ناس ولا إنشاوفوا .... نصائح مجانيّة للسودانيّاب الجدد

[طيبان]

[align=center][frame="7 50"]ناس ولا انشافوا
عنوة يتعارفوا
فلان ود فلان
ود فلان
ودفلان
قلنا سرّك تعدّى
الزّمان والمكان
(حمّيد) [/frame][/align]
وقياسا :-
وأنت تهم بوضع أقدام حروفك الأولي علي أبواب منتدي عام ..مفتوح علي الدنيا ..والفضاءات الواسعة .. خت في بالك حكمة أخوك حمّيد القاعدة فوق دي ..
تتساءل كيف تبدأ ؟؟.. وكيف الدّبارة ..؟؟
تعال شوف حكايات القبلك من القرون الأولي ..بيعملوا شنو أوّل من يدخلوا :-

1- بعضهم يدخل مثمّنا الدور الكبير للإدارة التي قبلت به ..ودا زول مهذب ولذيذ وبعرف الواجب ..إنت كان مازيّو أعرف إنّو الغريق قدّام فمافي داعي تورّط نفسك ساي
2- بعضهم يدخل متوكئا علي كتف صديق ..يبشر به الأحباب القدامي والندامي ...ودا زول عندو ضهر ..وكتف وإنت كان ماعندك كتف ماتقابض من طرف ..تقوم تلدغ
3- بعضهم يكتفي بالتسجيل ويقبض في الباسوورد ..زيّها وزي أي سلفية من بنك بمجرد استلامها ينسي سبب فتح الحساب ..ودا زول بنوك ساي سيبك منو
4- بعضهم يخش شمال وينزّل نَص ..كاتبو أو حافظو ..أو عاجبو ..ويقعد يرجي الله في الكريبة جنب الكبري ... ودا غالبا مؤمن بي المقطع البيقول
[align=center][align=right]
[align=center][frame="7 50"]تحكيلو قصة تقصّها
ان نفسو فيها تحسّها
وإن ماها فيها تحسّها[/frame][/align] [/align]..[/align]
والنوع دا اخيرلك تختا دربو ..نصيحة لوجه اللّه
(ملحوظة .. المقطع الفوق دا برضو لي حمّيد ..عندك أيّ إعتراض .. شوف ليك زول يورّيك الدرب غيري )

5-وبعضهم يدخل مالي يمينو ويقول للناس هوي أنا جيت وبسطونتي في إيدي الراجل مايجي يسالمني...ودا زول واضح وجميل غالبا ..وشكلو محترف منتديات فما تعتمد علي نظريتو دي كتير ..


[align=center]ملخّص الدرس الأوّل
[/align]
[align=center][align=center][frame="7 50"]القبول من ربّ العالمين[/frame][/align][/align]
________



ذاكر كلامي دا أوّل وبطّل شفقة ..الباقي بورّيك ليهوبعدين

[عكــود]

[align=justify]الغرقاااان،
سلام

بوست جميل وظريف وبرضو حأجيك عشان أكمّل معاك النصائح للسودانيّاب الجُدد والقُدام بـ "كيف تحافظ على بوستك عالياً" والأساليب المختلفة لذلك مع ضرب أمثلة.

بس شويّة الأفضى.

[/align]

[Mohammed Omer]

وإنت يالغرقان .. دخلتك كانت كيف وإدراجك الأول كان ماخد ياتو لون وياتو نكهة؟؟
لكن من خلال كلامك كده ممكن الناس تخمن وين محل شكرت!!
غايتو مدخلك ما كان مطمن والدليل :

المشاركة الأصلية كتبت بواسطة الأدارة

[align=justify]
الغرقان
Member

تاريخ التسجيل: Feb 2008
المشاركات: 87
[/align]

هسي عليك الله قاعد متشوبر كده فوق 87 بوست .....!!
من شهر إتين الفات دااااااااااك ولحدي هسي 87 وكمان بتوصي الناس تخش كيفن؟؟!!
هيييع عفيت من آلغرقان أخوي .. يعني سنة 2015 كده لمن بوستاتك تحصل 101 ها تصنف الناس من إسم الإشتراك طوالي .. وكمان ها تخمن لينا الباسورد
غايتو السودانياب الجدد ديل لازم وضروري جدا ما يخشوا من نفس المدخل بتاعك
فتك بي عافية

[طيبان]

المشاركة الأصلية كتبت بواسطة عكــود

[align=justify]الغرقاااان،
سلام

بوست جميل وظريف وبرضو حأجيك عشان أكمّل معاك النصائح للسودانيّاب الجُدد والقُدام بـ "كيف تحافظ على بوستك عالياً" والأساليب المختلفة لذلك مع ضرب أمثلة.

بس شويّة الأفضى.

[/align]

العزيز عكود ..

حبابك يا عمدة ...
أنا زاتي وكت إنت تجي ..بجيب كرّاسي واقعد ..
عشان محمد عمر مايزعل ...
حبابك ألف والله ..

[طيبان]

وإنت يالغرقان .. دخلتك كانت كيف وإدراجك الأول كان ماخد ياتو لون وياتو نكهة؟؟
لكن من خلال كلامك كده ممكن الناس تخمن وين محل شكرت!!
غايتو مدخلك ما كان مطمن والدليل :

العزيز محمّد عمر ..
سلامات يا رايق ..
أنا جيت بي واحدة من الطرق الخمسة الفوق .. ولسوء الحظ ماها طريقة مشكورة ..لأنّي ماشكّرت ولا واحدة فيهن ..
وبعدين ياخي أنا كنت بتاوق ..
داير أشوف الكسلانين بيعملوا معاهم شنو؟؟
ولا حاجة ..إتخيّل

هسي عليك الله قاعد متشوبر كده فوق 87 بوست .....!!
من شهر إتين الفات دااااااااااك ولحدي هسي 87 وكمان بتوصي الناس تخش كيفن؟؟!!

أشكرك يا صديقي علي الإحصا ..
بس تنشوبر دي .. كتيرة..
تراكا مشاركاتك 28 وجيت تتشوبر ..بي نقدك ..
أقولّك مابسمعو عشان إنت جديد ؟؟
ياخي أسّة أنا يمكن قاعد هنا بي نظام الإعارة ..
وعندي بوستات كتييييييرة في بلد تاني ..
ويمكن فصلوني ورجّعوني وبديت من الأوّل..
ويمكن حسابي اتلغي وتاني رجّعتو ..
تتعدد الأسباب ..والنصيحة واحدة

هيييع عفيت من آلغرقان أخوي .. يعني سنة 2015 كده لمن بوستاتك تحصل 101 ها تصنف الناس من إسم الإشتراك طوالي .. وكمان ها تخمن لينا الباسورد

يدوم عفوك ..
2015 وكت تجي .. بمشي بكتب بوست زي دا في منتدي مشاركاتي فيهو 87..وأرجي محمّد عمر بتاعهم
بعدين ياخي
الجاب سيرة تصنيف ناس منو ؟؟
ياخ ماتحمّل كلامي أكتر من طاقتو ..
براهو شويّة

غايتو السودانياب الجدد ديل لازم وضروري جدا ما يخشوا من نفس المدخل بتاعك
فتك بي عافية

برضو فكرة ..

6- يا السودانيّاب الجُدد ماتدخلوا بي طريقة الغرقان ...
كدي تمام ؟؟؟

حبابك ألف
وكل سنة وإنت طيّب ..

[AMAL]

http://sudanyat.org/vb/showthread.php?t=8376
رايك شنو في الدخلة دي

[طيبان]

المشاركة الأصلية كتبت بواسطة AMAL

http://sudanyat.org/vb/showthread.php?t=8376
رايك شنو في الدخلة دي

أختي العزيزة آمال :-

ياخوانا انا جدييييييييييدة استحملوني

دخلة شديدة ولضيدة ..
رايك شنو نعملا رقم
7- يا السودانيّاب الجُدد عليكم بدخلة آمال ..
أها كيف سبعة دي ؟؟
مابتدخل في بند الدّعاية الإنتخابيّة ؟؟
موّفقة بإذن اللّه ..
_____

حبابك ألف
وكل سنة وإنت طيبة ..

[بابكر مخير]

الحبيب الغرقان
يعني حسي ما لقيت حاجة تطفح بيها، إلا بوستك دآ..
بالله عليك الحبيب ما قريت مشاركتي (حسب ما بيكتب من أهل المنتدى أو قولي التحت الناص، كما يقول هشومي)
دي

المشاركة الأصلية كتبت بواسطة بابكر مخير

دحن بقترح [mark=FFFF00]منصب ناده[/mark].. وما عندي مانع، [mark=FFFF00]أكون دآ أنا،[/mark]
شريطة ما يكون إنتخابات ومنافسة من زول،
أقوم أسقُط وأنا شبعان سقُوط أيام القراية وأكره حاجة إسمها سَقْط (البرد)

حسي حميدك دآ مالقى ليهو شيتن إلا دي،،
عشان يقوم يترششح معايا وأقوم أسقط،،
قلتا ليك مع ضلي لو إترشحتا بسقط،، تجيب ليا زولن كلامو حلو وعقلاني؟؟؟
ليك التحية الحبيب وبوستك حقيقي قيم وإسلوب عرضو ممتع
دمتا

[منال]

المشاركة الأصلية كتبت بواسطة الغرقان

[align=center][frame="7 50"][color=#8B0000]ناس ولا انشافوا



[align=center]ملخّص الدرس الأوّل
[/align]
[align=center][align=center][frame="7 50"]القبول من ربّ العالمين[/frame][/align][/align]
________



ذاكر كلامي دا أوّل وبطّل شفقة ..الباقي بورّيك ليهوبعدين

5-وبعضهم يدخل مالي يمينو ويقول للناس هوي أنا جيت وبسطونتي في إيدي الراجل مايجي يسالمني...ودا زول واضح وجميل غالبا ..وشكلو محترف منتديات فما تعتمد علي نظريتو دي كتير ..

غايتو من الاول كتبت منال جات و لا عندى عصاية و لاعكاز و لا بكون حجاز ... و لا من محترفى المنتديات و اصلا الزول باختار يدخل وين و يشارك كيف .. و غايتو يا الغرقان مالك جيت تلاوز للمستجدين ... و داير تغرقهم ... هوى ما تسمعو النصائح دى هنا لك ان تقول و تكتب و للاخرين كذلك الرد و خذ وها ت (بى بساطة شديدة)

[طيبان]

المشاركة الأصلية كتبت بواسطة بابكر مخير

الحبيب الغرقان
يعني حسي ما لقيت حاجة تطفح بيها، إلا بوستك دآ..
بالله عليك الحبيب ما قريت مشاركتي (حسب ما بيكتب من أهل المنتدى أو قولي التحت الناص، كما يقول هشومي)
دي

حسي حميدك دآ مالقى ليهو شيتن إلا دي،،
عشان يقوم يترششح معايا وأقوم أسقط،،
قلتا ليك مع ضلي لو إترشحتا بسقط،، تجيب ليا زولن كلامو حلو وعقلاني؟؟؟
ليك التحية الحبيب وبوستك حقيقي قيم وإسلوب عرضو ممتع
دمتا

عمّنا الحبيب د/بابكر مخيّر
كل سنة وإنت طيّب وشمعاتك مضوية ..
شفت جنس اللوم دا ؟؟؟
قدر ما أنوي أبارك لك هناك أنشده ..لامن بقت في الوشي
أدّينا رضاك ..
الغرقان طفّح بو متل قولك الليّن ..وقلبك النضيف ..
لكن تاني بيغتس ..
عشان تكتب تاني
وهاك مني كلام علي لسان حمّيد
[align=center][frame="7 50"]ألوص فيِّ حافي
أكوس في اللي مافي
أظل فيكَ مدرك
لخافي البيان[/frame][/align]
________

ومدد يا مخيّر ..مدد

[طيبان]

المشاركة الأصلية كتبت بواسطة منال

غايتو من الاول كتبت منال جات و لا عندى عصاية و لاعكاز و لا بكون حجاز ... و لا من محترفى المنتديات و اصلا الزول باختار يدخل وين و يشارك كيف .. و غايتو يا الغرقان مالك جيت تلاوز للمستجدين ... و داير تغرقهم ... هوى ما تسمعو النصائح دى هنا لك ان تقول و تكتب و للاخرين كذلك الرد و خذ وها ت (بى بساطة شديدة)

اختي العزيزة منـال :-

منال جات ..
ياسلام علي إعلان الحضور الرايق ..والراقي ..
الجُداد مابلاوزبهم ..
لكن قلنا نشاغلهم شويّة خصوصا الدابهم دربن أخدر علي المنتديات ..
وطبعا واقع ليك مغزي الموضوع ..
بسمة في وجه صديق جديد ..لا تتأوّل لا تتحوّل ..
وقاعدة البوست الأولي ..
ناس ولا إنشاوفوا
غنوة يتعارفوا ..
وقولك صحيح ..
مايضر بلا التكلّف ..وعدم التبسيط ..
البتحسّو ..قولو ..
وبس ..
دعواتي ليك بالتوفيق في الأمانة الماشة عليك ..
________

حبابك ألف
وكل سنة وإنت طيبة شديد

[محمد الجزولي]

نحن (حالة) مستعصية كان كده ! من 2005 وبالمشاركة دي تكون الــ 32 مشاركة ..
كدي يــ (الغرقان) انجدنا


ـــــ
بوست ظريف بس (الغميز) فيهو كتير

[طيبان]

محمد الجزولي
نحن (حالة) مستعصية كان كده ! من 2005 وبالمشاركة دي تكون الــ 32 مشاركة ..
كدي يــ (الغرقان) انجدنا

العزيز محمد الجزولي :-

الغرقان كان بينجدك كان لي أسّة يتطوطح في كم وتسعين ؟؟
لكن الصراحة إنت حالتك متاخّرة ..
وانا جن وجن القي زول اكسل منّي
الواحد كان داير يجي الطيش ..تنافسوهو ...

ـــــ

بوست ظريف بس (الغميز) فيهو كتير

دا بوست بهجة ومسرّة ساكت ..
لكن انا قايل بيهبش محل وجع
شغل الغمّيز- لو ما مزاح - ماحبابـو ..
يخرب مابيعدل ..
انا بدخل من الشهر للشهر وداير اعمل فيها مواكب ..
فماااا تحكّوها شديد بالله
___

حبابك ألف
وكل سنة وإنت طيّب ..

[بابكر مخير]

المشاركة الأصلية كتبت بواسطة الغرقان

العزيز محمد الجزولي :-

[mark=FFFF00]الغرقان كان بينجدك كان لي أسّة يتطوطح في كم وتسعين[/mark] ؟؟
لكن الصراحة إنت حالتك متاخّرة ..
وانا جن وجن القي زول اكسل منّي
[mark=FF00FF]الواحد كان داير يجي الطيش ..تنافسوهو [/mark]...
بالله عليك شفتها حلوة كيف؟؟
ماهو الإتنين البيكونو مميزيين!!
يا الطيش، يا الأول
ـــــ

دا بوست بهجة ومسرّة ساكت ..
لكن انا قايل بيهبش محل وجع
شغل الغمّيز- لو ما مزاح - ماحبابـو ..
يخرب مابيعدل ..
[mark=FF00FF]انا بدخل من الشهر للشهر وداير اعمل فيها مواكب ..[/mark]
بس بي حلاوتا الفي مضاقا
فماااا تحكّوها شديد بالله
___

حبابك ألف
وكل سنة وإنت طيّب ..

الحبيب الغرقان
شفتا ناس إحنا فتنا الأفية التانية
وناس بنيتي "الكانت" بدور ما شاء الله، بتدخل كل، ثانية
وكتيرين ذيك وود الجزولي وذيِّ مواصلين ما فراقتها عليهم ما هاينة "سودانيات"
بس المهم ما تكونو من "الخاملة" على قولة، عمدتنا ود الطاهر، الظاهرة وباينة
ليك سلام وشكر ومحبة

[محمد الجزولي]

وكتيرين ذيك وود الجزولي وذيِّ

الحبيب بابكر مخير

والله ده تواضع منك ساكت .. ذيَييينا وين ؟ ..
ده أنت دُفِعِتك لواء (بطريقة المصريين)

عيني بارده ..
والخط من عندياتنا .. لذا وجب التنبيه ..






ــــ
الخط الفي الإقتباس مافي البوفايل