مائة عام من الكبكبة -نافذة خاصة

[النذير بيرو]

سلوي : ازيك يا نادر

نادر: يبتلع ريقه ويتحسبن ويتبسمل ويتحوقل اااهلاااااااااااان اتفضلي

بارد ولاشاي ولا اقول ليك اجيب ليك اول شاي وبعدين بارد

شكرا يانادر ماركيز

الجو جميل وصحو ومتفائ واذاعة الحارة السابعة شغالة فنانين(قرف) شي لبناني وشي باكستاني وتلفونات الكستمر كير (الو ممكن اهدي) جدا اي بهدي لي اهلي في ساق الاسد وقوز البعاتي اغنية للفنان حمدان سبيرتو) جدا طلبك مجاب

يدخل نادر في اشد حالات (الرمسسة) سلوي اها اها اها رايك شنو في حمدان سبيرتو

سلوي: مباااااااااااااااااااااالغة بحبو شديد خاصة اغنيتو البتقول ( لقيتا جنب المول)

نادر : اي جدا احم شاعرها زاتو من شعراء سوق الناقة الحداثييون

اي والله

رايك شنو نمشي شاع النيل

جدا

قرب شارع النيل يجلسان( الكبكبة بادية علي محياها ومحياه )


والله حال الجامعة اليومين دي مابعجب خاصة ايام يكون في ركن نقاش بتاع( حزب الجني جداد الديمقراطي)

اي يوم داك سووا شكلة عشان مافازوا في انتخابات الكمنولث

اي والله

ياربي هسي بدوهم شنو كان اتضاربوا ولا اتصالحوا


-------------- نواصل)-----------

[النذير بيرو]

الو نادر ازيك

منو معاي
ماعرفتني انا للوية ) واحشني

لكن انتي منو

شفت مسلسل الود المجنن البنات ( مهند وحاجة ( السرة)

لا والله لانو انا زاتي لاشكالات عاطفية محضة بعتبر نفسي مفوض لاكون مهند السودان

بالله بالغت
طيب انا نور البلد دي اكان انتي مهند

توت توت توت الرصيد خلص

عليك الله ياسلوي لمن تمشي الاتصالات تشتري كريمات حولي لي معاك الف شيكل اقصد الف جنيه سوداني

حاضر .........

تعلن النتيجة الانتخابية في الجامعة يفوز كاسح لحزب (ود ام زقدة) علي قائمة العديل والزين الائتلافية

تنتفض الجامعة انتفاضة قيل ان اجدادنا القدماء( عملوا زيها)

توت توت توت
نادر الو انا ماهناية ماعرفتني الكنت لابسة جزمة حمراء يوم لاقيتك في طهور ناس ( بلبل) ود ريماز

بالله دي انتي خلاص مسكللي حتي يتململ تلفوني من المسكلة المرادفة للقاء

ومسكلت ولما ضاقت مسكلاتها هرب منها الاخ البلوتوث الي غير رجعة

-----------نواصل -----------

[الجيلى أحمد]

بيرو

ياعجيب

شغل مدوزن

واصل يامبدع

[النذير بيرو]

الحبيب الجيلي

وجودك هنا هو ايضا ابداع ايها المناضل

شكرا لمرورك

[عكــود]

بيرو أيّها الجميل،

كتابتك دائماً ما تدق أجراس عالية عندي

لك التحيّة يا صديق.

[النذير بيرو]

عكود الرائع

وينك يا اخوي انت اختفيت وانا اختفيت قترة طويلة طلتك في المنتدي ابهجتني جدا لانو رجعتنا لايامنا الحلوة في سودانيات بالتاكيد انت وبعض الاخوة حاليا بدون فرز

دمت

[النذير بيرو]

تقوم المظاهرة هادرة (بالروح بالدم نفديك حرم)

جوار شارع الاستبالية حيث تتكدس عربات الاسعاف حتي اذا وجدتها حسبتها قطعانا ترعي الاطباء يمارسون زهوهم منذ ان عرفوا انهم ستم قبولهم في كلية الطب تميز سحناتهم التريانة من بعيد لان سعر التذكرة في العيادة في دولة اسماعيل باشا حفيد محمد علي الاصغر الذي طرد المماليك في غزوة ابو التيمان المشهورة.

الو يانادر انت وصلت وين

اي انا حاليا موجود في موقف السوق العربي ولا السوق الاوربية المشتركة ماعارف في ميدان مستر هايد ومستر جيكل

بالله زمان درسونا كيف تحترم الكبير هسي هنا الحالة واحدة في بلد اسماعيل ابن محمد علي باشا صاحب الدفتردار الاكبر يقال انه في غزوة (بحر ابيض) ارتكب المجازر وقطع الارحام في حملته الانتقامية تلك.

سلوي : والله يانادر انا في اشد حالات الاحباط لمن اشوف البوار العاطفي في علاقة طردية مع زيادة الكافتيرات يكفي انو بس محل الطيارة بتقوم في سبعطاشر كافتيريا بتقدم ( لحم ام بيوض) وبيتزا الطليان هم بالمناسبة لمن انجليز السودان رحلوا هم كسروا (كرونة) كلب في دولة بني جريوات .

-- -----------------------نواصل)

[دوت مجاك]

النذير يا مبدع
ولا خليتنا ننسى الهم والغم لحظات
واصل يا حبيب
وما تقطع ابداعاتك مننا

مودتى

[بابكر مخير]

المشاركة الأصلية كتبت بواسطة دوت مجاك

النذير يا مبدع
ولا خليتنا ننسى الهم والغم لحظات
واصل يا حبيب
وما تقطع ابداعاتك مننا
مودتى

الحبيب دوت
وإحنا مننا ليك مودات ومودات مش واحدا بس
وينك
سنة ولا إتنين ما شايفنك

[فيصل سعد]

المشاركة الأصلية كتبت بواسطة عكــود

بيرو أيّها الجميل،

كتابتك دائماً ما تدق أجراس عالية عندي

لك التحيّة يا صديق.

هلا هلا

و سلام و شكر و تقدير و متابعة يا بيرو ..

[النذير بيرو]

الاحباء جدا

دوت مجاك الرجل الرائع طالما انت موجود بيننا لايوجد هم وغم اضهر وماتختفي ياراجل خليك معنا دوما


بابكر مخير شكرا علي طلتك معي هذا البوست


فيصل سعد الجميل اتمني ان اقرا لك كل البوستات لكن احيانا اجد وقتي مشغولا الي المساء وانظر شذرا بحسرة الي المواضبع وانا ماقادر حتي امسك الاخ الماوس

كلكم لكم حبي العميق

[النذير بيرو]

تبا هذه المدسنة الفاضلة علي بعض بنيها

لن يتركوها حتي يداهمهم الموت

دولة اسماعيل باشا حفيد ولد محمد علي الكبير الذي هزم المماليك تستخدم كل اشكال المواصلات بدا من (العجل الواحد) حتي خمسة عجلات القطار العجوز يغازل في ميدان مستر جيكل ومستر هايد صغار المركبات وقد اصطفت في غنج تلوح لراكبيها من الهكسوس الذين ضاقت بهم متون وحواشي ضهاري نيويورك وفلادليفيا وام طرقاجيستان ومسيدستان ودويمتورز وشتي ضهار نيويورك .

الو نادروف انتا وين

خلاص انا يادوب ختيت ضلافيني في اول بص متجه الي الكلاكلوست بالمناسبة السنة الجاية حيعملوا في مونديال 2019 قبل الميلاد اتخيلي ياهناية قلتي لي عندك احباط شديد ومنخفض حراري موازي لاستراتيجية توطين ( الاقاشي) الاجتماعي
انا علي فكرة بديت في نص قربت اتمو

بالله عليك وريني ليهو

لا خليهو شوية حيعمل ضجة في زريبة المواشي

طيب عنوانو عليك حبوبتك

اسمو(ضجت شوراع الاقاشي)
بقول:
كل الشوارع اقاشي

كل الشوارع مديدة حلبة

ياشوارع المدينة الامجاد والهلع المقيم

ياسلام يانادر انتا بالمناسبة حيستضيفوك في برنامج اذاعة الحارة السابعة بتوقيت زقلونستان الغربية.

امتلاات الشوارع قليلا قليلا قيل ان مدير المدينة سيخطب في الساحة ليعم الرخاء ويكفيهم شر البلا المتلاحق والدين الفي الكتوف لان اصله غير معروف لكن فوائده ملموشة ويكون وبالا علي البلد في حالة هجمات جديدة من فئات اخري قادمة علي ظهور الدواب ولان سلاح الجو المنجنيقي تطور قليلا من سلاح ( التبش بالشطة التقليدي).


--------------نواصل-----------