عـِيـَنْ الخريف

[شبارقة]

أمهاتنا وحبوباتنا كانن بيعانن من الطرفة لأنو اليوم كلو المطرة تشكشك .. الحطب يتبلبل والفحم كذلك والغـُشغـُش

والوليدات والصبيان كمان بيعانوا من رفع التراب فوق البيوت عشان الطرفة بتعمل على صببان البيوت ... لأنها سقـّاية.

والآن نفتح المجال لأخونا حافظ حسين عشان يعمل لينا سياحة خريفية مع الطرفة البكـّاية والندّاية.

[شبارقة]

إتذكرتا لي حاجتين الأولى كلمة (زخـات) البنسمعا في النشرات الجوية وأعتقد أنها تماثل مطر الطرفة (الشكشاكة) .. والحاجة التانية هي مقولة (أنا الطرفة أم دموع البختاني يشيل تيرابو ويزوع) .. الطرفة تفتخر

[خالد غالي]

ياجماعة ماسألناكم من الدعاش، مالكم ما اشتغلتو بي؟!


احرد ليكم البوست ده انا

[حافظ حسين]

المشاركة الأصلية كتبت بواسطة خالد غالي

ياجماعة ماسألناكم من الدعاش، مالكم ما اشتغلتو بي؟!


احرد ليكم البوست ده انا

الدعاش ياهو الدعاش و لا داير تعمل لينا فيها حنكوش

[شبارقة]

المشاركة الأصلية كتبت بواسطة خالد غالي

اعتقد والله اعلم انو فات عليكم ان تذكروا بان اهم مايميز عينة الضراع هو الرائحة الجميلة المسماة الدعاش

(ما كان كفي بين كفك في وداعك غير إشعاع البروق يشدُنا
عبق الدعاش إذا بدا في غير موسمه الخريف)
او كما قال عالم عباس محمد نور
واعتقد ان رائحة الدعاش المميزة تنتج بعد اختلاط اول زخات المطر مع تربة الصعيد الخصبة المخلوطة ببعض انواع الحشائش اليابسة مامتذكر اسمها شنو
تحياتي ومحبتي للجميع

المشاركة الأصلية كتبت بواسطة خالد غالي

ياجماعة ماسألناكم من الدعاش، مالكم ما اشتغلتو بي؟!

احرد ليكم البوست ده انا

أخونا خالد غالي .. الغالي
ياخي نحن متين لقيناك عشان تحردنا ياخ

أنا طبعا ً رحبت بيك وقتها وقلت ح أرجع ليكم برواقة لكن شكلي نسيت أمر الرجوع ده بسبب زنـّة كده في رأسي (ما بسبب رمضان .. بسبب العمل)

تعريفك للدعاش ما مكتمل .. والدعاش فعلا ً مرتبط بموسم الخريف كما قال أستاذنا عالم عباس:

يشدُنا عبق الدعاش إذا بدا في غير موسمه الخريف

الدعاش في تعريفي له هو النسيم (في موسم الخريف) مخلوط بريحة الطين والمطر وممكن يجيك من مسافة قريبة وممكن من البعيد ... نحن دعاشنا السمح بجينا من الصعيد (سنجة والدمازين والرصيرص) وأب رخم وسنار.

ببعض انواع الحشائش اليابسة مامتذكر اسمها شنو

يا ريت تتذكر لينا الاسم .. أو أنتظر أخونا حافظ عشان يديك خيارات .

شكرا ً يا غالي ... تسلم ،،،

[شبارقة]

الغالب في مطر عـِينة الطرفة (الطرفة البـكـّاية - الطرفة الندّاية - الشكشاكة .. إلخ) إنو بيكون مستمر دون إنقطاع (على شكل زخـّات) طول أيام العـِينة.

[شبارقة]

شن خلاني بارد الليل بوح وأتغبّن
غير مُقد الدَرُو الكَبَسْ الشراية ولبّن
طلقت في جنوناً تاني ما بنطبّن
سبيكات قلبي ساحن والشنابر رقـّن

الأبيات دي نقلتها من مداخلة أخونا أحمد طه في بوست المرحوم/ خالد الذي أشار إليه العمدة عكود.

الشراية واللبـَنة وقبلهن أضان فأر بنجيها بإذن الله لما نتكلم عن زراعة العيش (الذرة) ومراحل الإنبات.

[شبارقة]

المشاركة الأصلية كتبت بواسطة شبارقة

السمبر (إسم جمع لطائر معروف) نطلق على أنثاه السمبرية ولكنني لا أعرف إسم المفرد لمذكره (هل فيكم من يعرف؟)

السمبر ينتشر ويتواجد بكثرة من بداية فصل الخريف وحتى نهايته .. وكان الناس يفرحون بتحليق السمبر في أجوائهم فهو إشارة إنو خريفهم صادق الوعد لأن السمبر وبعض الطيور الأخرى ومن خلال بحثها الدائم تعرف مراتع الكلاء والماء وبمجرد ظهور هذه الطيور في المنطقة فهو دليل وبشارة على صحة الخريف.

[حافظ حسين]

العين و ما أدراك ما العين
يا خي دا علم براهو ... علم مكتسبات من تجارب الالف السنين في حرب الانسان من أجل البقاء مع الأم الطبيعة .... علم تجريبي صرف و فيه تعلم جدنا الفلاح من كيسه , و المختصر المفيد لكل عين طقسها, صلاحيتها لماذا, و إذا لم يفعل الإنسان فعله فيها في الوقت المحدد ماذا يحل به.... و عندما تخيب أحد العين أو تكون اوفر لوود ما مصير الانسان الفقير الي الله ....
و زي ما قبيل شن قلنا
لو ما زرعت في الضراع ضراع انكسر
لان فيه الجو ملائم لانبات كل شئ و عند انتهاء الضراع نبته الذرة بتكون فاتت اضان الفار و بقت سواسيو ..... و تجي النترة بكل افاتها و مطرها الموزون لو لحق الفلاح زرع في النترة وطاته أصبحت ... النترة امطارها موزونة جداً لا خفيفة لا تقيلة و دوما ما تكون ليلية و متفرقة (ما كل يوم).... يلا دي بتدي الفلاح البائس فرصة ينظف ارضه من كل الحشائش الطفيلية .... بعدها الطرفة البكاية و دي لو صدقت بتكب كل النهار و ما في شمس و هنا الفلاح الما نضف ارضه في النترة و ساقت فيه الطرفه وطاته أصبحت و ارضه بارت لان ما فيها شغل لان المطر النهار كله بتكون شغالة شكشاكة .... و بعد الطرفة بتجي الجبهة النادية و الجبهة و ما أدراكما الجبهة .... لكن ح أستناك يا شبارقة لحد ما تكتب الجبهة و انا اوريك اسلاميتها أو دديمقراطيتها كيفن

[خالد غالي]

الاعزاء حافظ وشبارقة
انا اتربيت في مدينة الحصاحيصا، والخريف هناك له طعم آخر
اتذكر بوضوح لمن تتجمع غمامة حمراء ضخمة من ناحية الشرق وتبدأ في الصعود بسرعة ناحيتنا، الجماعة يقولو ليك الهوا اتقلع! قصدهم التراب
بعد شوية تبدأ تهب النسائم الباردة المشبعة بالغبار ورائحة الدعاش، احساس لايمكن وصفه ابدا حاجة ممكن تحسها لكن مابتقدر تعبر عنها بالكلمات، احساسك الداخلي بقدوم الخريف
قبل كم يوم كنت بحاول اوصف لزميلي الاماراتي الخريف في السودان لمن وصلت مرحلة وصف الدعاش لقيت نفسي بوصف بي يديني واقول في كلام كتير ماعندو اي معنى، في النهاية قلت ليهو يازول بس ماعندك حل غير تمشي معاي اشممك ريحة الدعاش عشان تفهم
امي عندها مثل دايما بتقولو، (الشوكة من تبتها والعينة من نقطتها)
وكانت دايما بتقول ان اول نقاط ماء في اول مطرة في الخريف هي البتحدد لو الخريف ناجح او لا حسب حجم النقاط

سؤال:
حصل لاقتكم ريحة الدعاش في اي مكان غير السودان؟

[حافظ حسين]

فوق يا الله
شبارقة تعال واصل البوست دا و الا

[شبارقة]

المشاركة الأصلية كتبت بواسطة حافظ حسين

العين و ما أدراك ما العين
يا خي دا علم براهو ... علم مكتسبات من تجارب الالف السنين في حرب الانسان من أجل البقاء مع الأم الطبيعة .... علم تجريبي صرف و فيه تعلم جدنا الفلاح من كيسه , و المختصر المفيد لكل عين طقسها, صلاحيتها لماذا, و إذا لم يفعل الإنسان فعله فيها في الوقت المحدد ماذا يحل به.... و عندما تخيب أحد العين أو تكون اوفر لوود ما مصير الانسان الفقير الي الله ....
و زي ما قبيل شن قلنا
لو ما زرعت في الضراع ضراع انكسر
لان فيه الجو ملائم لانبات كل شئ و عند انتهاء الضراع نبته الذرة بتكون فاتت اضان الفار و بقت سواسيو ..... و تجي النترة بكل افاتها و مطرها الموزون لو لحق الفلاح زرع في النترة وطاته أصبحت ... النترة امطارها موزونة جداً لا خفيفة لا تقيلة و دوما ما تكون ليلية و متفرقة (ما كل يوم).... يلا دي بتدي الفلاح البائس فرصة ينظف ارضه من كل الحشائش الطفيلية .... بعدها الطرفة البكاية و دي لو صدقت بتكب كل النهار و ما في شمس و هنا الفلاح الما نضف ارضه في النترة و ساقت فيه الطرفه وطاته أصبحت و ارضه بارت لان ما فيها شغل لان المطر النهار كله بتكون شغالة شكشاكة .... و بعد الطرفة بتجي الجبهة النادية و الجبهة و ما أدراكما الجبهة .... لكن ح أستناك يا شبارقة لحد ما تكتب الجبهة و انا اوريك اسلاميتها أو دديمقراطيتها كيفن

والله يا حافظ دي مداخلة شحمانة ورويانة وتريانة .. كتر خيرك ياخي

لكن ح أستناك يا شبارقة لحد ما تكتب الجبهة و انا اوريك اسلاميتها أو دديمقراطيتها كيفن

[شبارقة]

المشاركة الأصلية كتبت بواسطة حافظ حسين

و زي ما قبيل شن قلنا
لو ما زرعت في الضراع ضراع انكسر
لان فيه الجو ملائم لانبات كل شئ و عند انتهاء الضراع نبته الذرة بتكون فاتت اضان الفار و بقت سواسيو .....

وللتذكير فإن عينة الضراع حتخش في يوم الثلاثاء القادم 7/7 وستستمر لغاية يوم 21 منه .. ونتمنى أن تصيب ولا تخيب وأن ينعم الله علي جميع مزارعي بلادنا وأهلنا بالغيث المبارك.

[شبارقة]

المشاركة الأصلية كتبت بواسطة خالد غالي

الاعزاء حافظ وشبارقة

بعد شوية تبدأ تهب النسائم الباردة المشبعة بالغبار ورائحة الدعاش، احساس لايمكن وصفه ابدا حاجة ممكن تحسها لكن مابتقدر تعبر عنها بالكلمات، احساسك الداخلي بقدوم الخريف

امي عندها مثل دايما بتقولو، (الشوكة من تبتها والعينة من نقطتها)

يا سلام يا خالد ياخي

(الشوكة من تبتها والعينة من نقطتها)

ربنا يحفظ ليك الوالدة ويمتعها بالصحة والعافية وجميع أمهاتنا كذلك .. ويرحم ويغفر لمن إنتقلن إليه.

سؤال:
حصل لاقتكم ريحة الدعاش في اي مكان غير السودان؟

أنا إجابتي القاطعة هي : لا

وصاحبك الإمارتي ده إلا تسوقو معاك السودان في الأيام دي ( ومن شمَّ واتكرّف ليس كمن سمع )

[عكــود]

بوست متـــعة!

تحياتي شبارقة / حافظ.