[تجـــاني]

المشاركة الأصلية كتبت بواسطة محمد مصطفي

والله تصدق يا تجاني .... قدر ما حاولت افك طلاسم التعليقات ما قدرت افهم حاجة
وفي النهاية وبعد جهد .......... لقيتك ما عندك اي موضوع ...
ياخي والله اظنك انت ما كلفت نفسك تقرا حتي ردي ليك ...
واعتقد اني شرحت ليك وشرحت لاخرين المغزي الحقيقي لادراجي لكلمة لبوة هنا ...
انا ما ضد النقاش ... انا ضد العبط واللاموضوعية ....
عايز تكتب محمد مصطفي لبوة ..... اكتب بس وريني فهمك لمعني الكلمة شنو ..
انا قصدت اللبوة لسرعتها وشراستها ... واخذت من تاءها المربوطة رمزاً للخوف
لانه مرتبط بالانثي في اغلب الاحيان ............
ده فهمي انا لمعني كلمة لبوة التي اتيت بها عنوة هنا ........
وحين كتبتها كنت مدركاً تمام الادراك اني اخاطب عقول ذات موضوعية ..
ولا اظن ان المعني الخبيث الذي اوردته في جميع مشاركاتك في هذا الموضوع
قد يلوح لذهن احدهم غيرك ............
يا عزيزي هذه الكلمات يستخدمها الصعاليك في بلادي...ونستلفها منهم احياناً ...
نخاطب العاهرة باللبوة .. ونخاطبها بالشكشوكة ... ونكني البنات في حلتنا بالنمل ..
ونقول عليهن مرات حمام ... ونستخدم كلمة صقر للخارجين عن طبيعة البشر ..
يعني تفتكر انا بعيد عن الاشياء دي .... ولا خطر في بالك ان ممكن اكون راكب لي جمل
وهايم في صحراء وما فاهم خبث المعاني .. وجمل بمعني ناقة .. عشان ما تجي تقول لي طرة وكتابة .... ياخي ما تدخل نفسك في لولوة المعاني كتير ...
البقولو الكلام ده بنسميهم صعاليك
وظني انك رجل محترم ومحل تقدير ....
بالله عليك ابحث في معاجم اللغة وجيب لي معني للبوة تدل علي عاهرة ...
يا سيدي وسع مدي الادراك عندك .... واخرج نفسك من الرموز الخبيثة للاسماء
جادلني باشياء تقنعني وليس برموز بعيدة عن تفكيري وذهني ....
هل تستحي ان تطلق كلمة لبوة علي لبوة حقيقية ...
هل تستحي ان تطلب اكل شكشكوكة ...........
هل تستحي ان تشير الي صقر يطير في السماء وتقول هذا صقر ...
لا اظنك تستحي منها ... لانها طبيعية ..
وان استحيت منها حينها لا فرق بينك وبين شماسة الحواري
ولن اكلف نفسي عناء الرد عليك ... فما تعودت ان اضع نفسي هكذا موضع
موضوعي الاساسي هو المك نمر ... ووصفي له باللبوة ذو معني
اما ان توسع ادراكك لتفهمه ...
او كن متفرجاً الي ما تؤول اليه الاحرف لتعلم ما عنيته بالكلمة ...
واعلم اني حين أهم بنطق الكلمة ارددها في داخلي حتي تطمئن لها نفسي
وحين أهم بسرداً لموضوع ما ادرك تبعاته جيداً .....
وكل سؤال له اجابة عندي قبل ان يفكر سائله ....
فلن تستوقفني كلمات اتيت بها تحمل خبث معناها المصطنع ....

واعلم ان للود مساحة متصلة بيني وبينك
ولك مني كل الاحترام
تحياتي

سلامات يا محمد
عارف يا محمد أنا ما قاعد أكلف نفسي عناء الاختباء وراء الحروف ... بقول الكلام بوضوح زي الله ما خلقو ما بعرف الغتغته ولا بعرف أتخابث عشان أوصل لنتيجة ...
من دخلت البوست لغاية اخر مداخلة (بعزف لى في نغمة واحدة بس) ...
أوصافك (المدسوسة) وفاكر انها حرفنة منك بقدر اعمل زيها واوسخ منها وأفـك ليك اخرك (المفكوك) لى في السهلة دا ( أفـك دي ما قاصد بيها الكلمة الانجليزية + اخرك المفكوك في السهلة دي قاصد بيها كلامك الاخير ) فما تقول لى راكب جمل وتلحقها لى بطرة وكتابة ...
يا محمد أكتب ما شئت بس احترم عقول الناس دي ... انا كنت بسأل عن حاجة معينة وانت في النهاية جيت وقلت لى بعضمة كيبوردك أكتب في عنوان (محمد مصطفى اللبوة) طيّب دام انك موافق انتظر منى بوست على الشاكلة دي وبشرح جووة قصدي من البوست شنو ؟؟؟
احترم عقول الناس ياخ ...

فــك اخرك الفوق دا بجيهو راجع ....