يا كاتب معايا شقاي.....

[jezabell]

[align=center]يا كاتب معايا شقاي..

ودافق فيني بحرك هم..

رجيتك مدة في مدك..

وجنبك روحي تدمدم..

حبست الريدة في صدفك..

وشِرقت في حنينك دم..

يا شايل سهادي نعاس..

وقاطع قلبي.. كيف تتلم؟؟

كيف ترجع معاك بسمة

وكيف القصة بيك تتم..

يا تامي اكتمالي هروب

وباقي رجايا ليكَ عشم..

ما تبني احتمالاتك..

علي قصر المحنة عدم..

لو ما جابت الافراح

ما بتشتل عروقك سم..

يا شايلاك في جواي..

لو ما شلت همي معاي..

بشيل العمر كلو ندم..[/align]