المك نمر ..... جــــــراياً لبوة

[فتحي مسعد حنفي]

المشاركة الأصلية كتبت بواسطة aboomer

الاخ فتحى تحية طيبة
لقد حاولت ان اعمل اقتباش لكن اظن ان هنالك مشكلة فى الصندوق الماسى ورغم من ذلك عمل خط تحت الكلمة للتنبيه
وفعلا انا شعرت بان الكلام سوف يفهم بانى مؤيد للاخ محمد مصطفى
لهذا رديت على كلامك لانفى اى مفهوم خاطىء
لك التحية وخالص الشكر

ولا يهمك ياصاحب المهم أنا طلعت براءة

[جيجي]

المشاركة الأصلية كتبت بواسطة تجـــاني

محمد مصطفى سلامات ...
وكيفنك .....
في البداية يا عزيزي العنوان (حمّال أوجه) شفت كيف يا جميل ...
كلمة (لبوة) دي ممكن تطلق على (العاهـرة) ان كنت تعلم أو لا تعلم ... ثم أذا كنت تسخر من الطريقة التى تعامل بها المك نمر مع الأتراك فبكل المقاييس الزمن الذي تتحدث عنه ليس الآن اذا كنت تريد نصب مشنقة للمك نمر أنصب مشنقتك ولكن تحدث بعيداً عن المساس بقبيلة او السخرية والتلاعب بالألفاظ ... ولسبب بسيط قد تكون قبيلتك عرضة لسهام احدهم ...
الآن يا محمد الوقت والله ليس وقت تعصبات قبلية ولا وقت البحث عن قبيلتي وقبيلتك وليس وقت قبيلتك فيها (لبوة) وقبيلتي فيها (صقر) ..
أتمنى والله أن تصحح مسار البوست او تخاطب أحدهم بشأن تغيير العنوان (حمّال الأوجه)
مع العلم اني ما جعلي ولو كتبت العنوان (حّمال الأوجه) دا عن أى قبيلة سودانية تانية حا أقول نفس كلامي دا ...

وفتك بعافية ....

تجااااني
ياخ الزول دا جاء بوجه الشبه اللهو الجري
اها الجري دا ما قرينة واضحة انه المقصود الحيوان
ولا ديك برضهن بجرن
غايتو مبدئيا كدا انا عازماك
كركردي بقرفة
او شاي احمر بفلفل
عشان تتفكى من رقبة الولد دا

[تجـــاني]

المشاركة الأصلية كتبت بواسطة جيجي

تجااااني
ياخ الزول دا جاء بوجه الشبه اللهو الجري
اها الجري دا ما قرينة واضحة انه المقصود الحيوان
ولا ديك برضهن بجرن
غايتو مبدئيا كدا انا عازماك
كركردي بقرفة
او شاي احمر بفلفل
عشان تتفكى من رقبة الولد دا

جيجي سلامات
وكيفنك
خلاص اوك العزومة دي أحسن لى من عزومة عبد الجليل قال عازمني زغني رغم انى بحب الحبش لكن كركدى وشاى أحمر بفلفل كويس ما برفضو
وكان على رقبة الزول دا فكيتها أها شنو ليك

[فتحي مسعد حنفي]

المشاركة الأصلية كتبت بواسطة تجـــاني

جيجي سلامات
وكيفنك
خلاص اوك العزومة دي أحسن لى من عزومة عبد الجليل قال عازمني زغني رغم انى بحب الحبش لكن كركدى وشاى أحمر بفلفل كويس ما برفضو
وكان على رقبة الزول دا فكيتها أها شنو ليك

دا شنو دا يالتجاني..جيجي تخاطبك بالتأنيث وتسكت ليها..انت ما شفتها كاتبة ليك فكيتيها

[جيجي]

المشاركة الأصلية كتبت بواسطة فتحي مسعد حنفي

دا شنو دا يالتجاني..جيجي تخاطبك بالتأنيث وتسكت ليها..انت ما شفتها كاتبة ليك فكيتيها

هههههههههههههه
اها الزول دا انا عازماه شاي بشطة

[فتحي مسعد حنفي]

المشاركة الأصلية كتبت بواسطة جيجي

هههههههههههههه
اها الزول دا انا عازماه شاي بشطة

دي ما بتفرق عشان دا زول قروي حيفتكر دي حركات ناس الخرطوم حيشرب ويتوحوو ويقول واللاي شاي الخرتوم دا صاموتي..

[تجـــاني]

المشاركة الأصلية كتبت بواسطة فتحي مسعد حنفي

دا شنو دا يالتجاني..جيجي تخاطبك بالتأنيث وتسكت ليها..انت ما شفتها كاتبة ليك فكيتيها

عم فتحي أنا العربى ما درسوني ليهو وما بعرفو
وقرايتي كلها كانت بعيدة من العربى اللهم الا يا دوب بقينا نشوف الناس بتكتب شنو
أها يا عم فتحي تانيث كلام من جيجي دا أنا قبلانو انت أطلع منها بس









كتبت الكلام دا وانا يدي في قلبي

[جيجي]

المشاركة الأصلية كتبت بواسطة تجـــاني

عم فتحي أنا العربى ما درسوني ليهو وما بعرفو
وقرايتي كلها كانت بعيدة من العربى اللهم الا يا دوب بقينا نشوف الناس بتكتب شنو
أها يا عم فتحي تانيث كلام من جيجي دا أنا قبلانو انت أطلع منها بس









كتبت الكلام دا وانا يدي في قلبي

هههههههههه
هو المشكلة انا ما انثت ولا حاجة هو شال مداخلتك انت وعدلها
بعدين حتى لما عزمته شاي بشطة عشان الكلام ماصاح زاغ من الموضوع

[محمد مصطفي]

المشاركة الأصلية كتبت بواسطة جيجي

تجااااني
ياخ الزول دا جاء بوجه الشبه اللهو الجري
اها الجري دا ما قرينة واضحة انه المقصود الحيوان
ولا ديك برضهن بجرن
غايتو مبدئيا كدا انا عازماك
كركردي بقرفة
او شاي احمر بفلفل
عشان تتفكى من رقبة الولد دا

جيجي ... حمد لله علي السلامة ... وربنا يتقبل فقيدكم ..
وبعدين .. رقبتي دي شحمانة .. ما بتاثر فيها القبض الرهيف

ذكرتيني ود اختي .. زمان كان جنو اركب معاي .. لما اكون طالع بالعربية
اها ما بقعد في المقعد .. اجيني ناطي امسك لي في رقبتي .. عشان اشوف السواقة كيف
مع ذلك مسكتو دي ... ما خلتني الوج في السكة ..
لانها مسكت طفل .... الايد صغيرة والمسكة ضعيفة .. والعقل برضو صغير ..


جعلها الله آخر احزانكم يا صديقة

[تجـــاني]

محمد مصطفى
صباح الخير ياخ
انت زعلت من قالوا (أفك) رقبتك دي
يا زول (فكيتها) ليك وما بقرب ناحيتها تاني أها مش أنا كريم وانت تستاهل
هو (الفـــك) هنا دا بقروووش

بمناسبة (فـك الرقبة) عندي مداخلة بهناك ما تقول بسيبها برجع ليها لكن بمزااااااجي

أرقــد عافية ...

[محمد مصطفي]

المشاركة الأصلية كتبت بواسطة تجـــاني

محمد مصطفى
صباح الخير ياخ
انت زعلت من قالوا (أفك) رقبتك دي
يا زول (فكيتها) ليك وما بقرب ناحيتها تاني أها مش أنا كريم وانت تستاهل
هو (الفـــك) هنا دا بقروووش

بمناسبة (فـك الرقبة) عندي مداخلة بهناك ما تقول بسيبها برجع ليها لكن بمزااااااجي

أرقــد عافية ...

ياخي تدخل عليك لبوة تجهجه باكات في حتة مقطعية ...
ياخي انت كريم وانا زاتي كريم
رديت عليك في بوست سمراء
ورب الكعبة حين هممت بالكتابة ... لم ادري شئ عن هذه المشاركة

ابقي طيب يا صديقي

ودي

[مبر محمود]

المشاركة الأصلية كتبت بواسطة محمد مصطفي

المك نمر ..... جــــــراياً لبوة

سلام ومحبة يا محمد

وقفت كثيراً عند موقفك من المك نمر, وللأمانة لم أتبين من حديثك شئ, فقد وجدتك في بعض المواضع رافضاً لحماقتة، ومتباكياً علي الحكمة التي فارقته عندما أقدم علي حرق الباشا, و وجدتك في مواضع أخري ساخراً من جبنه، ومعيّراً له بفراره، ومطالباً له بالمواجهة _(الإنتحار)_ حتي يستحق البطولة ,,
في الأولي قلت في نفسي ( كلام حكيم وسمح، لكنه تاريخياً ضعيف) أما في الثانية فقد قلت (مك نمر يحاكم مك نمر) .

أنا هنا لا يعنيني أمر (المك) في شئ - وأقصد لا يعنيني إن كان "بطلاً" او "جباناً" - بقدر ما يعنيني أمر (التاريخ) وكتابتة كما يجب و وفقاً لما كان,
فالتاريخ يقول أن (المك) عندما أقدم علي قتل (الباشا) كان في حالة دفاع عن النفس، ولم يكن أمامة خيار أخر، فالباشا لم يأتي اليه (ضيفاً) طالباً للأنس والصداقة, جاء الباشا بعد أن سمع وهو علي تخوم (كادوقلي) أن (حليفة) مك السعداب (المك نمر) ينوي القيام بثورة ,, وفي الحقيقة لم يكن (المك نمر) وحدة الذي ينوي القيام بثورة فقد كان هنالك العديد من المكوك وأمراء القبائل يتنتون اعلان العصيان وتنظيم الثورات، كل هذا بعد أن سمعوا بالأشاعة التي تتحدث عن موت الباشا إسماعيل بالحمى وهو في طريقة لفتح (كادوقلي) .. ما إن سمع إسماعيل بهذا الأمر حتي تحرك عائداً الي سنار وعمل علي إخماد أولى الثورات التي قابلتة، وقد كانت تلك هي (ثورة أهالي سنار) بقيادة الأخوين (رجب وعلي أولاد عدلان) .. قام الباشا بقتل (رجب ود عدلان) _ غدراً _ فقد كان رجب نائماً في فراشة عندما هجم عليه جنود الباشا . وأيضاً قام بأسر أخيه (علي ود عدلان) وشنقة أمام الناس بلجام فرسة .
بعد أن أخمد (إسماعيل) ثورة سنار تحرك قاصداً شندي لقتل (المك) وإخماد ثورتة, تحرك من سنار في أكتوبر من العام 1823 ودخل شندي في ديسمبر من نفس العام, قابل المك، وقام بتهديدة وضربة أمام رجالة، وكان ينوي قتلة ومنح (المكوكية) للشيخ بشير ود عقيد الجعلي المسلمابي(هذا المسلمابي قد ساهم لاحقاً وبشكل مباشر في الإبادة الجماعية التي إرتكبها الدفتردار _ للأسف كل خيباتنا التاريخية كان خلفها سودانيين) .. فطن (المك) لنية الباشا فأستخدم ذكاءه لينجو بنفسة, فقد قام بطلب العفو من الباشا و وعده بتلبية جميع مطالبة, وقد كانت مطالب (إسماعيل) فوق طاقتة وطاقة أمارته، طلب الباشا جزية تعجيزية ( الف أوقية ذهب، والف جمل أصهب، والف ناقة منتجة، والف بقرة، والف شاه، والف عبد، والف جارية) .
تظاهر المك بالقبول ولكنة أضمر شيئاً في نفسة،
فعندما جن الليل قام رجالة بإضرام النار في الخيمة التي بها إسماعيل وحاشيتة


س نواصل

[محمد مصطفي]

مبر .... تحياتي يا عزيز ..

واصل ... اتابعك جيداً

سيكون ردي بعد سردك

في انتظارك ....

[فتحي مسعد حنفي]

المشاركة الأصلية كتبت بواسطة محمد مصطفي

مبر .... تحياتي يا عزيز ..

واصل ... اتابعك جيداً

سيكون ردي بعد سردك

في انتظارك ....

انت يازول لبوة ولا شنوترد تقول شنو الكلام دا درسونا ليهو في المدرسة ودي أول مداخلة مكربة في الموضوع اتجاهلت لبونت المك ودخلت في الحقائق التاريخية بكل حيادية وجدية..

[محمد مصطفي]

المشاركة الأصلية كتبت بواسطة فتحي مسعد حنفي

انت يازول لبوة ولا شنوترد تقول شنو الكلام دا درسونا ليهو في المدرسة ودي أول مداخلة مكربة في الموضوع اتجاهلت لبونت المك ودخلت في الحقائق التاريخية بكل حيادية وجدية..

عمنا فتحي ... سلامات

يا عمنا اتا قايلني انا دارس تاريخ الصين ولا شنو ...
انا زاتي درسوني في مدارس سودانية ... لحدي الجامعة .. كانت في السودان
اضافة للمنهج .. اطلعت علي التاريخ الوارد في صيغة المؤرخين ..
المداخلة دي مكربة جداً ... وكون زول اضيف لي معلومة .. ليها اعتبار
انا ما عايز ارد علي مبر حالياً .. لاني عايزو اكمل سردو ... او ما يعلمه
وبالتالي انا برد علي موضوعي الاساسي ... موضوع النقاش..
خلينا نشوف الاضافة الجاية من مبر ... وبعدين لينا حديث