سهر المنام لى وح دى

[رأفت ميلاد]

يا وليد الناس يا وليد الناس
من فراق تومى بنضرب رصاص

آآآآآه .. ليلة من ليالى أمدرمان .. ويتسلل صوت عبد الكريم عبدالله بين ثنايا الليل .. تتهافت الخطاوى لهفة صوب الصوت الذى يشق السكون ..

ود عثمان ألحقنا .. فليالينا تهاوت تحت ضنك الزمان

[رأفت ميلاد]

أسمه (فرح) .. من أسامى الأسافير المختبئة .. دار بيننا حوار وقد جثمت (المسالمة) فى شوق الذكريات ..

• وين يا (حبة) وكراعك جيت فى حلتنا .. بيتكم بى وين يا عينّيّ
• بيتنا .... وتلف تدخل زقاق ناس كدفور
• بس بس ياحبة .. وصلت .. عندك منو فى بيت ناس كدفور
• خالد كدفور دفعتى

وصلتنى رسالة داخلية خجلة .. (معليش يا خال على طريقة مخاطبتك .. خالد كدفور خالى)

بعد حين وصلتى رسالة على بريدى الألكترونى .. (خالد كدفور يطلب منك الإتصال به فى تلفون رقم ...)

تأملت التلفون مئات المرات .. ومرت أسابيع وأنا أتأمله .. وليالى أمدمان تملؤنى .. دون أن أتصل .. أتخيل ماذا سأقول بعد فراق خمسة وثلاثون عاماً ..

فتحت بريدى الألكترونى .. وجدت رسالة من فرح .. (البركة فيكم ياخال .. فى أخوكم خالد كدفور)

جن جنونى .. وتخاطر الى ذهنى .. خالد غاضب لإهمالى الإتصال به .. هرععت للتلفون وأخذت الإتصال به بتكرار عنيد .. والأمل يملؤنى وصت الهاتف يرن فى أذنى ولا مجيب

[wadosman]

المشاركة الأصلية كتبت بواسطة رأفت ميلاد

يا وليد الناس يا وليد الناس
من فراق تومى بنضرب رصاص

آآآآآه .. ليلة من ليالى أمدرمان .. ويتسلل صوت عبد الكريم عبدالله بين ثنايا الليل .. تتهافت الخطاوى لهفة صوب الصوت الذى يشق السكون ..

ود عثمان ألحقنا .. فليالينا تهاوت تحت ضنك الزمان

سهر النهاار دا اول مره نسمع بيهو...

بعدين شنو الحركات العليك..وح دى..بقيت حبشى ولا شنو..؟؟

و اخيرا خليتنا نرجع التمارين من جديد بعد ما قلنا نعتزل و نقفل
على الدولاب بالضبه و المفتاح...

غايتو جبنا ليك سهر المنام بغنا ناس كباار و بونستها كماان
غايتو لو نزلت التسجيل كامل الا تموت من الضحك مع اسماعيل
عبد المعين و الفلاتيه....



** الاسم الذى ذكرته فى مداخلتك التانيه والله ما غريب على ابدا...


[rams]http://www.sudanyat.org/upload/uploads/sahar_almunam.mp3[/rams]

[رأفت ميلاد]

المشاركة الأصلية كتبت بواسطة wadosman

سهر النهاار دا اول مره نسمع بيهو...

بعدين شنو الحركات العليك..وح دى..بقيت حبشى ولا شنو..؟؟

و اخيرا خليتنا نرجع التمارين من جديد بعد ما قلنا نعتزل و نقفل
على الدولاب بالضبه و المفتاح...

غايتو جبنا ليك سهر المنام بغنا ناس كباار و بونستها كماان
غايتو لو نزلت التسجيل كامل الا تموت من الضحك مع اسماعيل
عبد المعين و الفلاتيه....

سلامات يا ود عثمان ..
ياخ ما عرفت أكتبا غير كده (وح دى) بتتنطق إتنين .. الوحه براها والـ دى براها مع فتح الـ واو وتشديد الحاء .. عشان تحرق فى القلب ..
معليش للغلطة المطبعية .. (عوض الكريم عبدالله) ما عبد الكريم .. كان زمن عصره الذهبى .. الما غنى ليهو عوض الكريم عبدالله وما رقصت ليهو لهاليبو ما عرس ..
شريطك سمح لكن عليك الله بصوت عوض الكريم عشان الحالة صعبة ..

المشاركة الأصلية كتبت بواسطة wadosman

** الاسم الذى ذكرته فى مداخلتك التانيه والله ما غريب على ابدا...

خالد كدفور كان أقيف زول فى المسالمة ولبيس ومريح .. صاحبو (السفاح) .. كتلوه .. فى عز شبابو .. كتلوه ليه ما عارف .. زول زى النسمة وما أعتقد زول زيو يكون عندو عدو .. فى غلط فى القصة دى ..

[رأفت ميلاد]

حمزة وعباس ويس كانو خاتين نقرهم من عوض الكريم عبدالله .. حمزة قال عمل ليهو فِقر من أعراس المسالمة .. ضحك يس وقال ليه (ودوهو يسجل فى الإذاعة .. والأستديو أستاند باى .. وعملوا ليهو كلاكيت .. نفخ ليهم المكرفون)

ليالى المسالمة وشوارعا الضلمة .. فيها حياة لا يعثر عليها عابر سبيل

[أحمد طه]

بدلتي الكحلية ... بدلتي الكحلية
من فراق تومي الفراقو قاسي عليّ
يا قسيم الريد الريد فوقك النبي

والله يا رافت إنك زول عسل ،، ده غنا طاعم بالحيل ، و عوض الكريم ده يعجبني جدا صوتو النعسان المبحوح ،
ياريت ود عثمان يقلب الهوبة و يجيبا لينا هنا

[همس الشوق]

المشاركة الأصلية كتبت بواسطة رأفت ميلاد

حمزة وعباس ويس كانو خاتين نقرهم من عوض الكريم عبدالله .. حمزة قال عمل ليهو فِقر من أعراس المسالمة .. ضحك يس وقال ليه (ودوهو يسجل فى الإذاعة .. والأستديو أستاند باى .. وعملوا ليهو كلاكيت .. نفخ ليهم المكرفون)

ليالى المسالمة وشوارعا الضلمة .. فيها حياة لا يعثر عليها عابر سبيل

يا وليد الناس
هيجته علينا الشجون ووجع المشاعر

[رأفت ميلاد]

المشاركة الأصلية كتبت بواسطة أحمد طه

بدلتي الكحلية ... بدلتي الكحلية
من فراق تومي الفراقو قاسي عليّ
يا قسيم الريد الريد فوقك النبي

والله يا رافت إنك زول عسل ،، ده غنا طاعم بالحيل ، و عوض الكريم ده يعجبني جدا صوتو النعسان المبحوح ،
ياريت ود عثمان يقلب الهوبة و يجيبا لينا هنا

الله يا أحمد طه .. صوتو النعسان وفيه بحة مميزة .. وبعدين لبيس وعمتو منظمة .. زايداهو وجاهة .. ومطيطو للكلام داك .. هو الخلانى أقسم وح دى .. زول غناى شديد ياخ .. وخاصة لامن الحفلة تكون على مزاجو .. والمسالمة بتروق غزالتو ..

لازم ود عثمان يتعب معانا شوية

[رأفت ميلاد]

المشاركة الأصلية كتبت بواسطة همس الشوق
[/COLOR]
يا وليد الناس
هيجته علينا الشجون ووجع المشاعر

هموس الشوق كُتر .. واللوم أرادب .. لكن الحال ملخبط عديل ..
الليلة الصباح ركبنى شوق مجنون .. وكان فى كترت كلام عارم .. لكن حكم القوى على الضعيف .. نهزونى لى قفة الخضار .. وكلو طار ..

مشتاقين ووعدى بقى سلك

[كيشو]

المشاركة الأصلية كتبت بواسطة رأفت ميلاد

هموس الشوق كُتر .. واللوم أرادب .. لكن الحال ملخبط عديل ..
الليلة الصباح ركبنى شوق مجنون .. وكان فى كترت كلام عارم .. لكن حكم القوى على الضعيف .. نهزونى لى قفة الخضار .. وكلو طار ..

مشتاقين ووعدى بقى سلك

رأفت يا عزيزي
عشان دي

الليلة الصباح ركبنى شوق مجنون

وعشان "وح دي"
ولو بقدر
كنت جبت ليك عوض الكريم عبد الله، ومعاهو المسالمة بيت بيت، دار دار، زنقة زنقة
شوقك انتقل لينا والله

[مبر محمود]

وعشان "وح دي"
ولو بقدر
كنت جبت ليك عوض الكريم عبد الله، ومعاهو المسالمة بيت بيت، دار دار، زنقة زنقة
شوقك انتقل لينا والله

كيشو

نحن بنقدر، وبنجيب ليكم عوض الكريم عبدالله
وأهو بالمرّة يا سيدي نضرب خاطر تلاته عيون بأغنية واحد
الأغنية "عقلي إنشغل بهواك" والتلاته عيون: عين كيشو، وعين رأفت، وعين المسالمة !

[rams]http://www.sudanyat.org/upload/uploads/3agli_insha3__l.MP3[/rams]

[رأفت ميلاد]

المشاركة الأصلية كتبت بواسطة كيشو
رأفت يا عزيزي
عشان دي

وعشان "وح دي"
ولو بقدر
كنت جبت ليك عوض الكريم عبد الله، ومعاهو المسالمة بيت بيت، دار دار، زنقة زنقة
شوقك انتقل لينا والله

تعجبنى يا أبن أخويا لامن تحلق دقنك .. ويطلع الجواك الصوفى .. لكن دخل ده بى ده شنو .. صوفيتك دقنك ما بتغطيها

قلبك رهيف متذكرو يوم قرضتك مى بصورة ولدا فى العيد .. شفت القلوب شواهد كيف .. غايتو مبر بل الشوق وح أزيدو من الحب جانب ..

الله يبل شوقك وشوقنا .. قدمتك علىّ نسبة للمسافات .. وغفر الله لى ولك .. ودى لقرب محطات الوصول

[wadosman]

المشاركة الأصلية كتبت بواسطة رأفت ميلاد

حمزة وعباس ويس كانو خاتين نقرهم من عوض الكريم عبدالله .. حمزة قال عمل ليهو فِقر من أعراس المسالمة .. ضحك يس وقال ليه (ودوهو يسجل فى الإذاعة .. والأستديو أستاند باى .. وعملوا ليهو كلاكيت .. نفخ ليهم المكرفون)

ليالى المسالمة وشوارعا الضلمة .. فيها حياة لا يعثر عليها عابر سبيل

بعرف حمزه و عباس و حمزه كان مولع بالكابلى لدرجه الجنون
كان بيخت كرسيه بعد المغرب قدام البيت و عندو مسجل صغير و كل
الشرايط البيسمعها كابلى...والله زمن يا رافت غايتو بوستيك دا خلانا
نتذكر الكثير من الحكااوى و الخوف تجرجنا للغريق كماان....


** اها جبنا سهر المنام بصوت عوض الكريم عبد الله هنا و بعد كدا يا صاحبى
المايكرفون معااك على طول...

[rams]http://www.sudanyat.org/upload/uploads/shar_al_munam.mp3[/rams]

سهر المنام..لينك للحفظ

[رأفت ميلاد]

المشاركة الأصلية كتبت بواسطة مبر محمود
نحن بنقدر، وبنجيب ليكم عوض الكريم عبدالله
وأهو بالمرّة يا سيدي نضرب خاطر تلاته عيون بأغنية واحد
الأغنية "عقلي إنشغل بهواك" والتلاته عيون: عين كيشو، وعين رأفت، وعين المسالمة !

ما قصرت يا مبر .. إختيار حلو .. وإحساس فنان .. ماك مداح ..
تعرف يا مبر .. زمان عوض الكريم قبال ما يدخّل الموسيقى .. كان صوتو أوضح وأجمل .. أو بمعنى آخر مخارجو واضحة ..

أغنية قسيم الريد كانت حق شائع .. ولكن بتخيل لى .. عوض الكريم عبدالله أحسن من غناها ..

[rams]http://www.sudanyat.org/upload/uploads/Qaseem_Alraed.wma[/rams]

[كيشو]

المشاركة الأصلية كتبت بواسطة مبر محمود

نحن بنقدر، وبنجيب ليكم عوض الكريم عبدالله
وأهو بالمرّة يا سيدي نضرب خاطر تلاته عيون بأغنية واحد
الأغنية "عقلي إنشغل بهواك" والتلاته عيون: عين كيشو، وعين رأفت، وعين المسالمة !

[rams]http://www.sudanyat.org/upload/uploads/3agli_insha3__l.MP3[/rams]

النصيحة يا مبر؟
قدرت والله
شكراً كتييير