صراع الجبابرة - قديم و جديد

[imported_ابوبكر حسن]

المشاركة الأصلية كتبت بواسطة فتحي مسعد حنفي

أصبر لي شوية
جاييك ما تخاف...
بس زح لي البعثيين وناس الادارة شوية

وبدأت القوات الاخرى فى التوافد

عم فتحى قلت لى شله الروثمان

[imported_رأفت ميلاد]

المشاركة الأصلية كتبت بواسطة فيصل سعد
يعني توافق لربيط و ترفض لي انا !!
على كدا الواحد يشتكيك لفخري سيد الدكان

واصل يا وريف ..

غايتو يا فيصل فى زمنا سيد الدكان كان كادح ودكتو جارة بالواطة .. وفخرى كان ود عز ما بشتغل كلو كلو سيد دكان

واصل يا مهند زنقة عمك الكضاب ده .. لامن يقول ليك سستم .. قول ليهو كده يا ورور

غايتو أنا معاكم كان رضيتو وكان أبيتو ..

[imported_فتحي مسعد حنفي]

المشاركة الأصلية كتبت بواسطة بكرى مبلول

وبدأت القوات الاخرى فى التوافد

عم فتحى قلت لى شله الروثمان

دا حالتو أحمر بدون سمسمية

[imported_مهند بشير]

المشاركة الأصلية كتبت بواسطة فتحي مسعد حنفي

أصبر لي شوية ياشاب..خليني أفضي وبجيك لكن غايتو زمنا الزيك ديل بنسميهم حناكيشما كان عندنا شاب ود رجال بقول واااي وووووب وأحي الا يكون من شلة بنسون وروثمان وصحبهم..
جاييك ما تخاف...
بس زح لي البعثيين وناس الادارة شوية

الحلبي ازيك
هاك الحنكشة دي
و زي ما قالو الجماعة
ال..... عز و الرجالة ملحوقة
اما موضوع وااااي و وووب دي هسي تاني كان ودوني ليهم
من هسي واااااي و ووووووب
و الروثمان دا نحن ما حصلناهو انت ما قريت التعرفة فوق
و ناس الادارة ديل بحنكم
انت بس تعال
و فرش ملايتك :p

[بابكر مخير]

المشاركة الأصلية كتبت بواسطة مهند بشير

سلامات يا عزيز
الا يا فيصل يسمك

يعني إحنا نقطع العشم
ما دام الحبيب الحسيب النسيب، إتشوكش،،
دى حالتهو "روفي، توحة وود فرح ود خالي بلالي (ما التاني)" قدموني وراجيين..

[imported_هشام ديدي]

المشاركة الأصلية كتبت بواسطة مهند بشير

سيداتي سادتي (بحسابات مقدم برامج في التلفزيون القومي )

ادعوكم لمشاركتي النقاش الشرس و الذى اتمنى ان يشهده هذا البوست نزولا عندي رغبتي لمقارعة الجيل القديم و الذي يسمى نفسه بالذهبي على جميع الاصعدة (الثقافي – الشكل العام – الاجتماعي – الرياضي – السياسي – الاقتصادي – الادبي و خصوصا فيما يتعلق بالشكل العلمي لهذا الجيل او بالاصح لجيل الشباب و عشان الموضوع يأخد شكل التحدى الجاد,اوجه ما سبق لي خريجي مدارس حنتوب و طقت و وادي سيدنا بإعتبارهم اولى نواة الازدهار في ذلك الزمن الجميل و من بعدهم طلبة كلية غردون ان وجد(دا كان ما ذهب الى سمر قند) و جامعة الخرطوم حتى جيل الثمانينات

توضيحات :

جيل الشباب : هم الفئة المولودة من العام 1975

جيل العجايز : هم الفئة المولدة قبل ذلك

نشوفكم

راجعين

اقوليك حاجه انت لا تستطيع ان تحكم علي جيل ولا آخر ..انت زااااااتك من مواليد

الانقاذ ..احكم علي نفسك في الاول يا انقاذي....

في الاول ورينا انت ماذا تزكر عن حنتوب و طقت ووادي سيدنا ..ولا بس بحري الحكوميه..ولا القديمه اها احكي..يا جيل زمان .
وسلامي

[imported_هشام ديدي]

المشاركة الأصلية كتبت بواسطة مهند بشير

الحلبي ازيك
هاك الحنكشة دي
و زي ما قالو الجماعة
ال..... عز و الرجالة ملحوقة
اما موضوع وااااي و وووب دي هسي تاني كان ودوني ليهم
من هسي واااااي و ووووووب
و الروثمان دا نحن ما حصلناهو انت ما قريت التعرفة فوق
و ناس الادارة ديل بحنكم
انت بس تعال
و فرش ملايتك :p

انت يا الاخو احترم من هم اكبر سنآ في الرد عشان الاحترام يستمر.اقوليك انشاءالله

كنت حصلت الروثمان في عصره ..يا مهند روثمان.

[imported_مهند بشير]

المشاركة الأصلية كتبت بواسطة هشام ديدي

اقوليك حاجه انت لا تستطيع ان تحكم علي جيل ولا آخر ..انت زااااااتك من مواليد

الانقاذ ..احكم علي نفسك في الاول يا انقاذي....

في الاول ورينا انت ماذا تزكر عن حنتوب و طقت ووادي سيدنا ..ولا بس بحري الحكوميه..ولا القديمه اها احكي..يا جيل زمان .
وسلامي

والله للاسف يا هشام اني لست من مواليد الانقاذ
بل من مواليد نميري بعد اسلاميته
اما موضوع الحكم على الجيل او الاجيال السابقة ( حنتوب طقت وادي سيدنا ....)
فالنتيجة ظاهرة للعيان بما وصلت اليه الامور الآن
العبرة بالخواتيم
وهذا يكفيك

[imported_مهند بشير]

المشاركة الأصلية كتبت بواسطة هشام ديدي

انت يا الاخو احترم من هم اكبر سنآ في الرد عشان الاحترام يستمر.اقوليك انشاءالله

كنت حصلت الروثمان في عصره ..يا مهند روثمان.

مع فائق احترامي لك
لا تتدخل فيما لا يعنيك فتسمع ما لا يرضيك

[imported_مهند بشير]

المشاركة الأصلية كتبت بواسطة بابكر مخير

يعني إحنا نقطع العشم
ما دام الحبيب الحسيب النسيب، إتشوكش،،
دى حالتهو "روفي، توحة وود فرح ود خالي بلالي (ما التاني)" قدموني وراجيين..

المنقة بابكر مخير
ما تقطع العشم
عارفينك بدفورد لكن مركبين ليك مكنة اتوس برايم موديل 2009
ما تلاوز
و نحن راجيييييييينك

[اشرف السر]

كمحب جديد للكلاشات اسجل اسمي..كمحاور في هذا البوست


واقترح حصر محاور الكوماج دا في نقاط معينة.. عشان الموضوع ممكن ينشر كتير ويكون من الصعب جدا سوقه في اتجاه واحد..

بس ياخي عصرت على طلاب حنتوب كتير.. لأنها قفلت مؤخرا وكثير من مواليد السبعينات درسوا بها.. دي تحلها كيف؟

[imported_مهند بشير]

الشاب (مبتسما) : بأسمك الاخضر يا اكتوبر الارض تغني
العجوز (حائرا) : و الله كويس يعني عارف
الشاب (وقد اتخذ الوضعية القتالية) : ايوة عارف و عارف اكتر من كدا
انتو يا حاج
من سنة 56 و انتو عايشين على ما تركه الانجليز من نظام
الخدمة المدنية - السكة حديد - سودان ايرويز - مشروع الجزيرة - و حاجات تانية حامياني
و قرتكم الحكومة و علمتكم و سكنتكم و رعتكم و شغلتكم و كبرتكم و افتخرت بكم
ثم ماذا فعلتم
لم تلتزموا و ما افاد فيكم التعليم من شئ
ورثتم النظام و العلم
وورثنا منكم الجهل و التخلف
ورثتم الامانة و الشرف
وورثنا منكم الزيف و الخداع و السرقة
ورثتم الاحترام و الادب و التفهم
وورثنا منكم الفجور و الفسوق و العصيان
ماذا قدمتم لهذا السودان
وليه ما زاد من زمنكم خطوة
ليه شيفرون ما طلعت البترول
وليه مشروع الجزيرة و السكة حديد و سودان ايرويز تتدمر
ليه مصانع القطن تقيف
وليه الناس تغترب
و ليه تمشي تخدم غيرا و السودان موجود
و ليه نطير بالناس نوديهم لي قدام و نحن بنرجع ورا
و ليه و ليه و ليه و ليه
حتى جيلنا يا حاج قاعد يزاملكم في بيئات العمل المختلفة الحكومي او الخاص
عقول متحجرة غير قابلة للتطور,افق ضيق,تمسك بي فوارغ,شعارات كزابة لا تسمن و لا تغني من جوع,كلام اكتر من شغل
كمال الدنيا تحت ايديكم و لا من بعد
ولا لاحد من قدرة على مجارتكم او مقارعتكم
و دا ما لى ضعف فينا
الا لانكم ما بتتقبلوا ان الزمن يعفى عليكم
و انو الجيل الجاي احسن منكم
و دا حقيقة لو درت و لا ابيت
الزمن عفى عليكم و لن ينتظركم او ينتظرنا
العجوز : يا ولد
نحن السويناهو انتو ما بتقدروا تسوهو
انتو جيل بايظ ما بتقدرو على اي حاجة
نحن جيل اكتوبر و جيل ابريل
الشاب مقاطعا : و يعني شنو اكتوبر و يعني شنو ابريل
دي مجرد شعارات و تواريخ اتت من بعدها سقطات مريعة
كل الانظمة الجات بعد الثورات دي فشلت فشل ذريييع
حتى اكتوبر تحسرتو عليها و ابريل تحسرتو عليها
و دليل على مأساتكم انكم ما بتتعلموا من تجاربكم
و تكرروا نفس الخطأ من اكتوبر في ابريل
انظمة ديموقراطية لا تأتي بمؤسسات بل تاتى بثعالب
الله بسألك يا حاج في رئيس بقعد سنة واحد و بسحبوا منو الثقة
و بعداك يجي واحد ما يتم ما يعرف يسدها و لا يقدها و لا يمرق بي وين
و لانك في ريحة اللون الاحمر زولكم ماركس قال
اذا اعاد التاريخ نفسه مرة فهذه مصيبة
اما اذا عاد التاريخ نفسه اكثر من مره فهذه مهزلة
و لا ما كدا
كفاك من البكا على اللبن المسكوب
جيلنا يا حاج مميز اكتر منكم بالاتى



و راجعين

[imported_مهند بشير]

المشاركة الأصلية كتبت بواسطة اشرف السر

كمحب جديد للكلاشات اسجل اسمي..كمحاور في هذا البوست


واقترح حصر محاور الكوماج دا في نقاط معينة.. عشان الموضوع ممكن ينشر كتير ويكون من الصعب جدا سوقه في اتجاه واحد..

بس ياخي عصرت على طلاب حنتوب كتير.. لأنها قفلت مؤخرا وكثير من مواليد السبعينات درسوا بها.. دي تحلها كيف؟

اشرف السر
حبابك عشرة من دون كشرة و الف سلام
البوست الجاي حيوضح المقصود
و كان لابد من المقدمة حتى نستقرء التاريخ الجدلي للخلاف و الحل معا

و عشان كلامك دا انا كنت عامل الفترة الجديدة من 75 الا صاحبك مهند التاني ابا
بس ما مشكلة لانو المقصود من الكوماج جيل التخرج من الجامعات قبل التسعين
و خليك قريب
حتولع

و راجعين