الأستاذ / هاشم طه في (قفص الإتهام) !!!

أبو أماني · 10-11-2009, 05:45 PM

الأخ الحبيب الزميل الرائع هاشم طه .. عزيز بلا شك على قلوب كافة منتسبي سودانيات وهو وأقولها بالفم المليان وليس لأنه صديق حميم بالنسبة لي أضعه في مرتبة الأخ الشقيق وأكثر!!.. ولكن أقولها إحقاقا لحقيقة بائنة كالشمس ولا يتناطح عليها عنزان (بالمقرن)! تمتلكهما أسرة صديقي اللدود! أب لسان!.

والحقيقة السافرة أن للعزيز هاشم لمسة سحرية حباه بها الله تخلب لب من يتلقاها ويملك حضورا بهيا يجعل القلوب تتهافت عليه وتتقرب منه طوعا وإختيارا .. فلا غرو أن صار رقما لايمكن تجاوزه في هذا المنتدى وربما في أماكن أخرى عديدة .. ولا عجب البتة أن يتحلق حوله أحباء أعزاء لا يقلون عنه سموا ورفعة شأن ومكانة .. منهم على سبيل المثال لا الحصر .. الحبيب تكعيب دكتور بابكر مخير .. والأستاذ المرهف عكود والكبير بتاع الأعدة .. أبو سارة .. وأبو آلاء البسمة المرحة فتحي مسعد، والأديب أبو ريم .. والوضئ عادل عسوم والملكة منال وضئ الشكابة حيث شاع الدين .. كانديك .. وكل من لم يرد ذكره من جيش جرار من محبي ومريدي أبو مهييد السكرة .. وما أحلى العلاقة الوشيجة عندما تأتي بعد مناكفة ومساجلة وجدال .. فما محبة إلا بعد عداوة .. عابرة!.

موضوع البوستر هذا ينحصر في أن هاشم طه كان حتى وقت قريب يحلق بهذا المنتدى الرائع فراشة حرة طليقة .. حبلى بالرحيق العبق تسكبه وتسكنه في خلية سودانيات الغراء .. فتفيض شهدا ونحلق عبر مفرداته الأنيقة نثرا كانت أم شعرا .. لعوالم أخر نتمنى أن لا نعود منها .. وتتملكنا نشوة عارمة نتمنى أن لا تفك (سكرتها) ونسبح معه في حلم وردي نود لو لم نصحــو منه! بل إننا نكره لحظتها .. الصحو ..!.

ولكن عندما ينحسر عن سماء سودانيات كل هذا الزخم من الإبداع دون مبرر ظاهر يتوارى هذا النجم الثاقب وراء الحجب المجهولة دون سبب ويغيب (لماذا؟ لست أدري)! عن الدار ردحا من الزمن خلته سنين عددا..فلا شك إن وراء الأكمة ماوراءها!.. ولابد لنا من السؤال والتحري والتقصي ولا بد لإدارتنا الرشيدة من البحث عن العلة ومسبباتها والحرص على رجوع كل درر هذا المنتدى إلى خزانتها حيث مكانها الطبيعي ..فهذا واجبها الأصيل!.

ختاما..هل فيكم زملائي الأعزاء من يهمه هذا الأمر ويشكل الغائب عنا مكانا مرموقا في حناياه؟ فيضم صوته لصوتي لنصرخ بملئ حناجرنا حتى نسمع أبا مهييد ومن مثله صيحة مكلومة تقول:-

الحبيب أبو مهيد .. بربك ..?Whats happ

حاشية :-
عنونت هذا البوستر بإسم (هاشم طه) ..غير أنني إشهد الله أنني عنيت في شخصه كل من تغيّب عن سوحنا لمدة تقارب الشهرغيابا مضنيا وملحوظا ونحن في شوق لملاقاته يوميا .. واذكر منهم على سبيل المثال لا الحصر فالحصر شبه مستحيل ..
1/ الحبيب السفير جمال .
2/ الأستاذة إشراقة
3/ العزيزة أمال الشيخ
4/ الإبنة : روب...س
5/ العزيز قيقراوي
6/ فيصل سعد
7/ الأختان همس ومرافئ ...
وجمع مهول من الأحباب لا ينقص عدم ذكرتهم من مقدارهم شيئا .. فارجوا أن يعذروني لذاكرة أكل عليها الدهر ولم يشرب بعد!.. ولكم جميعا خالص حبي وتقديري .. و.. تشااااووووو

الجيلى أحمد · 10-11-2009, 06:00 PM

تحياتى
ياأبومانى

توارد خواطر
كنا أنا وعكود قبل قليل نتحدث عن إفتقادنا لهاشم
وآمال وبقية العقد

معك نسأل عنهم

فتحي مسعد حنفي · 10-11-2009, 06:01 PM

أنا شخصيا أضم صوتي معاك لكن عندي تعليق علي كلامك..
أولا قالو المثل بيقول الجمل ما بشوف عوجة رقبتو..انت ذاتك يابو أماني كنت محيرني بي ندرة كتاباتك في الأيام الأخيرة لغاية ما ود الزين أمبارح شرح لي الأسباب ولقيتا مقنعة ومافي داعي للفضايح

نرجع لي أخونا هاشم المواطن الذي تم سحب الدرجة منه لانقطاعه عن الكتابة وحتي لما كتب من كم يوم نزل مداخلة كانت نازلة قبل كدا..
دا يابو أماني بيثبت انو الزول دا فاقد مزاج الكتابة ودي حاجة بتمر بينا كلنا من حين لآخر..يعني لازم نستني لغاية ما الزهجة تروح.ودا ما بيمنع السؤال للاطمئنان..
هاشم راجل حساس جدا وممكن أي كلمة تزعلو وتخليهو يفضل الابتعاد بدل ما يرد ويصعد الموضوع.ودي حصلت قبل كدا ولما راق رجع وكأن شيئ لم يكن..
بس كمان في ملاحظة تانية..الراجل دا من ما عرف انو أبو أماني هنا أكيد عندو كلام كتير حارقو وما قادر يقولو حفاظا علي العيش والملح وحقو تخليهو عشان ما يفتح فيك ويطلع العندو كلو فيك..عموما احنا مستنيين نشوف رايو شنو ...

منال · 10-11-2009, 06:42 PM

ابوى هاشم يا من عرفتنى سر الجمال وين منبعو
يا اية من صور الجمال المشرقه

استاذ كل الاجيال

و يامن لجأت له أبا ناصحا و مساندا
و يا من عرفتك و وهبتنى الابوة و الصدق و الوضوح
لا اغنيك و لكنى يغالبنى الحرف و النداء
فى هذا المساء يا صاحب الخربشات

عرفتنى اهوى الجمال و اقدسو
وايقظ مشاعر الناس عليهو لوإتناسو
حب الجمال زى الهوى البتنفسو

[media]http://www.youtube.com/v/TqWYzB_MVw8&color1=0xb1b1b1&color2=0xcfcfcf&hl=en& feature=player_embedded&fs=1[/media]

نتظرك جميعا

خربشة
هاشم طه خارج كل الاسوار
وفوق

منال · 10-11-2009, 06:46 PM

اقتباس:

المشاركة الأصلية كتبت بواسطة فتحي مسعد حنفي

هاشم راجل حساس جدا وممكن أي كلمة تزعلو وتخليهو يفضل الابتعاد بدل ما يرد ويصعد الموضوع..عموما احنا مستنيين نشوف رايو شنو ...

الروعه الفيك انك حساس

[media]http://www.youtube.com/v/rtddypwp_hE&color1=0xb1b1b color2=0xcfcfcf&hl=en&feature=player_embedded&fs=1[/media]

فتحي مسعد حنفي · 10-11-2009, 06:53 PM

اقتباس:

المشاركة الأصلية كتبت بواسطة منال

الروعه الفيك انك حساس

[media]http://www.youtube.com/v/rtddypwp_hE&color1=0xb1b1b color2=0xcfcfcf&hl=en&feature=player_embedded&fs=1[/media]

عليك ألله يامنال ..الكلام دا برا الموضوع لكن بفتش في أغنية ترباس ياريت..لو عندك نزليها لي وياريت لو معاها رابط الحفظ عشان أنا جاهل بالأمور دي..

منال · 10-11-2009, 07:44 PM

اقتباس:

المشاركة الأصلية كتبت بواسطة فتحي مسعد حنفي

عليك ألله يامنال ..الكلام دا برا الموضوع لكن بفتش في أغنية ترباس ياريت..لو عندك نزليها لي وياريت لو معاها رابط الحفظ عشان أنا جاهل بالأمور دي..

عمى فتحى انت تأمر و الله

اليك ياريت

[media]http://www.youtube.com/v/LpA4wFSInV8&hl=en&fs=1[/media]

الرابط ما بعرف ليهو يجوك ناس الخبرة و الاى تى

لكن اقول ليك لمن الاغنية تنزل اعمل كليك فى البوكس تنقلك لى يوتيب لذات الفنان - حيث تجد كميه من الاغانى - و تسمع بره المنتدى كمان
و الباقى بتعرفو براك

خرمجه
البوست ده عمك قال لكل الغائبين - مدخل نخرمجو

أبو أماني · 11-11-2009, 04:18 PM

اقتباس:

المشاركة الأصلية كتبت بواسطة منال

عمى فتحى انت تأمر و الله

اليك ياريت

[media]http://www.youtube.com/v/LpA4wFSInV8&hl=en&fs=1[/media]

الرابط ما بعرف ليهو يجوك ناس الخبرة و الاى تى

لكن اقول ليك لمن الاغنية تنزل اعمل كليك فى البوكس تنقلك لى يوتيب لذات الفنان - حيث تجد كميه من الاغانى - و تسمع بره المنتدى كمان
و الباقى بتعرفو براك

خرمجه
البوست ده عمك قال لكل الغائبين - مدخل نخرمجو

الزول وكتين يفتح ليو لزول .. ما بيفتح ليو طوووالي كدي .. بسويها حبة حبة .. ولا العرق الشايقي طقة؟ وقابلتيني بوش الله حق .. في شنو ؟؟ أولا في التبادي باريتي عجوزك المخرف ده في قضية إنصرافية عن لب الموضوع .. تانيتن .. سويتيني .. عم توت عنخ آمون ده .. طييب يا منال .. بس أنا عاذرك .. عشان فتحت ليك وخطبت لي بت سكرة حلا وحمار وخفة دم .. وكمان أسمح منك .. همس .. مش ياهو دا الكلام القلتي لي قولو ليها؟ ولا نسيت حاجة .. أمانا ما وقعتي معاي يا .. الشايقية .. واتحدى الشوايقة كلهم حتى المعاي في البيت ديل وكان حصل كاني ماني .. قرايبي الجعافرة والجموعية والجعليين وكافة قبيلة تبداء بحرف الجيم واقفين معاي خلي مهيرة بت عبود تجي تقيف معاكم .. هيييييع .. أنا أبوك .. آ.. أأأأ أماني ..
تشاو

منال · 11-11-2009, 04:47 PM

اقتباس:

المشاركة الأصلية كتبت بواسطة أبو أماني

الزول وكتين يفتح ليو لزول .. ما بيفتح ليو طوووالي كدي .. بسويها حبة حبة .. ولا العرق الشايقي طقة؟ وقابلتيني بوش الله حق .. في شنو ؟؟ أولا في التبادي باريتي عجوزك المخرف ده في قضية إنصرافية عن لب الموضوع .. تانيتن .. سويتيني .. عم توت عنخ آمون ده .. طييب يا منال .. بس أنا عاذرك .. عشان فتحت ليك وخطبت لي بت سكرة حلا وحمار وخفة دم .. وكمان أسمح منك .. همس .. مش ياهو دا الكلام القلتي لي قولو ليها؟ ولا نسيت حاجة .. أمانا ما وقعتي معاي يا .. الشايقية .. واتحدى الشوايقة كلهم حتى المعاي في البيت ديل وكان حصل كاني ماني .. قرايبي الجعافرة والجموعية والجعليين وكافة قبيلة تبداء بحرف الجيم واقفين معاي خلي مهيرة بت عبود تجي تقيف معاكم .. هيييييع .. أنا أبوك .. آ.. أأأأ أماني ..
تشاو

اولن ازيك و هنا بكون احسن منك بسلم يا بياع - الدكتور قال لى باعك بربع تمر ههههههه (كان وريتنى اكان لورى ود الجابرى مليان تمر داقش عليك فى جبره)

اقتباس:

أولا في التبادي باريتي عجوزك المخرف ده في قضية إنصرافية عن لب الموضوع

هوى و تانى هوى لخبتت كميان ما دايرين انت جيت شايل كتاحتك و طشيت من البوست - ركز النضارة و عاين انت شايت وين

دى منى لمن يرد عليك براهو ...الخواجه اجدع هنا فتح الباب منا و ليهو ارجى الجاييك

اقتباس:

عشان فتحت ليك وخطبت لي بت سكرة حلا وحمار وخفة دم .. وكمان أسمح منك .. همس .. مش ياهو دا الكلام القلتي لي قولو ليها؟ ولا نسيت حاجة .. أمانا ما وقعتي معاي يا .. الشايقية

مبرووووووووووووووك عليك هموسه ( بس كيف هى ترضى بيك غايتو الاجاويد تقع و تقوم) - بس و بكل الصدق همس ما رضيتا ليك - من حيث الجمال فايتا البنوت كلهن خلى منال الزرقا

(هلالنا فوق) ظريفة و وديعة وراقيه و فوق ده كلو متوازنه و عارفا هى دايره شنو شن ليها فى زول خرفو كتر و حديثو من الجرائد للمنتديات

اقتباس:

واتحدى الشوايقة كلهم حتى المعاي في البيت ديل وكان حصل كاني ماني .. قرايبي الجعافرة والجموعية والجعليين وكافة قبيلة تبداء بحرف الجيم واقفين معاي خلي مهيرة بت عبود تجي تقيف معاكم .. هيييييع

هييييييييييييييع تانى
كدى من جبت سيرة الجعافرة هناك فى مداخلة كده قلت الزول ده مالو و فاتت على انك غتيت و مغطط - تدسو منى يا الما زين اصبر بس اردها ليك فى السمح (همسنا)
تتحدى منو يا عمنا ياخى شوف ليك بير سلم خت عنقريبك و عد النجوم سااااااااااى
مهيرات كتااااااااااار واقفت ليك فى شارع جبرة داك (عاد تدخل بوين )

الجيم
جميل هو ابوى و ابو مهيد و ابو الدكتورة
جاد لى بكلمة الابنة منال - من زمن و كانت الرعايه
جاب بنا فى سوح الشعر و القوافى فابدع شيخ و انا و انت والاخرين حوارين
جربت العمل فى المنبر معه - ربان ماهر ذو عقليه متقده و مزاجيه عاليه
جاى هو وانت ارجاها بس

هاشم طه

انت خابر الخرمجه شن ...ها

فى راجاك

مودتى للجميع

فتحي مسعد حنفي · 11-11-2009, 05:31 PM

أولا في التبادي باريتي عجوزك المخرف ده في قضية إنصرافية عن لب الموضوع

هوى و تانى هوى لخبتت كميان ما دايرين انت جيت شايل كتاحتك و طشيت من البوست - ركز النضارة و عاين انت شايت وين دى منى لمن يرد عليك براهو ...الخواجه اجدع هنا فتح الباب منا و ليهو ارجى الجاييك

يامنال قالو الضرب في الميت حرام..
عمك أبو أماني:دا زول بقي ملطشة والواحد بقي بالجد بيحن عليهو..هو ضهرو دا يستحمل لبيع منو ولا منو..الراجل اتهرا لبع..
غايتو أنا آخر الأخبار الوصلتني بعد ما نفوهو للمنشية بسبب قعادو في ايريا ففتي ون أكتر من الشغل..دا غير الزوغات الكان بزوغا عشان يمشي للنت كافي يخش النت.واحنا علي نياتنا قايلنو زول مسئول عندو نت في مكتبو.وهسا اتقطع عشان في مكان الشغل الجديد لا في كفتيريا ولا نت والأعجب من كدا سمعت انو هناك جنب الشغل في دكتور بيزرع شعر ..وأخونا قال عايز يزرع الحتة الزي طاقية ألبابا الف دقنوسو ديك..عليك الله في خرف أكتر من كدا...
ماكانش يومك يابو أماني يالخرفتا قبال يومك

أبو أماني · 11-11-2009, 05:32 PM

اقتباس:

المشاركة الأصلية كتبت بواسطة منال

اولن ازيك و هنا بكون احسن منك بسلم يا بياع - الدكتور قال لى باعك بربع تمر ههههههه (كان وريتنى اكان لورى ود الجابرى مليان تمر داقش عليك فى جبره)

هوى و تانى هوى لخبتت كميان ما دايرين انت جيت شايل كتاحتك و طشيت من البوست - ركز النضارة و عاين انت شايت وين

دى منى لمن يرد عليك براهو ...الخواجه اجدع هنا فتح الباب منا و ليهو ارجى الجاييك

مبرووووووووووووووك عليك هموسه ( بس كيف هى ترضى بيك غايتو الاجاويد تقع و تقوم) - بس و بكل الصدق همس ما رضيتا ليك - من حيث الجمال فايتا البنوت كلهن خلى منال الزرقا

(هلالنا فوق) ظريفة و وديعة وراقيه و فوق ده كلو متوازنه و عارفا هى دايره شنو شن ليها فى زول خرفو كتر و حديثو من الجرائد للمنتديات

هييييييييييييييع تانى
كدى من جبت سيرة الجعافرة هناك فى مداخلة كده قلت الزول ده مالو و فاتت على انك غتيت و مغطط - تدسو منى يا الما زين اصبر بس اردها ليك فى السمح (همسنا)
تتحدى منو يا عمنا ياخى شوف ليك بير سلم خت عنقريبك و عد النجوم سااااااااااى
مهيرات كتااااااااااار واقفت ليك فى شارع جبرة داك (عاد تدخل بوين )

الجيم
جميل هو ابوى و ابو مهيد و ابو الدكتورة
جاد لى بكلمة الابنة منال - من زمن و كانت الرعايه
جاب بنا فى سوح الشعر و القوافى فابدع شيخ و انا و انت والاخرين حوارين
جربت العمل فى المنبر معه - ربان ماهر ذو عقليه متقده و مزاجيه عاليه
جاى هو وانت ارجاها بس

هاشم طه

انت خابر الخرمجه شن ...ها

فى راجاك

مودتى للجميع

الحق لله تقشيط حااااار وكت كل ما أمشي لقدام .. الدخان يطلع بإضني .. لكين المصيبة إنك من أصل شايقي ولايعوزك الدهاء والمكر الجميل! .. قمتي ختمتي التقشيط بمدح وتقريظ لرسول الشعر والأدب في منتدانا .. وفوق ده كله طلع من أعز النأس لقلبي فماذا تروني فاعلا سوى أن اقول لكم جميعا .. إذهبوا فأنتم الطلقاء .. ورفعت الراية .. أعمل شنو يا منولتي ؟ طبعا ده أبو مهيد ومن بعده أبوكي .. وأبو أماني كمان .. الكلام كمل تب .. أها يا السمحة وزينة .. دحين كلامي ده ما بيحرك الصخر الجلمود ؟؟ أتوقع إطلالة الوجيه قريبا .. تشاوو

عكــود · 11-11-2009, 06:42 PM

أبو أماني الجميل،

ياخي إنت زول مليان سماحة و مليان أصول،
فيك الخير، هاشم نفتقده كلّنا وهو من الناس العيهم إجماع وعندهم القبول.
شخصيّاً أتمنى إطلالته اليوم قبل باكر . .
فالقلب بقى يودّي ويجيب.

ليك كل المودّة.

منال · 11-11-2009, 07:20 PM

اقتباس:

المشاركة الأصلية كتبت بواسطة فتحي مسعد حنفي

أولا في التبادي باريتي عجوزك المخرف ده في قضية إنصرافية عن لب الموضوع

هوى و تانى هوى لخبتت كميان ما دايرين انت جيت شايل كتاحتك و طشيت من البوست - ركز النضارة و عاين انت شايت وين دى منى لمن يرد عليك براهو ...الخواجه اجدع هنا فتح الباب منا و ليهو ارجى الجاييك

يامنال قالو الضرب في الميت حرام..
عمك أبو أماني:دا زول بقي ملطشة والواحد بقي بالجد بيحن عليهو..هو ضهرو دا يستحمل لبيع منو ولا منو..الراجل اتهرا لبع..
غايتو أنا آخر الأخبار الوصلتني بعد ما نفوهو للمنشية بسبب قعادو في ايريا ففتي ون أكتر من الشغل..دا غير الزوغات الكان بزوغا عشان يمشي للنت كافي يخش النت.واحنا علي نياتنا قايلنو زول مسئول عندو نت في مكتبو.وهسا اتقطع عشان في مكان الشغل الجديد لا في كفتيريا ولا نت والأعجب من كدا سمعت انو هناك جنب الشغل في دكتور بيزرع شعر ..وأخونا قال عايز يزرع الحتة الزي طاقية ألبابا الف دقنوسو ديك..عليك الله في خرف أكتر من كدا...
ماكانش يومك يابو أماني يالخرفتا قبال يومك

قلت لى يا عمو فتحى بس هو قال انو ده نقل تعسفى واتاريهو منفى (لاحولا يا ابوامانى)
اها جانى خبرك ( وراحت عليك ) ايريا 51

سمعا و طاعة مولاى فتحى
نخفف اللبعى على الضهر الاتقص

وخليك قريب الزول ده بشوت و تانى بقوم

مواطن · 12-11-2009, 12:08 AM

الأحباء بحق :

أبو رامي
بكور
منال
أبوريم
الجيلي
آمال
طارق كانديك
طارق الحسن
حسين محي الدين
دوت مجاك
بسملة
مسك المسك فتحي
وعكود
وجميع من تشرفت بمعرفتهم هنا ..
ما زلت هنا رغم النفي الذاتي
وما زلتم هنا خلف النبض الدافيء
أشتاقكم وأتنفسكم عبقاً يغسل أحزاني ويجلو أفراحي ..
وإن غارت جراحي
فلا بلسم إلاكم ..
فكونوا بخير .. جميعاً ..
إن طال صمتي فهو بحجم المرارة وعمق الأسى ومساحة الحزن ..
كستني الشجون .. فإزداد القلب بهاءاً
قرأني فتحي فتحدث عني
لكم كل الود ومنكم كل الود الذي نهلت .. لا أستثني أحداً
يعتصرني ألماً إحساسي بالتقصير تجاه مهامي بالمجلس .. فهي أمانة آليت أن أحملها عرفاناً بجميل من حملوني إياها .. إلا أنني قعدت في بعض محطاتها دون الحد الأدنى من الإنجاز .. فللكل ومن الكل أعتذر ..
وشكراً مرة أخرى إلى كل من إفتقدني فتفقدني

فتحي مسعد حنفي · 12-11-2009, 12:33 AM

قرأني فتحي فتحدث عني
لكم كل الود ومنكم كل الود الذي نهلت .. لا أستثني أحداً
يعتصرني ألماً إحساسي بالتقصير تجاه مهامي بالمجلس .. فهي أمانة آليت أن أحملها عرفاناً بجميل من حملوني إياها .. إلا أنني قعدت في بعض محطاتها دون الحد الأدنى من الإنجاز .. فللكل ومن الكل أعتذر ..
وشكراً مرة أخرى إلى كل من إفتقدني فتفقدني

هاشم يالحبيب كلامك دا اعتبرناهو وصل لحبل من الود غير قابل للقطع..وبالرغم من الألم الذي يقطر من كلماتك والذي أدمع عيناي غصبا عني الا أني أحاول أن أقنع نفسي بأن المداخلة نهاية لفترة انقطاعك علي الرغم من احساسي بانني مخطئ في ظني فأنا ياهاشم أحسك بقلبي وأقرأ ما تنويه من بين سطورك..ولكن هذا لا يمنع انها خطوة ايجابية كبداية لكسر البعاد الذي أتعبنا ومازال..عموما نحن في انتظار نهاية فترة نقاهتك وأدعو من الله صادقا ان لا يكون السبب له علاقة بشقيقك الذي أعتبره شقيقي الذي لا أنقطع عن التفكير فيه..
أرجو أنا لا أكون قد تسببت في زيادة الحزن الذي ألم بك يا أعز من عرفته من خلال هذا الديوان العامر..

10-11-2009, 05:45 PM	#[1]
أبو أماني :: كــاتب نشــط::	الأستاذ / هاشم طه في (قفص الإتهام) !!! الأخ الحبيب الزميل الرائع هاشم طه .. عزيز بلا شك على قلوب كافة منتسبي سودانيات وهو وأقولها بالفم المليان وليس لأنه صديق حميم بالنسبة لي أضعه في مرتبة الأخ الشقيق وأكثر!!.. ولكن أقولها إحقاقا لحقيقة بائنة كالشمس ولا يتناطح عليها عنزان (بالمقرن)! تمتلكهما أسرة صديقي اللدود! أب لسان!. والحقيقة السافرة أن للعزيز هاشم لمسة سحرية حباه بها الله تخلب لب من يتلقاها ويملك حضورا بهيا يجعل القلوب تتهافت عليه وتتقرب منه طوعا وإختيارا .. فلا غرو أن صار رقما لايمكن تجاوزه في هذا المنتدى وربما في أماكن أخرى عديدة .. ولا عجب البتة أن يتحلق حوله أحباء أعزاء لا يقلون عنه سموا ورفعة شأن ومكانة .. منهم على سبيل المثال لا الحصر .. الحبيب تكعيب دكتور بابكر مخير .. والأستاذ المرهف عكود والكبير بتاع الأعدة .. أبو سارة .. وأبو آلاء البسمة المرحة فتحي مسعد، والأديب أبو ريم .. والوضئ عادل عسوم والملكة منال وضئ الشكابة حيث شاع الدين .. كانديك .. وكل من لم يرد ذكره من جيش جرار من محبي ومريدي أبو مهييد السكرة .. وما أحلى العلاقة الوشيجة عندما تأتي بعد مناكفة ومساجلة وجدال .. فما محبة إلا بعد عداوة .. عابرة!. موضوع البوستر هذا ينحصر في أن هاشم طه كان حتى وقت قريب يحلق بهذا المنتدى الرائع فراشة حرة طليقة .. حبلى بالرحيق العبق تسكبه وتسكنه في خلية سودانيات الغراء .. فتفيض شهدا ونحلق عبر مفرداته الأنيقة نثرا كانت أم شعرا .. لعوالم أخر نتمنى أن لا نعود منها .. وتتملكنا نشوة عارمة نتمنى أن لا تفك (سكرتها) ونسبح معه في حلم وردي نود لو لم نصحــو منه! بل إننا نكره لحظتها .. الصحو ..!. ولكن عندما ينحسر عن سماء سودانيات كل هذا الزخم من الإبداع دون مبرر ظاهر يتوارى هذا النجم الثاقب وراء الحجب المجهولة دون سبب ويغيب (لماذا؟ لست أدري)! عن الدار ردحا من الزمن خلته سنين عددا..فلا شك إن وراء الأكمة ماوراءها!.. ولابد لنا من السؤال والتحري والتقصي ولا بد لإدارتنا الرشيدة من البحث عن العلة ومسبباتها والحرص على رجوع كل درر هذا المنتدى إلى خزانتها حيث مكانها الطبيعي ..فهذا واجبها الأصيل!. ختاما..هل فيكم زملائي الأعزاء من يهمه هذا الأمر ويشكل الغائب عنا مكانا مرموقا في حناياه؟ فيضم صوته لصوتي لنصرخ بملئ حناجرنا حتى نسمع أبا مهييد ومن مثله صيحة مكلومة تقول:- الحبيب أبو مهيد .. بربك ..?Whats happ حاشية :- عنونت هذا البوستر بإسم (هاشم طه) ..غير أنني إشهد الله أنني عنيت في شخصه كل من تغيّب عن سوحنا لمدة تقارب الشهرغيابا مضنيا وملحوظا ونحن في شوق لملاقاته يوميا .. واذكر منهم على سبيل المثال لا الحصر فالحصر شبه مستحيل .. 1/ الحبيب السفير جمال . 2/ الأستاذة إشراقة 3/ العزيزة أمال الشيخ 4/ الإبنة : روب...س 5/ العزيز قيقراوي 6/ فيصل سعد 7/ الأختان همس ومرافئ ... وجمع مهول من الأحباب لا ينقص عدم ذكرتهم من مقدارهم شيئا .. فارجوا أن يعذروني لذاكرة أكل عليها الدهر ولم يشرب بعد!.. ولكم جميعا خالص حبي وتقديري .. و.. تشااااووووو التعديل الأخير تم بواسطة أبو أماني ; 12-11-2014 الساعة 10:42 AM.
أبو أماني :: كــاتب نشــط::	التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون

10-11-2009, 06:00 PM	#[2]
الجيلى أحمد :: كــاتب نشــط::	تحياتى ياأبومانى توارد خواطر كنا أنا وعكود قبل قليل نتحدث عن إفتقادنا لهاشم وآمال وبقية العقد معك نسأل عنهم
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

10-11-2009, 06:01 PM	#[3]
فتحي مسعد حنفي :: كــاتب نشــط::	أنا شخصيا أضم صوتي معاك لكن عندي تعليق علي كلامك.. أولا قالو المثل بيقول الجمل ما بشوف عوجة رقبتو..انت ذاتك يابو أماني كنت محيرني بي ندرة كتاباتك في الأيام الأخيرة لغاية ما ود الزين أمبارح شرح لي الأسباب ولقيتا مقنعة ومافي داعي للفضايح نرجع لي أخونا هاشم المواطن الذي تم سحب الدرجة منه لانقطاعه عن الكتابة وحتي لما كتب من كم يوم نزل مداخلة كانت نازلة قبل كدا.. دا يابو أماني بيثبت انو الزول دا فاقد مزاج الكتابة ودي حاجة بتمر بينا كلنا من حين لآخر..يعني لازم نستني لغاية ما الزهجة تروح.ودا ما بيمنع السؤال للاطمئنان.. هاشم راجل حساس جدا وممكن أي كلمة تزعلو وتخليهو يفضل الابتعاد بدل ما يرد ويصعد الموضوع.ودي حصلت قبل كدا ولما راق رجع وكأن شيئ لم يكن.. بس كمان في ملاحظة تانية..الراجل دا من ما عرف انو أبو أماني هنا أكيد عندو كلام كتير حارقو وما قادر يقولو حفاظا علي العيش والملح وحقو تخليهو عشان ما يفتح فيك ويطلع العندو كلو فيك..عموما احنا مستنيين نشوف رايو شنو ...
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

10-11-2009, 06:42 PM	#[4]
منال :: كــاتب نشــط::	ابوى هاشم يا من عرفتنى سر الجمال وين منبعو يا اية من صور الجمال المشرقه استاذ كل الاجيال و يامن لجأت له أبا ناصحا و مساندا و يا من عرفتك و وهبتنى الابوة و الصدق و الوضوح لا اغنيك و لكنى يغالبنى الحرف و النداء فى هذا المساء يا صاحب الخربشات عرفتنى اهوى الجمال و اقدسو وايقظ مشاعر الناس عليهو لوإتناسو حب الجمال زى الهوى البتنفسو [media]http://www.youtube.com/v/TqWYzB_MVw8&color1=0xb1b1b1&color2=0xcfcfcf&hl=en& feature=player_embedded&fs=1[/media] نتظرك جميعا خربشة هاشم طه خارج كل الاسوار وفوق
منال :: كــاتب نشــط::

11-11-2009, 05:31 PM	#[10]
فتحي مسعد حنفي :: كــاتب نشــط::	أولا في التبادي باريتي عجوزك المخرف ده في قضية إنصرافية عن لب الموضوع هوى و تانى هوى لخبتت كميان ما دايرين انت جيت شايل كتاحتك و طشيت من البوست - ركز النضارة و عاين انت شايت وين دى منى لمن يرد عليك براهو ...الخواجه اجدع هنا فتح الباب منا و ليهو ارجى الجاييك يامنال قالو الضرب في الميت حرام.. عمك أبو أماني:دا زول بقي ملطشة والواحد بقي بالجد بيحن عليهو..هو ضهرو دا يستحمل لبيع منو ولا منو..الراجل اتهرا لبع.. غايتو أنا آخر الأخبار الوصلتني بعد ما نفوهو للمنشية بسبب قعادو في ايريا ففتي ون أكتر من الشغل..دا غير الزوغات الكان بزوغا عشان يمشي للنت كافي يخش النت.واحنا علي نياتنا قايلنو زول مسئول عندو نت في مكتبو.وهسا اتقطع عشان في مكان الشغل الجديد لا في كفتيريا ولا نت والأعجب من كدا سمعت انو هناك جنب الشغل في دكتور بيزرع شعر ..وأخونا قال عايز يزرع الحتة الزي طاقية ألبابا الف دقنوسو ديك..عليك الله في خرف أكتر من كدا... ماكانش يومك يابو أماني يالخرفتا قبال يومك
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

11-11-2009, 06:42 PM	#[12]
عكــود Administrator	أبو أماني الجميل، ياخي إنت زول مليان سماحة و مليان أصول، فيك الخير، هاشم نفتقده كلّنا وهو من الناس العيهم إجماع وعندهم القبول. شخصيّاً أتمنى إطلالته اليوم قبل باكر . . فالقلب بقى يودّي ويجيب. ليك كل المودّة.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

12-11-2009, 12:08 AM	#[14]
مواطن :: كــاتب نشــط::	الأحباء بحق : أبو رامي بكور منال أبوريم الجيلي آمال طارق كانديك طارق الحسن حسين محي الدين دوت مجاك بسملة مسك المسك فتحي وعكود وجميع من تشرفت بمعرفتهم هنا .. ما زلت هنا رغم النفي الذاتي وما زلتم هنا خلف النبض الدافيء أشتاقكم وأتنفسكم عبقاً يغسل أحزاني ويجلو أفراحي .. وإن غارت جراحي فلا بلسم إلاكم .. فكونوا بخير .. جميعاً .. إن طال صمتي فهو بحجم المرارة وعمق الأسى ومساحة الحزن .. كستني الشجون .. فإزداد القلب بهاءاً قرأني فتحي فتحدث عني لكم كل الود ومنكم كل الود الذي نهلت .. لا أستثني أحداً يعتصرني ألماً إحساسي بالتقصير تجاه مهامي بالمجلس .. فهي أمانة آليت أن أحملها عرفاناً بجميل من حملوني إياها .. إلا أنني قعدت في بعض محطاتها دون الحد الأدنى من الإنجاز .. فللكل ومن الكل أعتذر .. وشكراً مرة أخرى إلى كل من إفتقدني فتفقدني
مواطن :: كــاتب نشــط::	التوقيع: [align=center](تبارك الذي بيـده البـؤس وبعـض ومضات المنـى ويمـشي بيـنـنا)[/align]

12-11-2009, 12:33 AM	#[15]
فتحي مسعد حنفي :: كــاتب نشــط::	قرأني فتحي فتحدث عني لكم كل الود ومنكم كل الود الذي نهلت .. لا أستثني أحداً يعتصرني ألماً إحساسي بالتقصير تجاه مهامي بالمجلس .. فهي أمانة آليت أن أحملها عرفاناً بجميل من حملوني إياها .. إلا أنني قعدت في بعض محطاتها دون الحد الأدنى من الإنجاز .. فللكل ومن الكل أعتذر .. وشكراً مرة أخرى إلى كل من إفتقدني فتفقدني هاشم يالحبيب كلامك دا اعتبرناهو وصل لحبل من الود غير قابل للقطع..وبالرغم من الألم الذي يقطر من كلماتك والذي أدمع عيناي غصبا عني الا أني أحاول أن أقنع نفسي بأن المداخلة نهاية لفترة انقطاعك علي الرغم من احساسي بانني مخطئ في ظني فأنا ياهاشم أحسك بقلبي وأقرأ ما تنويه من بين سطورك..ولكن هذا لا يمنع انها خطوة ايجابية كبداية لكسر البعاد الذي أتعبنا ومازال..عموما نحن في انتظار نهاية فترة نقاهتك وأدعو من الله صادقا ان لا يكون السبب له علاقة بشقيقك الذي أعتبره شقيقي الذي لا أنقطع عن التفكير فيه.. أرجو أنا لا أكون قد تسببت في زيادة الحزن الذي ألم بك يا أعز من عرفته من خلال هذا الديوان العامر..
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..