قدر ما أتجاهلت البوست ده ما قدرت .. السبب تحيزى لى طارق جبريل وبكون تحيزى ليهو شهادة مجروحة .. لكن يا حافظ أديتوا الموضوع أبعاد غريبة شديد .. الأغنية ما أخترعها طارق .. فقط زاد عليها تأويل (مباح) لمثل هذه الأغنيات وهكذا بتنمو ..
وإذا أنتو دققتوا فى كلامكم أنتوا بتسيئوا لفئة موجودة داخل الشعب السودانى ومهيصيين ولا تقل وطنية عن الآخرين .. وصفهم بالركاكة طريقة صفوية متعجرفة ومتعالية .. كل مجتمع ليهو طريقتو فى التعبير .. وكلام طارق ده طريقة تعبيرية كمودية (من كوميديا) للأستخفاف بهذه الحكومة وأفرادها عاجزى القول .. وكان يمكن يكون التأويل فى أى أغنية من هذا النوع .. فما تركزوا فى (البورة) وتعملوا منها قضية .. فى وقت أكرم الشعب نسائه أيما أكرام بثورة الكنداكة .. أراكم لازلتم تراهنوا بأنها لا زالت مضطهدة ..
معليش يا طارق حركات حافظ دى أمسحا فى وشى .. أنا جاييكم عكس الشقلينى وشايل باركوها فى يدى .. عشان كلكم فى خندق واحد
|
