المك نمر ..... جــــــراياً لبوة

[تجـــاني]

تجاني .... سلامات يا جميل
قد اوردت المغزي من عنوان البوست في بعض الردود ......
اما اللبوة المقصود بها العاهرة فهي فهي القاب نتناولها في شارعنا العام ....نرمي بها للمعني المشمئز لبعض النساء من هم اقبح اخلاقياً
وبالتأكيد اني لم اقصد بالمعني هذا شخص المك نمر ...

صباحك خير يا محمد ...
وكيفنك ...
معليش يا محمد كدا ما أتفقنا أنا في البداية قلت انو عنوانك (حمّال أوجه) وكونك تشرح المقصود من (اللبوة) في العنوان برضو ما بتحلك من انو (حشر) مفردة (اللبوة) حتى لو كان جدك جعلي على حد وصفك ...
بعدين والله يا محمد أنا لو زول ساااي كدا في حلتنا سمعت او زول قال ليهو (يالبوة) بزعل والله خليك من انسان يعتبر عند بعض الناس رمز وطني ، قناعاتك يا محمد ملك ليك انت لكن دا ما بالضرورة انو تكون صحيحية ، وبعدين يا محمد هل شارعنا العام بعيد مننا عشان نقول لا الكلمة دي بتتقال هناك وهنا ما نقولها ؟؟؟ .
انت بالتأكيد ما قاصد المك نمر بتعريف الكلمة على حسب شارعنا العام ولكن بالطريقة دي يا محمد العنوان ( ما حبايو) وما بتبلع للكثيرين حتى وان سكت الناس ...

اما بالنسبة للقبلية والعنصرية فانا من اشد الكارهين لذلك ...
علماً بان والدتي تنتمي لقبيلة الجعليين ... ولو علمت عن هذا البوست لما ترددت في ترسل لي غضبها وسخطها وعدم عفوها عني ............
اعلم تمام العلم ان الموقف يحتاج غض النظر عن القبائل والانساب .....
لكن هذا البوست كان للحوار بشأن هروب المك نمر وموقفه ... وليس لنقاش الوضع القبلي لقبيلة الجعليين او غيرها ............
قبيلة الجعليين قبيلة كبيرة تجري دمائها في معظم السودانيين ...
لكننا لن نتحفظ عن اخطاء تاريخية سقطت سهواً منسية .....

تحياتي

أنا يا محمد ما أعترضت على الأخطاء التاريخية ، تاريخنا السوداني دا يا محمد زي ما فيه الكويس فيه القبيح في النهاية ماف زول معصوم من الخطأ ..
أنا دخلت هنا واعترضت على العبارات اللى ممكن الواحد يفكر في انها بتوصف وصف غير سليم لبعض الرموز التى يعتبرها بعض الناس وطنية ...
محمد ما بيعني انو المك نمر شخصية عامة ان نتناول حياته وخياراته كيفما أتفقت افكارنا ...
ممكن تجي تفتح موضوعك دا وزي ما وضحت ليك العزيزة سمراء في تاني مداخلة في البوست دا انو دا ممكن يكون كما قيل قديما (الحرب فر وكر) والعزيزة نسايم سمت ليك الحاجة دي (خيارات) دا فيما يخص متن الخيط ...
أما العبارة اللى بتحمل عدة أوجه يا محمد لا علاقة لها بالقبلية او العنصرية ، احترامك للمك او عدم احترامك له لا يزيد الاحداث التى حدثت شيئا ولا ينقصها ...
الأخطاء التى حدثت قديما الناس ممكن تتناولها وتنتقد الطريقة التى تمت بها بس الكلام دا بعيد عن انك تدي زول احساس انو في شئ ناقص في الموضوع ...
أنا يا محمد مصر ومعترض على (حشر) مفردة (لبوة) وجيت وضحت ودي قناعاتي يا محمد حتى لو كانت المفردة دي في شارعنا العام يبقى متداولة ومعروف المقصود منها شنو ، أوصف جري وهروب المك نمر لكن ما تقرن الكلام دا بمفردة متداولة ولها دلالات قبيحة حتى وان كان المك نمر شخصية عامة يمكننا أن نتحدث عنه في كل شئ ...
مفردة (لبوة) دي ممكن تكتبها لو كان فعلاً المك نمر (لبوة) ولا غبار عليك فقط سنبقى في النواحي القانونية بعد هذا ...
....
.....

أسه يا محمد خليك من شارعنا العام ممكن أجي وأكتب عن أى شخصية تاريخية سودانية (فلانة الفلانية حلوة وشكشــوكة) ؟ مع العلم انو مفردة (شكـشوكة) في الخليج بتعني البيض بالطوة ولكن في شارعنا العام لها دلالات ومعاني أخرى ..

تحياتي ...