كتب القندف الهاشمي طبعا كشيوعي داخل في شخصية الملم بكل بواطن وظواهر الامور
اقتباس:
ياأبا الحُسن
ياصديقى وبالله الفاً نحسّ بألأذى الذى ألمّ بك وبحبيبنا بولا وزميلتنا نجاة
ونحن لا نخشى فى الحق لومة لائم (والنون دى تخصّنى وكل من يتفق معى داخل الحزب وخارجه كمان) والحزب دا بنحبّو شديد (ومن الحب ماقتل) ولو ما كدا مادخلناه يوم تجزّ الرؤوس وساعة لا أمتياز أو كراسى ولا ظلال.
والحق بيّن والباطل بيّن وموضوع السارق والمسروقات (واشد مضاضة كلام قلّة الأدب) وأصرار السارق ببلاهة على مواصلة السرقة ما داير ليهو تصويت voting لأحقاقه. وليك حق فى المطالبة برد حقوقك وحقوق الآخرين القانونيّة عند السرقة وغيرو ويجب مؤآزرتك حتى ينتصر الجميع لحقوق الملكية. ومن حقّك ايضا فضح السلوك امام الرأى العام وفى هذا البوست. لكن النظرة للحزب (ذو البرنامج السياسى) وكأنه بلورى تطهرى لا تصح . وأنت أدرى بآليّات التجنيد وتعدّد مشارب الفجوج العميقة والخلفيّات التى يأتون منها وطرائق الدخول اليه والخروج منه وتطبيق اللائحة والبروقراطيّة. والبلاوى القوقلية التى تقع على رؤووسنا (من Google يعنى واحد قدّامو قوقل صفر يكون كمثل تريليون تريليون مما تعدّون - ودا بتصرّف من نكتة قوقلية حلمت بها مؤخرا)
صحيح فى سياق نظرى (مثالى) وصحّى يمكن للفرع محاسبة عضويته ولكن ماذنب العضوية الأخرى البعيدة من هذا الفرع (حيث لا يصح لائحياُ مخاطبة فرع لفرع وانما تداول الموضوع عبر اللجنة المركزية)
ثم أن فساد زميل هو فساد حزب بأطلاق هكذا لا تجوز الا بمنطق خطّى ، منطق يا أبيض يا أسود.
تجربتى الشخصية قد تجاوزت الدفاع الأعمى عن مطلق زميل شيوعى ، ففى الحزب أجمل خلق الله ولا يخلو من أسوئهم/ن.
أتفق مع الكثير مما اورده الزميل وليد كون سلوك المدعو خالد الحاج (زمالتو تطير) تضر بالمؤسسة وسلوكه يدخل فى باب الظاهرة الطفيلية الفنية فى السودان وخارجه ويجب ردعها بمسؤولية لكن فى رأيئ أن فساد عضو حزب يفسّر بفساد مؤسسة (الحزب) لا يخلو من اشكالية وظلم الحزب/المؤسسة كما لا يعفى الحزب باطلاق.
المهم ياأهل
لا أقدر أن اعبّر عن تضامنى مايكفى لرد الأذى الذى أبتليتم به والذى لم يمسسكم وحدكم وانما ذاع وعمّ الفضاءات والأقطار وقضّ مضجع اسركم ومزاجكم فى غدوّكم ورواحكم للعمل وتعليم الصبيان المقدّس والترجمة والبحوث وأصدار منبر فى قامة سودان للجميع ، منبر للخصيم كوّاى –كما تقول الأغنية الشعبية- والخصيم هو العدو الذكورى والطفيلى كما فى هذه الحالة.
ما أكثر أمراض الدياسبورا وأذاها وقهرها فهى كُتُر.
المهم يازول، أخرتو، أن تلطيش الحزب كل الحزب بعضو واحد غير مناسب .
لكن واصل فضح السرقة والسرّاقين ماأستطعت والسعى الدؤوب لترسيخ مفهوم ومؤسسة تحمى حقوق المبدعين من كل شاكلة ولون.
مودتى
هاشمى.
|
كتب با ابا الحسن مكنيا حسن موسى مستخدما اساليب الثقافة العربو اسلامية في التحبب للاخرين
اذا حسن ما عنده ولد اسمه حسن يكون اسمه ابو علي وما ابو حسن يا حبيبنا الهاشمي
الهاشمي قال حزن جنس حزن على ثلاثي باريس على ما الم بهم من ابي جعفر خالد الحاج
طيب يا الهاشمي
دحين ابدا طقشت عينك تصاوير كدا فيها رئيسة حزب حق الاستاذة هالة عبدالحليم مصورة في شكل زرافة عريانة لابسة "كالب عالب"*
ولا اختنا ممكونة مصورة في شكل ضبانة خرا؟
ولا سخرية من حادث العربية الاتعرض ليه عادل وهالة تحول الى التصاوير الساخرة؟
ولا تصاوير فيها ابو جعفر خالد الحاج ولا اي حاجة ذي دي؟
لانه بالجد انت تخشى في الحق لومة اللائم والا لما كتبت ما كتبته
ما قلت ليك كلام نحنا وبلا بلا بلا بلا بلا دا ما بشرب موية
نحنا هنا نعمل جك اند بلانس للزيك ابات ذمة مطاطة ديل
خالد الحاج ابو جعفر صديقي بس سمبلي دافع عنه نفسه ودا من حقو طبعا
الا اذا بيقتو في بلاد الفرنجة مسيحين وعايزنو يدير خدو الايمن..
تعرف يا الهامشي كتابتك بايخة شديد في حقك وفضيحة عديل كدا
بالجد مسح على الجوخ..لا غير..
اقتباس:
والحق بيّن والباطل بيّن وموضوع السارق والمسروقات (واشد مضاضة كلام قلّة الأدب) وأصرار السارق ببلاهة على مواصلة السرقة ما داير ليهو تصويت voting لأحقاقه
|
بالله دا كلام دا؟
قلت لي شنو؟
قلة الادب اوععععععععى تكون قاصد قلة ادب ابو جعفر خالد الحاج..
الابله حقا من يحاول ان يطنش الكمية من التصاوير وقلة الادب التي يدافع عن مطلقها متحببا له مكنيا له
والله جد الما عندو لسان شقي وفلسان
اسع يا الهاشمي ما بتخجل على كلامك دا؟
ما رايك في البطنش ببلاهة ما حادث ويجي يدافع عن" الان سكيبابول"
( كلمة سوقية تناسب من يقوم بفعايل الهاشمي)
اقتباس:
أتفق مع الكثير مما اورده الزميل وليد كون سلوك المدعو خالد الحاج (زمالتو تطير) تضر بالمؤسسة وسلوكه يدخل فى باب الظاهرة الطفيلية الفنية فى السودان وخارجه ويجب ردعها بمسؤولية لكن فى رأيئ أن فساد عضو حزب يفسّر بفساد مؤسسة (الحزب) لا يخلو من اشكالية وظلم الحزب/المؤسسة كما لا يعفى الحزب باطلاق
|
اها دا نوع من الكلام يقرف اليوم الشاف البوردات دي..
قلت لي شنو يا هاشمي؟
فساد عضو شنو وكيف وليه؟
حقا الاختشو ماتو
اقتباس:
أقدر أن اعبّر عن تضامنى مايكفى لرد الأذى الذى أبتليتم به والذى لم يمسسكم وحدكم وانما ذاع وعمّ الفضاءات والأقطار وقضّ مضجع اسركم ومزاجكم فى غدوّكم ورواحكم للعمل وتعليم الصبيان المقدّس والترجمة والبحوث وأصدار منبر فى قامة سودان للجميع ، منبر للخصيم كوّاى –كما تقول الأغنية الشعبية- والخصيم هو العدو الذكورى والطفيلى كما فى هذه الحالة
|
يا سلام على التضامن قلت لي عمل شنو لمنو وكيف وليه؟
راجع ما يكتبه ثلاثي باريس وما يروج بكل وسائل الاتصال حتعرف كيف الناس في الحب ببتالم؟
قلت لي عضو ذكوري وشنو حبة بذاءة لزوم الملاحة وكدا
بالجد البرقص ما بيغطي دقنو
الهاشمي لو سمحت بالله قوم لف..
بالجد فلول اليسار آكلة الولفير بقت فتة ساكت..
الكتابة ما رص وقص وتنميق .الكتابة مسؤولية..
اتمنى يوم من الايام ما يدوك نوط العنقريب ويدخلوك جهنم
لاني حاشمت فيك جنس شماتة..
أن
اقتباس:
تلطيش الحزب كل الحزب بعضو واحد غير مناسب
|
والله لكن حننتوني والله...قلت لي تلطيش الحزب بزول واحد
والله الحزب دا اطلش بالزيكم ديل المتملقين حارقين البخور..
حسن موسى والله حكومة والناس اهالي..
بالجد انا معجبة بيك قادر تشتم وتطلع رخصة شتم وتجي الناس تتبهل ليك كدا
في طولك في عرضك با ابا الحسن
عفارم عليك يا ابا الشمقمق..
_______
كما تنطق قديما مافي اي خطا املائي هنا مقصودة..