سودانـــــــــــــــــــ......يات أشواق الجابتني اليكم!!؟؟

[رضا]

حللت أهلا ونزلت سهلا أخي كريم
سودانيات عالم من التواصل والمحبة
جيت قبلك بايام وبرحب بيك كصاحب بيت
حبابك الف أخضر

[هيثم علي الشفيع]

اقتباس:
المشاركة الأصلية كتبت بواسطة نبراس السيد الدمرداش
حمد الريح بغني
الظروف يا حلوه دايما بعيون حلوه بتجينا
فيبدو انو قوقل بقلم جميل جانا

حباب هيثم ود الشفيع
البيت بيتك و الدار ديارك



سيدتي نبراس
بنت السيد الدمرداش(فتشت لعلامة تربيع عشان أعملا على "السيد" لكن ما عرفت محلها)

{حلف بالله زولاً ماهو منكم إنتو
ندمان في حياتو ندم}

هم هكذا -دائماً- أبناء وبنات بلدي(الحقيقيون) .......تسبقهم طيبتهم في الترحيب بالقادمين
سعيدٌ أنا إذاً ...إذ صار "سودانيات" داري وبيتي

وبكم جميعاً أكون أهلاً لترحابكم

[هيثم علي الشفيع]

اقتباس:
المشاركة الأصلية كتبت بواسطة Amin Bushari

المهم تكون حريف وبتعرف تراوغ كويس
قصدي تحاور كويس يــاااااخ لأنو الحوار هنا من جماله
يــؤووووووول الى ما لانهــاية او انفينتي بلغة الرياضيات

البشاري أمين

حبابك إنت آضو القبيلة

غايتو من ناحية "محاورة" دي .... أخوك كان "حاوار" خلاص في الكورة

لكن خلينا نتعلما في الكلام كمان من سودانيات وناسو الحلوين ديل

سلمت من كل سوء

[هيثم علي الشفيع]

اقتباس:
المشاركة الأصلية كتبت بواسطة رضا
حللت أهلا ونزلت سهلا أخي كريم
سودانيات عالم من التواصل والمحبة




يا رضا

يرضيك الله بقدر ما تشتهي نفسك

عميق الود وصادق الشكر على حفاوة الترحيب

دمت ودام سودانيات عالماً من التواصل والمحبة

[سمراء]

حباب هيثم على
الجابو القوقل لى ديارنا
ياهو بيتك ياخ واتفضل ...والجابك يجيب عقابك
اها بعد تنتهى من المطايبة ، والتباريك
تعال النديك الوصايا العشرة

اختك سمراء

ش .ش.ش. ن

[طارق الحسن محمد]

هيثم حبابك الف
نورت الديار
عسى ان تجدنا كما تتمنى
ويبدو انكل قوقل
قد اضاف قلما
لهذا البراح
خالص المودة والتراحيب

[قمر دورين]

.

مرحباً بك أخ هيثم

جميل الأمنيات لك بطيب المقام

[أسامة معاوية الطيب]

اقتباس:
المشاركة الأصلية كتبت بواسطة هيثم علي الشفيع
اقتباس:
المشاركة الأصلية كتبت بواسطة النور يوسف محمد
بسم الله الرحمن الرحيم

هيثم الشفيع ..
أهلاً وألف مرحب ..
فى ديارٍ تعانقك عند صالات الوصول ..
وتفرد لك فى نيلها ( سريرا ) ..

لا عليك ..
فعلى ميمنة التواصل وشمائل المحبة , قارورة عطر فى الإنتظار

شكراً ولك ,, وأنت تهدينا حرفاً ......................



سيدي النور بن يوسف

يقول عبدالله محمد خير يرحمه الله:
بجيكم والحنين كاسح بي سيلو
يلاقيكم قليبي يبل غليلو
يزيل تعب السنين الهدَّ حيلو
سنين معدودة -من غيركم- خساير

ولا أضيف على مقاله حرفاً

ودادي بلا حدود



صباح الخير
أرجو أنك هيثم الشفيع صديقي الذي يبست الأرض تحت قدمي وتشققت بحثا عنه ؟؟؟
معليش : تعريجة على الأبيات التي أوردتها ... وانت زول صاحبي شديد ... الأبيات ليست للشاعر الكبير المرحوم عبدالله محمد خير ولكنها للشاعر أحمد سليمان طه وهو زميل هنا بالمنتدى ( أحمد طه )... ما تدخلنا في مشاكل من أولا يا هيثم ياخي
ياخي حبابك ألف

[فيصل سعد]

حللت أهلا ونزلت سهلا أخا كريم
سودانيات عالم من التواصل والمحبة ..

[هيثم علي الشفيع]

اقتباس:
المشاركة الأصلية كتبت بواسطة سمراء
حباب هيثم على
الجابو القوقل لى ديارنا
ياهو بيتك ياخ واتفضل ...والجابك يجيب عقابك
اها بعد تنتهى من المطايبة ، والتباريك
تعال النديك الوصايا العشرة

اختك سمراء

ش .ش.ش. ن



أيا سمراء

الشكر من هنا لا عندك على الترحيب والأريحية

وكان رجيتيني لغاية نهاية السلام والمطايبة ....ظنيتك بتطووووولي ، باقي الناس هنا حبوبين شديد ويفكك دة ، يقالدك دة..... لامن يومك ينتهي..

قولي وصاياك سريع

سوعال"سؤال" برة المقرر:
ماااااا وقعت لي ال(ش ش ش ن) ....دة غير الشرطة الشعبية...؟؟؟؟؟

[هيثم علي الشفيع]

اقتباس:
المشاركة الأصلية كتبت بواسطة طارق الحسن محمد
هيثم حبابك الف
نورت الديار
عسى ان تجدنا كما تتمنى
ويبدو انكل قوقل
قد اضاف قلما
لهذا البراح
خالص المودة والتراحيب



الأستاذ طارق الحسن

قطع شك الديار منورة بي ناسا الزيكم ديل

ياخ ديل حسسوني إنو السودان دة لسة بخير - بعد قنعت منو زماااااااااااان-

لك فائق احترامي

[هيثم علي الشفيع]

اقتباس:
المشاركة الأصلية كتبت بواسطة أسامة معاوية الطيب

أرجو أنك هيثم الشفيع صديقي الذي يبست الأرض تحت قدمي وتشققت بحثا عنه ؟؟؟
معليش : تعريجة على الأبيات التي أوردتها ... وانت زول صاحبي شديد ... الأبيات ليست للشاعر الكبير المرحوم عبدالله محمد خير ولكنها للشاعر أحمد سليمان طه وهو زميل هنا بالمنتدى ( أحمد طه )... ما تدخلنا في مشاكل من أولا يا هيثم ياخي
ياخي حبابك ألف



أسامة معاوية كيف حالك؟؟

ياهو ذاااااااااااتو بي سجمو ورمادو

وبتكون عارف شعور الزول البنقلوهو لي مدرسة جديدة ويلقى معاهو في الفصل واحد بيعرفو من المدرسة القديمة........ بالرغم من انو أهلك هنا عقدوني عدييييييييييييل بالحفاوة والترحاب وبقيت اتذكر في مدرستي القديمة واشوفا طشاش...

إعتذاري الوفير للأستاذ أحمد طه ولكل من طالع هذه المعلومة المغلوطة بسببي ،
وعليك الله وأمان الله كان ما كلامك دة .....لامن أنزل القبر ياني القاطع شك الشي دة كاتبا عبدالله محمد خير -الله يرحمو-....
وبارك الله فيك آخوي النورتني

وأخيراً حبابك إنت ذاتك

[هيثم علي الشفيع]

اقتباس:
المشاركة الأصلية كتبت بواسطة فيصل سعد
حللت أهلا ونزلت سهلا أخا كريم
سودانيات عالم من التواصل والمحبة ..



أستاذي فيصل سعد

شكراً على ترحابك الودود ولك ولسودانيات عميق مودتي

[هيثم علي الشفيع]

بوست قديييييييم والناس دفنتو ... البيوديك تبحتو شنو؟؟؟

أقول ليكم...

في مكان آخر من المنتدى ستجدون تفاصيل للإجتماع الذي انعقد بالأمس لشأن المنتدى الثقافي لسودانيات....
أها...

أها شنو؟؟؟
أنا ما مشيت حضرتو....!!!

وطيب نحن نستفيد شنو؟؟؟؟

والله إنتو ما عارفكم
لكن أنا استفدت جنس فايدة...عييييييييييييييك

ياخ ناس سودانيات ديل حلوين شديد

جيت -يا سيد اللمنتي ليك- خاشي لصالة دندنة تووووووووووش
ولقيت ليك جماعة كدة قاعدين ...وقفت على بعد مسافة كدة وقلت ليهم السلااااااااام عليكم...أنا هيثم علي الشفيع ،
وهاك يا ترحيب واتفضل وحبابك ...
لقيت سبقني بالجية عمنا جعفر بدري ، وأخونا سجمان وال"زول" ال"خرافي" وسمراء وطبعاً ست الدار نبراس...
ونحن قاعدين قالت كدة هطلت علينا النجوم(بدون ألقاب وبدون ترتيب):
أبودعد
أبوأماني
فتحي مسعد حنفي
أحمد زين
ناصر يوسف
عماد الماحي
الطيب نور الدائم
د.هيفاء
ونحن طالعين جانا أخونا ود فداسي

وبالجد استمتعت بعرفة الناس ديل كوووووولهم
-بغض النظر عن موضوع الإجتماع الحيقولوهو ليكم في مكان تاني-....
أحسست بأني أعرفهم منذ زمن
وجدتهم أسرة واحدة
أحببتهم جميعاً وأثق -تماماً- أنهم تقبلوني كواحد منهم ويعرفونه منذ أزمان

شكراً للحضور الأنيق على اللحظات الأكثر تأنقاً
شكراً سودانيات الذي أتاح لي شرف التعرف اليكم
وآمل أن أكون عند حسن ظنكم أجمعين

مع أكيييييييييييييد محبتي

[عكــود]

ألف مرحب بيك يا هيثم . .
والدار دارك أخوي
أبقى لا داخُل

واعذرني على تأخير الترحيب بمقدمك الجميل