الوصية فى الذمة .. والأمانة فى الرقبة

[معتصم الطاهر]

أبقوا عشرة .. على سودانيات
ما بوصيكم على بعض .. الريدة الفيكم بتكفى بعضكم
اختاروا أمين عام .. عكود أو زى عكود .... يا أحسن ( حواء والدة ) ..

و مجلس ادارة نشط ..
وصوتوا بالله ..

و كل سنة وانتو طيبين ..
نشوفكم بعد العيد ..

[frame="6 80"]برنامجي فى السودان ان شاء الله ..

الخرطوم - الدويم - ربك - مدنى - القضارف - كسلا - بورتسودان - بربر - القرير - ربك .. ( كمسارى يا بعيد) ..[/frame]



بالله رجعوا لينا (بيان) ...
نلقاها قاعدة و ضاربة الونسة مع خضر و الشكلة مع نبيل .. والحنك مع آمال ..

غايتو لحدى بكرة معاكم ..

[معتصم الطاهر]

شباك الحنين مفتوح .. على كم زقاق باكي
بين غنوه شايله النوح وبين بسمه شايلاكي
وانا في قفاي مطعون وعلى ضلفه متاكي

شكرا ( ماسى )

لأنو ..

لايمكن اطلاقا بتات... تشرد خليه من الجسد:

او على قول الشوايقه

" نجيني بالوصل الرحيم
من مخلب الشوق الرجيم
دي الرده من ريدك حرام استغفر الله العظيم"

[بابكر مخير]

المشاركة الأصلية كتبت بواسطة معتصم الطاهر

أبقوا عشرة .. على سودانيات
ما بوصيكم على بعض .. الريدة الفيكم بتكفى بعضكم
اختاروا أمين عام .. عكود أو زى عكود .... يا أحسن ( حواء والدة ) ..
و مجلس ادارة نشط ..
وصوتوا بالله ..
و كل سنة وانتو طيبين ..
نشوفكم بعد العيد ..
[frame="6 80"]برنامجي فى السودان ان شاء الله ..
الخرطوم - الدويم - ربك - مدنى - القضارف - كسلا - بورتسودان - بربر - القرير - ربك .. ( كمسارى يا بعيد) ..[/frame]
بالله رجعوا لينا (بيان) ...
نلقاها قاعدة و ضاربة الونسة مع خضر و الشكلة مع نبيل .. والحنك مع آمال ..
غايتو لحدى بكرة معاكم ..

عمدتنا الغالي الحبيب
ترجع لينا بالسلامة
ووصيتك أوامر،
ما أتو الرسمتو الدرب وعبدتوهو
وإحنا بيناهن المساكن عليهو وقطناها..
إلا
عكود شبيهو ما في واليبل رأسو هو المجموعة
تاااااااااارآ وراااااااادآ..
أها أنا بوصيك.
بي ربك
وفي دربك لي ربك
إتلفت شمال وسلم ليا على ناس الجزيرة آبا
شيلينا فاتحة مباركة على الأرواح الراحت في حق بلدا.
.........
سلم على الأهل واحدة، واحد
سلم علي البلد
قول ليهو يصبر
ما ضيق وإلا فرج
...
ليك المحبة

[معتصم الطاهر]

ود مخير

سلامات

الجزيرة ابا ياني واصلا ..
دايما بلبس مركوب قطع الجزيرة .. وبمشى لي زول معّين و لامن أرجع من طيبة بسلمنى جوزين ..

أها
ضربة الجزيرة أنا حاضرا فى الثانوى العام ..
وعايشتها طلقة طلقة ..

[بابكر مخير]

المشاركة الأصلية كتبت بواسطة معتصم الطاهر

[B][color=#4B0082]
أها
ضربة الجزيرة أنا حاضرا فى الثانوى العام ..
وعايشتها طلقة طلقة ..

الحبيب عمدتنا
دي بقى قربتك مننا كتييير
الثانوي العام طالب ولا مدرس
غايتو حسن فرح، فتحي مسعد وعمي شوقي وهشومي وفيصل سعد وأنا
عارفييييييين كنا وين

[كيشو]

نتمنى لك إجازة سعيدة
إختيار الأمين العام لازم تحضرو حتى لو كنت في سقط لقط لو كنت عايز عكود، وإذا راقدلك فوق راي أخير يا خوي تستمتع بي إجازتك وما تشغل نفسك بالكمبيوتر
بالله تمشي بيتنا وتسلم علي أمي وأبوي
وتمشي سوق ديم النور
ويا ريت تزور سوق المحصول وتقيف في النِمَر، وتتونس مع العتالة (وتشوف إدارة الأعمال التقليدية)

[مواطن]

إجازة سعـيدة يا باشمهنـدس ومتعك الله بالصحة والعافيـة وكل عام وأنـت بخيـر مقـدماً

[خالد الحاج]

إجازة حلوة يا باش رغم أنو الموضوع فيه خيانة وكده
طبعا تاني لما تقول لي يا خالد نخطط لي حاجة سوا وحات خوتك ما بشتغل بيك الشغلة.
المرة الأولي خليتني مشيت تركيا براي للكاشف أخوي وبقيت وسط الأسرة الحلوة زي غفير العمارة
المرة التانية عزمتني في بيتك قال شنو (يا خال لو فكرت في أجازة تعال في الأول غاشيني هنا في الدوحة وتذكرتك حقة الطيارة علي)
طبعا خالك حريف أتذكر والله ردي عليك (تذكرتي بقطعا برااااي) وبجيكم يا باش أنا الدوحة دي لازم أشوفها ...
أها مرقتها في السودان ؟؟؟
يشهد الله الدوحة دي تاني علاج ما أجيها

أها يا زول أبقي عشرة وسلم علي الأحباب ... أزهري محمد علي .. هاشم صديق... عالم عباس... ملكة سبأ "كتير السلام" والمهندين وناس حكايات من الكردي لي أمير الشعراني وطبعا إنت ما بوصوك تسلم علي الجنس اللطيف عارفك شليق وخفيف ولفيف...

تمش وتجي بألف سلامة يا باش.

[عكــود]

يا باش شيل اللاب توب معاك . .
واشتري DSL سوداني، عملي وسريع وتغطيته في كل السودان تقريباً، وأدّينا تقارير فوريّة.

القرير

ربّنا يعدل طريقك وبرسل ليك رقم العريس وبيناتنا سلك.
خلّيهم يودّوك الجناين تِحِت بالله.

يشهد الله الدوحة دي تاني علاج ما أجيها

إنت لسّع؟

ما بوصوك تسلم علي الجنس اللطيف عارفك شليق وخفيف ولفيف...

الخفّة خلاّها يا خالد،
فضلت الشلاقة وشويّة لفافة.

المرة الأولي خليتني مشيت تركيا براي للكاشف أخوي وبقيت وسط الأسرة الحلوة زي غفير العمارة

كنت على قلوبنا زي العسل والله . .
لولا بعض من الغلاط.

[عكــود]

وبمشى لي زول معّين و لامن أرجع من طيبة بسلمنى جوزين ..

نسيت أقول ليك، مقاسي 41 ويكون عريض من قدّام.

[عبد الوهاب هنداوى]

يا هندسة سلام وشوق
اتمنى ليك اجازة سعيدة وشايفك ذكرت كل البلد
برنامجي فى السودان ان شاء الله ..

الخرطوم - الدويم - ربك - مدنى - القضارف - كسلا - بورتسودان - بربر - القرير - ربك .. ( كمسارى يا بعيد) ..

لكن وين الحصاحيصا ما هناك الكثير منهم ومشتاق ليك والذكريات..
وما تنسى ترسل لى عدد من جريدة الحصاحيصا .....هنداوى

[كيشو]

المشاركة الأصلية كتبت بواسطة خالد الحاج

إجازة حلوة يا باش رغم أنو الموضوع فيه خيانة وكده
طبعا تاني لما تقول لي يا خالد نخطط لي حاجة سوا وحات خوتك ما بشتغل بيك الشغلة.
المرة الأولي خليتني مشيت تركيا براي للكاشف أخوي وبقيت وسط الأسرة الحلوة زي غفير العمارة
المرة التانية عزمتني في بيتك قال شنو (يا خال لو فكرت في أجازة تعال في الأول غاشيني هنا في الدوحة وتذكرتك حقة الطيارة علي)
طبعا خالك حريف أتذكر والله ردي عليك (تذكرتي بقطعا برااااي) وبجيكم يا باش أنا الدوحة دي لازم أشوفها ...
أها مرقتها في السودان ؟؟؟
يشهد الله الدوحة دي تاني علاج ما أجيها

أها يا زول أبقي عشرة وسلم علي الأحباب ... أزهري محمد علي .. هاشم صديق... عالم عباس... ملكة سبأ "كتير السلام" والمهندين وناس حكايات من الكردي لي أمير الشعراني وطبعا إنت ما بوصوك تسلم علي الجنس اللطيف عارفك شليق وخفيف ولفيف...

تمش وتجي بألف سلامة يا باش.

يا خالد
الدوحة فيها ناس تانيين، وما بنقول ذي الباش، ولا بنسد مكانو لكين لينا نكهتنا ونص الساعة قطع شك بتستحملا معانا (دا حسب تقديري وبضمنو ليك)، بعد نص الساعة حقتي في ناس تانيين أحلى وأنضر وبتستحمل مع الواحد فيهم نص يوم على الأقل وهم ما أقل من أربعة، وعندك النوم يا خوي نومك انت بشيل منك كدا حوالي خمس ساعات في اليوم
دا غير الناس الممكن تلاقيهم لأول مرة ويعجبوك كللو كلو
ياخي ما تحلف ساي

[فيصل سعد]

المشاركة الأصلية كتبت بواسطة Babiker Mukhayer

الحبيب عمدتنا
دي بقى قربتك مننا كتييير
الثانوي العام طالب ولا مدرس
غايتو حسن فرح، فتحي مسعد وعمي شوقي وهشومي وفيصل سعد وأنا
عارفييييييين كنا وين

اها يا دكتور انا 1970 يا دوب جديد لنج في الصف الاول الابتدائي،، انت يا حبوب الوكت داك كنت ملازم اول ولا نقيب

صحبتك السلامة يا باش حلا و ترحالا ..

[همس الشوق]

الأخ معتصم
أجازة سعيد بين الأهل والاحباب وخروف العيد


عليك الله الوصية في الذمة .. أكل لي معاك من شية أول يوم الصباحية ديك ... ولو معاها كباية شربوت ما قصرته

تحياتي لكل رمله من البلد

[معتصم الطاهر]

المشاركة الأصلية كتبت بواسطة كيشو

نتمنى لك إجازة سعيدة
إختيار الأمين العام لازم تحضرو حتى لو كنت في سقط لقط لو كنت عايز عكود، وإذا راقدلك فوق راي أخير يا خوي تستمتع بي إجازتك وما تشغل نفسك بالكمبيوتر
بالله تمشي بيتنا وتسلم علي أمي وأبوي
وتمشي سوق ديم النور
ويا ريت تزور سوق المحصول وتقيف في النِمَر، وتتونس مع العتالة (وتشوف إدارة الأعمال التقليدية)

كيشو
القضارف دى ما عندى فيها غير أهلك ..ديل
و ماشى مخصوص .. ليهم ..

زى القرير .. ماشى أشوف أهل عكود ..