نداء للسودانين بالمملكة المتحدة قاطعوا إحتفال القتلة

[imported_نبيل عبد الرحيم]

تحالف القوى السياسية السودانية
بالمملكة المتحدة وايرلندا
نداء ومناشدة لكل ابناء وبنات الشعب السوداني بالمملكة المتحدة
قاطعوا احتفال القتلة باستقلال البلاد
بلا حياء ولاول مرة يتجرأ نظام الإبادة الجماعية وافقار الجماهير لإقامة حفل جماهيري وبمناسبة "عيد الإستقلال" عجبا !! وهل مرّ على سوداننا الحبيب من فرّط في سياتنا الوطنية اكثر مما فعله هذا النظام الفاسد المستبد ؟؟ أي استقلال يتحدث عنه هؤلاء المتأسلمون ؟ أهو استقلال سرقة السلطة والثروة ؟؟ أهو استقلال الخراب الإقتصادي وتشريد أهل السودان في كل بقاع الارض جراء الحروب على المواطنين فى الغرب وجبال النوبة والنيل الازرق وشرقنا الحبيب ؟؟ أم هو استقلال طمس الهوية باغراق تراثنا في الشمال وتشريد المواطنين من ديارهم التي درجوا على العيش فيها لالاف السنين .
مواطنينا الاعزاء نساء ورجالا يهيب بكم تحالف القوى السياسية السوانية في المملكة المتحدة وايرلندا ان تلقنوا نظام الانقاذ وسدنته درسا في الالتزام والانحياز لقضايا شعبنا الصامد بمقاطعة إحتفالهم المقام في مساء يوم السبت 6 فبراير 2016 على العنوان الاتي St. Augustine High School, Kilburn Park Road, London SW6 5XB . وكلنا نعلم جيدا ان هذا الاحتفال يندرج ضمن سلسلة من المحاولات العديدة التي قامت بها سفارة النظام لفك عزلتها وصولا لتطبيع العلاقة مع من شردتهم عن ديارهم وحرقت قراهم ولازالت تفتك بمواطنينا في دارفور وجبال النوبة والنيل الازرق وقد أفلح جيشهم في شن الغارات الجوية على المواطنين العزّل فيما عجز ذات الجيش عن إسترداد حلايب وشلاتين في الشمال والفشقة في الشرق .
وفي إطار التصدي لهذا المحاولات البائسة ندعوكم للمشاركة في التظاهرة الحاشدة أمام مقر الإحتفال للتعبير عن رفضنا القاطع لإستمرار هذا النظام الفاسد المتسلط في حكم البلاد وفضحه عالميا حتى إسقاطة و زواله الى الابد . وفي الختام نكرر مقاطعتكم لإحتفال النظام تعني دعمكم لاهلنا في كل ربوع الوطن ضد من سلبوهم ابسط حقوق الانسان وهو حق الحياة مجرد الحياة ناهيك عن الحياة الكريمة .
• الشعب يريد اسقاط النظام
• لا للحرب ... نعم للسلام
• عاش نضال الشعب السوداني
• المجد والخلود لشهدائنا الشرفاء ... ولانامت اعين الفاسدين سارقي السلطة المتأسلمين
التأريخ : 1 فبراير 2016

[imported_ود الخير]

تقاطعوا الاحتفال عادية ،، لكن تمشوا محل الاحتفال دي لو ما ديمقراطية الuk كان الزول يشوفها حقارة حقارة!!

حظكم يا نبيل عايشين الديمقراطية وزايدنها بطر كمان ! تمشوا للناس في محل احتفالهم؟؟

[imported_قرقاش]

المشاركة الأصلية كتبت بواسطة ود الخير

تقاطعوا الاحتفال عادية ،، لكن تمشوا محل الاحتفال دي لو ما ديمقراطية الuk كان الزول يشوفها حقارة حقارة!!

حظكم يا نبيل عايشين الديمقراطية وزايدنها بطر كمان ! تمشوا للناس في محل احتفالهم؟؟

سلام للا حبه ..
ود الخير بالله سؤال هو ..الوطن الوطن الوطن محل جدك مدفون وولدك بنتسب اليه ..زنبه شنو مانحتفل بى عيده ..لانه حاكمه فلان ولا حاكمه علان

[imported_ود الخير]

مرحب قرقاش والاحبة وصباحك وطنية وعافية وصحة

أهلنا بيقولوا "المحنّة ما بتنشحد" والوطنية زاتها من يقعدوا يلكدو الناس ليها لكيد بتفقد طعمها !

تحالف القوى السياسية - ظاااااهر للعميان من الاسم البحث عن مكاسب حزبية ضيقة على حساب الجالية والنَّاس البتربطهم روابط مع السفارات!

واللذيذة من كل قضية يخمشولن خمشة ،، تقتيل الأهل في شرقنا الحبيب !

شوفلك جنس محن!

المشاركة الأصلية كتبت بواسطة قرقاش

سلام للا حبه ..
ود الخير بالله سؤال هو ..الوطن الوطن الوطن محل جدك مدفون وولدك بنتسب اليه ..زنبه شنو مانحتفل بى عيده ..لانه حاكمه فلان ولا حاكمه علان

الزول دا ما قال نقاطع أو نترك إحتفالنا بإستقلالنا ..... الزول دا كلامو واااااااااااضح نقاطع إحتفال القتلة بإستقلالنا ..... عشان القاتل لما يحتفل في مدينة زي لندن بإستقلالنا بياخد شرعية ويبدو وكأنه إمتداد لمسيرة الإستقلال which is not true.... دا الفهم يا قرقاش.

المشاركة الأصلية كتبت بواسطة ود الخير

مرحب قرقاش والاحبة وصباحك وطنية وعافية وصحة

أهلنا بيقولوا "المحنّة ما بتنشحد" والوطنية زاتها من يقعدوا يلكدو الناس ليها لكيد بتفقد طعمها !

تحالف القوى السياسية - ظاااااهر للعميان من الاسم البحث عن مكاسب حزبية ضيقة على حساب الجالية والنَّاس البتربطهم روابط مع السفارات!

واللذيذة من كل قضية يخمشولن خمشة ،، تقتيل الأهل في شرقنا الحبيب !

شوفلك جنس محن!

ود الخير كيف أحوالك ومشتاقين والله

الوطنية ما محتاجة يلكدوها عشان تفقد طعما لأنها فقدتو بتاريخ 30/6/1989 دا اليوم التم فيهو قتل الوطنية ودفنها بفعل فاعل وتم إستبدالها بالقبلية .... ول نسيتوا

[imported_ود الخير]

يسمح لينا الاخ نبيل بتبادل الأشواق مع الاخ العزيز الرجل الضوء الركازة الاخ عبد المنعم ،، رغم إختلاف الاّراء حول تعبير الإخوة في جبهة التغير عن معارضتهم للانقاذ وتوقيت احتجاجهم مع احتفال أبناء السودان في المملكة المتحدة باعياد الاستقلال لكن يبقى الود والاحترام والأشواق للأخ منعم فلك مني كل التحايا الطيبة والاحترام