هادي البلاد

Abdullahi Gaafar · 08-05-2025, 10:44 AM

هادي البلاد

هادي البلاد الضيعت ورق الهوية
وعطلت صوت الوليدات في الهتاف والغنية
لا نامت ولا سامر سماها خريف
تظل مهزومة بالحزن المكبل صوتا
كيف ما اتلفتت مسجونة
ما بين الرصاص والحسرة
لا قدرت تقيف بي طولا
لا قدرت تصارع الجاى
من مطر الرصاص
وقفت على حدب الحزن
تلعن أبو الحرب
البيقدل فيها اشباه العساكر
والمرابين والمليشيات والكلاب الضالة
تلعن سنسفيل
أصل الفتح بيبان بيوت الفقرا للكيزان
فتح طاقة الهجيرة
على نزيف قلب الشجر والناس
قدر ما حاولت تنشد
غناوي الفرحة ما قدرت
تفج عتمة ليالي الجاي
من تالا الحنين للنوم
بكت وقفت علي جرح القلوب
عطل غناها
رحيل خريف الفرحة
من قلب التعابا النازحة
مابين المقابر والمداين القافلة
أحضان الوصول للرجعة
كتف صوتا حبل الغمة
و الوجع
المشتت في قلوب
الفقرا والنيل والشجر
هادي البلاد العطلت صوت الوليدات في الهتاف
ركزت عصا الترحال
على الغبن المشتت
في العيون النازحة
ما بين الحلم والهجعة
كان يطلع حداها صباح
وماقدرت
تشيل احلام وليداتا الموزعة بين
مشاوير التكايا الما تسد رمق المساكين
المبشتن حالا اوجاع النزوح والجوع
وما بين الرصاص في الراس
وما هماها موت احلاما
لا هماها غبن الحال
ولا ظلم العساكر الضالة
في هادي البلاد الراحلة
من قلب المساكين للغروب
يا الله
قد طالت سنين الحسرة
قد طال الوقاف من فوق
لهيب ظلم العساكر الضالة
قد طالت مشاوير النزيف في الروح
وما زال الأمل مربوط
على وتد الوليدات المجرتقة
بالهتاف والفكرة
لا زال الأمل يوم بكرة
مسدار الحنين للرجعة
لي هادي البلاد الوجعة
لي هادي البيوت الدمعة
لي هادي الشوارع
الشاهدة
موت الفجعة
في حرب الهتاف والطلقة
ما بين الحديث الزيف
وبين طهر الغناوي المارقة
من قلب الوليدات
البتحلم بالبلاد
الما بيقدل
فيها
لا شيطان
ولا كيزان
ولا بوت المليشيات والعساكر الضالة
تحلم بالبلاد
الفاتحة أحضان الوصول
لي الفقرا
ابناء السبيل
والغارمين
والسائلين
والعابرين
الفاتحة احضان الوصول لي الكل

بابكر مخير · 10-05-2025, 02:57 PM

الحزن يابا في البلاد، ذي الغيمة السوداء ديك وشايلة. لا بتنزل مطرن يروي للأطة ولا يغسل وشوش الناس من غبرة حفتي التاتتشرات ولا سكن السواد من رمي المدافع والبراميل النازلة..
الحاربة يا أخوي. تب ماهم دايرين يوقفهوا..
لعنة الله محفوظة ليهم في كتابهم، اليرجوا يوم الوقوف الاعظم

ناصر يوسف · 16-05-2025, 02:35 AM

د. عبد الله

هادي البلاد
هو الوجع
هو الألم
هو النزيف

إنا لله من هذا الوجع

08-05-2025, 10:44 AM	#[1]
Abdullahi Gaafar :: كــاتب نشــط::	هادي البلاد هادي البلاد هادي البلاد الضيعت ورق الهوية وعطلت صوت الوليدات في الهتاف والغنية لا نامت ولا سامر سماها خريف تظل مهزومة بالحزن المكبل صوتا كيف ما اتلفتت مسجونة ما بين الرصاص والحسرة لا قدرت تقيف بي طولا لا قدرت تصارع الجاى من مطر الرصاص وقفت على حدب الحزن تلعن أبو الحرب البيقدل فيها اشباه العساكر والمرابين والمليشيات والكلاب الضالة تلعن سنسفيل أصل الفتح بيبان بيوت الفقرا للكيزان فتح طاقة الهجيرة على نزيف قلب الشجر والناس قدر ما حاولت تنشد غناوي الفرحة ما قدرت تفج عتمة ليالي الجاي من تالا الحنين للنوم بكت وقفت علي جرح القلوب عطل غناها رحيل خريف الفرحة من قلب التعابا النازحة مابين المقابر والمداين القافلة أحضان الوصول للرجعة كتف صوتا حبل الغمة و الوجع المشتت في قلوب الفقرا والنيل والشجر هادي البلاد العطلت صوت الوليدات في الهتاف ركزت عصا الترحال على الغبن المشتت في العيون النازحة ما بين الحلم والهجعة كان يطلع حداها صباح وماقدرت تشيل احلام وليداتا الموزعة بين مشاوير التكايا الما تسد رمق المساكين المبشتن حالا اوجاع النزوح والجوع وما بين الرصاص في الراس وما هماها موت احلاما لا هماها غبن الحال ولا ظلم العساكر الضالة في هادي البلاد الراحلة من قلب المساكين للغروب يا الله قد طالت سنين الحسرة قد طال الوقاف من فوق لهيب ظلم العساكر الضالة قد طالت مشاوير النزيف في الروح وما زال الأمل مربوط على وتد الوليدات المجرتقة بالهتاف والفكرة لا زال الأمل يوم بكرة مسدار الحنين للرجعة لي هادي البلاد الوجعة لي هادي البيوت الدمعة لي هادي الشوارع الشاهدة موت الفجعة في حرب الهتاف والطلقة ما بين الحديث الزيف وبين طهر الغناوي المارقة من قلب الوليدات البتحلم بالبلاد الما بيقدل فيها لا شيطان ولا كيزان ولا بوت المليشيات والعساكر الضالة تحلم بالبلاد الفاتحة أحضان الوصول لي الفقرا ابناء السبيل والغارمين والسائلين والعابرين الفاتحة احضان الوصول لي الكل
Abdullahi Gaafar :: كــاتب نشــط::

10-05-2025, 02:57 PM	#[2]
بابكر مخير :: كــاتب نشــط::	الحزن يابا في البلاد، ذي الغيمة السوداء ديك وشايلة. لا بتنزل مطرن يروي للأطة ولا يغسل وشوش الناس من غبرة حفتي التاتتشرات ولا سكن السواد من رمي المدافع والبراميل النازلة.. الحاربة يا أخوي. تب ماهم دايرين يوقفهوا.. لعنة الله محفوظة ليهم في كتابهم، اليرجوا يوم الوقوف الاعظم
بابكر مخير :: كــاتب نشــط::	التوقيع:

16-05-2025, 02:35 AM	#[3]
ناصر يوسف :: كــاتب نشــط::	د. عبد الله هادي البلاد هو الوجع هو الألم هو النزيف إنا لله من هذا الوجع
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس