يا جماعة إمكن نحتاج تبرعات

[imported_رأفت ميلاد]

ما عارف مشكلة أسعد فى الزواج مادية أو نفسية. فى كل الأحوال محتاجين تبرعات على الأقل نشوف ليهو دكتور.
.
الموضوع ده ما هزار الزول قرررررررررررب يقطع

[imported_أسعد]

بالجد دي بادرة طيبة،
محتاجين تبرعات معنوية (دعوات ربانية، ارشادات ونصائح، اقتراحات)
واتمنى تكوين لجنة تشتغل الشغل دا
وعلى ان يكون على رأس مجلس هذه اللجنة شخصين صديقين ممكن يعملوا بروح الفريق الواحد بكل ود ومحبة، لذلك أرشح لإدارة مهام هذه اللجنة كل من (رافت ميلاد وعادل عسوم)


والله ولي التوفيق


ممثل العازب (على وزن ممثل المالك)
أسعد

[imported_كيشو]

المشاركة الأصلية كتبت بواسطة أسعد

بالجد دي بادرة طيبة،
محتاجين تبرعات معنوية (دعوات ربانية، ارشادات ونصائح، اقتراحات)
واتمنى تكوين لجنة تشتغل الشغل دا
وعلى ان يكون على رأس مجلس هذه اللجنة شخصين صديقين ممكن يعملوا بروح الفريق الواحد بكل ود ومحبة، لذلك أرشح لإدارة مهام هذه اللجنة كل من (رافت ميلاد وعادل عسوم)


والله ولي التوفيق


ممثل العازب (على وزن ممثل المالك)
أسعد

هذا يسمى (قتل الفكرة في مهدها)
وتقول ليك ثلاث سنوات بتفتش عن الفشل
انت ياخوي استشاري فشل وتفشيل

[imported_أسعد]

المشاركة الأصلية كتبت بواسطة كيشو

هذا يسمى (قتل الفكرة في مهدها)
وتقول ليك ثلاث سنوات بتفتش عن الفشل
انت ياخوي استشاري فشل وتفشيل

التفشيل الجد جد، ياهو البتسوي فيهو دا
ياخي انا جادع لي رد مفخخ، ومتوقع عمك يجي يخش فيهو توووش ويفجر البوست دا
تقوم انت بي حركة مخابراتية ولا أعتى ضابط سي آي ايه، تجي تقول (التعليق دا فيهو متفجرات، يرجى الحذر منه) وتخرب لي الخطة

[imported_رأفت ميلاد]

ياخوى الموضوع ده خليهو علىّ ناس كيشو ديل شماتة ساكت.
كدى محتاجين معلومات شخصية وأرسل ليك أورنيك من أخصائى مشهور فى الحالات المماثلة

[بابكر مخير]

المشاركة الأصلية كتبت بواسطة رأفت ميلاد

ما عارف مشكلة أسعد فى الزواج مادية أو نفسية. فى كل الأحوال محتاجين تبرعات على الأقل نشوف ليهو دكتور.
.
الموضوع ده ما هزار الزول قرررررررررررب يقطع

يا روفي يابا
إتا "أخفقت" في فهم الموضوع. إلا أنك لم تفشل بعد.
ستفشل في أن تجد متبرعين.
يتوآرى ليا أنه بين الإخفاق والفشل بون شاسع. فالإخفاق هو ناتج محاولات يمكن أن تنجح وإن بعد ما الزول يخفق في مراده.
هنا يكون فشل في مسعاهو.
أسعد حسم أمره من تيت وقال فشل ومانا عارفين إن هو كان حاول وحاول ومرات أخفق ولا سلم الفاضي على طول.
الغريبة الإخفاق والذي تربطه مع الخفقان أحرف كتيرة هو النقيض. كييييف بآ؟؟
إن أخفق القلب فمعناها أنه خفقانهو سك..
بستغرب كييييييييييييييف اللغة العربية بيقولوا غنية! حسي نفس الحروف وتشكل معاني ممكن تكون متقاربة وممكن تكون متنافرة وممكن ما يكون بيناتها من الأصل رابط..
الإنجليزية لست بأحسن حال وأخد كلمة UP مثال،، قال كيف:
a drain must be opened UP because it is stopped UP

ويبقى السؤال قائم
هل التبرعات سيوفشل في جمعها أم سيوخفق مبدئيا جمعها

[imported_حسن النضيف]

والله ربنا يسهل الأمور...
غايتو بالدعوات بنقيف معاك...
شوايقة وكده.

[imported_أسعد]

المشاركة الأصلية كتبت بواسطة رأفت ميلاد

ياخوى الموضوع ده خليهو علىّ ناس كيشو ديل شماتة ساكت.
كدى محتاجين معلومات شخصية وأرسل ليك أورنيك من أخصائى مشهور فى الحالات المماثلة

يا حبيب، الاخصائي دا عندو بنات؟
اورنيكو اسوي بيهو شنو؟

طبعا ح تستغرب جدا، وتقول لي انت مشكلتك ما لاقي عروس وسط البنوت ديل كلههههن؟
أيوة دي فعلا مشكلتي، وموش يعني مشكلتي اني ما لاقي البت بمواصفات معينة، انا مشكلتي اني ما لاقي البت البتعجبها مواصفاتي

فيا حبيب ايوووة مع كترة البنوت دي انا ما لاقي عروس، زي ما أنت مع كترة العلامات المفروض تخليك تسلم ومابي تسلم دي.

[imported_أسعد]

المشاركة الأصلية كتبت بواسطة بابكر مخير

يا روفي يابا
إتا "أخفقت" في فهم الموضوع. إلا أنك لم تفشل بعد.
ستفشل في أن تجد متبرعين.
يتوآرى ليا أنه بين الإخفاق والفشل بون شاسع. فالإخفاق هو ناتج محاولات يمكن أن تنجح وإن بعد ما الزول يخفق في مراده.
هنا يكون فشل في مسعاهو.
أسعد حسم أمره من تيت وقال فشل ومانا عارفين إن هو كان حاول وحاول ومرات أخفق ولا سلم الفاضي على طول.
الغريبة الإخفاق والذي تربطه مع الخفقان أحرف كتيرة هو النقيض. كييييف بآ؟؟
إن أخفق القلب فمعناها أنه خفقانهو سك..
بستغرب كييييييييييييييف اللغة العربية بيقولوا غنية! حسي نفس الحروف وتشكل معاني ممكن تكون متقاربة وممكن تكون متنافرة وممكن ما يكون بيناتها من الأصل رابط..
الإنجليزية لست بأحسن حال وأخد كلمة UP مثال،، قال كيف:
a drain must be opened UP because it is stopped UP

ويبقى السؤال قائم
هل التبرعات سيوفشل في جمعها أم سيوخفق مبدئيا جمعها

يا دوك، من ناحية الفشل فانا فشلت فشل ذريع
تلاتة شواكيش زي السم، يدخلن أي مسمار في أي حاجة

أما فيما يخص فرزك لكلمة أخفاق من فشل
فالاخفاق ياهو الفشل زاتو، بس انت مريحاك كلمة اخفاق دي (زي نكتة شيل كراعك من رجلي)
أو زي الكلمات القليلة الأدب، لو كتبتها بالانجليزي الناس بتقراها عاااادي، لكن لو جيت كتبتها بالعربي فسيتم اعلن الحرب عليك

[imported_أسعد]

المشاركة الأصلية كتبت بواسطة حسن النضيف

والله ربنا يسهل الأمور...
غايتو بالدعوات بنقيف معاك...
شوايقة وكده.

حبيبنا ابوعلي
غايتو كشايقي، الدعوة دي زاتو كتيرة منك، وعصرت على نفسك شديد
وبذلت الغالي والنفيس فيها.
انا بعرف لي شايقي اكتر من خمسة سنة، ما حصل دعى لي الدعوة دي
وبل بشمت فيني وعاجبو حالي المايل دا

[بابكر مخير]

المشاركة الأصلية كتبت بواسطة أسعد

يا دوك، من ناحية الفشل فانا فشلت فشل ذريع
تلاتة شواكيش زي السم، يدخلن أي مسمار في أي حاجة

ولرب فشل خير من الف توفيق

المشاركة الأصلية كتبت بواسطة أسعد

شيل كراعك من رجلي

هههههه
دي قوية وكان سرحت بي عمك فتحي مسعد بالجد

المشاركة الأصلية كتبت بواسطة أسعد

أو زي الكلمات القليلة الأدب، لو كتبتها بالانجليزي الناس بتقراها عاااادي، لكن لو جيت كتبتها بالعربي فسيتم اعلن الحرب عليك

بتابع الأفلام الإنجليزية وخاصة الفيها "ترجمة على الشريط". بتعجبني أكتر ترجمة لي كلمة من الذي "كااااااان" منه لمن هموا في عمري.
الكلمة تترجم "تباً"

[imported_الجيلى أحمد]

للأهمية القصوي
نرجو من القائمين علي المنتدي وضع هذا البوست في البانر..
أسعد دا ذاتو ختو لينا في البانر عشان نخلص

[معتصم الطاهر]

أسعد

ياخ الرشيد عرّس !!