نظرية..

[عبدالرحمن حمد]

اضاءة اولى :

الحب هو استحسان روحانى وامتزاج نفسانى مرجعه اتصال بين اجزاء النفس المقسومة فى هذه الطبيعة فى اصل عنصرها الرفيع......

........................ الامام ابن حزم الاندلسى .

اضاءة : ميثولوجيا :

يعتقد قدماء الاغريق ان كبير الالهة زيورس خلق الانسان على شاكلته ثم زوده باربعة ايدى واربعة اقدام , وبدأ هذا المخلوق فى استكشاف الكون واستكشاف مقدراته الامر الذى ازعج الالهة وكبيرهم فقام كبير الارباب بشطر الانسان الى نصفين وجعل الهم الشاغل لكل واحد منهما البحث عن النصف الاخر ...

اضاءة : سينما :

العلاقات من صنع الله .....

(شاروخان فى فلم هندى)

.........
ورد فى بعض الاثار ان الناس عندما كانوا فى عالم الذر , كانوا يجلسون ارواحا" متجاورة وعندما انزلوا الارض , ربما نزل كل واحد منهم فى مكان وزمان مختلف يعنى مثلا" تكون انت نزلت فى السودان فى السبعينات , بينما روحك المجاورة (المكملة) نزلت باسم ايزابيلا فى المكسيك فى الاربعينات ... وتكون عشت حياتك كلها مع نصف اخر ((مزيف)) ماحقك..

.. واثبتت الدراسات (وهمة كل الكتابات) انو فى 4% فقط من سكان العالم ربنا وفقهم ووصلوا لاستكمال روحهم , والبقية دى عايشة حياتها العاطفية والزوجية وهمة ساكت وتامين الموضوع الفة وعشرة وانتاج مشترك (عيال)...
وبالمناسبة الموضوع دا خاشى فى ابتلاءات ربنا لعبادو لانو ممكن يشكل سبب شقاء رهيب يعوقك عن مهمتك الكبرى فى الوجود (خلافة الله فى الارض) وممكن اعتبارو من ((الكبد)) البعايشو الزول فى الحياة الدنيا .....
.....
المهم يا شباب/ات الموضوع كالاتى : انت عبارة عن نقطة محددة فى نهاية خط مستقيم نهايته التانية روحك المكملة وخريطة الطريق بتكون فيها بعض الاشارات والعلامات للاستدلال ومبدئيا" كده لو ربنا هون ليك تكون انت وروحك الاخرى نزلتوا فى ظروف زمكانية قريبة من بعض ودا بسهل مهمة التلاقى .....

ويلا نشوف ال96% الماوصلوا صاح :

ممكن تكون ماشى فى طريقك الرئيسى تجى تحاول تتجاوز ليك مطب او حفرة(ازمة اقتصادية او اجتماعية ....) تقوم تخش فى شارع فرعى (ماحقك) ولما تبدأ تلاحظ اختلاف بين الخريطة العندك واشارات الطريق الانت خشيت فيهو بتحاول تتجاوز الموضوع ((مكتوب بقالة الامانة ودى بقالة الثقة .... لكن ما مشكلة المعنى واحد ... ممكن خطأ مطبعى ..)) ودى بتفسر الاشكالات البتظهر فى بدايات بعض العلاقات ومن هنا بتختلف احتمالات الناس :

* ممكن تواصل فى الشارع الغلط ده ((يبدو صاح)) حتى النهاية وتصل الطرف الاخر وتتزوج وعمرك كلو تتمو وهمة .....

* ممكن تصل لكن بعد زمن تلقى دربك الحقيقى وتخش فى اشكالية بين التزامك تجاه اسرتك وبين ضغط مشاعرك .... ممكن تتحمل وممكن لأ .. وتكون النتيجة ((عليك الله مابخجل متزوجها ليهو 12 سنة وعندو منها عيال يجى يعرس بعد العمر دا كلو ...))

* فى احتمال انت ماشى فى شارعك الغلط دا يجى سيد الشارع الاساسى شايل خريطتو فى ايدو ويكسحك ويصل قبالك (شاكوش) وطبعا" ما بالضرورة الزول الوصل ده يكون سيد الشارع ممكن يكون تايه زيك كده ويكون ربنا لطف بيك وبرضو بختلفوا الناس فى طريقة التعامل مع المسألة دى ... فى ناس برجعوا سرييع شارعهم وفى ناس عربياتهم بتكسر عمود نص ويقعدوا فى الشارع الماحقيقى دا زمن طويييييل (( والله اتزوجوها ليها سنيين لكن لحدى هسع الزول دا ماقادر ينساها ورفض انو يتزوج بعديها...))

* ممكن يكون الشارع حقك ويجى زول بالغلط ((الغلط المقصود هنا ممكن يكون بحسابات الدنيا العقلانية صاح كبييير))....

*** بالمناسبة حوا عندها دور كبير فى النظرية دى لانها ممكن تزيد ليك الاضاءة فى الشارع وتردم الحفر وغيرها من اعمال الصيانة البتسهل وصولك ليها .........


استخلاصات من النظرية :


*** كل حب يبقى (( اول واخر حب)) لحين اشعار اخر ..

ويبقى السؤال الاصعب بدون اجابة : كيف تتأكد ان هذا الحب هو .. هو؟؟

ماهى علامات واشارات الوصول ل(روحك المكملة )زى مابقول محمود محمد طه ..



خليتكم بعافية وربنا (يعدل طريقكم).....

[معتصم الطاهر]

شوف
نحن هنا ما بتاعين مشاكل .. لكن انت عاوز تورطنا ..
و براك جايب لينا المطبات دى ..
نقوم نمشى عديل ( يقراهو زول غلط) ..
تمشى غلط .. يقراهو ( معلم) ..

أها ..
الفكرة شنو !!!

"و جعلنا بينكم مودة ورحمة .". أها دى بتجي بعد الزواج فى الحالتين ..
والمودة والرحمة أفضل من الريدة مع النص التاني حسب نظريتك ..
لأنو ما دايما الطرف التاني .. او النص التاني ممكن يسعدك ..

[الفاتح]

اضاءة اولى :

الحب هو استحسان روحانى وامتزاج نفسانى مرجعه اتصال بين اجزاء النفس المقسومة فى هذه الطبيعة فى اصل عنصرها الرفيع......

........................ الامام ابن حزم الاندلسى .

يرى سقراط أن الحب هو جنَي عظيم أو روح كبير يحتل منزلة وسطى بين البشر والآلهة ، لذلك فهو ليس فانياً أو خالداً ، وليس حكيماً أو جاهلاً.

اضاءة : ميثولوجيا :

يعتقد قدماء الاغريق ان كبير الالهة زيورس خلق الانسان على شاكلته ثم زوده باربعة ايدى واربعة اقدام , وبدأ هذا المخلوق فى استكشاف الكون واستكشاف مقدراته الامر الذى ازعج الالهة وكبيرهم فقام كبير الارباب بشطر الانسان الى نصفين وجعل الهم الشاغل لكل واحد منهما البحث عن النصف الاخر ...

تصوًر كذلك الميثيولجيا القديمة إنزعاج الآلهة من عشتار وعشتاروت والحكم الأزلي عليهم بأنهما سيكونا بعيدين عن بعضهما..
وتصوًرأحد الأساطير الرومانية أن صراعا دار بين إله الحب واله الجنون فأصاب أله الحب إله الجنون بسهم في عينه فصار أعمي وحكمت الألهه بالإجماع علي إله الجنون أن يقود إله الحب في سيره مدي الحياه فصار الحب في الحياة أعمي يقوده الجنون

اضاءة : سينما :
(شاروخان فى فلم هندى)

.........
ورد فى بعض الاثار ان الناس عندما كانوا فى عالم الذر , كانوا يجلسون ارواحا" متجاورة وعندما انزلوا الارض , ربما نزل كل واحد منهم فى مكان وزمان مختلف يعنى مثلا" تكون انت نزلت فى السودان فى السبعينات , بينما روحك المجاورة (المكملة) نزلت باسم ايزابيلا فى المكسيك فى الاربعينات ... وتكون عشت حياتك كلها مع نصف اخر ((مزيف)) ماحقك..

.. واثبتت الدراسات (وهمة كل الكتابات) انو فى 4% فقط من سكان العالم ربنا وفقهم ووصلوا لاستكمال روحهم , والبقية دى عايشة حياتها العاطفية والزوجية وهمة ساكت وتامين الموضوع الفة وعشرة وانتاج مشترك (عيال)...
وبالمناسبة الموضوع دا خاشى فى ابتلاءات ربنا لعبادو لانو ممكن يشكل سبب شقاء رهيب يعوقك عن مهمتك الكبرى فى الوجود (خلافة الله فى الارض) وممكن اعتبارو من ((الكبد)) البعايشو الزول فى الحياة الدنيا .....
نهي مهبًتي..
.....
المهم يا شباب/ات الموضوع كالاتى : انت عبارة عن نقطة محددة فى نهاية خط مستقيم نهايته التانية روحك المكملة وخريطة الطريق بتكون فيها بعض الاشارات والعلامات للاستدلال ومبدئيا" كده لو ربنا هون ليك تكون انت وروحك الاخرى نزلتوا فى ظروف زمكانية قريبة من بعض ودا بسهل مهمة التلاقى .....

ويلا نشوف ال96% الماوصلوا صاح :

ممكن تكون ماشى فى طريقك الرئيسى تجى تحاول تتجاوز ليك مطب او حفرة(ازمة اقتصادية او اجتماعية ....) تقوم تخش فى شارع فرعى (ماحقك) ولما تبدأ تلاحظ اختلاف بين الخريطة العندك واشارات الطريق الانت خشيت فيهو بتحاول تتجاوز الموضوع ((مكتوب بقالة الامانة ودى بقالة الثقة .... لكن ما مشكلة المعنى واحد ... ممكن خطأ مطبعى ..)) ودى بتفسر الاشكالات البتظهر فى بدايات بعض العلاقات ومن هنا بتختلف احتمالات الناس :

* ممكن تواصل فى الشارع الغلط ده ((يبدو صاح)) حتى النهاية وتصل الطرف الاخر وتتزوج وعمرك كلو تتمو وهمة .....

* ممكن تصل لكن بعد زمن تلقى دربك الحقيقى وتخش فى اشكالية بين التزامك تجاه اسرتك وبين ضغط مشاعرك .... ممكن تتحمل وممكن لأ .. وتكون النتيجة ((عليك الله مابخجل متزوجها ليهو 12 سنة وعندو منها عيال يجى يعرس بعد العمر دا كلو ...))

* فى احتمال انت ماشى فى شارعك الغلط دا يجى سيد الشارع الاساسى شايل خريطتو فى ايدو ويكسحك ويصل قبالك (شاكوش) وطبعا" ما بالضرورة الزول الوصل ده يكون سيد الشارع ممكن يكون تايه زيك كده ويكون ربنا لطف بيك وبرضو بختلفوا الناس فى طريقة التعامل مع المسألة دى ... فى ناس برجعوا سرييع شارعهم وفى ناس عربياتهم بتكسر عمود نص ويقعدوا فى الشارع الماحقيقى دا زمن طويييييل (( والله اتزوجوها ليها سنيين لكن لحدى هسع الزول دا ماقادر ينساها ورفض انو يتزوج بعديها...))

* ممكن يكون الشارع حقك ويجى زول بالغلط ((الغلط المقصود هنا ممكن يكون بحسابات الدنيا العقلانية صاح كبييير))....

*** بالمناسبة حوا عندها دور كبير فى النظرية دى لانها ممكن تزيد ليك الاضاءة فى الشارع وتردم الحفر وغيرها من اعمال الصيانة البتسهل وصولك ليها .........


استخلاصات من النظرية :


*** كل حب يبقى (( اول واخر حب)) لحين اشعار اخر ..

ويبقى السؤال الاصعب بدون اجابة : كيف تتأكد ان هذا الحب هو .. هو؟؟

ماهى علامات واشارات الوصول ل(روحك المكملة )زى مابقول محمود محمد طه ..



خليتكم بعافية وربنا (يعدل طريقكم).....

]
سلامات يا عبد الرحمن..
موضوعك جميل وشائك.. وزاد من تعقيدو الطرح الفلسفي
بالإضافة لإنو في حاجات ببتقاطع حول الموضوع ده منها إجتماعي ونفسي وعضوي ..
بإعتبار إنو البني آدم كائن إجتماعي ما بيعيش بمعزل عن الناس الحوالينو.. في تواصلو ده بيصادف إنو يلقى الزوله البتفرمل حاجاتو، البتستوقفو وما يقدر يتجاوزا ، وفي " تفرملو " ده قد يتأسس توافق مبني على رؤى مشتركة بين الطرفين أو إستلطاف ناجم عن أسباب بتتعلق بالذاتي والإرتماء في أحضان أنثى دافئة تهدهد " الذاتي" بتاعك تطفئ نار تمردك وفوضاك.
وفي الحالتين" حالة إنك تكون منسجم مع حبيبتك "شريكة حياتك "/ أو إنك بتتمرًد عليها وشايف إنها ما مكمًلاك وقاعد تفتش عن واحده تدوزن إيقاعك " بنلقى إنو في عامل مشترك بيناتم بيتحكًم فيهم إللي هو هرمون بيتفرز أثناء ممارسة الحب أو ماشرطاً ممارسة الحب ، زغللة العيون ساي لمًن تجي الزوله البتريدا مارًه جمبك بيسموهو هرمون الحب " الأوكسيتوسين" وإللي بينشط بمقدار ما تصادف محبوبتك/أنثاك.. الإفرازات الكيماويه دي هي المسئوله عن الرغبه وإللي بتتفرًع منها مصطلحات " الخيانه ، الرغبه في مشاطرة حياة مع زوله تانيه "، وبتذداد بمقدار ما كان في شقاق بينك وبين زوجتك.
المحصلة الإتوصلت ليها في" أول وآخر حب" بتتعاظم بمقدار ما تعاظمت لغة تواصلكم مع بعض " وبتتأكد منها في( توارد الخواطر ، تتكلموا الإتنين في موضوع واحد وفي زمن واحد ، إنو الرسايل الغراميه البتتبادلوها ما مكرره ، تصحى الصباح تكشًف في عيون حبيبتك تلقى القلب بتاع كيوبيد قاعد ينطط - حتًى لو كان في قضا- قضا وقدر)

[عبدالرحمن حمد]

..
الباش معتصم..
موداتى..
استخدام موفق جدا" للنص القرانى للهروب و(سد الذرائع) ..
المودة والرحمة مافى زول اباها لكن الكلام لحدوووت مرحلة الرحمة دى انت البصبرك شنو؟؟!
..

[عبدالرحمن حمد]

شليل..
يا حبيب انت زى فتحت ليك مليون جبهة نقاش بمداخلتك دى..
..
حأجتزىء كلامك حتة حتة .. يعنى أمزمزو..!!
..
حتة الخيانة دى فى ظنى ماعندها علاقة بالهرمونات ..
لانو اصلا خيانة الجسد ..تالية لخيانة القلب ...
لاتخون اجسادنا من نحب .. الا فى لحظة خيانة مشاعرنا له .....
ولو انت اشتهيت زول/ة غير الشريك/ة معناها المسألة دايرة مراجعة ..!!
..
بجيك صاد برواقة..

[نوفل عبد الرحيم]

متابع ومستمتع بالحوار دا
المطبات والحفر دي انا دايما بتنقذني منها الايه الكريمه
((وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ))
مرات كده الزول بقع في حفرة كبيره خلاص .. تقرب تفوت بيهو
لكن برجع وبلقي انه وقعتوا دي لخير .. لانه احتمال لو واصل بدون وقعه
كان ح يبقي شر ليهو .. هنا الواحد زي البكون حب مواصلة مشوار وهو شر ليهو
وزي الكره وقعة الحفره وهي خير ليهو ( دا كلام مجرب )
غايتو الله يستر برضو من انو نكمل حياتنا في وهمه
مع انه الوهمه دي برضو بتكون ( قسمه ونصيب )
وزي ما قالت المطربه لواحد اخونا مسكين ( كان الله في عونه )
أنا قدرك ونصيبك .. ونصيبك ح يصيبك
يعني سيك سيك معلق فيك

[الفاتح]

المشاركة الأصلية كتبت بواسطة عبدالرحمن حمد

شليل..
يا حبيب انت زى فتحت ليك مليون جبهة نقاش بمداخلتك دى..
..
حأجتزىء كلامك حتة حتة .. يعنى أمزمزو..!!
..
حتة الخيانة دى فى ظنى ماعندها علاقة بالهرمونات ..
لانو اصلا خيانة الجسد ..تالية لخيانة القلب ...
لاتخون اجسادنا من نحب .. الا فى لحظة خيانة مشاعرنا له .....
ولو انت اشتهيت زول/ة غير الشريك/ة معناها المسألة دايرة مراجعة ..!!
..
بجيك صاد برواقة..

هلا يا دوك
يا بنج القصة كلها دايره مراجعه ما بقت متوقفه على مسألة الرغبات
بل إنو الفلسفة الوجودية بمجملا بقت عبثية ،
إذا عرفت إنو النزعات بتاعة الخير والشر بيتحكم فيها جينوم
يعني إذا إنت جدك الطمنطاشر بيحمل نزعات بتاعة شر ولخبطة " خيانات وكده "
بتلتقط منو النزعات دي
وما بتصدك أي متاريس أخلاقية " ويوم القيامة كمان بتخش النار عشان تآمن وتقتنع".
المكونات الأخلاقية والقيمية كوم ،
واللاواعي كوم ،
والجسد المرًات بيكون غريب عننا برضو كوم : زوله إستلبت بجمالا = المخ بيترجم المشهد ده = وبيخرجو في شهوه = الشهوه دي تحفًز المخ البدورو بيرسًل إشارات عصبية للعضو " المنتدب = تسجًل عضوية إنتداب " وللا تكون زول ما جادًي ".
داير تلمسا = برضو المخ بيرسل إشارات عصبية لأصابعينك وتلقى نفسك قبضتها
داير تقبًلا = المخ ،.. إلخ.

طيب ده الواعي بتاعي وللا ما الواعي وللا الحاصل شنو إنشاء الله خير
الحياه دي عبارة عن لعبة غميضة طويلة شديد.