ما المقصود بهذا ؟

[أبو دعد]

شباب يرخون بناطيلهم فتظهر سواءتهم امام الناس
شاب يليس فى يده سوار من نحاس
شاب يدهن شعره بصورة ملفتة للنظر

[بدور التركي]

القصد واضح وصريح
ما عايزة ليها توضيح

[أبو دعد]

المشاركة الأصلية كتبت بواسطة بدور التركي

القصد واضح وصريح
ما عايزة ليها توضيح

فسرتى الماء بعد جهد بالماء

افصحى .....ماعندها علاقة بعيد الفصح

[بدر الدين اسحاق احمد]

المشاركة الأصلية كتبت بواسطة أبو دعد

شباب يرخون بناطيلهم فتظهر سواءتهم امام الناس

دا إسمو (( سيستم ))

المشاركة الأصلية كتبت بواسطة أبو دعد

شاب يليس فى يده سوار من نحاس

لا يوجد ما يحرم لبس النحاس على الرجال ( زينة مباحة )

المشاركة الأصلية كتبت بواسطة أبو دعد

شاب يدهن شعره بصورة ملفتة للنظر

دهن الشعر جزء من إكرامـه وهى (سنة )

[بدور التركي]

بدر الدين
ليك وحشة
أزيك

[شبارقة]

سلام يا أبا دعد ... وعساك طيب

شاب يليس فى يده سوار من نحاس

عادي جدا ً .. زمان جدودنا وحبوباتنا كانوا بيلبسوا أساور من نحاس لعلاج الرطوبة ... وأتضح علميا ً صحة هذه المعلومة المعدنية ... عشان كده ما في مشكلة إنو الشباب يلبسوا أساور معدنية لعلاج الرطوبة وكدة.

شاب يدهن شعره بصورة ملفتة للنظر

زماان كان الرجال والنسوان بيدهنوا الشعر بالودك ... وكان أحيانا ً يسيل من شعرهم الودك ويتدلى للحنك ... وبرضو عادي .. وبعدين الودك ده بيحمي الشعر من الغبار ومن الشمس وكده ... إذن عادي يا حبيب تلقى ليك شاب مكتر الجل ...

أما دي :

شباب يرخون بناطيلهم فتظهر سواءتهم امام الناس

ما مرت علي وإن شاء الله ما أشوفا ... حيرتني كلو كلو وما ح ألقى ليها أي تفسير أو مبرر.

[أبو دعد]

المشاركة الأصلية كتبت بواسطة بدر الدين اسحاق احمد

دا إسمو (( سيستم ))

سستم يعنى شنو



لا يوجد ما يحرم لبس النحاس على الرجال ( زينة مباحة )

اى زينة فى النحاس تراها و المباح الخاتم و ليس السوار



دهن الشعر جزء من إكرامـه وهى (سنة )

دهنه بماذا و لو ادى ذلك للتشبه بالنساء...( و اذا كان هذا الامر ليس بنية السنة )

برضو نسينا نرحب بعودتك يا بدور

[يحي عثمان عيسي]

أسألوا الانقاذ عن كل المساوئ
فان كان رب البيت للدف طارق وسارق
فشيمة اهل الدار هي الرقص
وطيحني يا جدع

لكم جميعا الود و التحايا

[أبو دعد]

المشاركة الأصلية كتبت بواسطة شبارقة

سلام يا أبا دعد ... وعساك طيب

عادي جدا ً .. زمان جدودنا وحبوباتنا كانوا بيلبسوا أساور من نحاس لعلاج الرطوبة ... وأتضح علميا ً صحة هذه المعلومة المعدنية ... عشان كده ما في مشكلة إنو الشباب يلبسوا أساور معدنية لعلاج الرطوبة وكدة.



زماان كان الرجال والنسوان بيدهنوا الشعر بالودك ... وكان أحيانا ً يسيل من شعرهم الودك ويتدلى للحنك ... وبرضو عادي .. وبعدين الودك ده بيحمي الشعر من الغبار ومن الشمس وكده ... إذن عادي يا حبيب تلقى ليك شاب مكتر الجل ...

أما دي :



ما مرت علي وإن شاء الله ما أشوفا ... حيرتني كلو كلو وما ح ألقى ليها أي تفسير أو مبرر.

الاخيرة دى ياشبارقة مربط الفرس الاتنين الفوق قلنا لتخفيف الصدمة على القارى حتى يجد ما يتفق فيه معنا
بوركت

[أبو دعد]

المشاركة الأصلية كتبت بواسطة يحي عثمان عيسي

أسألوا الانقاذ عن كل المساوئ
فان كان رب البيت للدف طارق وسارق
فشيمة اهل الدار هي الرقص
وطيحني يا جدع

لكم جميعا الود و التحايا

و الناس على دين ملوكهم

[البديري]

شباب يرخون بناطيلهم فتظهر سواءتهم امام الناس

سلام ابودعد موضوع بجد هادف وبعكس مدى التدنى فى سلوك بعض المراهقين من ابنائينا رخى البطلون هو سيستيم امريكى جاميكى قبل كدة سألت جاميكى مراهق لقانى واقف فى محطة bus جا عندى يسأل لو عندى ولاعة بعد ماقلتا ليهو ماعندى قمت قلتاليو ممكن اسألك قال لى جدا قلت ليو بنطلونك دا ناصل كدة لية ؟؟ ولدرجة نصف لباساتك ظاهرة لاحظو مالباس واحد والله العظيم تلاتة لباااسات داخلية الجنى اب رويس كان لابسهم فى سخانة ميامى الاسواه من لهيبنا بعدة الجنى ابرويس ابتسم ابتسامة بلها وقال لى maaan دا استايل (للكينجستر) والباسات التلاتة دى لزوم كل لباس مفروض يكون معلق فيهو مسدس قلت ليهو شكرة للمعلومة القيمة دى وبعدة قم جارى قل لى صحبتى يهديييك جات اكيد عندها ولاعة وآخر كلمة قاله لى هى maan latar

دهن الشعر جزء

ابو دعد دا اسمو جييل (ge"l )ما ودك

[سارة]

المشاركة الأصلية كتبت بواسطة يحي عثمان عيسي

أسألوا الانقاذ عن كل المساوئ
فان كان رب البيت للدف طارق وسارق
فشيمة اهل الدار هي الرقص
وطيحني يا جدع

لكم جميعا الود و التحايا

اخى يحى سلامات واريتك طيب
انا اتفق معك ان للانقاذ مساوئ لا تعد ولا تحصى لكن البنطلون
الناصل دا ماليهو علاقة بالانقاذ..هذه العادة بدت عند الامريكان السود
او ما يسمون بـ الــGang والسموات المفتوحة والفضائيات والتقليد
الاعمى وعدم اهتمام بعض الاسر بتربية ومتابعة ابنائهم
حشر الانقاذ فى الحتة دى لا ارى له مبرر

(ياربى تجعل مداخلتى خفيفة عليهم)

[بدر الدين اسحاق احمد]

المشاركة الأصلية كتبت بواسطة بدور التركي

بدر الدين
ليك وحشة
أزيك

الكريمة ازيك حمدا لله على السلامة ومبروك الرجل زينة الحياة الدنيا
الدعوات ليك ولاسرتك الكريمة كلهم كبار وصغار

[يحي عثمان عيسي]

اقتباس:
المشاركة الأصلية كتبت بواسطة سارة
اخى يحى سلامات واريتك طيب
انا اتفق معك ان للانقاذ مساوئ لا تعد ولا تحصى لكن البنطلون
الناصل دا ماليهو علاقة بالانقاذ..هذه العادة بدت عند الامريكان السود
او ما يسمون بـ الــGang والسموات المفتوحة والفضائيات والتقليد
الاعمى وعدم اهتمام بعض الاسر بتربية ومتابعة ابنائهم
حشر الانقاذ فى الحتة دى لا ارى له مبرر

(ياربى تجعل مداخلتى خفيفة عليهم)


شاحد الله يا سارة احشروك في جحر ضب
كيف ما ليها دخل
الاسر دي الانقاذ خلت ليها وقت عشان تربي فيهو أولادا
ولا ساعدتا في التريبه لي اجيال المستقبل
ارتال من الشباب العطلين
ارتال من الاسرالفقيرة ليها الله بس
140 الف طالب ما لاقين حق الفطور
تقولي لي ما ليها دخل ومال مين ليهو دخل

لك ساره كل الود والاحترام

[سارة]

المشاركة الأصلية كتبت بواسطة يحي عثمان عيسي

اقتباس:
المشاركة الأصلية كتبت بواسطة سارة
اخى يحى سلامات واريتك طيب
انا اتفق معك ان للانقاذ مساوئ لا تعد ولا تحصى لكن البنطلون
الناصل دا ماليهو علاقة بالانقاذ..هذه العادة بدت عند الامريكان السود
او ما يسمون بـ الــGang والسموات المفتوحة والفضائيات والتقليد
الاعمى وعدم اهتمام بعض الاسر بتربية ومتابعة ابنائهم
حشر الانقاذ فى الحتة دى لا ارى له مبرر

(ياربى تجعل مداخلتى خفيفة عليهم)


شاحد الله يا سارة احشروك في جحر ضب
كيف ما ليها دخل
الاسر دي الانقاذ خلت ليها وقت عشان تربي فيهو أولادا
ولا ساعدتا في التريبه لي اجيال المستقبل
ارتال من الشباب العطلين
ارتال من الاسرالفقيرة ليها الله بس
140 الف طالب ما لاقين حق الفطور
تقولي لي ما ليها دخل ومال مين ليهو دخل

لك ساره كل الود والاحترام

انتوا حكاية الضببة الماليه البورد الايام دى شنو
امال شكيتها على الله تاكلنى ضب بالشطة
وانت تحشرنى معاه
سمح يا يحى بلاقيك

الناس يا يحى المالقين حق الفطور ما عندهم فضائيات
وقيل ما عندهم بناطلين والناس الما عندها وقت ديل ناس القروش
يا صاحبى
يعنى الانقاذ دخلها شنو بزول ينصل بنطلونه ولا يمشى من غير بنطلون؟؟
لو قلت لى ظاهرة الدقون والجبهات الفيها نقطة كان بلعت كلامك
لكن بنطلون لا ياخ
شوفوا ليكم بلوى تانية من بلاوى الانقاذ ياخ