرْ بِالْعُرْفِ...> الأعراف 199

وجاء تفسير <الْعُرْفِ> : و العرف هو ما يعرفه عقلاء المجتمع من السنن و السير الجميلة الجارية بينهم بخلاف ما ينكره المجتمع و ينكره العقل الاجتماعي من الأعمال النادرة الشاذة (إنتهى)
ـــــــــــــــــــــــــــــــ

قوة العين = الجراة
ثم الجندرة و كدى فى الاول يا عزام ما دام اتفقت معاى فى الجزئية دى
الان شغاله فى حاجه اسمها جندرة الديمقراطيهEngendering democracy على مستوى المكتب اها شفت بقينا نكنكش فى الجندرة دى و دايرين الديمقراطيه ان قامت فى السودان تكون مجندرة بدأ من الميزانيه اها رايك شنو

الجندرة كمفهوم أنا ما عندي فيهو إعْتِراض.. إعْتِراضي في إسْتباحة كُل الأشياء بِإسم ها الجندرة..

قُوة العين والجسارة غير المُبررة وصف لِعمود "مرافي" بِتاع القُوادة.. إنت رأيك شنو فيهو؟ بتقدري إنتي تكتبي لينا عن "القوادة" و"اللو..." و"....." ولا ما بتقدري؟ خلينا نمشي خطوة لِقِدام

[منال]

المشاركة الأصلية كتبت بواسطة azzam_farah

منال



<خُذِ الْعَفْوَ وَأْمُرْ بِالْعُرْفِ...> الأعراف 199

وجاء تفسير <الْعُرْفِ> : و العرف هو ما يعرفه عقلاء المجتمع من السنن و السير الجميلة الجارية بينهم بخلاف ما ينكره المجتمع و ينكره العقل الاجتماعي من الأعمال النادرة الشاذة (إنتهى)
ـــــــــــــــــــــــــــــــ

الجندرة كمفهوم أنا ما عندي فيهو إعْتِراض.. إعْتِراضي في إسْتباحة كُل الأشياء بِإسم ها الجندرة..

قُوة العين والجسارة غير المُبررة وصف لِعمود "مرافي" بِتاع القُوادة.. إنت رأيك شنو فيهو؟ بتقدري إنتي تكتبي لينا عن "القوادة" و"اللو..." و"....." ولا ما بتقدري؟ خلينا نمشي خطوة لِقِدام

يا عزام طيب الخطاب الجمعى المجتمعى ده انت رايك شنو؟

دوما يا عزام بسال روحى انت بكتبى ليه عايزة توصلى شنو؟
اكتب شنو فى القوادة و مجتمعنا السودانى عرفها من زمان
وبس لو سالتنى فى المعالجه بقول ليك
علاجها بنصلح بحال الحال الاقتصادى البنصلح بالمناخ السياسيى يعنى ما ممكن نكون فى وطن الفقر فيهو نسبة 98% و نتكلم عن المواضيع دى بمعزل عن الوضع العام ومؤاثراته نعالج اصل الداء و بعد داك كلو بنصلح يعنى هسه فى قودات يا عزام صبايا دون العشرين اها بجى اكتب اقول دى تفكك مجتمع و دور الاسرة غايب لع ده مصيبه جاثمه على صدورنا و اعمت عقزلنا وباعت و اشترت فى جسد المرأة واى امراة يتوفر ليها حياة كريمة البخليها شنو تكون فى وضع زى ده و تعرض حياتها للخطر و المرض.
الكتابة عنها كموضوع ملت الاسافير لكن على المستوى الشخصى عندى اولويات حتى فى المواضيع البكتب عنها
ما بكتب فى الجنس اصلو ده ترف فكرى عديل كده ما عندى ليهو حتى الوقت صدقنى اقراهو كموضوع مطروح فى الاسافير
مش عشان ازوغ من الموضوع
لكن راسى فيهو قضايا اكبر من هذا
موضوع البوست ما قريتو النصحيه لله علا بعد ختيت الليينك انت
و الجابنى ليك ما فهمت علاقة الكتابة بالجندر ده محور سؤالى؟ الكان
بس تفكيرى بختلف من تفكير اى عضو هنا
و كل زول بختار يكتب فى شنو؟ ده حقو
مودتى

[azzam_farah]

دايمًا بسأل عن حكمة خلق "حواء" مِن ضلع "آدم" .. مِن ضلعو هو خلقو حواء.. طَيِب ليه؟ وفي البال حديث الرسول (ص) "استوصوا بالنساء خيرًا، فإن المرأة خلقت من ضلع، وإن أعوج شيء في
الضلع أعلاه، فإن ذهبت تقيمه كسرته، وإن تركته لم يزل أعوج، فاستوصوا بالنساء خيرًا" (حديث صحيح، رواه البخاري في الجامع الصحيح)