خـفقة أولــى
خفقة أولي
أيه اقول غي يا حلات الدنيا بيكا يا إنسان
جملته حياتي بالوصل الزائد
والحنية والعرفان
وإكتست أيامي معاك ورود وزهور
وكبرت أحلامي الوردية
وأتبدلت أيامي أفراح وأعياد فرايحية
مابين همسة شوق وبسيمة عيدية
وأناديك يا أروع ريد من الله هدية
وأتوه معاك في رحلة أنسية
وأقول سمحة وخلاصية
وأناغم طرفها الوسنان
وأقول مياسة فاقت فريع البان
أخو زينة السمحات أنا
وبشوفِن في خاطري عيان وبيان
وتسلم الغندورة كرمة الحبان
اللي اللروح ملاز وأمان
وأمجد صنعة الرحمان
وأقول ضواية أضوى من قمحة
وأقول بحرا بالعفاف مغمور
حباب زولا سمح صورة
جوه الضلوع سمتو البديع محفور
مابين زهور وزهور بيتوقد شعاع النور
هيبة وصدق نية
وخفرا أضحى الحيا والطهر ليهو حصون وستور
وما بطولوا المراكبية
يا وداعة وإلفة وفي الجمال آية
وفي الحسن روعة
هتف خاطري ناجاك لهفةعيونك يا مها
جمالك فاطنة السمحة ورقته
حكاوي حبوبة في الحجى
وهتف جواي دخيلك ياقمرة
فاضت شجوني وتعبت معاي كل الأكف الضارعة
جواي فنارك إحتفى
إنتي الوفاء وإنتي المحال المشتهى
كل البعاين في مداك .. أبداً ولا قط ما رآك
غير كل الجمال وهبوه ليك ما لي سواك
هتف جواي دخيلك يا كرنفال العفة والوسامة
رفقا فقد أتعبت عيني القسامة
ومُرالسجال بين عين وعين
رفقا بالنزق اللهيف .. فقد غضضتُ طرفي مستسمحا
وكتبتُكِ سماح في الخافقين
ولازمته رؤاك عبر الخيال في كل حين
ولقيتك ملاك مكتوب على خدُ الأسيل
المنعة والطبع الرزين
وجمال ورقة متلازمين
خـُـلاص .. . إنـتـي
ولا دهـب شــيبون النقى ودخــري
حلا ورجحان
ملاك في صورة إنسان
وفوق للسماك عرشك
وما بطولك اللمسان
يدوم هناكي معاهو
يـا إنـتي
أيـوه إنتي
الحبوب
|
