ممنوع من الصرف

أبوبكر عباس · 27-12-2011, 12:50 PM

(1)
الأمير خالد ولد الوليد بن طلال قال في لقاء تلفزيوني حينما سألوهو عن موقف طريف: كنت ساير في الرياض بالسيارة في يوم سخن كدا، توقفت لسوداني يسير بطرف الشارع، مديت يدي للسوداني مرحب به وقلت: معاك أخوك خالد بن الوليد
- السوداني: أهلا... معاك عمر بن الخطاب

(2)
جبرمحمّد جبر كان لافي في مقابر باريس، لاحظ انو أعمار الميتين صغيرة:
- لويس سان جيرمان 40 سنة
- ترزيقا جان 41 سنة
- كلاوديا شانزليزية 39 سنة
قال لمرافقه: حليل الفرنسيين ديل بموتوا سوغار!
المرافق: العمر المكتوب في الشاهد دا، هو العمر العاشو المرحوم سعيد جدا، وليس العمر الحقيقي.
جبر: عليك الله أنا لو متا أكتبوا على شاهدي، جبر محمد جبر من بطن أمو للقبر

أبوبكر عباس · 27-12-2011, 01:15 PM

- جبر محمد جبر مولود يوم 7/7/77 وطهروهو يوم 8/8/80
- مسلم ذكر
- يوم 11/11/11 تم 34 سنة و4 شهور و4 أيام
- صام لحدي هسع 19 رمضان و9 أيام
- صلى ليهو تقريبا 1404 صلاة جمعة وتقريبا 60 صلاة عيد (صلاة العيد بداها مباشرة بعد الطهور).
- لم يذهب للحج، لكن الكتابة بتاعة: يا داخل هذه الدار، كلها كتبها هو، أصلو خطو ممتاز
- يعمل محاسب بوزارة الري/مدني بعد أن تخرج من جامعة أم درمان الإسلامية.
- لم يختلس قط.

أبوبكر عباس · 27-12-2011, 01:37 PM

(4)
- حاول مرة يزيد دخلو، إشترى ليهو حمار من دلالة ناس البطري بتاعة الحيوانات السائبة وربط فوقو كارو وشغل فوقو ولد واحدة كانت شغالة معاهم فراشة قبل تخفيض عمالة الري الهامل.
- الود النصيحة كدا، قبل ما يختفي كان بورد النقطة في مواعيدها بدون أي حوادث مرضية للحمار.
- بعد أربعة ىشهور وعشرة أيام مشى ليهو في البيت، علي الأقل لو أبوهو مات، يلقى أم الولد طلعت من الحضانة ويعزيها. قبل يدق الباب لقى الكارو مفصول وبعر الحمار ناشف شديد، رجع للري قبل يدق الباب بعد أن سمع ونسة الأم والمرحوم والود من فوق الصريف.

أبوبكر عباس · 27-12-2011, 03:01 PM

(5)
- غير متزوج ولم يمارس الجنس قط (بشقيه الطبيعي أو الشاذ).
- مرتبو 555 بالجديد و 555000 بالقديم
- ساكن مايو أربعين مع أمو وأبوهو وأخوانو الستة
- آخر حفلة حضرها كانت بصديق سرحان في الدرجة جنب مدرسة الليثي يوم 8/8/88
- لم يذهب للجنوب بالرغم من تدينه ودورات الدفاع الشعبي الثلاث!
- مرة فكر (فكر فقط) يغوي الفراشة، لكن خطب الجمعة والجامعة الاسلامية كانن حائط صد منيع (على العموم هو كفّر عن ذلك التفكير بحمار البطري).

أبوبكر عباس · 27-12-2011, 03:17 PM

(6)
- أعلن لنفسو فشلو في ممارسة الحياة ورفضه للتكرار الغير مجدي.
- بدا تعلم السباحة تمهيدا لحادث الإنتحار الطبيعي يوم 12/12/12 القادم بالرغم من برودة المياه المحتملة.
- سرّ في داخل نفسو للإنجاز الذي سوف يحققه بتسليمه لكامل أماناته لله كاملة من غير أي خدش (البلاستيك بتاعها قاعد).

البوست إنتهى

طارق صديق كانديك · 27-12-2011, 03:25 PM

يادكتور مساء الخير

ياخي جبر ده يعلم الله يزوروا فوقو .. !!

في ناس في الدنيا دي فعلا يدهشوك وجبر منهم بدون شك .. !!

أبوبكر عباس · 27-12-2011, 03:36 PM

اقتباس:

المشاركة الأصلية كتبت بواسطة طارق صديق كانديك

يادكتور مساء الخير

ياخي جبر ده يعلم الله يزوروا فوقو .. !!

في ناس في الدنيا دي فعلا يدهشوك وجبر منهم بدون شك .. !!

مساء النور يا امير
والعجب يا طارق ناس جبرية (مؤنث جبر) يدهشنك لامن تطقطق في الحصا

أبوبكر عباس · 27-12-2011, 03:42 PM

ملحوظة:
زيارة سيد جبر لباريس كانت في الحلم

ياسر كبوش · 27-12-2011, 07:14 PM

اقتباس:

المشاركة الأصلية كتبت بواسطة بابكر عباس

(1)

المرافق: العمر المكتوب في الشاهد دا، هو العمر العاشو المرحوم سعيد جدا، وليس العمر الحقيقي.
للقبر

يبقى الكتير منا سيموت ولم يبلغ الحلم بعد
يادكتور متابعين

عبدالمنعم الطيب حسن · 27-12-2011, 07:50 PM

اقتباس:

المشاركة الأصلية كتبت بواسطة بابكر عباس

البوست إنتهى

اقتباس:

المشاركة الأصلية كتبت بواسطة ياسر كبوش

يادكتور متابعين

ياسر + بابكر
تحيه وسلام

أميرى · 27-12-2011, 08:23 PM

الأرقام البي ال كابيتال والتفاصيل البيل إسمول لتر مبعثرة هنا و هناك بعناية تامة ولا ينقص من أناقة الأسطر الغارقة في فضح التاريخ والجغرافيا و علم الجبر و نظريات الإقتصاد و علم الإجتماع والسلوك الإنساني و الدين والحياة _لا ينقص أناقة الأسطر إلا إهداء صغير مغلف و إستيكر صغير علي الجنب علي هيئة مرآة كتب علي زجاجها بحذر

(البكيني مقاس٣٤..أما اللون فأخضر فتعلم السباحة سريعا فالموج بين ثناياه الموت )

أعجبت جدا يا بابكر من سخرية درس السباحة إستعدادا للإنتحار

المهم فيلم هندي ولا ناكل باسطة؟

ياسر كبوش · 27-12-2011, 08:24 PM

اقتباس:

المشاركة الأصلية كتبت بواسطة عبدالمنعم الطيب حسن

ياسر + بابكر
تحيه وسلام

واحترام ياسيدى

ابكر لا تتأخر العام اوشك

أميرى · 27-12-2011, 08:36 PM

اقتباس:

المشاركة الأصلية كتبت بواسطة ياسر كبوش

ابكر لا تتأخر العام اوشك

يا كبوش هو بكور عامل كونتراكت مع ياتو عام فيهم؟
الماشي بالقديم
ولا الجاي بالجديد؟

سنتك الجاية مناسبة إن شاء الله
مناسبة تماما يا كبوش

ياسر كبوش · 27-12-2011, 08:54 PM

اقتباس:

المشاركة الأصلية كتبت بواسطة أميرى

يا كبوش هو بكور عامل كونتراكت مع ياتو عام فيهم؟
الماشي بالقديم
ولا الجاي بالجديد؟

سنتك الجاية مناسبة إن شاء الله
مناسبة تماما يا كبوش

الماشى بالجديد والعهدة على

وسنتك حلوة التفاصيل يا ود سميرة

مرافي · 27-12-2011, 09:10 PM

عندي سؤال يا بابكر
لييه البوست دا في الخاص..؟؟؟؟
عشان ممنوع من الصرف في العام ولا حاجة تانية...
كل من كان عندو ضمير بيكون زي بطل القصة جبر...
اكثر الله من امثاله...

27-12-2011, 12:50 PM	#[1]
أبوبكر عباس :: كــاتب نشــط::	ممنوع من الصرف (1) الأمير خالد ولد الوليد بن طلال قال في لقاء تلفزيوني حينما سألوهو عن موقف طريف: كنت ساير في الرياض بالسيارة في يوم سخن كدا، توقفت لسوداني يسير بطرف الشارع، مديت يدي للسوداني مرحب به وقلت: معاك أخوك خالد بن الوليد - السوداني: أهلا... معاك عمر بن الخطاب (2) جبرمحمّد جبر كان لافي في مقابر باريس، لاحظ انو أعمار الميتين صغيرة: - لويس سان جيرمان 40 سنة - ترزيقا جان 41 سنة - كلاوديا شانزليزية 39 سنة قال لمرافقه: حليل الفرنسيين ديل بموتوا سوغار! المرافق: العمر المكتوب في الشاهد دا، هو العمر العاشو المرحوم سعيد جدا، وليس العمر الحقيقي. جبر: عليك الله أنا لو متا أكتبوا على شاهدي، جبر محمد جبر من بطن أمو للقبر
أبوبكر عباس :: كــاتب نشــط::

27-12-2011, 01:15 PM	#[2]
أبوبكر عباس :: كــاتب نشــط::	- جبر محمد جبر مولود يوم 7/7/77 وطهروهو يوم 8/8/80 - مسلم ذكر - يوم 11/11/11 تم 34 سنة و4 شهور و4 أيام - صام لحدي هسع 19 رمضان و9 أيام - صلى ليهو تقريبا 1404 صلاة جمعة وتقريبا 60 صلاة عيد (صلاة العيد بداها مباشرة بعد الطهور). - لم يذهب للحج، لكن الكتابة بتاعة: يا داخل هذه الدار، كلها كتبها هو، أصلو خطو ممتاز - يعمل محاسب بوزارة الري/مدني بعد أن تخرج من جامعة أم درمان الإسلامية. - لم يختلس قط.
أبوبكر عباس :: كــاتب نشــط::

27-12-2011, 01:37 PM	#[3]
أبوبكر عباس :: كــاتب نشــط::	(4) - حاول مرة يزيد دخلو، إشترى ليهو حمار من دلالة ناس البطري بتاعة الحيوانات السائبة وربط فوقو كارو وشغل فوقو ولد واحدة كانت شغالة معاهم فراشة قبل تخفيض عمالة الري الهامل. - الود النصيحة كدا، قبل ما يختفي كان بورد النقطة في مواعيدها بدون أي حوادث مرضية للحمار. - بعد أربعة ىشهور وعشرة أيام مشى ليهو في البيت، علي الأقل لو أبوهو مات، يلقى أم الولد طلعت من الحضانة ويعزيها. قبل يدق الباب لقى الكارو مفصول وبعر الحمار ناشف شديد، رجع للري قبل يدق الباب بعد أن سمع ونسة الأم والمرحوم والود من فوق الصريف.
أبوبكر عباس :: كــاتب نشــط::

27-12-2011, 03:01 PM	#[4]
أبوبكر عباس :: كــاتب نشــط::	(5) - غير متزوج ولم يمارس الجنس قط (بشقيه الطبيعي أو الشاذ). - مرتبو 555 بالجديد و 555000 بالقديم - ساكن مايو أربعين مع أمو وأبوهو وأخوانو الستة - آخر حفلة حضرها كانت بصديق سرحان في الدرجة جنب مدرسة الليثي يوم 8/8/88 - لم يذهب للجنوب بالرغم من تدينه ودورات الدفاع الشعبي الثلاث! - مرة فكر (فكر فقط) يغوي الفراشة، لكن خطب الجمعة والجامعة الاسلامية كانن حائط صد منيع (على العموم هو كفّر عن ذلك التفكير بحمار البطري). التعديل الأخير تم بواسطة أبوبكر عباس ; 27-12-2011 الساعة 03:45 PM.
أبوبكر عباس :: كــاتب نشــط::

27-12-2011, 03:17 PM	#[5]
أبوبكر عباس :: كــاتب نشــط::	(6) - أعلن لنفسو فشلو في ممارسة الحياة ورفضه للتكرار الغير مجدي. - بدا تعلم السباحة تمهيدا لحادث الإنتحار الطبيعي يوم 12/12/12 القادم بالرغم من برودة المياه المحتملة. - سرّ في داخل نفسو للإنجاز الذي سوف يحققه بتسليمه لكامل أماناته لله كاملة من غير أي خدش (البلاستيك بتاعها قاعد). البوست إنتهى التعديل الأخير تم بواسطة أبوبكر عباس ; 27-12-2011 الساعة 03:49 PM.
أبوبكر عباس :: كــاتب نشــط::

27-12-2011, 03:25 PM	#[6]
طارق صديق كانديك :: كــاتب نشــط::	يادكتور مساء الخير ياخي جبر ده يعلم الله يزوروا فوقو .. !! في ناس في الدنيا دي فعلا يدهشوك وجبر منهم بدون شك .. !!
طارق صديق كانديك :: كــاتب نشــط::	التوقيع: الشمس زهرتنا التي انسكبت على جسد الجنوب وأنت زهرتنا التي انسكبت على أرواحنا فادفع شراعك صوبنا كي لا تضيع .. ! وافرد جناحك في قوافلنا اذا اشتد الصقيع واحذر بكاء الراكعين الساجدين لديك إن الله في فرح الجموع الفيتوري .. !!

27-12-2011, 03:42 PM	#[8]
أبوبكر عباس :: كــاتب نشــط::	ملحوظة: زيارة سيد جبر لباريس كانت في الحلم
أبوبكر عباس :: كــاتب نشــط::

27-12-2011, 08:23 PM	#[11]
أميرى :: كــاتب نشــط::	الأرقام البي ال كابيتال والتفاصيل البيل إسمول لتر مبعثرة هنا و هناك بعناية تامة ولا ينقص من أناقة الأسطر الغارقة في فضح التاريخ والجغرافيا و علم الجبر و نظريات الإقتصاد و علم الإجتماع والسلوك الإنساني و الدين والحياة _لا ينقص أناقة الأسطر إلا إهداء صغير مغلف و إستيكر صغير علي الجنب علي هيئة مرآة كتب علي زجاجها بحذر (البكيني مقاس٣٤..أما اللون فأخضر فتعلم السباحة سريعا فالموج بين ثناياه الموت ) أعجبت جدا يا بابكر من سخرية درس السباحة إستعدادا للإنتحار المهم فيلم هندي ولا ناكل باسطة؟ التعديل الأخير تم بواسطة أميرى ; 27-12-2011 الساعة 08:25 PM.
أميرى :: كــاتب نشــط::

27-12-2011, 09:10 PM	#[15]
مرافي :: كــاتب نشــط::	عندي سؤال يا بابكر لييه البوست دا في الخاص..؟؟؟؟ عشان ممنوع من الصرف في العام ولا حاجة تانية... كل من كان عندو ضمير بيكون زي بطل القصة جبر... اكثر الله من امثاله...
مرافي :: كــاتب نشــط::	التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ ومَهْدُ المرءِ في أَيدي الروَاقي كنعش المرءِ بينَ النائحات وما سَلِمَ الوليدُ من اشْتكاء فهل يخلو المعمَّرُ من أَذاة ؟ أحمد شوقي [/frame]