نفَّاج مفتوح بقلب مفتوح لكل الناس

[ناصر يوسف]

كتير جداً ما نختلف
كتير جداً ما نَغلِظ علي بعض
كتير جداً ما نفتح نيران هجومنا علي بعض
وكتير كتير جداً ما قد نفهم بعض بشكل خاطئ غير مقصود

والدنيا ما معروفها ،، وما معروف الباقي كم في العُمُر ،،،

من جانبي ،،، هذا القلب مفتوح علي مصراعيه لكم جميعاً
جميعكم تتوهطون مساماته تضخون دمي ،،،

أعرف إني غِلطت في حق بعضكم ،،، بصورة مباشرة أو غير مباشرة

أطلب منكم العفو في الله ،،، وأطلب منكم إنكم تدعوا لي ربنا يغفر لي بعض سوءاتي الدنيوية ،،،

نعم لقد أخطأت في حق الله وفي حقكم ،،،

العفو لله والرسول ،،

ويبقي النفاج مفتوح علي القلب والقلب مفتوح ليكم كلكم

والحمد لله رب العالمين

[imported_ماريل]

لانك يا ناصر تنضح محبة للجميع ،احببت ان اهديك بعض مشاركات صديقى عبد الغنى كرم الله على الفيس بوك مع خالص مودتى والعفو لله والرسول....

في المحبة...

يقول النبي، عليه السلام والمحبة
(لا يشاك أحدكم الشوكة حتى أشعر بها في قدمي).
(حياتي خيرا لكم، ومماتي خيرا لكم)..

يقول المسيح
(الله محبة)..

قال أول مريد لبوذا
(نظر في الصبح، وأنا ألتقية صدفة، نظرة أرحم من نظرة أمي، ولم أفارقه من دلك الصباح)

محمود محمد طه
(أعطيت له عنبة وقيل له شوفها طاعمة كيف)
فقال: لن تكون طاعمة، حتى يكون بمقدور كل سوداني شرائها..

غرقت نملة في مكان وضوءه، فأدخل أصبعه دقائق طوال كي تتسلقه، وأنزلها في البر سعيدة بحياتها القيمة..

أغنية تراثية عن محبة الناس والكرم
في بيتو بسد الجوع، يا قشاش الدموع

يقول السادة الصوفية
(لا تصلح المحبة بين اثنين، حتى يقول أحداهما للآخر، يا أنا)...

يقول الحلاج
(... وما هممت بشرب الماء من عطش، حتى رأيت خيالا منك في الكأس)..

علي بن طالب
(لا تستحي إعطاء القليل، فالحرمان أقل منه)..

مقولة:
من يعشق يرى في الظلام.

وأخرى:
مقولة:
كن رحيما، فكل من تلقاء يحمل يخوض حربا ضروسا..

مقوله:
من جهل العزيز لا يعزه.. (وأحس بأن كل خلايا الكون عزيزة)..

[ناصر يوسف]

أختي الحبيبة ماريل

وهل تدرين مقامك في القلب يا أختي ؟؟

ليتك تطمنيني علي صحتك
وليتك تطمنيني علي تلك الفتاة المريضة وأنتي برغم ما عليك تفتحين نفاجاً للخير لأجل أن تتعافي هي

إمرأةٌ مثلك حريٌ بها أن تحتل مكانها بين حنايا القلب

ليتني لو أملك جزءاً من ما تملكين في فعل الخير للناس

شكراً لك بكامل البهاء وكثيف المحبة

[imported_يحي عثمان عيسي]

القلب الكبير والحب الكبير
يا اخي قول باب قول قراش قول ... قول ..
يا ناصر عافين عنك وراضين عنك

لكن ما قلت لي انتي مفرتق ولا شنو

[imported_أسعد]

اننا بشر يا نصر
نحمل روحا وتحملنا نفس
خليط من نور وطين
نفرح وننبكي
نغضب ونغبط
نحزن ونسعد
نخطيء ونتوب
نعصي ونستغفر
نبادل الحب ونمارس الكره
والخ الخ
كل هذه التناقضات وهبنا الله وانعم بها علينا
لكي نغلط ونعتذر
وورد في الاحاديث النبوية
كل بني ادم خطاء وخير الخطائين التوابين
وان لم تخطئوا وتتبوا لاستبدلكم الله بقوم يخطئوا ويتوبوا
ولمن الملائكة هاروت وماروت استهزؤوا من كمية التناقض البنرفل فيها دي
ربنا قام اداهم فرصة انهم يعيشوا تجربة انهم يكونوا بشر
اها لقوا انهم بمارسوا نفس التناقض
دي يا معلم طبيعتنا كدة


موش نحن بنجوع عشان نستمتع بطعم الأكل؟ هذا والا لو قاعدين ناكل اربعة وعشرين ساعة كان الاكل دا مسخ علينا!!
موش نحن بنحزن عشان بعدين نحس بمتعة السعادة؟!
أها يا معلم لازم نحن نغلط عشان نرفل بنعيم (التسامح)

[ناصر يوسف]

المشاركة الأصلية كتبت بواسطة يحي عثمان عيسي

القلب الكبير والحب الكبير
يا اخي قول باب قول قراش قول ... قول ..
يا ناصر عافين عنك وراضين عنك

لكن ما قلت لي انتي مفرتق ولا شنو

ياااا عمي يحي كيفنك يا غالي ،،،

ياخي أريتها رسالتي الرسلتها ليك من جوالي الخربان ده لي جوالك ،،، أريتها لو كان وصلتك يا الحبيب ،،،

شنو البخلي الواحد فجأة كه يمسك جوالو ويطلب رقم معين ويتصل أو يرسل رسالة لزول ما ؟؟؟
غير المحبة الفي القلب ،،، وأكيد أكيد محبتي ليك يا يحي ما نابعة من فراغ ،،،
إنما نابعة من روح قلبك الكبير والنقي يا نقي
وليك محبة يعلم مداها الله

[ناصر يوسف]

المشاركة الأصلية كتبت بواسطة أسعد

اننا بشر يا نصر
نحمل روحا وتحملنا نفس
خليط من نور وطين
نفرح وننبكي
نغضب ونغبط
نحزن ونسعد
نخطيء ونتوب
نعصي ونستغفر
نبادل الحب ونمارس الكره
والخ الخ
كل هذه التناقضات وهبنا الله وانعم بها علينا
لكي نغلط ونعتذر
وورد في الاحاديث النبوية
كل بني ادم خطاء وخير الخطائين التوابين
وان لم تخطئوا وتتبوا لاستبدلكم الله بقوم يخطئوا ويتوبوا
ولمن الملائكة هاروت وماروت استهزؤوا من كمية التناقض البنرفل فيها دي
ربنا قام اداهم فرصة انهم يعيشوا تجربة انهم يكونوا بشر
اها لقوا انهم بمارسوا نفس التناقض
دي يا معلم طبيعتنا كدة
موش نحن بنجوع عشان نستمتع بطعم الأكل؟ هذا والا لو قاعدين ناكل اربعة وعشرين ساعة كان الاكل دا مسخ علينا!!
موش نحن بنحزن عشان بعدين نحس بمتعة السعادة؟!
أها يا معلم لازم نحن نغلط عشان نرفل بنعيم (التسامح)

وجدي الأسعد الأسعد ( معليش أعفي أناديك بإسمك القديم المتوهط قلبنا ياخ )

كيفنك يا أرقي الناس ،،، وأرقي الناس دي يا ريت لو كل أعضاء سودانيات ديل يقابلوك وجهاً لوجه ،،،

ياخي مشتاق ليك يا ولد يا جميل الدواخل حقيقي مشتاق ليك يا حبوب

وليك محبة وشوق

[imported_wadosman]

عملت ايه ياا عمك...؟؟!!

[ناصر يوسف]

المشاركة الأصلية كتبت بواسطة wadosman

عملت ايه ياا عمك...؟؟!!

لا شئ سوي أني وقد فتحتُ كوةً تطلُ من أعلي القلب لداخله وبه أحباء كُثر

ود عثمان ،،، ليك المحبة والشوق يا فنان

[imported_GamarBoBa]

من بوست اخونا ناصر يا جماعة
انا بعترف انو لغتي حادة نوعاً ما..يمكن لانو الزول متربي بين صحراء ونيل..فوق تجهم وصرة وش وحياة قاسية..
تحت نيل وخضرة وحياة جميلة.

عن نفسي يا ناصر اتمني انو ما اكون قسيت علي زول في مداخلة،والدنيا كلها ما تسوي شي زي ما قلت.
اقدم اعتذاراتي لاي زول اتداخلت معاه بشكل حاد...وحقيقة انا ما بلعن زول ولا بشتم..وبقفل الجهاز وبنوم
ومن ضمنهم اسعد دا..فيا جماعة ..حسن النية واجبة،وتدبر الكلمات اوجب و والله اوصي بيها نفسي قبل اي شخص..لكن الكتابة ليها جنها..لا نزلت مع نكير ولا مع منكر

بس يا جماعة الاسافير عودتنا علي الكتابة المرتجلة دي..وما خشيناها مختصين ولا كتاب وصحفيين..بس عندنا باصويردات..
....

أعفوا لينا وتأكدوا ان القلوب عمرانة بحب الجميع


_
بالمناسبة انا زول جديد لنج هنا..بس طلعت بعرف ناس في الحلة دي..

[imported_أسعد]

ابو رحيق ياخ الشوق كلو



يا قمر بوبا ياخ المحبة ظاهرة زي الشمس حتى لو تلبدت سماء المحاورات بغيوم اللغة الحادة

[imported_أمين محمد سليمان]

المشاركة الأصلية كتبت بواسطة GamarBoBa

أعفوا لينا وتأكدوا ان القلوب عمرانة بحب الجميع

يا ناصر ... ياخي إنت زول قلبك يسع الناس دي كلها و ما شهدنا إلا بما علمنا .... لكن شوف زي قمر الحقد الاصلع ده ... زول قلبو أسود من الباذنجان واصغر من الرزة و قال ليك عمران بحب الجميع !!
غايتو أنا ما عافي ليك ما عافي ليك ما عافي ليك ... و ظل يرددها حتي سقط مضرجا بدمائه !!

[imported_أمين محمد سليمان]

المشاركة الأصلية كتبت بواسطة أسعد

يا قمر بوبا ياخ المحبة ظاهرة زي الشمس حتى لو تلبدت سماء المحاورات بغيوم اللغة الحادة

بالله شوف زي الكلام العشوائي ده !!
يا وجدنا ياخي ... الزول ده إنت ما بتعرفو ... ما تتكلم ساي !!

[imported_GamarBoBa]

عشان نوع كلام امين دا يا اسعد وناصر قلت ليكم الكتابة ما عندها منكر ونكير
يعني هي زي الزول داير يتخلص من حاجة ويمش..

لكن يا جماعة من عرفت امين قبل كم سنة ولاقيته مرتين تلاتة..الزول دا بقول لي حاقد واصلع..
حاقد وعرفناها..اها يا راغب علامة انت صلعتك دي جاتك في حرب الجنوب!!!

اول مرة اشوف زول يعاير اخوه بنكبته..


_
في صورادة المتوسطة يا بروف كان عندنا اتنين شينين شديد..شناة شديدة وبعدين بخستكوا بي بعض..اصلو مابتكلموا عن الطيش في المدرسة منو..بس همهم منو اشني من التاني..
مرة واحد منهم الصباح مع شتاء امشير وشه مغبش زي الشبط شاف وشه في المراية..التاني لسة متغطي ..قام تف لروحه ..التاني من تحت البطانية قال ليه بالله وكت وصلت المرحلة دي بالله تف لي وشي معاك برضو انا زاتي شين...فما تعايرني بالصلعة ياخي

[imported_fton safei]

المشاركة الأصلية كتبت بواسطة ناصر يوسف

كتير جداً ما نختلف
كتير جداً ما نَغلِظ علي بعض
كتير جداً ما نفتح نيران هجومنا علي بعض
وكتير كتير جداً ما قد نفهم بعض بشكل خاطئ غير مقصود

والدنيا ما معروفها ،، وما معروف الباقي كم في العُمُر ،،،

من جانبي ،،، هذا القلب مفتوح علي مصراعيه لكم جميعاً
جميعكم تتوهطون مساماته تضخون دمي ،،،

أعرف إني غِلطت في حق بعضكم ،،، بصورة مباشرة أو غير مباشرة

أطلب منكم العفو في الله ،،، وأطلب منكم إنكم تدعوا لي ربنا يغفر لي بعض سوءاتي الدنيوية ،،،

نعم لقد أخطأت في حق الله وفي حقكم ،،،

العفو لله والرسول ،،

ويبقي النفاج مفتوح علي القلب والقلب مفتوح ليكم كلكم

والحمد لله رب العالمين

متعك الله بنقاء القلب ناصر
في بعض الأحيان يستفذك احدهم بكتابة بها الرأي في غير محله أو انه يطرح موضوع فرية لا نكهة له ولا موضوعية وربما باطل غير أخلاقي فتود غرز اظافرك في عنقه لكن يزول الأمر بعد مسافة ذمن
لك الاحترام