سهر المنام لى وح دى
يا وليد الناس يا وليد الناس
من فراق تومى بنضرب رصاص آآآآآه .. ليلة من ليالى أمدرمان .. ويتسلل صوت عبد الكريم عبدالله بين ثنايا الليل .. تتهافت الخطاوى لهفة صوب الصوت الذى يشق السكون .. ود عثمان ألحقنا .. فليالينا تهاوت تحت ضنك الزمان |
أسمه (فرح) .. من أسامى الأسافير المختبئة .. دار بيننا حوار وقد جثمت (المسالمة) فى شوق الذكريات ..
وصلتنى رسالة داخلية خجلة .. (معليش يا خال على طريقة مخاطبتك .. خالد كدفور خالى) بعد حين وصلتى رسالة على بريدى الألكترونى .. (خالد كدفور يطلب منك الإتصال به فى تلفون رقم ...) تأملت التلفون مئات المرات .. ومرت أسابيع وأنا أتأمله .. وليالى أمدمان تملؤنى .. دون أن أتصل .. أتخيل ماذا سأقول بعد فراق خمسة وثلاثون عاماً .. فتحت بريدى الألكترونى .. وجدت رسالة من فرح .. (البركة فيكم ياخال .. فى أخوكم خالد كدفور) جن جنونى .. وتخاطر الى ذهنى .. خالد غاضب لإهمالى الإتصال به .. هرععت للتلفون وأخذت الإتصال به بتكرار عنيد .. والأمل يملؤنى وصت الهاتف يرن فى أذنى ولا مجيب |
اقتباس:
سهر النهاار دا اول مره نسمع بيهو...:confused: بعدين شنو الحركات العليك..وح دى..:rolleyes:بقيت حبشى ولا شنو..؟؟ و اخيرا خليتنا نرجع التمارين من جديد بعد ما قلنا نعتزل و نقفل على الدولاب بالضبه و المفتاح... غايتو جبنا ليك سهر المنام بغنا ناس كباار و بونستها كماان غايتو لو نزلت التسجيل كامل الا تموت من الضحك مع اسماعيل عبد المعين و الفلاتيه....:D ** الاسم الذى ذكرته فى مداخلتك التانيه والله ما غريب على ابدا... [rams]http://www.sudanyat.org/upload/uploads/sahar_almunam.mp3[/rams] |
اقتباس:
ياخ ما عرفت أكتبا غير كده (وح دى) بتتنطق إتنين .. الوحه براها والـ دى براها مع فتح الـ واو وتشديد الحاء .. عشان تحرق فى القلب .. معليش للغلطة المطبعية .. (عوض الكريم عبدالله) ما عبد الكريم .. كان زمن عصره الذهبى .. الما غنى ليهو عوض الكريم عبدالله وما رقصت ليهو لهاليبو ما عرس .. شريطك سمح لكن عليك الله بصوت عوض الكريم عشان الحالة صعبة .. اقتباس:
|
حمزة وعباس ويس كانو خاتين نقرهم من عوض الكريم عبدالله .. حمزة قال عمل ليهو فِقر من أعراس المسالمة .. ضحك يس وقال ليه (ودوهو يسجل فى الإذاعة .. والأستديو أستاند باى .. وعملوا ليهو كلاكيت .. نفخ ليهم المكرفون) :)
ليالى المسالمة وشوارعا الضلمة .. فيها حياة لا يعثر عليها عابر سبيل |
بدلتي الكحلية ... بدلتي الكحلية من فراق تومي الفراقو قاسي عليّ يا قسيم الريد الريد فوقك النبي :cool: والله يا رافت إنك زول عسل ،، ده غنا طاعم بالحيل ، و عوض الكريم ده يعجبني جدا صوتو النعسان المبحوح ، ياريت ود عثمان يقلب الهوبة و يجيبا لينا هنا |
اقتباس:
يا وليد الناس هيجته علينا الشجون ووجع المشاعر |
اقتباس:
لازم ود عثمان يتعب معانا شوية |
اقتباس:
الليلة الصباح ركبنى شوق مجنون .. وكان فى كترت كلام عارم .. لكن حكم القوى على الضعيف .. نهزونى لى قفة الخضار .. وكلو طار .. مشتاقين ووعدى بقى سلك :o |
اقتباس:
عشان دي اقتباس:
ولو بقدر كنت جبت ليك عوض الكريم عبد الله، ومعاهو المسالمة بيت بيت، دار دار، زنقة زنقة شوقك انتقل لينا والله |
اقتباس:
وأهو بالمرّة يا سيدي نضرب خاطر تلاته عيون بأغنية واحد الأغنية "عقلي إنشغل بهواك" والتلاته عيون: عين كيشو، وعين رأفت، وعين المسالمة ! [rams]http://www.sudanyat.org/upload/uploads/3agli_insha3__l.MP3[/rams] |
اقتباس:
قلبك رهيف متذكرو يوم قرضتك مى بصورة ولدا فى العيد .. شفت القلوب شواهد كيف .. غايتو مبر بل الشوق وح أزيدو من الحب جانب .. الله يبل شوقك وشوقنا .. قدمتك علىّ نسبة للمسافات .. وغفر الله لى ولك .. ودى لقرب محطات الوصول :) |
اقتباس:
كان بيخت كرسيه بعد المغرب قدام البيت و عندو مسجل صغير و كل الشرايط البيسمعها كابلى...والله زمن يا رافت غايتو بوستيك دا خلانا نتذكر الكثير من الحكااوى و الخوف تجرجنا للغريق كماان....:rolleyes: ** اها جبنا سهر المنام بصوت عوض الكريم عبد الله هنا و بعد كدا يا صاحبى المايكرفون معااك على طول...:) [rams]http://www.sudanyat.org/upload/uploads/shar_al_munam.mp3[/rams] سهر المنام..لينك للحفظ |
اقتباس:
تعرف يا مبر .. زمان عوض الكريم قبال ما يدخّل الموسيقى .. كان صوتو أوضح وأجمل .. أو بمعنى آخر مخارجو واضحة .. أغنية قسيم الريد كانت حق شائع .. ولكن بتخيل لى .. عوض الكريم عبدالله أحسن من غناها .. [rams]http://www.sudanyat.org/upload/uploads/Qaseem_Alraed.wma[/rams] |
اقتباس:
قدرت والله شكراً كتييير |
| الساعة الآن 12:56 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.