إحتفاءً بالعمدة عكود، النور يولم، ويلم البورداب (صور)

[عبدالمنعم الطيب حسن]

سعادتو النور دوما سباق وقدامي وكريم..
جاء العمدة ابوذر الكامل عكود في طريق للاراضي المقدسة
وهبط الرياض بصحبته ولدنا الامير محمد ابوذر
وجمعنا النور النور مساء امس الاربعاء
الدكتور عبدالله جعفر
نصار الصادق الحاج
وحضرتي
وصاحب الدعوة
النور يوسف
والمحتفى بهما
العمدة عكود
الباشمهندس محمد ابوذر
وكانت ليلة من ليالي الف ليلة
..

[عبدالمنعم الطيب حسن]

الخيمة ماشاء الله تليق بانسان عظيم وكريم..
جاهزة لاستقبال الضيوف.. قريباتي دي كنا هناك..
وأمس، والتالتة مؤكد واقعة😂
يا زول الطربيزات بها مالذ وطاب من المكسرات والحلويات والمويات والعصيرات
والشاي والقهوة.. جينا انا ونصار بعربية واحدة.. نصار جارنا في غرب الرياض
وضربنا اكباد ابل نصار التي ما هي خمج..شربنا الماء وضربنا المكسرات والحلويات وقبنا على الشاي والقهوة.. كل حكاية من الدكتور عبدالله او عكود..
او النور نجغم جغمة من الشاي.. وحبسنا بعصير عجيب..
والانس والاضاحيك سيدة الموقف.. والجميع غاية المتعة..

[ناصر يوسف]

ملمومين ديمة في المحبة يا منعم

[عبدالمنعم الطيب حسن]

المشاركة الأصلية كتبت بواسطة ناصر يوسف

ملمومين ديمة في المحبة يا منعم

تسلم حبيبنا ناصر يوسف
نلتقى

[عبدالمنعم الطيب حسن]

...

[عبدالمنعم الطيب حسن]

صور قادمة

[عبدالمنعم الطيب حسن]

اوووك العشاء دا عاوز مداخلة براهو...
ابلعوا ريقكم.. وانتظروا الوصف،
ان شاء الله ما انسى صنف😂😂😂