اسئلة تعسفية ......النعام والظلاميين يمتنعون

[فيصل سعد]

يا زول الله يا حبيبنا سلامات و عساك فيري فاين و كل سنة و انتوا طيبين ..

يا اخوي الواحد/ة بعد الزواج و الارتباط يجب ان ينموا عواطفهم و السير بها لاستدامة الاستقرار و ان يقفلوا و يتربسوا ابواب الوله و الحنين و النجوى و الشوق و السهاد على بعضهم البعض و يقرضوا على كدا و اي نزوات عابرة و طيارة عيون يجب ان تلجم في وقتها و باصرار و عزيمة لا تلين .. عدا ذلك و في اي ظروف اخرى فالمجال مفتوحا و حرا و شاسعا و كل زول يغرف محل ما يشتهي و يميل

و اقول لبعض الاحباب الكرام هنا ان اي علاقة حب و غرام عاطفي لا تنتهي بزواج و ارتباط و وثاق و عهد وفاء و ميثاق,, علاقة ضاربة و مضروبة و حب و نزوة عابرة سريعا ما تزول و تنضب .. و لن تقوى ان تسير بتحدي و ثبات امام التحديات و المصاعب لان اساساتها و دعائمها ليست راسخة و قوية و واضحة .. و عندما يسقط الالتزام و تنتفي المسؤلية تتلخبط حسابات العلاقة و تفقد زخمها و كينونتها و استمراريتها .. و نظرية "الحب للحب فقط " فدي خيال خصب و اثبتت عدم جدواها و لا تلائم مجتمعنا و ثقافتنا و عرفنا و ديننا ..

اما المحبة واسعة الظلال تسع الصداقة و الزمالة و الخوة و الصحبة و الرفقة و العشرة النبيلة يا صاحب .. هذا فهمي و موقفي و ردي على سؤالك التعسفي !! و قطع شك هي رؤية و وجهة نظر مجردة و عامة قد تصيب و تخطى و ليست تقييما و مقياسا باي حال من الاحوال..

و لك و للجميع هنا وافر
الود و عميق التحايا ..

[رضا]

زول الله كل عام وانتم بخير ياخ

زول برد ليك قلبك مافي

كدي أنت أدينا اجابة تعسفية لسؤالك التعسفي دا

[زول الله]

المشاركة الأصلية كتبت بواسطة خالد الصائغ

اقتباس:[FONT=Courier New][COLOR=red][B]أما مسألة إنو الحب ما بيعني فرضية الزواج فدي استميحك فيها إختلاف يا زول الله
و حأكون مباشر جدا في طرح وجهة نظري من مدخل أساسي و واضح
ماذا عن إيروسية الحب ؟
لا شك إنو الإيروسية ركن أساسي في الحب يعني الحب لا يحتمل غير الوصال الجسدي بين الطرفين و إلا حيكون حب غير واقعي يعني حنرجع تاني للمربع بتاع الحب من اجل الحب
فكيف سيتم ممارسة هذا الركن الأساسي من غير زواج

احترم وجهة نظرك جداً
الحب الأيروسي ذلك المغلف باللذة والشهوانية والشبق موجود ايضاً في مجتمعنا وإن غضضنا الطرف عنه تجاهلاً أو حرجاً وهو حباً جنسياً قائماً على اللذة والمتعة وهو من اعنف وأقوى انواع الحب لايستطيع المرء منه فكاكاً إلا من رحم ربي بل هو اقوى كثيراً من النوع الأول او الحب الطاهر النظيف ذلك الذي نتغنى به وقد حملت الرياح رمادهـ بعيداً منذ زمن طويل وصار يحيا في خيالاتنا فقط .
وامامك الكثير من طلاب الجامعات وحالات الزواج العرفي وعدد من فتاوى بعض الشيوخ في السودان بجواز وإستحداث الجديد من الزواجات المشبوهة وهنالك كثير من الزواجات القائمة فعلاً والتي يعيش احد اطرافها أو كليهما قصة حب مع طرف ثالث ناهيك عن بعض الرجال والنساء الذين يصرفوا مادياً على احبائهم من حساب بيوتهم
هذا قليل من كثير متفشي اخي العزيز.













اقول قولي هذا واستغفر الله لي ................

[Hassan Farah]

المشاركة الأصلية كتبت بواسطة عباس الشريف

انت يا ود الشيخ كل ما تمر مناسبة عيد وتعمل ليك حفلات وتشوف الجكس جنك بقوم عليك تاني

----------------------------------------------------------
والله صدقت يا عباس اخوى... تخيل الود دا من عرس 3 سنين ما كملم وبنيتو البكر عمرها سنتين وحسع قام فى البرطعة دى .. يعنى عامل الواد جبدو ابوهو الشيخ العاقد على 16 مرة!!!! طيب ابوهو عاقد.. هو بيقدر؟؟؟ او دا لعب بعقول بعضهن ؟؟ ومش معروف نهايته شنو.. عينة الكلام دا نهايتو المايقوما!!! حسع يجوا يقولوا عمو دا متخلف!!!

[زول الله]

المشاركة الأصلية كتبت بواسطة فيصل سعد

يا زول الله يا حبيبنا سلامات و عساك فيري فاين و كل سنة و انتوا طيبين ..
يا اخوي الواحد/ة بعد الزواج و الارتباط يجب ان ينموا عواطفهم و السير بها لاستدامة الاستقرار و ان يقفلوا و يتربسوا ابواب الوله و الحنين و النجوى و الشوق و السهاد على بعضهم البعض و يقرضوا على كدا و اي نزوات عابرة و طيارة عيون يجب ان تلجم في وقتها و باصرار و عزيمة لا تلين .. عدا ذلك و في اي ظروف اخرى فالمجال مفتوحا و حرا و شاسعا و كل زول يغرف محل ما يشتهي و يميل

ياحبيب كيفنك وعساك مفينن للآخر ومبسوط
شوف حكاية بعد الزواج يجب شنو وشنو ...الخ دي مافيها مشكلة
هل تفتكر واحد يتزوج ويشيل شيلتو بيكون عندو مزاج يزيد همومو ؟؟
نحن بنتكلم عن مايأتي بدون تخطيط ولا طيارة عيون ولاشتين
الحب يافيصل هو الفيصل في المسألة دي وهو البحدد لينا نشوت على وين
لكن لما اساساً نكون شايتين - متزوجين- فهنا المشكلة العايزين ليها حلل
لاعزيمة ولا إصرار ينفع مع هذه العاطفة الدكتاتورية
هل نكتمو في حشانا ونعمل رايحين أم نعيشه بكل معطياته واليحصل يحصل؟











اقول قولي هذا واستغفر الله لي ................

[زول الله]

المشاركة الأصلية كتبت بواسطة رضا

زول الله كل عام وانتم بخير ياخ
زول برد ليك قلبك مافي
كدي أنت أدينا اجابة تعسفية لسؤالك التعسفي دا

رضا ان شاءالله كل سنة وحالك رضا قول آمين
ياخوي الناس ديل بوزعو في الكورة ومافي واحد قادر يختها في الواطه
انا اجابتي جات كم مرة في ردودي بس عملو نايمين
لكن اقول ليك .. أصبر شوية وبجيك راجع











اقول قولي هذا واستغفر الله لي ..............

[زول الله]

المشاركة الأصلية كتبت بواسطة Hassan Farah

----------------------------------------------------------
والله صدقت يا عباس اخوى... تخيل الود دا من عرس 3 سنين ما كملم وبنيتو البكر عمرها سنتين وحسع قام فى البرطعة دى .. يعنى عامل الواد جبدو ابوهو الشيخ العاقد على 16 مرة!!!! طيب ابوهو عاقد.. هو بيقدر؟؟؟ او دا لعب بعقول بعضهن ؟؟ ومش معروف نهايته شنو.. عينة الكلام دا نهايتو المايقوما!!! حسع يجوا يقولوا عمو دا متخلف!!!

حاشاك التخلف يادكتور انت سيد العاقلين
ووحاتك ياخال مالعب بعقول بعضهن ولا كلهن ..انت عارفني زول الله ساكت
ولي زوجة احبها جداً وهي عندي بعدد كبير من النساء والرجال سواء
انا بعكس في واقع معاش يحدث قدامنا كل يوم ونحكي ونسمع عنه ونراهـ بعيوننا
واقع مرير يجب البحث عن مخرج منه حتى يعود لمجتمعنا صفائه ونقائه الضائع
السوداني اخو البنات والسودانية بت الرجال صاروا مجرد أمثال من تصرفات البعض
البعض دي مامعناها عدد قليل بالعكس اكبر بكثير مما يتصور المنكرين لهذا الواقع

اعرف اناس هنا وهناك يحبون حتى الثمالة ويرزقون بأطفال من خارج بيوتهم
ويرون باعينهم اطفالهم يربونهم رجال آخرين
وثم لاينكرون هذا الشيء بل يتحدثون عنه في مجتمعاتهم وقعداتهم وبفخر أحياناً
اعرفهم/ن ياخال رجال اولاد قبايل ونساء بنات رجال
لايرتزقن/ون منها كمهنة بل عذرهم/ن الحب فقط وعدم استعدادهم/ن لخراب بيوتهم/ن
اريد رأياً منطقياً يجعل هذا الحب متناسقاً في رأيي بعيداً عن وصفه بالدعارة أو الشـ..
هل يوجد ؟؟؟











اقول قولي هذا واستغفر الله لي ................

[ام التيمان]

اقتباس:
المشاركة الأصلية كتبت بواسطة زول الله
الصايغ كل سنة وانت طيب
طيب الالتزام بطرف واحد يعني فك تسجيلات الطرف التاني
والمفاضلة بين الاثنين تقودنا الى إختيار واحد ليكمل المشوار معنا
وفي حالة المتزوجين يبقى الخيار هو اما طلاق تمهيداً للزواج ممن نحب أو نسيان الامر
دا حل تقليدي للمشكلة في حال الفهم هو الحب من اجل الزواج
لكن الحب المطروح هنا هو حب لايفرض الزواج على اصحابه
اي حب صافي لذات المحبوب دون العمل على الارتباط به
مع الالتزام بكل متطلبات الحب وعنفوانه
بفرضية ان المحبوب اساساً متزوج وشريك اساسي في اسرة
وبرضو حالة تانية يمكن ان يكون الطرفين متزوجين لكنهم احبو بعضهم بجنون
في الحالة دي هل يفترض الاثنين يتطلقو من شركائهم عشان يتزوجو بعض ؟؟؟












اقول قولي هذا واستغفر الله لي ...............






اذا كان الاثنين متزوجان ليس بضرورة اطلقوا
لى يتزوجوا من بعض
لانو هم اصلا مافى حوجة للزواج
و ثانيا باثر الطلاق على اسرهم و بساعد على تفكيكها
اذا كانو لا يستطيعوا ان يستغنوا عن بعض
فلهم خيار العشق

[زول الله]

المشاركة الأصلية كتبت بواسطة ام التيمان

اقتباس:
اذا كان الاثنين متزوجان ليس بضرورة اطلقوا
لى يتزوجوا من بعض
لانو هم اصلا مافى حوجة للزواج
و ثانيا باثر الطلاق على اسرهم و بساعد على تفكيكها
اذا كانو لا يستطيعوا ان يستغنوا عن بعض
فلهم خيار العشق

اذا نظرنا للامر من هذه الناحية نجد كثير من الناس الهنا حيجو ويخالفوك الرأي
طيب المجتمع حيمشي على وين والاساس ونتاج العلاقة دي حيكون شنو؟
ام التيمان حبابك عشرة كأحد الأراء الجريئة التي مرت على هذا البوست











اقول قولي هذا واستغفر الله لي ................

[فتحي مسعد حنفي]

المشاركة الأصلية كتبت بواسطة ام التيمان

اقتباس


اذا كان الاثنين متزوجان ليس بضرورة اطلقوا
لى يتزوجوا من بعض
لانو هم اصلا مافى حوجة للزواج
و ثانيا باثر الطلاق على اسرهم و بساعد على تفكيكها
اذا كانو لا يستطيعوا ان يستغنوا عن بعض
فلهم خيار العشق

يعني شنو يا أم التيمان نمد القرعة
غايتو أنا شايف لي خور فاتح خشمو وفيصل سيحة واقف حارسو...ألله يستر

[Hassan Farah]

المشاركة الأصلية كتبت بواسطة فتحي مسعد حنفي

[frame="1 50"]يعني شنو يا أم التيمان نمد القرعة[/frame]
غايتو أنا شايف لي خور فاتح خشمو وفيصل سيحة واقف حارسو...ألله يستر

------------------------------------------------------------
شنو يا عجوز انت عندك قرعة لامن تمدها؟؟

[فتحي مسعد حنفي]

المشاركة الأصلية كتبت بواسطة Hassan Farah

------------------------------------------------------------
شنو يا عجوز انت عندك قرعة لامن تمدها؟؟

يازول انت ماك نصيح..عندي قرعة وكوسة وأسود كمان وزيادة علي كدا عميان وايدي وكراعي مقطوعين..أها أنفع ولا لأ

[ام التيمان]

اقتباس:
المشاركة الأصلية كتبت بواسطة زول الله

اذا نظرنا للامر من هذه الناحية نجد كثير من الناس الهنا حيجو ويخالفوك الرأي
طيب المجتمع حيمشي على وين والاساس ونتاج العلاقة دي حيكون شنو؟
ام التيمان حبابك عشرة كأحد الأراء الجريئة التي مرت على هذا البوست











اقول قولي هذا واستغفر الله لي ................





الواقع بقول انو الحاجات دى موجودة و بى كثرة
اهو العلاقات مستمرة و الحياة الزوجية مستمرة و الاسرة ناجحة
ليس هناك ضرر و لا ضرار
هناك ظروف تستدعى بعض الازواج لتكوين علاقات عاطفية خارجية
و لا يستطيع الواحد ان يتزوج
قى الحالة دى اعمل شنو
......................................

[خالد الصائغ]

اقتباس:
المشاركة الأصلية كتبت بواسطة زول الله
احترم وجهة نظرك جداً
الحب الأيروسي ذلك المغلف باللذة والشهوانية والشبق موجود ايضاً في مجتمعنا وإن غضضنا الطرف عنه تجاهلاً أو حرجاً وهو حباً جنسياً قائماً على اللذة والمتعة وهو من اعنف وأقوى انواع الحب لايستطيع المرء منه فكاكاً إلا من رحم ربي بل هو اقوى كثيراً من النوع الأول او الحب الطاهر النظيف ذلك الذي نتغنى به وقد حملت الرياح رمادهـ بعيداً منذ زمن طويل وصار يحيا في خيالاتنا فقط .













اقول قولي هذا واستغفر الله لي ................






أطيب المني زول الله

الحب لا يتجزأ و ما عندو أنواع يا صاحب

و بيشتمل في نسيجو بجانب العاطفة علي الإنجزاب الجنسي كمكون أساسي

الإيروسية جزء من الحب و لكنها لا تعني الحب

يعني الإحساس بالإنجزاب الجنسي لمن يكون براهو فده بكون حاجة تانية

ممكن نسميه إشتهاء.

ثم إنو الإشتهاء عمرو ما بيكون أقوي من الحب

الإشتهاء مرحلة لحظية بتنتهي بمجرد قضاء الوطر

يعني ... حلاوة قطن لا أكثر

أما الحب فإحساس ممتد عبر الزمن و الخاطر.

[خالد الصائغ]

اقتباس:
المشاركة الأصلية كتبت بواسطة زول الله

اعرف اناس هنا وهناك يحبون حتى الثمالة ويرزقون بأطفال من خارج بيوتهم
ويرون باعينهم اطفالهم يربونهم رجال آخرين
وثم لاينكرون هذا الشيء بل يتحدثون عنه في مجتمعاتهم وقعداتهم وبفخر أحياناً
اعرفهم/ن ياخال رجال اولاد قبايل ونساء بنات رجال
لايرتزقن/ون منها كمهنة بل عذرهم/ن الحب فقط وعدم استعدادهم/ن لخراب بيوتهم/ن
اريد رأياً منطقياً يجعل هذا الحب متناسقاً في رأيي بعيداً عن وصفه بالدعارة أو الشـ..
هل يوجد ؟؟؟











اقول قولي هذا واستغفر الله لي ................






معاك تماما يا زول الله

فعلا الظاهرة دي أصبحت ممدة في كتير من قطاعات المجتمع لكن ده بالتأكيد ما حيضفي عليها أي شكل من أشكال التبرير.

ده بظل سقوط أخلاقي و واقع مشوه و مرفوض و مستهجن

و نكون بنظلم في الحب إذا حاولنا نبرر بيهو الواقع ده

تراجع منظومة القيم في مجتمعنا لا غير هي السبب الأساسي لكل أشكال التجاوزات الحاصلة دي

الحب عمرو ما كان و لا حيكون مبرر للسقوط الأخلاقي

بالعكس ... الحب في جوهرو مدعاة لإنو أي طرف من أطرافو ينأي بالآخر عن السقوط.

موش يجرو معاهو في الوحل.


الحل يا زول الله ببساطة في إنو أي إنسان مكلف بإنو يعقلن حاجاتو و تصرفاتو

يعني المشي في الطريق الصح من إختيار الإنسان لي نفسو

و المشي في الدرب الملولو برضو من إختيار الإنسان لي نفسو


لأنو الخيار في يدو بما أنو ربنا سبحانه و تعالي سلمو الأمانة.


الشاهد يا زول الله يا غالي





ودي و معزتي بلا حدود