يا اسرائيل يضربك الضريب شقاق العناقريب
علوية لبست التوب وهي تتلفت في حسره وتتوعد بكلمات غير مفهمومه (الرد سيكون في الزمان والمكان المناسبين) ذهبت الي الجاره العزيزه آمنة للنقاش والتفاهم والبحث عن مخرج للازمه الحالية بعد تعرض مصنع اليرموك للضرب وتأثر بيوتهم بهذة الضربة عندما دخلت لجارتها وجدت جمهره من نساء الحي وهرج ومرج واقتراحات بمسيره ادانه وشجب لهذه الضربة ورفع ومذكره للأمم المتحدة تمت صياغتها بلغة تحدي واضحه لمواجهه اسرائيل،، بدأت القصه كما تروي احد بنات الحي عند عودتهن من حفل حنة وفجاءة تعرض المصنع لضربات قوية مدويةوقالت بتول نحن نحتفظ بحقنا في الرد في المكان والزمان المناسبين وليس امامنا خيار غير رد الاعتداء با استعمال سلاح (القرص) وهنا تدخلت عفاف وقالت انا خايفة لو ردينا...الاسرائيليين ديل يستخدمو اسلحه محرمه دوليا مثل كسح ومسح بيوتنا ولايزال الحديث لعفاف المتحدث الرئيسي با اسم نساء الحي ان ما نتعرض له من ضربات وقتل لمواطنين سودانيين يفرض علي المجتمع الدولي حمايتنا والايفاء بالتزاماته نحونا كانت لغتها تحمل لهجه قويه ونبرة تحدي وتصعيد ودعوه للرد.طوالي نطت كلتوم وقالت بالله شوفوا لينا ثلاجات كبيره لانو الردود ح تكون كتيره واحفظوها مع ضربة مصنع الشفاء،،اي مكان في السودان دا يحصل فيهو انفجار افتحو التلاجه واحفظوا فيها حق الرد. لحدي ماتشوفوا حتعملو شنو في حكاية الرد دي.ولو عملتو لينا منها آيسكريم حق الرد المحفوظ بنكهه الجوافه.وحق الرد بنكهه الكركدي.وبنكهه البارود، دا كويس في المصران الاعور.وبالله مادام محتفظين بحق الرد السنين دي كلها ماتعملو لينا صندوق بتكونوا كدا عملتو حقوق وصرفه كويسه.ادونا منها الصرفه الاولي وبالعدم كده حق المواصلات انشاء الله.
يا اسرائيل يضربك الضريب شقاق العناقريب
(علي عبدالعزيز أبو )
|
