حفرة دخان سكينة بت ود جيب الله

imported_طارق جبريل · 15-08-2010, 12:31 PM

(1)

سكينة يا الحبان مرتا زيني وليها رفقات دايما متلمات في الخير..
الشي السمح في الحلي أليلن..
ان بقى في خبر شين في الحلي تلقاهن واقفات ومتحزمات...
وفوق دة ودة خبارات الحلي كلها عندهن..
ليل ونهارن مع بعض...
الخضار يمشن سوا..
ابن بقت دايرات يدققنلهن مريق ولا قمح يمشن سوا ويقعدن في بنابر الطاحونة
لامن الحسين ود بابكير يدققلهن دقيقن ويرجعن لي بيوتن..
اصلو كل شي يسوينو مع بعض..
حتى الطلح أليلن والشملات والنُطُع خاتاتنو عند سكينة..
ان بقى في مرتا في الحلي شاكلتلها وحدي فيهن الله قال بي قولها
سرهن كله بيناتن..
أهلن بقوا أهل بعض..
إن بقى واحدي فيهن جاها زول من البلد تاني يوم يتلمن عندها
وكل واحدي تجيب صينيتها وقهوتها ويكرمن الضيف أليلا
الماهن مع بعض كدي شن مع انه كل واحدي فيهن راسها براهو
تسمعن يتغالتن تقول بالله حا يمعطن بعض..
شويتين تسمع فيهن يشربن في قهوتن..
لا تعرفن متحاربات لا تعرفن متصاحبات..

imported_طارق جبريل · 15-08-2010, 12:32 PM

(2)

سكينة بت حُومد احمد ود جيب الله
جات الخرطوم مع راجلها من مروي..
شايقيي مشلخة تلاتة شلوخ عرااااااض..
لونها قمحي وليها مساير جادعاهن لي وراء
وليها شلاليف مدقوقات بالأسود
وليها عيونا غلاد ونخرة سوالا فيها زمام
سميحي تحمد ربها... ورجليها دايما ممسحاهن بالكركار..
ودايما تراري وتشبه روحها..
عندها المحن.. دايما تلقى النسوان متلمين فوقها..
عند حسن بتاع الخضار ياخدن ونستن معاها ويقطعن زييييين حتين يمشن علي بيوتن..
راجلها من طريف نوري.. شغال عطشقي في السكة حديد

imported_طارق جبريل · 15-08-2010, 12:32 PM

(3)

خادم الله بت عبد الله ود صالح..
مرتا مرهة وطويلي..
وليها يدينا طواااااااال
وضُعُووووويفي ان بقى ما الشطور وشوية لحيمات من لاااوراااا كان تبقى علي خشبة الأبلكاش..
ومشاطها آآبتخليهو يتملو تلاتة شهور وكل مرة تنادي فاطني بت خليل فشان تنقضو وتمشطها من جديد
دنقلاويي من ناوا...
عندها لسان اطرق وغالات ودايما حسوسها مالات الحلي..
ان بقيت قلتلا السماء دة ازرق وفوق اللرض.. تقولك وحات نضري السماء احمر وما بعيد بالحيل
راجلها ابن عمها وشغال عامل في الهيئة القومية للكهرباء والمياه...

imported_طارق جبريل · 15-08-2010, 12:33 PM

(4)
البتول بت محمد كُبُر..
من ركابية بارا..
سمممممممحي وعاجباها روحها
ليلها ونهارها تخت في الحني وتلقط في حواجبينها
والكتفين دايما عريانات حتى تحت التوب تشوف فيهن يلمعن من الدلكي
ومن تصبح تلتخ وشها باللخوخة حتى تشوف دايري تسوي شنو في التُكل أليلا..
انت بقيت نغزتها بي شي ماهو ياهو تقولك: قادر الله أنا بت بارا بت الرمال والتبلدي
تدخل بيتها دة ان بقيت من شربت القهوة بالهبهان واكلتلك شي آآبتخليك تمرق من عندها
راجلها من النهود مغترب في قطر.. شغال مع الجيش القطري

imported_طارق جبريل · 15-08-2010, 12:33 PM

(5)
آمنة بت محمد أحمد ود الخواض..
جعليي من سقادي..
ليلها ونهارها وصيف وشتاء لابسي الأبيض
تقول الناس القاعدين يموتوا في الدنيا دي كلهم قرايبها
راجلها ود عمها خضرجي في سوق الزنك في الخرطوم
مرتا كريمة وصينيتها دايما ملياني وخمجانة
لكن يا ويل نسوان الحلي ان بقت ماتلها زول وما جن باكنها
وكتين تتشمطلها مع مرة من الحلي.. تلقى النسوان كلهن يجرجرن فيها
فشان يدخلنها بيتها.. وتسمع فيها تكورك: انا بت الجعليين بت سقادي تقولي لي كدة
اصلها غير اللوم والحِدْ آآبتعرف شي..

imported_طارق جبريل · 15-08-2010, 12:34 PM

(6)
السُرة بت حاج النعيم
رباطابية من ابو حمد
لسانها علي ود الزومة
اصلو لا بيعجبها العجب ولا الصيام في رجب
اي شي في الحلة عندها فيهو راي
وليلها ونهارها تنقنق
وتحب القطيعة والخبارات زي عيونا
الشمار دة تفتش عليه من بداية الحلة لي نهايتها
فشان كدي وكتين تجي تنوم تسمع الشخير أليلا لي الشارع التالت
ممصرنة من لحم الدنيا وليها رجلين مكلوجات ومعوجات علي مفرمة الخُضرة
متزوجالا جعلي من بربر عندو كارو يشيلبو السلع من السوق العربي لي دكاكين القطاعي

imported_سمراء · 15-08-2010, 12:39 PM

جيدن جيت ياود جبريل

اشتقنا لى حكاويك
ياود حاجه سكينة

imported_طارق جبريل · 15-08-2010, 12:43 PM

(7)
-كو كو كو
سكينة: منو الفي الباب
- آمنة: امرقي يا خرابة الخضار بيكمل علينا
- سكينة: اصبري اللفح توبي جاياكي
- آمنة: استعجلي خادم الله والبتول ام لخوخة والسرة قبيل سبقننا
- سكينة: عاد هن بيقدرن يلاكي امسكي القفة النسد الباب
دحين ام توب لبني وتجدع في يدينا علي ستاير الرطشة دي منو آآآمني
- آمنة: منو غير البتول البتتفدع ما ياهو مشيها
- والله عفيت منها دايما نايري وقلبها ميت
- آمنة: نان قلبها كيفن آآبيموت الراجل يشيل ويخم ويرسلها من قطر.. تسكت تحمد ربها
- سكينة: كيف اصبحتن.. حسن ازيك
- حسن بتاع الخضار: اهلا بالشايقيي القاهري
- سكينة: الشق اليقطع لهاتك
- حسن: ههههههههههههه والله اماني مداعاتك ماها سمحي
- سكينة: كدي خلني من النضمي القاطع اللهجي دة
الخضار دة مالو مضبلن كدي والعجور علي ضُنب الكديس كدي
- حسن: وحاتك يا الشايقيي جايي من توتي هسي
- السرة: توتي اليخموك فيها هسي دي خضرة دي ولا الجرجير الممصرن دي يودوهو وين
- حسن: عاد أنا زرعته يا السرة
- البتول: هوووي شيلن خضاراتكن فسراع انا دايراكن في غرض
- خادم الله: (بصوت عالي) في شنو يا البتول.. لا يبقى ناس قطر هههههههههه
السرة: اها قامت علي الطروقيي شيلي خضارك وتعالي منجري

شالن خضارن وغشن احمد الجزار شالن لحمن وجن ماشات

-سكينة: البتول مالك خير
- البتول: خير يا الشايقيي.. الراجل جايي باكر ودحين انا دايري اجهز
- آمنة: انت من بتين ماكي جاهزي ليلك ونهارك تتلتخي وتمعطي في كرعينك
- خادم الله: اها قمتي علي طروقية الجعليين
- سكينة: ههههههههه يا اخوانا روقو النسمعها دايري تقول شنو

وقفن النسوان الخمسة تحت نيمايات ناس خادم الله وكلو واحدي شايلالا قفة
المارق منها عجور والطالع منها ربطة خضرة والفيها بصلا اخضر
البتول: يا اخوانا الليلة ولعوا الدخان بدري دايري آخدلي تلات اربعة كبات في الطلح
والرسول يا سكينة تشدي معاك الحلاوة في علبة النيدو الكبيري
السرة: قادرة الله باقيلي ماكي دايري تشهديهو.. يا خرابة الراجل بيجي فتران هههههههه
- آمنة: انت عاد بري منكن
- خادم الله: باقيلي داير تعدمي الجسم الصوفاي.. الخوف بعد دة كله مواسيرك يشرشرن
من لااااااااااتحت وتبقي زي نقاع الزير مع جية الراجل ههههههههه
- سكينة: بري بري بري منك يا خادم الله اصلها طروقية الجن
- السرة: ههههههههه عاد ان نقاع الزر حقها بدا بكرة يمين الراجل عل يسعر ضُمة ضُمة
- البتول: انتن جنيتن انا الاسبوع الفات يا دابي نشفت
- آمنة: قادر الله باقيلي ظابطاها مع جية الراجل
- البتول: لا تكتروا الحجي شي.. الليلي دايري اتفسخ واتمعط زين فشان كدي ابدوا بدري
- خادم الله: (اخدتلها سفة من حقتها) بت الغلفا مكوفري باقيلي
.....

imported_طارق جبريل · 15-08-2010, 12:50 PM

اقتباس:

المشاركة الأصلية كتبت بواسطة سمراء

جيدن جيت ياود جبريل

اشتقنا لى حكاويك
ياود حاجه سكينة

يا خرابة انت حيي
ههههههههههه
رمضان كريم
تصومي وتفطري علي خير

imported_أزهري سيف الدين · 15-08-2010, 08:30 PM

طارق يا مبدع …

أكتب يا طارق .. يمكن يجي يوم ما نلقي الكلام دا الا في الورق .... ( دا لو ما كان جا اصلا)

واصل سردك الممتع ..

مع تحياتي

imported_الهادي قنديل · 15-08-2010, 10:16 PM

حبيبنـا طارق جبريل

تصدّق اخوك عـاكس البرنــامج في رمضان دا .. ليلي نهــار ونهاري ليل
يعني ياسيدي حفرتك دي بنجي نقراها بعد المغرب.. حتى لا تصيب صيامنـا نيران حفرتهّن

واصل يا ود جبريل

imported_قرقاش · 16-08-2010, 07:58 AM

الحبيب طارق جبريل ..
متابعين ... وربنا يكفينا واياك .. شر الهمزه اللمزه واهل الهمزه على نبره ..
حاولت فى بوستات اخرى فى منتدانا هذا ان اقول ..ان لدينا لغه سودانيه مولوده من رطانه العرب ..
ولااجد دليل على صحه كلامى باننا لدينا لغه سودانيه مكتوبه ومنطوقه غير هذا الذى كتبته ..
اما عربى جوبا داك ...خلى ساكت ..واصل ياحبيب ..

imported_نبراس السيد الدمرداش · 16-08-2010, 09:25 AM

ود جبرين يا مسخوت
رمضان كريم
مشتاقين والله

غايتو نقة طاعمه و ريحتا طاقه

imported_عثمان · 16-08-2010, 09:52 AM

يا طارق
ياخي لما تكتب أنا بحس الأحداث
دي بتتصور قدامي
الله يديك العافية حكي طاعم والله
كل سنة أنت وأسرتك بخير وعافية

imported_سارة · 16-08-2010, 09:59 AM

ود جبرين يا مطوفش

يجازى محنك نعلك طيب آجنا
وانا باقيللى رمضان متلوم معاك
عقابك كيفنو
اسمع نصيحتى
مباراتك لنقة الحروم دى يوم بتجيب اجلك

انا غايتو كان ما الليل انتلت مانى داخلة ضومة

15-08-2010, 12:31 PM	#[1]
imported_طارق جبريل :: كــاتب نشــط::	حفرة دخان سكينة بت ود جيب الله (1) سكينة يا الحبان مرتا زيني وليها رفقات دايما متلمات في الخير.. الشي السمح في الحلي أليلن.. ان بقى في خبر شين في الحلي تلقاهن واقفات ومتحزمات... وفوق دة ودة خبارات الحلي كلها عندهن.. ليل ونهارن مع بعض... الخضار يمشن سوا.. ابن بقت دايرات يدققنلهن مريق ولا قمح يمشن سوا ويقعدن في بنابر الطاحونة لامن الحسين ود بابكير يدققلهن دقيقن ويرجعن لي بيوتن.. اصلو كل شي يسوينو مع بعض.. حتى الطلح أليلن والشملات والنُطُع خاتاتنو عند سكينة.. ان بقى في مرتا في الحلي شاكلتلها وحدي فيهن الله قال بي قولها سرهن كله بيناتن.. أهلن بقوا أهل بعض.. إن بقى واحدي فيهن جاها زول من البلد تاني يوم يتلمن عندها وكل واحدي تجيب صينيتها وقهوتها ويكرمن الضيف أليلا الماهن مع بعض كدي شن مع انه كل واحدي فيهن راسها براهو تسمعن يتغالتن تقول بالله حا يمعطن بعض.. شويتين تسمع فيهن يشربن في قهوتن.. لا تعرفن متحاربات لا تعرفن متصاحبات..
imported_طارق جبريل :: كــاتب نشــط::

15-08-2010, 12:32 PM	#[2]
imported_طارق جبريل :: كــاتب نشــط::	(2) سكينة بت حُومد احمد ود جيب الله جات الخرطوم مع راجلها من مروي.. شايقيي مشلخة تلاتة شلوخ عرااااااض.. لونها قمحي وليها مساير جادعاهن لي وراء وليها شلاليف مدقوقات بالأسود وليها عيونا غلاد ونخرة سوالا فيها زمام سميحي تحمد ربها... ورجليها دايما ممسحاهن بالكركار.. ودايما تراري وتشبه روحها.. عندها المحن.. دايما تلقى النسوان متلمين فوقها.. عند حسن بتاع الخضار ياخدن ونستن معاها ويقطعن زييييين حتين يمشن علي بيوتن.. راجلها من طريف نوري.. شغال عطشقي في السكة حديد
imported_طارق جبريل :: كــاتب نشــط::

15-08-2010, 12:32 PM	#[3]
imported_طارق جبريل :: كــاتب نشــط::	(3) خادم الله بت عبد الله ود صالح.. مرتا مرهة وطويلي.. وليها يدينا طواااااااال وضُعُووووويفي ان بقى ما الشطور وشوية لحيمات من لاااوراااا كان تبقى علي خشبة الأبلكاش.. ومشاطها آآبتخليهو يتملو تلاتة شهور وكل مرة تنادي فاطني بت خليل فشان تنقضو وتمشطها من جديد دنقلاويي من ناوا... عندها لسان اطرق وغالات ودايما حسوسها مالات الحلي.. ان بقيت قلتلا السماء دة ازرق وفوق اللرض.. تقولك وحات نضري السماء احمر وما بعيد بالحيل راجلها ابن عمها وشغال عامل في الهيئة القومية للكهرباء والمياه...
imported_طارق جبريل :: كــاتب نشــط::

15-08-2010, 12:33 PM	#[4]
imported_طارق جبريل :: كــاتب نشــط::	(4) البتول بت محمد كُبُر.. من ركابية بارا.. سمممممممحي وعاجباها روحها ليلها ونهارها تخت في الحني وتلقط في حواجبينها والكتفين دايما عريانات حتى تحت التوب تشوف فيهن يلمعن من الدلكي ومن تصبح تلتخ وشها باللخوخة حتى تشوف دايري تسوي شنو في التُكل أليلا.. انت بقيت نغزتها بي شي ماهو ياهو تقولك: قادر الله أنا بت بارا بت الرمال والتبلدي تدخل بيتها دة ان بقيت من شربت القهوة بالهبهان واكلتلك شي آآبتخليك تمرق من عندها راجلها من النهود مغترب في قطر.. شغال مع الجيش القطري
imported_طارق جبريل :: كــاتب نشــط::

15-08-2010, 12:33 PM	#[5]
imported_طارق جبريل :: كــاتب نشــط::	(5) آمنة بت محمد أحمد ود الخواض.. جعليي من سقادي.. ليلها ونهارها وصيف وشتاء لابسي الأبيض تقول الناس القاعدين يموتوا في الدنيا دي كلهم قرايبها راجلها ود عمها خضرجي في سوق الزنك في الخرطوم مرتا كريمة وصينيتها دايما ملياني وخمجانة لكن يا ويل نسوان الحلي ان بقت ماتلها زول وما جن باكنها وكتين تتشمطلها مع مرة من الحلي.. تلقى النسوان كلهن يجرجرن فيها فشان يدخلنها بيتها.. وتسمع فيها تكورك: انا بت الجعليين بت سقادي تقولي لي كدة اصلها غير اللوم والحِدْ آآبتعرف شي..
imported_طارق جبريل :: كــاتب نشــط::

15-08-2010, 12:34 PM	#[6]
imported_طارق جبريل :: كــاتب نشــط::	(6) السُرة بت حاج النعيم رباطابية من ابو حمد لسانها علي ود الزومة اصلو لا بيعجبها العجب ولا الصيام في رجب اي شي في الحلة عندها فيهو راي وليلها ونهارها تنقنق وتحب القطيعة والخبارات زي عيونا الشمار دة تفتش عليه من بداية الحلة لي نهايتها فشان كدي وكتين تجي تنوم تسمع الشخير أليلا لي الشارع التالت ممصرنة من لحم الدنيا وليها رجلين مكلوجات ومعوجات علي مفرمة الخُضرة متزوجالا جعلي من بربر عندو كارو يشيلبو السلع من السوق العربي لي دكاكين القطاعي
imported_طارق جبريل :: كــاتب نشــط::

15-08-2010, 12:39 PM	#[7]
imported_سمراء :: كــاتب نشــط::	جيدن جيت ياود جبريل اشتقنا لى حكاويك ياود حاجه سكينة
imported_سمراء :: كــاتب نشــط::	التوقيع: [SIGPIC]غيرنا التوقيع عشان النور قال طويل اها كدة كيف ؟ [/SIGPIC]

15-08-2010, 12:43 PM	#[8]
imported_طارق جبريل :: كــاتب نشــط::	(7) -كو كو كو سكينة: منو الفي الباب - آمنة: امرقي يا خرابة الخضار بيكمل علينا - سكينة: اصبري اللفح توبي جاياكي - آمنة: استعجلي خادم الله والبتول ام لخوخة والسرة قبيل سبقننا - سكينة: عاد هن بيقدرن يلاكي امسكي القفة النسد الباب دحين ام توب لبني وتجدع في يدينا علي ستاير الرطشة دي منو آآآمني - آمنة: منو غير البتول البتتفدع ما ياهو مشيها - والله عفيت منها دايما نايري وقلبها ميت - آمنة: نان قلبها كيفن آآبيموت الراجل يشيل ويخم ويرسلها من قطر.. تسكت تحمد ربها - سكينة: كيف اصبحتن.. حسن ازيك - حسن بتاع الخضار: اهلا بالشايقيي القاهري - سكينة: الشق اليقطع لهاتك - حسن: ههههههههههههه والله اماني مداعاتك ماها سمحي - سكينة: كدي خلني من النضمي القاطع اللهجي دة الخضار دة مالو مضبلن كدي والعجور علي ضُنب الكديس كدي - حسن: وحاتك يا الشايقيي جايي من توتي هسي - السرة: توتي اليخموك فيها هسي دي خضرة دي ولا الجرجير الممصرن دي يودوهو وين - حسن: عاد أنا زرعته يا السرة - البتول: هوووي شيلن خضاراتكن فسراع انا دايراكن في غرض - خادم الله: (بصوت عالي) في شنو يا البتول.. لا يبقى ناس قطر هههههههههه السرة: اها قامت علي الطروقيي شيلي خضارك وتعالي منجري شالن خضارن وغشن احمد الجزار شالن لحمن وجن ماشات -سكينة: البتول مالك خير - البتول: خير يا الشايقيي.. الراجل جايي باكر ودحين انا دايري اجهز - آمنة: انت من بتين ماكي جاهزي ليلك ونهارك تتلتخي وتمعطي في كرعينك - خادم الله: اها قمتي علي طروقية الجعليين - سكينة: ههههههههه يا اخوانا روقو النسمعها دايري تقول شنو وقفن النسوان الخمسة تحت نيمايات ناس خادم الله وكلو واحدي شايلالا قفة المارق منها عجور والطالع منها ربطة خضرة والفيها بصلا اخضر البتول: يا اخوانا الليلة ولعوا الدخان بدري دايري آخدلي تلات اربعة كبات في الطلح والرسول يا سكينة تشدي معاك الحلاوة في علبة النيدو الكبيري السرة: قادرة الله باقيلي ماكي دايري تشهديهو.. يا خرابة الراجل بيجي فتران هههههههه - آمنة: انت عاد بري منكن - خادم الله: باقيلي داير تعدمي الجسم الصوفاي.. الخوف بعد دة كله مواسيرك يشرشرن من لااااااااااتحت وتبقي زي نقاع الزير مع جية الراجل ههههههههه - سكينة: بري بري بري منك يا خادم الله اصلها طروقية الجن - السرة: ههههههههه عاد ان نقاع الزر حقها بدا بكرة يمين الراجل عل يسعر ضُمة ضُمة - البتول: انتن جنيتن انا الاسبوع الفات يا دابي نشفت - آمنة: قادر الله باقيلي ظابطاها مع جية الراجل - البتول: لا تكتروا الحجي شي.. الليلي دايري اتفسخ واتمعط زين فشان كدي ابدوا بدري - خادم الله: (اخدتلها سفة من حقتها) بت الغلفا مكوفري باقيلي .....
imported_طارق جبريل :: كــاتب نشــط::

15-08-2010, 08:30 PM	#[10]
imported_أزهري سيف الدين :: كــاتب نشــط::	طارق يا مبدع … أكتب يا طارق .. يمكن يجي يوم ما نلقي الكلام دا الا في الورق .... ( دا لو ما كان جا اصلا) واصل سردك الممتع .. مع تحياتي
imported_أزهري سيف الدين :: كــاتب نشــط::

15-08-2010, 10:16 PM	#[11]
imported_الهادي قنديل :: كــاتب جديـــد ::	حبيبنـا طارق جبريل تصدّق اخوك عـاكس البرنــامج في رمضان دا .. ليلي نهــار ونهاري ليل يعني ياسيدي حفرتك دي بنجي نقراها بعد المغرب.. حتى لا تصيب صيامنـا نيران حفرتهّن واصل يا ود جبريل
imported_الهادي قنديل :: كــاتب جديـــد ::

16-08-2010, 07:58 AM	#[12]
imported_قرقاش :: كــاتب نشــط::	الحبيب طارق جبريل .. متابعين ... وربنا يكفينا واياك .. شر الهمزه اللمزه واهل الهمزه على نبره .. حاولت فى بوستات اخرى فى منتدانا هذا ان اقول ..ان لدينا لغه سودانيه مولوده من رطانه العرب .. ولااجد دليل على صحه كلامى باننا لدينا لغه سودانيه مكتوبه ومنطوقه غير هذا الذى كتبته .. اما عربى جوبا داك ...خلى ساكت ..واصل ياحبيب ..
imported_قرقاش :: كــاتب نشــط::	التوقيع: انته رايك شنو ...؟؟ قرقاش *(وما من كاتبٍ إلا سيفنى/ ويبقى الدهرُ ما كتبت يداه / ولا تكتب بكفّك غير شيء / يسرُّك في القيامةِ أن تراه).*

16-08-2010, 09:25 AM	#[13]
imported_نبراس السيد الدمرداش :: كــاتب نشــط::	ود جبرين يا مسخوت رمضان كريم مشتاقين والله غايتو نقة طاعمه و ريحتا طاقه
imported_نبراس السيد الدمرداش :: كــاتب نشــط::	التوقيع: [frame="9 80"] اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام [/frame]

16-08-2010, 09:52 AM	#[14]
imported_عثمان :: كــاتب نشــط::	يا طارق ياخي لما تكتب أنا بحس الأحداث دي بتتصور قدامي الله يديك العافية حكي طاعم والله كل سنة أنت وأسرتك بخير وعافية
imported_عثمان :: كــاتب نشــط::

16-08-2010, 09:59 AM	#[15]
imported_سارة :: كــاتب نشــط::	ود جبرين يا مطوفش يجازى محنك نعلك طيب آجنا وانا باقيللى رمضان متلوم معاك عقابك كيفنو اسمع نصيحتى مباراتك لنقة الحروم دى يوم بتجيب اجلك انا غايتو كان ما الليل انتلت مانى داخلة ضومة
imported_سارة :: كــاتب نشــط::	التوقيع: [frame="7 80"]تــجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا[/frame]