يا فيصل سعد ، الاسود النشوان دا شنو كمان؟!

[أسعد]

ياخ ديش النضم
وديش الغناء ياخ

[أسعد]

كدي شغل المسجل
وارمي بياضك في القول دا

وافتينا في فعايل ود اللمين على فعايل النضم دا

[أسعد]

والشهادة لله منذ نعومة اظافري السايبرية
وتحديدا قبل تلاتة سنوات
كنت بعمل بحث عن اغاني وداللمين فوقع لي كم تسجيل نادر كان منزلهم فيصل سعد
ومن ساعتها ما تذكرت ود اللمين إلا وتذكرت معه فيصل سعد أو العكس


غايتو الانطباعية كعبة ^_^

[فيصل سعد]

فوق البحار البيض
سابح بلا ربان
مكتوبة فوق سطحه
قصة حياة انسان
املاكه في العالم
ريشة و ضمير و كمان

لك الشكر اذا ما انطبعتنا مع هذا المبدع الشامخ ..
و لنا عودة يا ريفرينس ..

[فيصل سعد]

اتصبر بدي لغاية ما نجيك في صميم العمق
و دوزنة العصب الحي ..

http://www.youtube.com/watch?v=EaJ8aikKl9k

[فيصل سعد]

http://www.youtube.com/watch?v=d4jsu...eature=related

[الرشيد اسماعيل محمود]

زورق الألحان..
أو عابر طريق..
فضل الله محمّد، أحد روّاد التجديد في النص الغنائي، قصائده أحدثت انقلاباً وفتحاً علي مستوي القصيدة المغنّاة..
أوّل أغنية كتبها لفنان هي "أرض المحنّة" لفنان الجزيرة محمّد مسكين.
زورق الألحان تعتبر من الأعمال الكبيرة التي جمعت بين ود اللمين وفضل الله محمّد..
ساعد في ذيوعها، المقدرة الرهيبة للفنان محمّد الامين في وضع لحن يتماشي تماماً وتضاريس القصيدة الكبيرة.
تحيّاتي وجدي وفيصل.

تعازينا الصادقة يا فيصل

[أسعد]

عليك الله يا فيصل والرشيد شوفو جنس الشغل دا

وزي ريس
الساري الغريب
غالَب ليالي الشوق
على الساري إتكى
ورش الدموع
برعشة الغيم البكى
ودس الانين
فتق جراحات الحنين
في الغربة باسها
و وَشوَشا

اسي فضل الله محمد وود اللمين طقطقوا هوليوود سبعة صفر
عليك الله شوفوا المشهد البديع اعلاه
علي الطلاق بي فيلم تايتنك كلوووووو بي كاميرنو وديكابريهو وومنقته الحلوة ديك

بعدين شوفوا شوفوا

واتذكرك
وكتين اشوف
لارنجة تتحدى الرياح
عِز السموم
صدر الشتاء
وتمد ظلالها
على الهجير تفرَح
تفرّح في الرياح
وتوشوشا

ويجيك عنترة بن شداد ويقدنا (ولقد ذكرت والرماح شنو كدة ما عارف!!)
أما من رجل رشيد فيكم يقول لي عنترة دا قوم لف؟!

غايتو قرررررررررربت اطرح ليكم المشهد دا

واتخيلك وكتين اشوف
أُماً تهبب لعروس
وقت الزفاف و ترقصا
وارحل بعيد فوق شعرها
زي مركب نشوان مشى

لكن خوفتكم تتهموني بمرض حامد

[فيصل سعد]

المشاركة الأصلية كتبت بواسطة وجدي الأسعد الأسعد

لكن خوفتكم تتهموني بمرض حامد

اذا طعنت من الخلف
فأعلم انك في المقدمة ..

معقولة يا ريفرينس نحن نتهمك بحاجات زي دي ..
و برضو تصدق كلام العوازل

[فيصل سعد]

المشاركة الأصلية كتبت بواسطة وجدي الأسعد الأسعد

وزي ريس
الساري الغريب
غالَب ليالي الشوق
على الساري إتكى
ورش الدموع
برعشة الغيم البكى
ودس الانين
فتق جراحات الحنين
في الغربة باسها
و وَشوَشا

اسي فضل الله محمد وود اللمين طقطقوا هوليوود سبعة صفر
عليك الله شوفوا المشهد البديع اعلاه
علي الطلاق بي فيلم تايتنك كلوووووو بي كاميرنو وديكابريهو وومنقته الحلوة ديك

بعدين شوفوا شوفوا

واتذكرك
وكتين اشوف
لارنجة تتحدى الرياح
عِز السموم
صدر الشتاء
وتمد ظلالها
على الهجير تفرَح
تفرّح في الرياح
وتوشوشا

http://www.youtube.com/watch?v=TsyIg...eature=related

[فيصل سعد]

طائر الأحلام

http://www.youtube.com/watch?v=i2_oq...eature=related

[بله محمد الفاضل]

وما تهادت سيرة ود الأمين
إلا زلزلتني ابتسامة وذكرى
صاحبي اللدود صلاح ود آسيا
وأتذكر شريطي (بتتعلم من الأيام+زاد الشجون)
وهما يُعادان ويُعادان ويُعادان
بلا كلل أو ملل طيلة أيام عطلة وعطالة بالكلاكلة الوحدة آل
لم استمتع بحياتي كلها لغناء مكتملة شروطه كلها
كما في هاتين
ولم يزل بي حنين وحنين


تشكرات يا ود حامد (عفواً أقصد يا وجدي)
وتشكرات فيصل القرين بود الأمين عند الأسعد
والقرين عندنا بكل جمال
وسلام عليكم جميعاً
طبتم في حضرة البهاء والألق شفاه الله


محبتي واحترامي

[الرشيد اسماعيل محمود]

المشاركة الأصلية كتبت بواسطة فيصل سعد

اذا طعنت من الخلف
فأعلم انك في المقدمة ..

واذا قدّ قميصك من دبر..
بــ تفك البيرك..؟؟

يا بلّة الفاضل..
بتتعلم من الأيّام بالنسبة لي أجمل من زاد الشجون..
صحيح زاد الشجون عامرة بالابداعات الموسيقية والجمل اللحنية المُدهشة..
لكن الأداء والإحساس في "بتتعلم من الأيّام" أعلي منه في الأولي..
حضرت حلقة ود اللمين وفضل الله محمّد بمعيّة عمر محمود خالد..
ود اللمين وصل لمرحلة دخل في بكاء غريب أثناء أغنية بتتعلم من الايام..
يبدو إنّها مرتبطة ليهو بذكريات خاصّة وزمان خاص..
المهم:
الغريب إنّو وجدي قبل كدة قال ود الأمين غناهو زي المكنة..
إنتاج من غير احساس..
أو كما قال..

صحي غربة، وعدم موضوع ونت مجّاني.

[حسن سادة]

الفنان وجدي وبقية عشاق القامة ود الأمين
كنت عايز عايز عايز
أقولكم أقولكم
ما بقول لكم!!! مش مخّير
لكني يظهر ما حأقدر
كنت عايز أقولكم
بحبكم

[أسعد]

المشاركة الأصلية كتبت بواسطة الرشيد اسماعيل محمود

المهم:
الغريب إنّو وجدي قبل كدة قال ود الأمين غناهو زي المكنة..
إنتاج من غير احساس..
أو كما قال..

صحي غربة، وعدم موضوع ونت مجّاني.

واللاي يا الرشيد نفسي اتشعبط في رقبتك دي واقول ليك كلامك دا كضب ساااااكت
واتهام باطل وفرية في شخصنا الضعيف
واطالبك باعتذار
لكن لقيت لا تهمتك بتضرني ولا اعتذارك بفيدني


انا صحي بفتي فيما لا اعلم
لكن كمان ما بقعد اتهم الناس بالباطل