المصريون .يعشقون..مصر..ونحن نقول لبلادنا ملعون ابوكى بلد.....! ياللمفارقه

عصمت العالم · 31-05-2006, 07:35 PM

حب المصريون لمصر يفوق الوصف..والتزاامهم بها لا حدود له..ومغتربيهم..فى كل مشارق ومغارب الارض.بمجرد صرف رواتبهم يقومون يتحويلها الى مصر.دعما للاقتصاد المصرى..وهم يعرفون كيفية صرف القرش ..ويسعون لتحسن اوضاعهم المعيشيه والسكنيه داخل مصر وهم على الالاف الاميال فى بعدهم,,قلبهم على وطنهم..ولو توافق وانت مرافق فى اى رحله جويه.والطائره تعبر الى داخل الحدود المصريه.والكابتن يعلن ذلك.تسمع الهتافات .تحيا..مصر..تحيا..مصر..يا حبيبتى.,,يا مصر.....لحظتها يقتلنا الاسى.والحزن..ونحن نردد فى حق بلادنا..
ملعون ابوك.. بلد....
يا خساره...
حتى احساس الولاء ..انحسر فى وجداننا...ونحن نلوم الانظمه وننسى انفسنا باننا من فرطنا فيها وجعلناها..نكره وضياع..وصورناها..صحراء..وجفاف...وعلقنا كل ثقل رفضنا على شماعة الانظمه...لاننا لم نعرف التربيه الوطنيه ولم نعشق بلادنا كما يجب..وتفرقنا فى ارض الله الواسعه,,بقيت علاقاتنا بها للذين غادروها هى زياره خاطفه..
فقط.ولم نسال نفسنا عن حقوق بلادنا...!! وربط وفاء حقوق هذا الانتماء....ويكفى ما نسمعه من تعليق....السودان رهيب.ومتعب...غلاء فاحش..وامراض وملاريات..وحمى..ولا توجد خدمات من الدوله...والكهرباء قاطعه..والصرف تقيل..كل شىء متوفر لكن عايز كاش..والبلد مرعب....ونتخارج بسرعه...

ونسمع صدى..اصوات المصريين..
تحيا..مصر..تحيا..مصر..يا حبيبتى..يا مصر..
و لا نملك غير ان نصمت فى خجل.... وحسره..ويتردد فى دواخلنا ما الفناه..ملعون ابوكى بلد...!!!

muatez jafeer · 31-05-2006, 10:08 PM

استاذ عصمت تحياتى وودى
اكيد مافى انسان بفارق بلدو الا مجبور ، واكيد مافى انسان طبيعى بيحب يكون بعيد عن امو وابوه واخوانو وخلانو واعمامو واصحابو وجيرانوالعاش معاهم فترة حياتو الاولى وهى اهم مرحلة فى تكوين حياة اى انسان ،دى مقدمة لى انو اغلب الناس فارقت السودان مجبورة بعد ان ضاقت بهم كل السبل بسب صراعات ليس للاغلبية يد فيها صحيح انو الوطن مسئولية مشتركة بين الحاكم والمحكوم لكن دا اذا اختار المحكوم الحاكم واذا ادى الراعى حق الرعية فى الاول يعنى ما تنتظر مقابل من مواطن كل الظروف ضده من تسلط قلة قليلة على كل تفاصيل حياته دون ترك فرصة العيش فى مساواة وعدالة الى انانية وجشع اغلب القادة ان لم يكن كلهم .
بعدين الوطن دا هو شنو هل هو الرقعة الجغراقية المحددة ؟ ولا هو رقعة يجب توفر شروط معينة فيها عشان تصبح صالحة لعيشة الانسان .
اها نجى لموضوع المصرين دا ، انا عاشرتهم فى بلدهم وبره بلدهم المصرى يقول ليك مصر الحبيية ومصر ام الدنيا وكلام كتير لكن كدى قول ليهو جيب جنيه عشان فى واحد مصرى عيان حايقول ليك (نعم ياروح امك ) المصريين معانا هنا فى اوروبا اذا ابوه قال ليهو رسل لى قروش بقول ليهو هو مافيش غيرى كل مره ابعت ابعت ماتشوف اخوى الفى السعودية ولاهوانا ابنك الوحيد ، والله دى مواقف حقيقة واناشاهد عليها المصرى همو كلو نفسو ولازم يوفر عشان يعمل شقة يعنى حب البلد دا كيفنو لو حبيت اخوك وابوك ماهم ديل بلدك والله فى سودانيين برسلوا قروش لى جيرانهم واصدقاء خليك من اهلهم والله دى الشعراوى ما يعملا ، والله حب المصريين لى بلدهم دا انا شفتو ماحكو لى كلام بس والمصريين طبعا اشطر ناس فى الكلام مع الزخم الاعلامى حقهم نصدق نحنا السودانيين .
صدقنى يااستاذ حب الوطن نحنا رغم انو عندنا مليون سبب يخلنا نقول ملعون ابوكى بلد لكن دا فى لحظات غضب ساكت والله الواحد اول مايشوف ليهو زول بيشيه السودانيين ساكت قلبو يدق وعينو ترف وتسلم عليهو كانه قريبك وكان وقفت معاهو دقيقتين يطلع من اهلك والعجب كان فى سودانى محتاج مساعدة والله فى ناس يبطلو مصالحهم كلو كلو وفى نظرى دا قمة حب الوطن هو حب الوطن دا كيفنو ؟

د.سيد عبدالقادر قنات · 01-06-2006, 04:51 PM

أقتباس من معتز جعفر::
صدقنى يااستاذ حب الوطن نحنا رغم انو عندنا مليون سبب يخلنا نقول ملعون ابوكى بلد لكن دا فى لحظات غضب ساكت والله الواحد اول مايشوف ليهو زول بيشبه السودانيين ساكت قلبو يدق وعينو ترف وتسلم عليهو كانه قريبك وكان وقفت معاهو دقيقتين يطلع من اهلك والعجب كان فى سودانى محتاج مساعدة والله فى ناس يبطلو مصالحهم كلو كلو وفى نظرى دا قمة حب الوطن هو حب الوطن دا كيفنو

الكلام عن الوطن والوطنية بقي كتير

نعم هو حقوق وواجبات

ولكن لنسأل أنفسنا نحن من دفع لنا الوطن

المليارات حتي صرنا ::::::::

أطباء

وصيادلة

وبياطرة

ومهندسين

وزراعيين

ومهنيين

وحقوقيين

وصناع

وموظفين

وعمالة ماهرة وغير ماهرة

ومغتربين

وساسة

وأقتصاديين

ما ذا قدمنا لهذا الوطن ؟؟؟؟؟؟؟

ملعون أبوكي بلد!!!!!!!!

من يختلس ؟؟

من يغش ؟؟

من يسرق زمن الوطن ؟؟

من يثري علي حساب الوطن ؟؟

من يتهرب من دفع الضرائب والعشور والقطعان ؟؟

من يرفض العمل في الجكو وملكال وحلفا وهيا ؟؟

الجميع طبيب ومحامي وصيدلي ومعلم

يعملون أثناء ساعات العمل الرسمية ،

ولكن بغض النظر عن الأسباب فأنها سرقة للوطن ومقدراته

لماذا لا يقف الجميع ويقولوها بالصوت العالي

أمام الحاكم الظالم ::: أذهب غير مأسوف عليك

لماذا الببكاء والنواح والعويل أن الساسة هم سبب العلة والداء ؟؟

أليس لكل داء دواء ؟؟

الشعب يملك الدواء الناجع الفعال ، ولكن متي يستعملونه ؟؟

ومعذرة لما يأتي تشبيها للمواطن السوداني في زمن الأنقاذ :::

السودان بقي زي حديقة الحيوانات

لأنو الواحد يقوم من النوم زي الحصان

ويمشي الشغل زي الكلب

وفي المواصلات زي القرد

ويشتغل زي الحمار

ويجي راجع البيت زي الغنم

وآخرتها ينوم وسط البقر

هكذا حال المواطن السوداني في عهد

الدولة الرسالية

دولة التوجه الحضاري

دولة ناكل من ما نزرع ونلبس مما نصنع

دولة أمريكا روسيا قد دنا عزابها

نعم نحن نفتقد التربية الوطنية الحقة

نفتقد الضمير الحي والفكر المستنير

ونفتقد ::

لا يغير الله ما بقوم حتي يغيروا ما بأنفسهم

والتغيير هو سنة الحياة

والتغيير سياتي بأيدي الكادحين الغلابة المهمشين

التغيير سيأتي بأيدي الأغلبية الصامتة

وألي ذلك الحين :

نرجو من الجميع غرس بذرة التربية الوطنية

لتحصد أجيال لاحقة ما غرستموه اليوم

يديكم العافية

الوليد عمر · 01-06-2006, 06:00 PM

الأستاذ عصمت
موضوع الوطنية والانتماء من أهم المواضيع التى لم نشتغل عليها نحن السودانيون بجدية..بعكس الاخرين وحينما نقول أخرين نجد دائما فى مصر مثالا جيدا ونزداد ـنبهارا بحبهم لبلادهم ولكننا نغفل دوما عن مايفعله المصرى عندما يربى أبناءه ليشبو على هذا الحب غير المشروط لوطنه وجنسيته.
هل السبب هو ما تقدمه لهم بلادهم؟
لا اعتقد ذلك بالعكس فقد ظلت مصر ولحقب طويلة موطنا للظلم والاضطهاد والطبقية والاستغلال للفقراء .
أذن لماذا يحب المصرى وطنه؟ ولا نفعل نحن؟
ليس المصرى وحده أنما لماذا يحب كل الناس أوطانهم ولانفعل نحن؟
وهل حقا أننا لا نحب بلادنا كما يجب؟
انا أعتقد أننا نحب بلادنا جدا وربما أكثر من كل شعوب العالم...ولكننا شعب لا يجيد التعبير عن المشاعر ولا نجيد أيضا تحويل مشاعرنا ألى مواقف ,,ثم الى سلوك معتاد ويومى ....
الوطنية شئ رائع ولكنها ليست فطرية كما يعتقد الجميع ...الوطنية يتم غرسها فى الاذهان قبل القلوب ولنا أن نضرب مثالا جيدا بالولايات المتحدة ...التى لايزيد عمرها كدولة عن بضع مئات من السنين ...والتى أقامها أغراب على أرض مغتصبة...ولكن كل ذلك لم يعترض نمو الوطنية والانتماء وداخل الناس هناك
أتعرف لماذا ؟
فقط لانهم عملو بجد من أجل ذلك
ونحن ماذا فعلنا رغم كل ما لدينا من تاريخ مشترك وروابط متنوعة؟
لا زلنا لا نملك تعريفا مشتركا وموحدا لبلادنا وهويتنا .
الحل :
أعتقد أننا لابد أن نبدأ من جديد.

عمر صديق · 02-06-2006, 09:32 PM

عزيزى عصمت
احييك على هذا الموضوع
نعم يجب التفريق تماما
بين النظام الحاكم
مها كان جائر
والوطن الذى هو الناس الشجر الاماكن التاريخ الجغرافيا العادات التقاليد
الانتماء وحبنا له المحمول فى الدواخل
ويعنى ترجمة هذا الحب الحب بالتصدى للظلم والاستبداد
للاسف الشديد فى الفترة الاخيرة
حل محل الوطنية والانتماء
الذاتية والانتهازية
ومحل القومية والوطنية
القبلية والجهوية

31-05-2006, 07:35 PM	#[1]
عصمت العالم :: كــاتب نشــط::	المصريون .يعشقون..مصر..ونحن نقول لبلادنا ملعون ابوكى بلد.....! ياللمفارقه حب المصريون لمصر يفوق الوصف..والتزاامهم بها لا حدود له..ومغتربيهم..فى كل مشارق ومغارب الارض.بمجرد صرف رواتبهم يقومون يتحويلها الى مصر.دعما للاقتصاد المصرى..وهم يعرفون كيفية صرف القرش ..ويسعون لتحسن اوضاعهم المعيشيه والسكنيه داخل مصر وهم على الالاف الاميال فى بعدهم,,قلبهم على وطنهم..ولو توافق وانت مرافق فى اى رحله جويه.والطائره تعبر الى داخل الحدود المصريه.والكابتن يعلن ذلك.تسمع الهتافات .تحيا..مصر..تحيا..مصر..يا حبيبتى.,,يا مصر.....لحظتها يقتلنا الاسى.والحزن..ونحن نردد فى حق بلادنا.. ملعون ابوك.. بلد.... يا خساره... حتى احساس الولاء ..انحسر فى وجداننا...ونحن نلوم الانظمه وننسى انفسنا باننا من فرطنا فيها وجعلناها..نكره وضياع..وصورناها..صحراء..وجفاف...وعلقنا كل ثقل رفضنا على شماعة الانظمه...لاننا لم نعرف التربيه الوطنيه ولم نعشق بلادنا كما يجب..وتفرقنا فى ارض الله الواسعه,,بقيت علاقاتنا بها للذين غادروها هى زياره خاطفه.. فقط.ولم نسال نفسنا عن حقوق بلادنا...!! وربط وفاء حقوق هذا الانتماء....ويكفى ما نسمعه من تعليق....السودان رهيب.ومتعب...غلاء فاحش..وامراض وملاريات..وحمى..ولا توجد خدمات من الدوله...والكهرباء قاطعه..والصرف تقيل..كل شىء متوفر لكن عايز كاش..والبلد مرعب....ونتخارج بسرعه... ونسمع صدى..اصوات المصريين.. تحيا..مصر..تحيا..مصر..يا حبيبتى..يا مصر.. و لا نملك غير ان نصمت فى خجل.... وحسره..ويتردد فى دواخلنا ما الفناه..ملعون ابوكى بلد...!!!
عصمت العالم :: كــاتب نشــط::

31-05-2006, 10:08 PM	#[2]
muatez jafeer :: كــاتب جديـــد ::	استاذ عصمت تحياتى وودى اكيد مافى انسان بفارق بلدو الا مجبور ، واكيد مافى انسان طبيعى بيحب يكون بعيد عن امو وابوه واخوانو وخلانو واعمامو واصحابو وجيرانوالعاش معاهم فترة حياتو الاولى وهى اهم مرحلة فى تكوين حياة اى انسان ،دى مقدمة لى انو اغلب الناس فارقت السودان مجبورة بعد ان ضاقت بهم كل السبل بسب صراعات ليس للاغلبية يد فيها صحيح انو الوطن مسئولية مشتركة بين الحاكم والمحكوم لكن دا اذا اختار المحكوم الحاكم واذا ادى الراعى حق الرعية فى الاول يعنى ما تنتظر مقابل من مواطن كل الظروف ضده من تسلط قلة قليلة على كل تفاصيل حياته دون ترك فرصة العيش فى مساواة وعدالة الى انانية وجشع اغلب القادة ان لم يكن كلهم . بعدين الوطن دا هو شنو هل هو الرقعة الجغراقية المحددة ؟ ولا هو رقعة يجب توفر شروط معينة فيها عشان تصبح صالحة لعيشة الانسان . اها نجى لموضوع المصرين دا ، انا عاشرتهم فى بلدهم وبره بلدهم المصرى يقول ليك مصر الحبيية ومصر ام الدنيا وكلام كتير لكن كدى قول ليهو جيب جنيه عشان فى واحد مصرى عيان حايقول ليك (نعم ياروح امك ) المصريين معانا هنا فى اوروبا اذا ابوه قال ليهو رسل لى قروش بقول ليهو هو مافيش غيرى كل مره ابعت ابعت ماتشوف اخوى الفى السعودية ولاهوانا ابنك الوحيد ، والله دى مواقف حقيقة واناشاهد عليها المصرى همو كلو نفسو ولازم يوفر عشان يعمل شقة يعنى حب البلد دا كيفنو لو حبيت اخوك وابوك ماهم ديل بلدك والله فى سودانيين برسلوا قروش لى جيرانهم واصدقاء خليك من اهلهم والله دى الشعراوى ما يعملا ، والله حب المصريين لى بلدهم دا انا شفتو ماحكو لى كلام بس والمصريين طبعا اشطر ناس فى الكلام مع الزخم الاعلامى حقهم نصدق نحنا السودانيين . صدقنى يااستاذ حب الوطن نحنا رغم انو عندنا مليون سبب يخلنا نقول ملعون ابوكى بلد لكن دا فى لحظات غضب ساكت والله الواحد اول مايشوف ليهو زول بيشيه السودانيين ساكت قلبو يدق وعينو ترف وتسلم عليهو كانه قريبك وكان وقفت معاهو دقيقتين يطلع من اهلك والعجب كان فى سودانى محتاج مساعدة والله فى ناس يبطلو مصالحهم كلو كلو وفى نظرى دا قمة حب الوطن هو حب الوطن دا كيفنو ؟
muatez jafeer :: كــاتب جديـــد ::

01-06-2006, 04:51 PM	#[3]
د.سيد عبدالقادر قنات :: كــاتب نشــط::	أقتباس من معتز جعفر:: صدقنى يااستاذ حب الوطن نحنا رغم انو عندنا مليون سبب يخلنا نقول ملعون ابوكى بلد لكن دا فى لحظات غضب ساكت والله الواحد اول مايشوف ليهو زول بيشبه السودانيين ساكت قلبو يدق وعينو ترف وتسلم عليهو كانه قريبك وكان وقفت معاهو دقيقتين يطلع من اهلك والعجب كان فى سودانى محتاج مساعدة والله فى ناس يبطلو مصالحهم كلو كلو وفى نظرى دا قمة حب الوطن هو حب الوطن دا كيفنو الكلام عن الوطن والوطنية بقي كتير نعم هو حقوق وواجبات ولكن لنسأل أنفسنا نحن من دفع لنا الوطن المليارات حتي صرنا :::::::: أطباء وصيادلة وبياطرة ومهندسين وزراعيين ومهنيين وحقوقيين وصناع وموظفين وعمالة ماهرة وغير ماهرة ومغتربين وساسة وأقتصاديين ما ذا قدمنا لهذا الوطن ؟؟؟؟؟؟؟ ملعون أبوكي بلد!!!!!!!! من يختلس ؟؟ من يغش ؟؟ من يسرق زمن الوطن ؟؟ من يثري علي حساب الوطن ؟؟ من يتهرب من دفع الضرائب والعشور والقطعان ؟؟ من يرفض العمل في الجكو وملكال وحلفا وهيا ؟؟ الجميع طبيب ومحامي وصيدلي ومعلم يعملون أثناء ساعات العمل الرسمية ، ولكن بغض النظر عن الأسباب فأنها سرقة للوطن ومقدراته لماذا لا يقف الجميع ويقولوها بالصوت العالي أمام الحاكم الظالم ::: أذهب غير مأسوف عليك لماذا الببكاء والنواح والعويل أن الساسة هم سبب العلة والداء ؟؟ أليس لكل داء دواء ؟؟ الشعب يملك الدواء الناجع الفعال ، ولكن متي يستعملونه ؟؟ ومعذرة لما يأتي تشبيها للمواطن السوداني في زمن الأنقاذ ::: السودان بقي زي حديقة الحيوانات لأنو الواحد يقوم من النوم زي الحصان ويمشي الشغل زي الكلب وفي المواصلات زي القرد ويشتغل زي الحمار ويجي راجع البيت زي الغنم وآخرتها ينوم وسط البقر هكذا حال المواطن السوداني في عهد الدولة الرسالية دولة التوجه الحضاري دولة ناكل من ما نزرع ونلبس مما نصنع دولة أمريكا روسيا قد دنا عزابها نعم نحن نفتقد التربية الوطنية الحقة نفتقد الضمير الحي والفكر المستنير ونفتقد :: لا يغير الله ما بقوم حتي يغيروا ما بأنفسهم والتغيير هو سنة الحياة والتغيير سياتي بأيدي الكادحين الغلابة المهمشين التغيير سيأتي بأيدي الأغلبية الصامتة وألي ذلك الحين : نرجو من الجميع غرس بذرة التربية الوطنية لتحصد أجيال لاحقة ما غرستموه اليوم يديكم العافية
د.سيد عبدالقادر قنات :: كــاتب نشــط::

01-06-2006, 06:00 PM	#[4]
الوليد عمر :: كــاتب نشــط::	الأستاذ عصمت موضوع الوطنية والانتماء من أهم المواضيع التى لم نشتغل عليها نحن السودانيون بجدية..بعكس الاخرين وحينما نقول أخرين نجد دائما فى مصر مثالا جيدا ونزداد ـنبهارا بحبهم لبلادهم ولكننا نغفل دوما عن مايفعله المصرى عندما يربى أبناءه ليشبو على هذا الحب غير المشروط لوطنه وجنسيته. هل السبب هو ما تقدمه لهم بلادهم؟ لا اعتقد ذلك بالعكس فقد ظلت مصر ولحقب طويلة موطنا للظلم والاضطهاد والطبقية والاستغلال للفقراء . أذن لماذا يحب المصرى وطنه؟ ولا نفعل نحن؟ ليس المصرى وحده أنما لماذا يحب كل الناس أوطانهم ولانفعل نحن؟ وهل حقا أننا لا نحب بلادنا كما يجب؟ انا أعتقد أننا نحب بلادنا جدا وربما أكثر من كل شعوب العالم...ولكننا شعب لا يجيد التعبير عن المشاعر ولا نجيد أيضا تحويل مشاعرنا ألى مواقف ,,ثم الى سلوك معتاد ويومى .... الوطنية شئ رائع ولكنها ليست فطرية كما يعتقد الجميع ...الوطنية يتم غرسها فى الاذهان قبل القلوب ولنا أن نضرب مثالا جيدا بالولايات المتحدة ...التى لايزيد عمرها كدولة عن بضع مئات من السنين ...والتى أقامها أغراب على أرض مغتصبة...ولكن كل ذلك لم يعترض نمو الوطنية والانتماء وداخل الناس هناك أتعرف لماذا ؟ فقط لانهم عملو بجد من أجل ذلك ونحن ماذا فعلنا رغم كل ما لدينا من تاريخ مشترك وروابط متنوعة؟ لا زلنا لا نملك تعريفا مشتركا وموحدا لبلادنا وهويتنا . الحل : أعتقد أننا لابد أن نبدأ من جديد.
الوليد عمر :: كــاتب نشــط::

02-06-2006, 09:32 PM	#[5]
عمر صديق :: كــاتب نشــط::	عزيزى عصمت احييك على هذا الموضوع نعم يجب التفريق تماما بين النظام الحاكم مها كان جائر والوطن الذى هو الناس الشجر الاماكن التاريخ الجغرافيا العادات التقاليد الانتماء وحبنا له المحمول فى الدواخل ويعنى ترجمة هذا الحب الحب بالتصدى للظلم والاستبداد للاسف الشديد فى الفترة الاخيرة حل محل الوطنية والانتماء الذاتية والانتهازية ومحل القومية والوطنية القبلية والجهوية
عمر صديق :: كــاتب نشــط::