من ذكريات الزمن الجميل ...

[أبو أماني]

**(الكلام على (الأصـــل)..يا..))**

هاجت بي الشجون ليلة وفاة الأخ والعم والأب والجد المرحوم أبو القاسم الشريف رحمه الله والهمنا وآله وذويه وأحبائه الصبر والسلوان، ومصدر شجوني إسترجعت أحاسيسي ومشاعري ليلة سماع النباء الأليم بوفاة والد الجميع أبا القاسم .. وذكرت لحظة سماع نباء وفاة والدي شهيد الغربة محجوب بابكر السيد رحمه الله حيث لم نعيش لحظات ولم نحضر مراسم جنازته فدفن في الأراضي المقدسة بعيدا عن الوطن .. وكان عزاءنا أن دفن في الأرض الطاهرة التي تضم رفاة أشرف خلق الله .. محمدا صلي الله عليه وسلم .

إنحصرت شجوني .. في دموع حرى ساخنة تنزل في صمت على خديي وأنا أنظر بحسرة للجثمان الطاهر المسجى أمامي للفقيد أبا القاسم .. وتصورت لحظة .. بين زخات الدموع إنه جثمان والدي المحجوب!.. عند لقاء ربه قبل نيف وعشرة سنوات من الآن .. بل بلغت شجوني وأحزاني ذروتها عندما تملكني شعورا قويا بأن الجثتين إتحدتا في تلكم اللحظة الرهيبة .. وإنني اللحظة فقط عشت لحظات وفاة والدي رحمه الله .. وكان شعوري لايقل بل يفوق .. الباكين حولي من فلذات كبده .

وعندما إنفرجت أحزاني قليلا وعدت إلى الله .. إستغفرته تعالى .. وعندها مرّت بخاطري .. مشاهدا جمعتني مع فقيدي الراحل المقيم الوالد .. بداءت منذ فجر طفولتي وحتى مبلغ الرجولة .. وأيقنت بكل أسف .. بأنني لم أكن بارا بأبي .. كما كان يفترض أن يكون! فلطالما أخطاءت في حقه أخطاء فادحة .. وطالما عذبته وخلقت له القلاقل .. وهو الذي دلعني ودللني دلالا .. لم يذقه إبن سواي من أبيه بما فيهم .. إخي الحبيب أبو خليفة الشهير بالحيتيل والذي ذاق حيزا مهولا من الدلع والدلال ولكن أقل مستوى من الإبن العود !!.

فهل تصدقون! .. إن والدي رحمه الله وأنا في السابعة أو الثامنة من عمري ..كان يجلب لي لعبات الأطفال .. التي لم تك تدخل السودان حتى تلك اللحظة ؟؟ .. وبينما كان الأطفال في سني آنذاك يلعبون .. سجك بجك .. ورمة وحراس .. وشدت والضغل .. ويصنعون لعباتهم من (الكوشة)! بجمع (بلي فريد) أي غطاء زجاجات البـيبيــسي .. كان عندي لعبات تشتغل بالزمبلك منها ثور ..ودب .. والبقرة كان العيال من سني يأتون يوميا لبيت جدي بابكر السيد كل مساء .. لمشاهدتها .. وكانت جدتي بت أبوحسبو رحمها الله تحفظها لي في (السحارة ضهر التور!) حل محلها ال.. (كومودينو) حاليا ..خوفا من الضياع أو التلف عقب كل مساء ... وحتى عندما كبرت .. كانت ملابسي منتقاه حسب ذوق الوالد رحمه الله ..فمنها الموهير..والبوبلين والصوف الإنجليزي والجبردين .. وغيره من الملابس الفاخرة .. كان أقراني يلبسون السروال والعراقي بينما كنت اتبختر بفضل الله ثم الوالد بالبيجاما المخططة .. وإنتعل السفنجة في الحي .. وحتى لو سمعت كلمة دوووووول من البعض !!.. أقول حقيقة غير مبال .. فقد كنت في النصف الأخير من الستينات .. أملك مكتبة للمذاكرة فيها (أباجورة) وعند الحمام أستخدم البشكير والبس الروب دي تشامبر .. من القطن .

حتى عندما صرت صبيا .. رحم الله والدي جاء من السعودية .. ولقاني داخل المدرسة الأميرية الخرطوم .. فحولني منها وأدخلني أرقى وأغلى مؤسسة تعليمية آنذاك ..
Comboni College Khartoum
وبينما كان أقراني في الحي في المرحلة الثانوية العليا .. يعتمرون الجلابية والعمة ..كنت أرتدى الشورت وقميص أبيض وعلى الجيب ديباجة بالإنجليزي مكتوب عليها :-
Always better & always more

زاملت فيها وجهاء المدينة .. فكان زملاء دفعتي من العائلات الهاي لايف آنذاك وكنت محظوظا ..إذ لم أزامل صديقي اللدود فتحي مسعد يطراه الله بالخير حيث سبقني إليها بحوالى ست سبع سنوات كده وأقول ست سبع سنوات حرصا منى على عدم الإشارة لعمره الحقيقي .. كاااااك!.

ختاما .. أقول .. لا.. وألف كلا .. فما مات أبا القاسم .. وإسمه يحمله من بعده مزمل والنزير وعثمان وباقي الحرائر .. ولم يمت محجوب وإسمه يحمله الزين وسعادتو والناجي والدكتور والشريف والحيتيل .. و.. البركة في محجوب ناجي وفي محجوب عمر الفاروق ومحجوب معاوية محجوب .. وكل من حمل إسم أبو القاسم أو محجوب .. فهل يمت من خلف كل هؤلاء النشامى ؟؟ أطلت عليكم بأشجاني علها أشجتكم ودمتم يا حبيائب .......
يلا .. تشششاااووو مع صادق مودتي ..

[النور يوسف محمد]

بسم الله الرحمن الرحيم


يا صديق ،

أنت تملك روح مبتسمة ودواخل جميلة ،
تعجبنى قدرتك المدهشة على الإمتاع والموآنسة ،،

وجودك دوما يعطى الألوان بريق

[أبو جعفر]

يا سلام ياخ ... ذكرتنا كورة الشراب ام دومة .. وتكسر تلاتة تنطرد ..

[عكــود]

سلام أبو أماني،

رحم الله أبو القاسم ومحجوب.

واصل في الذكريات يا الزين، فحديثك صادق ولك مقدرة فذّة في رواية الأحداث وإمتاع الآخرين.

تحياتي.

[أبو أماني]

لكم الحب أصفاه .. ودامت المودة بين أهل التواصل .. وإتمني أشوفكم قريب .. وآخدكم بالأحضان .. لكم صادق محبتي وإمتناني ...

[ناصر يوسف]

أبو ناجي سلام ومحبه وشوق

رحم الله الأعمام محجوب وأبو القاسم بواسع رحمته

جميل الحكي لما يجي من قلمك يا زول يا حُلُو يا جميل
أحكي أحكي أحكي ياخ

[بابكر مخير]

وكأنها دعوة صريحة لي بالذات
أن أدخل من جديد
الحبيب "الزين"
يا زين الشباب (ربما في حين)
سلامااااااااااات

و"أبو حلب" خليهو في حاله وإلا بيجيك ويوريك (المكشم بلا بصل)
هي مكشن ولا مكشم

[أبو أماني]

المشاركة الأصلية كتبت بواسطة ناصر يوسف

أبو ناجي سلام ومحبه وشوق

رحم الله الأعمام محجوب وأبو القاسم بواسع رحمته

جميل الحكي لما يجي من قلمك يا زول يا حُلُو يا جميل
أحكي أحكي أحكي ياخ

حبيب ألبي على قول أهلنا الشوام .. الفنان الشامل ناصر .. يا أخي شهادتك والله فخر لي ليوم الدين .. (حرف الياء مكسور ما تعملها فتحة) عارفك غاوي دين زي أخوك !!.. لك الحب أكمله والشوق أرفعه .. ولنا لقاء بالأحضان بإذن الرحمن .. وكلماتك العطرة تجعل كلماتي خرساء ..

[أبو أماني]

المشاركة الأصلية كتبت بواسطة بابكر مخير

وكأنها دعوة صريحة لي بالذات
أن أدخل من جديد
الحبيب "الزين"
يا زين الشباب (ربما في حين)
سلامااااااااااات

و"أبو حلب" خليهو في حاله وإلا بيجيك ويوريك (المكشم بلا بصل)
هي مكشن ولا مكشم

وكأنك تعلم يا رجل ما بدواخلي كما قلت لك من قبل .. فهي والحق دعوة مفتوحة لك للعود من جديد !! فسودانيات دونك خواء.. والسودان سواء.. وعلني غازلتك في البوست القديم حق أشتر .. عودوا إلينا من جديد كما عهدناكم أحبابنا فوالله .. الحياة بدونكم ليست لها طعم .. أعيدوا معنا الزمن الجميل ودعونا نستعيد بريق سودانيات الذي عرفت به سابقا .. ألا رحم الله خالدا .. فقد كان يهل علينا تارة كالنسمة الخريفية الدعاش .. وتارة كالتوكسيدو .. وكنا في كل تارة سعداء .. أخونا .. أبونا .. وليدنا ..حبيبنا .. ود مخيير .. لك الحب ولنا الصبر ..

[بابكر مخير]

المشاركة الأصلية كتبت بواسطة أبو أماني

**(الكلام على (الأصـــل)..يا..))**





حتى عندما صرت صبيا .. رحم الله والدي جاء من السعودية .. ولقاني داخل المدرسة الأميرية الخرطوم .. فحولني منها وأدخلني أرقى وأغلى مؤسسة تعليمية آنذاك ..[/B][/COLOR][/SIZE]
Comboni College Khartoum
وبينما كان أقراني في الحي في المرحلة الثانوية العليا .. يعتمرون الجلابية والعمة ..كنت أرتدى الشورت وقميص أبيض وعلى الجيب ديباجة بالإنجليزي مكتوب عليها :-
Always better & always more

زاملت فيها وجهاء المدينة .. فكان زملاء دفعتي من العائلات الهاي لايف آنذاك وكنت محظوظا ..إذ لم أزامل صديقي اللدود فتحي مسعد يطراه الله بالخير حيث سبقني إليها بحوالى ست سبع سنوات كده وأقول ست سبع سنوات حرصا منى على عدم الإشارة لعمره الحقيقي .. كاااااك!.

يلا .. تشششاااووو مع صادق مودتي ..

دي ذي قصة "حنكوشاً" هو من عمرنا وأظنهو قبالنا كتيييييير (ما تقول ليا ذي منهو) قال هو أصله إسمه لؤي لكن عشان يكفوا العين سموهو "آدم "، بيحكي وقال عن السمعه؛ أنه إتولد في الخرطوم كلينك في العمارات ووكتها ما كان في عمارات ظاتها وأنه بداء تعليمه في روضة أبلة سعدية الفي المنشية والوسطى في الضو حجوج وهو الضو حجوج الله يرحمه ظنيتهو كان دفعته والثانوية كان مع أبهو في الغربة في أمريكا وقرآ في بيفرلي هيلز بوردينق اسكول ولمن رجعوا السودان دخل الكمبيوتر مان (لا حول لله) حيث أتم دراسته في علم الحاسوب (وهو كان في وكتها دآك غير حاسوب ال CIA الشفناهو في 007)..
قال كمبوني ليييييييييه بث، ما كان تقول الشويفات..
آحييييييييييييي من دآ

[أبو أماني]

المشاركة الأصلية كتبت بواسطة بابكر مخير

دي ذي قصة "حنكوشاً" هو من عمرنا وأظنهو قبالنا كتيييييير (ما تقول ليا ذي منهو) قال هو أصله إسمه لؤي لكن عشان يكفوا العين سموهو "آدم "، بيحكي وقال عن السمعه؛ أنه إتولد في الخرطوم كلينك في العمارات ووكتها ما كان في عمارات ظاتها وأنه بداء تعليمه في روضة أبلة سعدية الفي المنشية والوسطى في الضو حجوج وهو الضو حجوج الله يرحمه ظنيتهو كان دفعته والثانوية كان مع أبهو في الغربة في أمريكا وقرآ في بيفرلي هيلز بوردينق اسكول ولمن رجعوا السودان دخل الكمبيوتر مان (لا حول لله) حيث أتم دراسته في علم الحاسوب (وهو كان في وكتها دآك غير حاسوب ال CIA الشفناهو في 007)..
قال كمبوني ليييييييييه بث، ما كان تقول الشويفات..
آحييييييييييييي من دآ

هههههههااااي .. والله كيفتني تب .. بس ما تنسى حاجة ..حتى لو كان كلامي ده نجر وشتل..برضو معقول أو قريب من الإحتمال!.. لاني ما زي معظم الناس .. الجات للخرطوم من بره ..أنا يادوك أكترمن عشرة من جدودي وأسلافي من مواليد الخرطوم ومدفونين بالخرطوم.. وأسلافي أسسوا الإغتراب من مصر للسودان ومن السودان لشتى بقاع العالم .. وحاجة بسيطة بقولها ليك .. في الستينات .. كان عمري كم طاشر كده .. أذكر إني كنت برتدي بعد الحمام (روب دي تشامبر)! طبعا بتعرف الروب ده! أو تكون سمعت بيهو لما كبرت شوية!! أفتكر أياميها إنتا والحلبي بتاعك ده .. حايمين بالعراريق والسراويل الدمورية تقول لي شنو؟؟ تقول لي منو .. ؟ وتقولي لؤي الكان إسمو آدم ..؟ على فكرة إسمي للجد العاشر ما فوقه آدم رغم إنه أبو البشرية ..فمحسوبك..زين العابدين محجوب بابكر السيد على أبو على الشريف عبد الخالق منصور ... كفاك ولا أزيدك؟.. عالم ما تجيش غير بالشخيط ... كااااااااااااااااك !!!

[أبو جعفر]

المشاركة الأصلية كتبت بواسطة أبو أماني

هههههههااااي .. والله كيفتني تب .. بس ما تنسى حاجة ..حتى لو كان كلامي ده نجر وشتل..برضو معقول أو قريب من الإحتمال!.. لاني ما زي معظم الناس .. الجات للخرطوم من بره ..أنا يادوك أكترمن عشرة من جدودي وأسلافي من مواليد الخرطوم ومدفونين بالخرطوم.. وأسلافي أسسوا الإغتراب من مصر للسودان ومن السودان لشتى بقاع العالم .. وحاجة بسيطة بقولها ليك .. في الستينات .. كان عمري كم طاشر كده .. أذكر إني كنت برتدي بعد الحمام (روب دي تشامبر)! طبعا بتعرف الروب ده! أو تكون سمعت بيهو لما كبرت شوية!! أفتكر أياميها إنتا والحلبي بتاعك ده .. حايمين بالعراريق والسراويل الدمورية تقول لي شنو؟؟ تقول لي منو .. ؟ وتقولي لؤي الكان إسمو آدم ..؟ على فكرة إسمي للجد العاشر ما فوقه آدم رغم إنه أبو البشرية ..فمحسوبك..زين العابدين محجوب بابكر السيد على أبو على الشريف عبد الخالق منصور ... كفاك ولا أزيدك؟.. عالم ما تجيش غير بالشخيط ... كااااااااااااااااك !!!

كان درت العديل والزين .. تعال آآآآزول ..
وكان درت الكعب والشين .. أرح أأأزول..

[هشام ديدي]

وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرً.

اسلافك والدينك ..

[بابكر مخير]

المشاركة الأصلية كتبت بواسطة أبو أماني

..فمحسوبك..زين العابدين محجوب بابكر السيد على أبو على الشريف عبد الخالق منصور ... كفاك ولا أزيدك؟.. عالم ما تجيش غير بالشخيط ... كااااااااااااااااك !!!

والحكمة أني ذي ما عرفني ود ود بدري "شوقي" في أول أيام يأني (غرابي) وإسمي الأول تلقاهو كتير عند أهلي الزغاوة وبعدها، ابراهيم أبو القاسم ابراهيم حمدون سبت النور وجاء إسم "مازن" ناطي ما تعرف قصته شنهو!؟
لكن برضي قياااااااااافة وفايت الناس مسافة، شعري لمن كان في!!
بتسرح بالفرشة ويدهن بي ياردلي والشورت من محل ميفير والشبط من الأفندي والحلاقة في صالونا عبده في عمارة أبو العلا.
شفت كيييييف.. وبرضه تقول ليا بالأسماء تكرم البشر،،
ما هو فتحي دآك إسمه "شرط" وطبعه "مغلق" وإتا الزين وطبعك شين..
وتقول لي منهو وتقول لي شنهو

[فتحي مسعد حنفي]

المشاركة الأصلية كتبت بواسطة بابكر مخير

والحكمة أني ذي ما عرفني ود ود بدري "شوقي" في أول أيام يأني (غرابي) وإسمي الأول تلقاهو كتير عند أهلي الزغاوة وبعدها، ابراهيم أبو القاسم ابراهيم حمدون سبت النور وجاء إسم "مازن" ناطي ما تعرف قصته شنهو!؟
لكن برضي قياااااااااافة وفايت الناس مسافة، شعري لمن كان في!!
بتسرح بالفرشة ويدهن بي ياردلي والشورت من محل ميفير والشبط من الأفندي والحلاقة في صالونا عبده في عمارة أبو العلا.
شفت كيييييف.. وبرضه تقول ليا بالأسماء تكرم البشر،،
ما هو فتحي دآك إسمه "شرط" وطبعه "مغلق" وإتا الزين وطبعك شين..
وتقول لي منهو وتقول لي شنهو

تعرف يابابكر الزين دا بذكرني أخونا ترفس لامن كان في براغ وجا أبوهو وأمو في زيارة..أبوهو قال لينا ياولادي أخوكم دا أنا عارفو غبي وما بنفع في قراية أحنا جبناهو هنا عشان يتدردح ويتعلم من ولاد الناس الطبع السمح..
أهو الزين دا دخلوهو أهلو كمبوني عشان حاجات كدا ما بقدر أقولا عشان برضو بيناتنا عيش وبيرقر..