العرس و(علب)والبنا والبناول الطوب

عمار مكى عمر حسن · 07-11-2007, 01:48 PM

لم اجد ما اكتبه
فبدات من غير هدف
هكذا تهافتتنى الانواء بين الكتابه فى فضيحه المريخ وهروب اوتوفستر الى تهريب اطفالنا الى فرنسا مرورا بشكله الشراكه والعرسسسسسس
بس
لقيتا
العرسسسس
وانا احول ترتيب افكارى هل ابدا بالكتابه عن المهور ام فطور العريس ام عن اختيار (الشريك)ه هل هو اقصد هى بيضاء طويله ام سمراء قصيره
ماذا احب انا ؟
السمراء جميله
خاصه الزانداويه
لكنها قصيره فى الغالب وانا اميل للطوال
اذا فهى دينكاويه والدينكا عز
لكن البيضاء رغبه الكثيرين
خاصه الجعليه
بس الجعليه (ناشفه) وبتاكل النار زى اخوها
وانا داير واحده نووم الضحى
ماذا ايضا ؟
الحفله االهجيج والفنانين و......
جال بخاطرى هم العمل واناارى صديقى واخى (علب) هكذا نسميه وهى تسميه ليست اصيله لكنها كنيه اكتسبها من علب الاصلى وعلب الاصلى كان عرفنى قاصدو فى البوست دا حتقوم داحس والغبراء من جديد المهم (علب) هو صديق ودفعه لم يجد حظه من العمل حتى الان
وهو الان لايملك قوت يومه
ما ذا الان ؟
نسيت العرس تماما وبدات افكر فى حل لمشكلته
بس
لقيتا
لالالا
انا اساسا ارفض المبدا من اولو
لكن يسوى شنو
ما مافى طريقه الا كدا
الموضوع بسيط
بدله كنقوليه رماديه وحبه تكنيكات كلام وبعد داك يمشى يتطوع فى اللجنه الشعبيه وحبه حبه ....
لا لا لا
مامكن
خلاص نعكس الايه
يعنى حبه شعارات عن ال... الجديد زائدا حبه فلسفه والواحد يمشى المينا البرى يقرى (المنفستو) وحبه مقالات عن (الراحل) و حبه حبه ...
لا لا لا
لكن كيف؟؟
كييييييف؟
سرفنى فى تاملى فى علب والخال وود الريح وجهلول وغيرهم كثر صوت امى يقول لى
الكهرباء قطعت
يعنى شنو؟
مافى قروش قوم جيب الكهربا وكمان كيس عيش وفول ب500 وطبعا الزيت و الجبنه وكل اللوازم
وتانى
اجرد حساب الدكان
وتانى
ماتنسى تخلى حق الغسيل والمكواه وحق البت الشغاله قبل ما تطلع الصباح عشان الاسبوع انتهى
اها؟
لازم تجى بدرى عشان رفع الفراش وماتنسى الكشف اعمل حسابو بس ماتتاخر عشان ننمشى الدكتور اصلو بكره المقابه و و و و و و و و و و
وتانى؟ وووووووو
وووووو
ووو
وو
و
خخخخخخ
شنو؟
الفاتحه
رايت نفسى على العنقريب
لاول مراه اكون انا المحمول بس بى فهم تانى
اصلو انا طول عمرى محمول
بس المره دى بدون التزامات حتى بيتك الاخير الناس تدق ليك طوبو
يا سلام الناس بقت طيبه
وكمان دعوات
الهم ان كان مسيئا وطبعا العبد لله مليان ذنوب لكن الغريبه جاوبت على كل الاسئله من الملكين يسهوله
انت من السودان ؟ اول مره سوال من الملكين غير الذى نحفظه من الابتدائى والخلوه
نعم
وهوب انا فى الجنه
انا شفتنى فى الجنه بدون اى حساب وهناك لقيت ود الريح والخال وعركى وعلب ومصطفى سيد احمد والمحجوب والازهرى وسامى عز الدين ووووو
وبقيه اناس ذوو الجنسيه الخضراء الكبيره او الممغنطه المهم الجنه بس تقدم جنسيتك مكتوب عليها سودانى
تووش تخش بس بعد حبه افستقيشنس
اجب بلا او نعم
هل لك علاقه بالاس الس..
بتعرف البنا؟
سمح البناول الطوب
نواصل

الفاتح · 11-11-2007, 06:50 AM

يسعد صباحك..
كعادتك عجنت " ملطماً ضخماً" من القضايا: العرس, وعلب, والبناول الطوب, والحركه الشعبية, واللجان الشعبية, , وبتاع الدكان, والجنّه, ..
هذه القضايا مجتمعة بالضرورة أن من يتاولها يترنَح في " سقالته" كثيراً لثقل وطأتها وإستيعابها.
أحيي روح كتابتك هذه
وأنصح من يناول الطوب أن يحذر من العقارب.. والأهل.. والأصدقاء.

Ayman Adel · 12-11-2007, 10:11 PM

جال بخاطرى هم العمل واناارى صديقى واخى (علب) هكذا نسميه وهى تسميه ليست اصيله لكنها كنيه اكتسبها من علب الاصلى وعلب الاصلى كان عرفنى قاصدو فى البوست دا حتقوم داحس والغبراء من جديد المهم (علب) هو صديق ودفعه لم يجد حظه من العمل حتى الان
وهو الان لايملك قوت يومه
ما ذا الان ؟

يا عمار مكى ده ياتو علب الاب ولا الابن

كل الشوق والإحترام

أيمن

عمار مكى عمر حسن · 16-11-2007, 08:52 AM

شليل
مامنى والله من العلى
شكرا على النصيحه لكن دا قدر البهبش الطوب
يديك العافيه

عمار مكى عمر حسن · 16-11-2007, 08:54 AM

ايمن
عمريا علب المقصود هو الصغير وطبعا الاصلى انت عارفو دو رى مى

07-11-2007, 01:48 PM	#[1]
عمار مكى عمر حسن :: كــاتب نشــط::	العرس و(علب)والبنا والبناول الطوب لم اجد ما اكتبه فبدات من غير هدف هكذا تهافتتنى الانواء بين الكتابه فى فضيحه المريخ وهروب اوتوفستر الى تهريب اطفالنا الى فرنسا مرورا بشكله الشراكه والعرسسسسسس بس لقيتا العرسسسس وانا احول ترتيب افكارى هل ابدا بالكتابه عن المهور ام فطور العريس ام عن اختيار (الشريك)ه هل هو اقصد هى بيضاء طويله ام سمراء قصيره ماذا احب انا ؟ السمراء جميله خاصه الزانداويه لكنها قصيره فى الغالب وانا اميل للطوال اذا فهى دينكاويه والدينكا عز لكن البيضاء رغبه الكثيرين خاصه الجعليه بس الجعليه (ناشفه) وبتاكل النار زى اخوها وانا داير واحده نووم الضحى ماذا ايضا ؟ الحفله االهجيج والفنانين و...... جال بخاطرى هم العمل واناارى صديقى واخى (علب) هكذا نسميه وهى تسميه ليست اصيله لكنها كنيه اكتسبها من علب الاصلى وعلب الاصلى كان عرفنى قاصدو فى البوست دا حتقوم داحس والغبراء من جديد المهم (علب) هو صديق ودفعه لم يجد حظه من العمل حتى الان وهو الان لايملك قوت يومه ما ذا الان ؟ نسيت العرس تماما وبدات افكر فى حل لمشكلته بس لقيتا لالالا انا اساسا ارفض المبدا من اولو لكن يسوى شنو ما مافى طريقه الا كدا الموضوع بسيط بدله كنقوليه رماديه وحبه تكنيكات كلام وبعد داك يمشى يتطوع فى اللجنه الشعبيه وحبه حبه .... لا لا لا مامكن خلاص نعكس الايه يعنى حبه شعارات عن ال... الجديد زائدا حبه فلسفه والواحد يمشى المينا البرى يقرى (المنفستو) وحبه مقالات عن (الراحل) و حبه حبه ... لا لا لا لكن كيف؟؟ كييييييف؟ سرفنى فى تاملى فى علب والخال وود الريح وجهلول وغيرهم كثر صوت امى يقول لى الكهرباء قطعت يعنى شنو؟ مافى قروش قوم جيب الكهربا وكمان كيس عيش وفول ب500 وطبعا الزيت و الجبنه وكل اللوازم وتانى اجرد حساب الدكان وتانى ماتنسى تخلى حق الغسيل والمكواه وحق البت الشغاله قبل ما تطلع الصباح عشان الاسبوع انتهى اها؟ لازم تجى بدرى عشان رفع الفراش وماتنسى الكشف اعمل حسابو بس ماتتاخر عشان ننمشى الدكتور اصلو بكره المقابه و و و و و و و و و و وتانى؟ وووووووو وووووو ووو وو و خخخخخخ شنو؟ الفاتحه رايت نفسى على العنقريب لاول مراه اكون انا المحمول بس بى فهم تانى اصلو انا طول عمرى محمول بس المره دى بدون التزامات حتى بيتك الاخير الناس تدق ليك طوبو يا سلام الناس بقت طيبه وكمان دعوات الهم ان كان مسيئا وطبعا العبد لله مليان ذنوب لكن الغريبه جاوبت على كل الاسئله من الملكين يسهوله انت من السودان ؟ اول مره سوال من الملكين غير الذى نحفظه من الابتدائى والخلوه نعم وهوب انا فى الجنه انا شفتنى فى الجنه بدون اى حساب وهناك لقيت ود الريح والخال وعركى وعلب ومصطفى سيد احمد والمحجوب والازهرى وسامى عز الدين ووووو وبقيه اناس ذوو الجنسيه الخضراء الكبيره او الممغنطه المهم الجنه بس تقدم جنسيتك مكتوب عليها سودانى تووش تخش بس بعد حبه افستقيشنس اجب بلا او نعم هل لك علاقه بالاس الس.. بتعرف البنا؟ سمح البناول الطوب نواصل
عمار مكى عمر حسن :: كــاتب نشــط::	التوقيع: sudany

11-11-2007, 06:50 AM	#[2]
الفاتح :: كــاتب نشــط::	يسعد صباحك.. كعادتك عجنت " ملطماً ضخماً" من القضايا: العرس, وعلب, والبناول الطوب, والحركه الشعبية, واللجان الشعبية, , وبتاع الدكان, والجنّه, .. هذه القضايا مجتمعة بالضرورة أن من يتاولها يترنَح في " سقالته" كثيراً لثقل وطأتها وإستيعابها. أحيي روح كتابتك هذه وأنصح من يناول الطوب أن يحذر من العقارب.. والأهل.. والأصدقاء.
الفاتح :: كــاتب نشــط::

12-11-2007, 10:11 PM	#[3]
Ayman Adel :: كــاتب جديـــد ::	جال بخاطرى هم العمل واناارى صديقى واخى (علب) هكذا نسميه وهى تسميه ليست اصيله لكنها كنيه اكتسبها من علب الاصلى وعلب الاصلى كان عرفنى قاصدو فى البوست دا حتقوم داحس والغبراء من جديد المهم (علب) هو صديق ودفعه لم يجد حظه من العمل حتى الان وهو الان لايملك قوت يومه ما ذا الان ؟ يا عمار مكى ده ياتو علب الاب ولا الابن كل الشوق والإحترام أيمن
Ayman Adel :: كــاتب جديـــد ::

16-11-2007, 08:52 AM	#[4]
عمار مكى عمر حسن :: كــاتب نشــط::	شليل مامنى والله من العلى شكرا على النصيحه لكن دا قدر البهبش الطوب يديك العافيه
عمار مكى عمر حسن :: كــاتب نشــط::	التوقيع: sudany

16-11-2007, 08:54 AM	#[5]
عمار مكى عمر حسن :: كــاتب نشــط::	ايمن عمريا علب المقصود هو الصغير وطبعا الاصلى انت عارفو دو رى مى
عمار مكى عمر حسن :: كــاتب نشــط::	التوقيع: sudany