ايّــــــــــــاكم والحب .... للمشككين والملحدين والحِبّيِبة ...

[imported_مهند الخطيب]

دراسه ايطاليه جديده تظهر المخاطر والاضرار الكبيره الناتجه من علاقات الهيام والعشق والحب غير المشروع لنقرا ما يقوله العلماء اليوم وما جاء به القران والهدى النبوى الشريف.
قال باحثون ايطاليون ان للحب فعلا تاثيرا غريبا على الاشخاص وذلك بعد ان اجروا دراسه 21 رجلا و 21 امراه وقعوا فى الحب خلال الشهور السته الماضيه. ووجد الباحثون ان هرمون التيسترون يقل من معدلاته الطبيعيه عند الرجال بينما يزداد عن معدلاته الطبيعيه عند النساء.
وقالت دوناتيلا مارازيتى من جامعة بيزا لمجلة العلوم الجديده (يصبح الرجال بشكل ما اكثر شبها بالنساء وتصبح النساء اكثر شبها بالرجال فيبدو وكأن الطبيعه تريد ان تمحو ما يمكن ان يكون اختلافا بين الرجال والنساء لان الحياه فى هذه المرحله اكثر اهميه)
ويقول الله تعالى ( ومن اياته ان خلقكم من تراب ثم اذا انتم بشر تنتشرون- ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمه ان فى ذلك لايات لقوم يتفكرون) فعملية الانتشار تتطلب التقارب بين الذكر والانثى ومن اجل ضمان هذا التقارب لا بد ان تحدث تغيرات فى كلا الجنسين تؤدى لحدوث الموده والرحمه.
نعم للزواج.. لا للحب المحرم
وتأتى نتائج الدراسه تقول ان الحب اعمى بالفعل حيث اكتشف باحثون بجامعة لندن كوليدج ان الوقوع فى الحب يؤثر فعلا على دوائر رئيسيه بالمخ وتوصلو الى ان الدوائر العصبيه التى ترتبط بشكل طبيعى بالتقييم الاجتماعى للاشخاص الاخرين تتوقف عن العمل عندما يقع الانسان فى الحب.
واوضحت دراسات اخرى ان مادة السريتونين تكون زائده لدى المحبين وهذا يفسر القلق الذي يعانون منه وان الحب يلعب دورا فى تدمير مواد كيميائيه رئيسيه بالمخ. لذلك تبين دراسات اخرى ان الزواج هو الافضل لصحة الانسان فالحب غير المشروع يدمر الوقت والجسد (ويضعف مناعة الجسم) اما الزواج فقد لاحظ الباحثون انه مفيد طبيا للانسان حيث تزداد قدرته على الابداع وتزداد (مقاومة جسمه للامراض)
وخلاصة القول ان الزواج هو الحل لكل المشاكل العاطفيه التى تؤثر صحتنا سلبا.

* نقلاً عن صحيفة لها وله السودانية


والله العظيم جد ...

[Osman Hamad]

إنت يامنقة معانا وللا مع الخيانة؟

[imported_مهند الخطيب]

المشاركة الأصلية كتبت بواسطة Osman Hamad

إنت يامنقة معانا وللا مع الخيانة؟

يا خرفان، قالو ليك الحب ده بيجعل الرجال اقرب شبها بالنساء ، معاكم شنو ياخ ....؟!

بالجمبة كده:
عارف الدراسة دي باين انها ماصحيحة وللا انت هسي كانت تولد وترضّع

[ناصر يوسف]

المشاركة الأصلية كتبت بواسطة Osman Hamad

إنت يامنقة معانا وللا مع الخيانة؟

أديه من الجبخانة أو الأ ،،،،، د ،،،،، ب

خاااااااااانة

ياخي يعني هسي كلام ناس لها وله ديل صحي ؟؟؟ ديششششششششششششششششك

[Osman Hamad]

المشاركة الأصلية كتبت بواسطة مهند الخطيب

عارف الدراسة دي باين انها ماصحيحة وللا انت هسي كانت تولد وترضّع

يامان اخوك كان بِقى حليمة السعدية بس

[imported_أسعد]

المشاركة الأصلية كتبت بواسطة مهند الخطيب

* نقلاً عن صحيفة لها وله السودانية

ما بتعرف تنقل ياخ
الصحيح انك بعد ما تجيب الخبر
اتمنى من كل مُلحد ومُتشكك و راسو بودى ويجيب! ولدية اسئلة (وعارفة ممنوعة) بامر المحيط العايش فيهو وداسيها فى قلبو..ومالقى طريقة يفكها إلا بظهور (النت)!
أتمنى انو يشتري حبيب وحبيبة على شرط يكونوا ما متزوجين
ويوديهم المعمل عشان يفحص نسبة الذكورة والانوثة
ويجي يقارن تاريخ ابحاثه وتاريخ وحي القران الكريم
مع شوية تمنيات كدة
سواء كان البعد عن القوقلة او البعد عن تصوير الحبيبين اثناء عملية الفحص gap

[imported_أسعد]

بعدين انت تعال هنا
مالك بتقتبس لينا من جريدة لها وله
مالنا ومال هو وهي
خلينا في روحنا دي
وجيب لينا من جريدة لنا ^_^

[Osman Hamad]

المشاركة الأصلية كتبت بواسطة ناصر يوسف

ياخي يعني هسي كلام ناس لها وله ديل صحي ؟؟؟ ديششششششششششششششششك

ياناصر قالوا ليك، الدراسة لو صحيحة، كان نحنا لى هسع نلد ونرضع، انت صلعتك التخينة دى بتشتغل متين؟
بعدين ناس هو وهى ديل بفِطوا سطر ويكتبوا سطر وللاشنو؟ هم عميانين من درسات الفوائد الحُبوكانية دى وللاشنو؟ وبعدين سبحان الله المجلة اسمها هو وهى، يعنى لو كان اسمها المدينة المنورة كان نجمونا نجام وماخلوا لينا زُقاق مٌضلم

[imported_نبراس السيد الدمرداش]

شايفاك انا من امس عاصر على الحب ومآلاتو
مره جنون ومره اقرب شبها من النساء
انت الحب دا كان غلبك وغلّبك خليهو

[Osman Hamad]

المشاركة الأصلية كتبت بواسطة نبراس السيد الدمرداش

شايفاك انا من امس عاصر على الحب ومآلاتو
مره جنون ومره اقرب شبها من النساء
انت الحب دا كان غلبك وغلّبك خليهو

اسمع كلام الحبيبة دى وخليها تخت ليك قلبك بينات شُطورك ياعملات حبوبتى، كان الله يبيض نيتك مع الحب دا

@نبراس: مشتاقون حد الحب ويا أجمل زولة.

[imported_نبراس السيد الدمرداش]

المشاركة الأصلية كتبت بواسطة Osman Hamad

اسمع كلام الحبيبة دى وخليها تخت ليك قلبك بينات شُطورك ياعملات حبوبتى، كان الله يبيض نيتك مع الحب دا

@نبراس: مشتاقون حد الحب ويا أجمل زولة.

مشتاقون ساي وبس
بالله عليك بطل الغياب الكتير

بالمناسبه الاخ دا قلبو قلب الطلقوها وبالها في الرجوع
ما بنفع لاي شيء تاني

[Osman Hamad]

المشاركة الأصلية كتبت بواسطة نبراس السيد الدمرداش

بالمناسبه الاخ دا قلبو قلب الطلقوها وبالها في الرجوع
ما بنفع لاي شيء تاني

قلتِ لىّ صاحبنا لِحق جماعة ناس (غنمى فى المدرسة و أولادي فى الزريبة)

[معتصم الطاهر]

وقع و لا شنو ..










-

[imported_مهند الخطيب]

المشاركة الأصلية كتبت بواسطة ناصر يوسف

أديه من الجبخانة أو الأ ،،،،، د ،،،،، ب

خاااااااااانة

ياخي يعني هسي كلام ناس لها وله ديل صحي ؟؟؟ ديششششششششششششششششك

والله ياناصر ماعارف أقول ليك شنو ؟

أها قول كلام الناس ديل صحي

[imported_مهند الخطيب]

المشاركة الأصلية كتبت بواسطة أسعد

ما بتعرف تنقل ياخ
الصحيح انك بعد ما تجيب الخبر
اتمنى من كل مُلحد ومُتشكك و راسو بودى ويجيب! ولدية اسئلة (وعارفة ممنوعة) بامر المحيط العايش فيهو وداسيها فى قلبو..ومالقى طريقة يفكها إلا بظهور (النت)!
أتمنى انو يشتري حبيب وحبيبة على شرط يكونوا ما متزوجين
ويوديهم المعمل عشان يفحص نسبة الذكورة والانوثة
ويجي يقارن تاريخ ابحاثه وتاريخ وحي القران الكريم
مع شوية تمنيات كدة
سواء كان البعد عن القوقلة او البعد عن تصوير الحبيبين اثناء عملية الفحص gap

ألحق سريع طيب ....

مرحب بيك أسعد في المنتدى واتمنى ان يطيب لك المقام