يا لهذا الصباح المجوبك !

[imported_خضر حسين خليل]

لو يصبح الشعراء حكاماً
هذا التاريخ يسجل يا بنتي
هل حدثت معركة بين الشعراء ؟
وتعدت بيتاً من عتب
أو سطر هجاء ؟


ـــــــــ
حميد (لقاء اذاعي مع العريف حطاب)




و

للوحة قصة :

رسمها صديق عزيز كان رهن الإعتقال . كان يومهاً ملازماً (بقواتهم المسلحة) ولا أدري كيف تسرب لذاك الكيان في وقت صارت أمور بلادنا بالمقلوب !! والعبور لكلية كتلك كانت تحتاج لمثل من هم في مقام صاحبنا لمعجزة حقيقية لكنهم سرعان ما إكتشفو أمره ليذهب صاحبي في جولة لجميع السجون من لدن تلك التي شيدها المستعمر لسجن أبناء وطننا إلي تلك السجون التي شيدها أبناء جلدتنا لسجن بني جلدتهم سجيناً ولا أعز !!!

في سجن ما وجد صاحبي بعض سجانين لطفاء !!
فسألوه بأدب عسكري جم :
سعادتك داير حاجة من برة ؟
فأجابهم بهدوء :
ورق أبيض وأقلام رصاص

عامان بالتمام والكمال قضاها صاحبي رسماً ونحتاً! عامان كاد صاحبي فيها أن ينسي لون الشارع وطعم الأشياء
يوم أن خرج خصني بهذه اللوحة ومن يومها احملها معي أينما قادني (الرزق الموكر) وما أن إستقر حتي تجده يقاسمني (نبق) الحياة ووحشة الأيام .

فيا لهذا الثمانيني البائس كلما رأيته غصت مرةً أخري في خيال (فيكتور هيجو) وهو يكتب عن البؤساء !! فهل مر (فيكتور) من سجن صاحبي أم أن العجوز مر من هناك قبل أن أعلقه لوحةٍ في جدار غربتي ؟

حقاً إنها الحيرة !





ــــــــــــــــ
للناطقين بغيرها :

مجوبك : من الجوبيك والمعني واضح



والله في !

[imported_أبو خليفه]

المشاركة الأصلية كتبت بواسطة خضر حسين خليل

للناطقين بغيرها :

مجوبك : من الجوبيك والمعني واضح

الله في !

مجوبك جوباك تقيل ياخضر

برا فكي


مبدع هو في قفصه

[imported_خضر حسين خليل]

المشاركة الأصلية كتبت بواسطة أبو خليفه

مجوبك جوباك تقيل ياخضر

برا فكي


مبدع هو في قفصه

بلا شك يا ود خليفة مبدع للغاية حتي وهو في قفصه ! تري كم من اللوحات التي رسمها الناس داخل تلك الأقبية ولم تري النور ! ياخ هذه الحياة غريبة في فكرتها !

ولا السجن ولا السجن
ولا السجان باق !

شكري لمرورك من هذا القفص

[imported_Rihab Khalifa]

والله يا خضر الجوباك اصله ما خاتينا

صباحاتك بيض ان شاء الله دايما و صاحبك الرسام

[imported_باسط المكي]

خضر
تحياتي..الصباح المجوبك بس .
ياخي انا لي سبعة سنين مجوبك
جوبيييييييييييييك .شديد
سكنا سكزن

[النور يوسف محمد]

بسم الله الرحمن الرحيم
خضر العزيز
.......................
على مرافئ حيرتك الوفية
تسافر مثل هذه النقوش
عبر كل لاءات الزمان والمكان والخيال
فلا عجب أن تجد عندك متكئاً وهيطاً
............
تذكرت
واللوحة تطالعنى
مجلة الشعلة والتى كنا نحررها فى المتوسط
أنا وصديقى (.... ) والذى صار أيضاً ملازماً فى (قواتنا المسلحة)
وزار هو السجن أيضاً مهضوم الحقوق
أمن تلاقٍ أم هى الخواطر والذكريات !!
.....................................

كان يومهاً ملازماً (بقواتهم المسلحة) ولا أدري كيف تسرب لذاك الكيان في وقت صارت أمور بلادنا بالمقلوب !!

الصاغ محمود طه أبوبكر , الحسين الحسن
عمر الحاج موسى , عوض أحمد خليفة
نجوم أضاءت (وادى النيل ) من سماء (وادى سيدنا )
لكن !!!!
صدقاً أخى الفاضل فإن أمور بلادنا أرهقتها (شهوة ) السلطة

دمت متألقاً

[imported_خضر حسين خليل]

المشاركة الأصلية كتبت بواسطة Rihab Khalifa

والله يا خضر الجوباك اصله ما خاتينا

صباحاتك بيض ان شاء الله دايما و صاحبك الرسام

والله الجوباك حاصل يا رحاب
غايتو ربك يجيب الريح سريع ! كان نلقي جيهة تلمنا !


شكراً رحاب

[imported_abu qusai]

للناطقين بغيرها :


[font=Simplified Arabic]سلام يا خضر ... مسكانقا هكرفي

نفهم من كده أنك مصنف نفسك من الناطقين بها واللا شنو ؟؟؟ خليتني أضحك زي المجنون ..

لك التحية يا رفيق .

أبو قصي[/font]

[imported_أسامة معاوية الطيب]

رائع وجميل كل صباح
بقيت استناك ... مادام شح في الدنيا اللقا خلينا نقراك

قت لي للناطقين بغيرها ؟ انتظرتك تقول المستشرقين يا خدر ؟

ياخي والله ليك ولأدب السجون و(جنابو) تحياتنا كلها

[imported_خضر حسين خليل]

المشاركة الأصلية كتبت بواسطة باسط المكي

خضر
تحياتي..الصباح المجوبك بس .
ياخي انا لي سبعة سنين مجوبك
جوبيييييييييييييك .شديد
سكنا سكزن

ما عارف يا باسط زي ما قلت لي هناك
كلما جيت قريت كلامك دة قعدت أضحك
في حاصل الحاصل !
اتاري الدنيا كلها مجوبكة ياخ

غايتو الله كريم

[شليل]

بمناسبة الجوبيك ده يا ولد أبوك
اللوحة ما ظاهرة عندي
ممكن تتكرم وترفعا تاني

[imported_خضر حسين خليل]

المشاركة الأصلية كتبت بواسطة شليل

بمناسبة الجوبيك ده يا ولد أبوك
اللوحة ما ظاهرة عندي
ممكن تتكرم وترفعا تاني

أها يا ود ابوك
رفعناها ليك تاني


ودة الرابط
http://photos-h.ll.facebook.com/phot...43775_3832.jpg

[imported_قمر دورين]

[align=center][/align]

[align=center]نظرت من خلال النافذه ببصري لتستنير بصيرتي، عندها قلت..

يااااااااااه يا لهذا الصباح(..........)!!!!!

هنا يا أخ خضر سيتولّى (الصباح ) ملؤ فراغه بنفسه حتى تمام صعود الشمس في كبد السماء !!!

تحيّاتي [/align]

[imported_مواطن]

الأخ خضر ..
ثلاث لوحات أراهن هنا ، المئوى طليق السجين ، ولوحات رفاقي المنمقة لهذا البوستر ولوحة قمر دورين التي فتحت بها نافذة صباح مشرق بالأمل وعقبال الوطن.
دامت بك المحبة

[imported_خضر حسين خليل]

المشاركة الأصلية كتبت بواسطة النور يوسف محمد

بسم الله الرحمن الرحيم
خضر العزيز
.......................
على مرافئ حيرتك الوفية
تسافر مثل هذه النقوش
عبر كل لاءات الزمان والمكان والخيال
فلا عجب أن تجد عندك متكئاً وهيطاً
............
تذكرت
واللوحة تطالعنى
مجلة الشعلة والتى كنا نحررها فى المتوسط
أنا وصديقى (.... ) والذى صار أيضاً ملازماً فى (قواتنا المسلحة)
وزار هو السجن أيضاً مهضوم الحقوق
أمن تلاقٍ أم هى الخواطر والذكريات !!
.....................................

الصاغ محمود طه أبوبكر , الحسين الحسن
عمر الحاج موسى , عوض أحمد خليفة
نجوم أضاءت (وادى النيل ) من سماء (وادى سيدنا )
لكن !!!!
صدقاً أخى الفاضل فإن أمور بلادنا أرهقتها (شهوة ) السلطة

دمت متألقاً

عزيزي النور
تحياتي وعميق الاحترام
الحيرة يا صاح بقت موزعة في خلايا الدم ! في حاجات غريبة بتحصل قبل شوية كنت بقرأ يا النور في لقاء صحفي مع الدكتورة إحلام حسب الرسول وهي أستاذة تاريخ في جامعة من الجامعات السودانية إنتقلت بثبات لتكون إحدي نزيلات مستشفي الامراض النفسية ! إحلام دي طرحت حاجة عجيبة طالبت بعودة المستعمر عديل ! وطرحت رؤيتها مستندة علي أسانيد عدة فما كان من السلطات السودانية الا أن أودعتها مستشفي الامراض النفسية !
في حكاية احلام دي أنا شفت حكايات كتيرة لمليون إحلام ومليون حلم !
ياخ بلادنا هذه عصية للغاية علي الفهم والتناول المنطقي .
شاكر لعبورك من هنا يا صاح والله في !