اقتباس:
المشاركة الأصلية كتبت بواسطة فيصل سعد
مرحبا ود الخير و حبابك ما غريب الدار..
|
اخي فيصل آمال دي لا عندها شاي ولا قهوة لي ضيوفها الحكاييِ شني؟
ليك وللعزيزة امال بت الشيخ آلاف التحية
طبعاً انت اخر زول قابلتك🙂
عندي موقف مع مهند ،، مهند الواحد دا😂😂
قبل سنة 🙂 دخلت عوضية سمك جيعان ما قشرة أو شوق 😅 وقفت في الصف وشلت طلب ومشيت فضلت خيرك اكلت تب بعد داك بقيت أتلفت أشبه في الناس🙂 الزول دا انا قابلته الزول دا بعرفه ،، الزول دا شفتو وين؟ بعد شوية في صف الكاشير كان اشوف مهند! شاب هادي انيق شكله قايم من النوم قبل لحظات 🙂 لانه العيون كان في آثار النوم لسه ،، أو هكذا كانت تبدو لي🙂وقفته ما كانت وقفة زول جيعان لانه ما كان بيعاين باهتمام للناس القدامه وماكان مهتم بحركة الطابور والطلبات ،، هدوء ووقفة بثقة ،، حقيقة لتأكدي مائة المائة انه هو مهند وقفت بيمينه وقلت ليهو : الصف طويل🙂 عاين لي بطرف عينه كدا ورجع لي وراء فاسح لي المجال للدخول قدّامه ، ودا الشي الخلاني عرفته انه ما جيعان ،، المهم مزحت معاه مزحة بايخة قلت ليهو الشيوعيين بياكلو سمك؟؟؟😂😂😂 بقى يضحك حقيقة انا كمان ما اتمالكت نفسي وضحكت واتسالمنا في الصف داك وضحكنا وعرفته بي نفسي ،،فكان كما عهدناه رجل بشوش مبتسم يضحك ببخل🙂
دي سودانيات يا ناصر الناس في قلوبها احترام وتقدير وأشواق لكل من جمعنا به هذا المكان
