العزيز ناصر سلام و محبة
قريت البوست في البداية و أفتكرته نوع من التداعي كما يقول إخوة لنا .... لكن بتداخل المتداخلين و ردك عليهم قدرت أعرف أنك قاصد نفسك و لا سواها, و هنا تكمن الكارثة .... من البوست حسيت أنك مرهق من علاقاتك الإجتماعية لكن بقول ليك العلاقات الإجتماعية دي أصلاً ما إجبارية .... يعني ممكن تكون مجبر علي شقيقك السخيف لانك ما بتقدر تحدد انو منو يكون أخوك أو أختك لكن كمان صديق سخيف دي كتيره ... يا خي ما ممكن بيدي أختار السخف ... و في النقطة دي يا ناصر أي من اصدقائك حسيت بيه سخيف حاول تعمل زي ما أنا بعمل و علي فكرة الحاجة دي مجربة, تعمل ليه دليت من كل حياتك و تسير ....
تانياً يا ناصر و الله انا بعرف ناس كتار جداً بعملوا الحاجات البتعملها إنت دي .... يعني بمشوا دفن فلان, سماية علانة, عرس مين ما عارف و الخ .... لكن حسب أحساسي أنهم متكيفيين بالموضوع و بخلق ليهم توازن (أنا عن نفسي ما قاعد أعمل كدا و أتمني ما يجي يوم أعمل كدا), حاسي أن الموضوع بخلق ليها توازن و بعني ليهم حاجة و ابداً ما حسيت أنهم مضايقيين منه, لكن شكلي كنت غر شديد....
ثالثاً: يا ناصر أنت ما حاسي أنك عصرت علي اصحابك و معارفك بالكلام دا زي مابقول الكانديك .... يعني ناس بتجيهم في مناسباتهم الاجتماعية و أنت ضاغط علي نفسك .... بالجد الناس ديل شكلهم قدام روحهم حيكون شين...... يا خي ما في حاجة بتجبر علي دا كله.... يعني تجي وقت تحس انك محتاج للأمر دا و الا بكون كلام ساي
التعديل الأخير تم بواسطة حافظ حسين ; 19-09-2012 الساعة 07:00 AM.
|
