انـــــدياحات عابرة

[سمراء]

بتـــونــّـسك
جواي براى
واتـــبـسّـمك فرحة صبـاحات مشرقة
واتعــطــّرك ..
يافــل براى
لمن يفوح طيب الازاهر ونرجسة
ويااااا نرجسة .
ادينى من خاطر الكلام نــمّة قصيدة اردده
او خيط شعاع نفس الغروب
انسج مواويل واعزفه ...
انا مافــقدتك
شان افتش ليك فى جوف الكلام
او أندهك
انا بس بحس ريــدك غطا
لمن أنوم وأتحسسك
وألقاك اقرب من قريب
واتلفحك
ولو نسمة هبت من بعيد
شالت طريفك منى راحت
تبعدك ..
بتوحدك ...
واسكن معاك جوة النسيج
تملانى ريد ...واملاك غنا
واتونسّـك ..
واضحك براى
واونسّـك

[ودبغداد]

الفراشة سمراء
لاياتى الجمال الامن جميلة مثلك
كم هو جميل هذا الصباح بهذا النص المشرق
دمتى بخير

[الجيلى أحمد]

اقتباس:
المشاركة الأصلية كتبت بواسطة سمراء

واضحك براى

تعب شديد

[نبراس السيد الدمرداش]

انا مافــقدتك
شان افتش ليك فى جوف الكلام
او أندهك
انا بس بحس ريــدك غطا
لمن أنوم وأتحسسك
وألقاك اقرب من قريب
واتلفحك

جميل يا سمرمر القمرمر

عارفه دي مشكله انسان يكون عايش جواك
تفكري فيهو و تحسيهو في كل الاوقات حتى و هو بعيد و ما لك اليه من سبيل
و تجربي جميع الاشياء لا تصلي ليهو ولا تعرفي درب الرجعه

[سمراء]

اقتباس:
المشاركة الأصلية كتبت بواسطة ودبغداد
الفراشة سمراء
لاياتى الجمال الامن جميلة مثلك
كم هو جميل هذا الصباح بهذا النص المشرق
دمتى بخير

ود بغداد ،
اعطيتنى فاجزلت العطاء
اشكرك على الكنية الانيقة وياريتنى اقدر اوفيك
والصباح مهداء اليك

[سمراء]

اقتباس:
المشاركة الأصلية كتبت بواسطة الجيلى أحمد
تعب شديد

اى والله ..
جاليلو ياكعب غاتس وين اليومين دى !

[سمراء]

اقتباس:
المشاركة الأصلية كتبت بواسطة نبراس السيد الدمرداش
جميل يا سمرمر القمرمر

عارفه دي مشكله انسان يكون عايش جواك
تفكري فيهو و تحسيهو في كل الاوقات حتى و هو بعيد و ما لك اليه من سبيل
و تجربي جميع الاشياء لا تصلي ليهو ولا تعرفي درب الرجعه

وين ياقلبى انا
يانيبو خلينا نخلق من الفسيخ شربات
ونلون الوهم بالوان الطيف المختلفه
كفاية اننا بنزرع الفرح ونسقيه من صدقنا
ونحصد الاسى والجحود

[فتحي مسعد حنفي]

المشاركة الأصلية كتبت بواسطة سمراء

ود بغداد ،
اعطيتنى فاجزلت العطاء
اشكرك على الكنية الانيقة وياريتنى اقدر اوفيك
والصباح مهداء اليك

قصدك غشاك..فراشة شنو الفهمتيها..الزول دا قاصد فراشة بتشديد الراء
لكن كلامك الكتبتيهو جميل واحنا ذاتنا اندحنا معاك..

[سمراء]

اقتباس:
المشاركة الأصلية كتبت بواسطة فتحي مسعد حنفي

قصدك غشاك..فراشة شنو الفهمتيها..الزول دا قاصد فراشة بتشديد الراء
لكن كلامك الكتبتيهو جميل واحنا ذاتنا اندحنا معاك..

غصبا عنك تنداح ياعمو فتحى ...ولا حسنة منك ..
بعدين ياخ فـّراشة ولا فراشة ....دى ود بغداد ممكن يفتينا فيها

[فتحي مسعد حنفي]

المشاركة الأصلية كتبت بواسطة سمراء

غصبا عنك تنداح ياعمو فتحى ...ولا حسنة منك ..
بعدين ياخ فـّراشة ولا فراشة ....دى ود بغداد ممكن يفتينا فيها

حيخجل منك ويخاف من النقر ويغير كلامو

[عثمان]

كلام يتخللك ويدخلك من دون ما تحس
وتلقى نفسك حسيت بيهو وعشت معاه
يااااه على الكلام البيرخبش جوووووه

إنتي عارفة يا سمراء أنا بتأثر شديد
لما أحس إنو زي الكلام ده حبيس دفاترك فقط
لازم تنداحي أكثر وتعبقي الحوالينك لأنو حرام زي
الكلام ده يكون مدسوس كدة

مرة يا سمراء بشاهد في برنامج إسمه "رحلة داخل عقل إمراة"
كان مستضيف زوج الراحل المقيم البروف عبد الله الطيب مدام
"غريزلتا" أو "جوهرة" اسمها الحالي ، المذيعة سألتها قالت ليها
أكتر شي بيأرقك ايه؟ قالت ليها في الكتب للبروف ما رأت النور
تعبت جداً لما قالت الكلام ده ، قمت أرسلت أميل لأحد الصحفيين
المرموقين وصاحب عمود راتب في جريدة معروفة ووضحت ليهو
كلام مدام "جوهرة" قولت يمكن يسلط عليهو الضوء ويحس المسئولين
بعمل أي شي .

بالجد بتمنى ليكي التوفيق وعملك الرائع ده
يتوشح النور والجمال

[ياسر كبوش]

[QUOTE=سمراء;
ولو نسمة هبت من بعيد
.....
واضحك براى
[[/QUOTE]

لو نسمة من عطر الوطن تعبر بحلتنا وتفوت كان تستلف من ضحكتك ضحكة وترك برااااااحة فى نيم البيوت
سمراء دا كلام سمح ووسيم
شكرا الاندياحات الما خمج دى

[طارق صديق كانديك]

انسج مواويل واعزفه ...
انا مافــقدتك
شان افتش ليك فى جوف الكلام


دي عليك الله تعبر كيف .. دي اندياحات مقيمة اقامة نظامية عدييل كده ...

تحياتي

[سمراء]

اقتباس:
المشاركة الأصلية كتبت بواسطة عثمان

إنتي عارفة يا سمراء أنا بتأثر شديد
لما أحس إنو زي الكلام ده حبيس دفاترك فقط
لازم تنداحي أكثر وتعبقي الحوالينك لأنو حرام زي
الكلام ده يكون مدسوس كدة

عثمان ياصديق الازمان العطرة ....وينك اتا !
وبالجد ياعثمان عندى حاجات كثيرة بحس انها "خاصة" او غير صالحه للنشر ...او لاترقى لمستوى ان تسمى قصيدة ...
ولو قلت ليك معظم الكتابات دى بتمر فترة لمن القاها بالصدفه ...بندهش
وبحس انى ماكتبتها ! وده لانو بكون لاى كتابه احساسه البختلف من الاخر ..

بخصوص الحلقه الاشرت ليها عن السيدة "جرزيلا " حقيقه تابعتها فى قناة النيل الازرق ، وانتابنى نفس الاحساس بافتراضية نشر كل كتابات العلامة البروف عبد الله الطيب ، لانها بحق ...درر ..
اشكرك عثمان كتير

[سمراء]

اقتباس:
المشاركة الأصلية كتبت بواسطة ياسر كبوش
لو نسمة من عطر الوطن تعبر بحلتنا وتفوت كان تستلف من ضحكتك ضحكة وترك برااااااحة فى نيم البيوت
سمراء دا كلام سمح ووسيم
شكرا الاندياحات الما خمج دى

كبوش ياحنين
شكرا ليك انت بتعطير الحروف بحضورك الانيق
ونيمك الوارف