قاموس المفردات العامية فى اشعار حميد

[طيبان]

المشاركة الأصلية كتبت بواسطة أحمد طه

غايتو يا طيبان غلاطك عينة
إنت عارف ،،، أخيرلك تعصر علي (العفصة) بتاعة عكود ، ديك بتتبلع لي شوية ، لكن تقول لي عفصا فوق ضلفا ؟ و كمان جايب لي صورة
طيب ،، النخفور دا ما أصلو زول حمير (بالمناسبة أنا بعرفو و اعرف تايتو في سوق تنقاسي و اعرف ولدو أحمد) ،،، طيّب ، النخفور دا لو عفصلو ضلف حمارة شنو يعني؟؟ المدهش في المنظر دا شنو ؟ ما ياهن كارو و كار ابّهاتو و يمسي و يصبح جنبهن
_____________

لكن كونو النخفور الكاتلو الشمار يجي يعتب بي فد كراع عشان يشفي غليلو في حب الاستطلاع في الهيصة القايمي في البلد، دي المفارقة هنا،
النخفور يقمز و موسى الفطقة حفيان و منو مابعرفو كيف ،،، دا منظر متكامل و متسق مع بعضو

طيبان ما تتور نفسي ياخيgap

موسى الفطقة مودّر شبطو .. في لحظة الحدث ..
الدهشان حدّر طاقيتو ..في لحظة الحدث ..
النخفور عافص لو حمارة .. في لحظة الحدث ..كونك تأوّلا لي انّو جا يعتب ويضلع عشان يشوف الحاصل دا شطط منّك ساكت ..والتبرير بتاع انّو دا كارو ..الطبيعي لي زول شغلتو الحمير انو الحمارة تعفصو ..ما هو اليعفص الحمارة ..ودي الصورة الغريبة والماشي مع الحدث .

حميد كان داير يوصّف عرجة النخفور كان جابا مباشرة ، موش قال موسى الفطقة مودّر شبطو ؟ لشنو ما قال النخفور يعرج بصيغة شعرية مباشرة وموزونة ؟ ( ونجي نحن نستنتج انو بيعرج عشان عافصلو بول حمارة ) المشهد دا بالذات حمّيد قالو بشكل مباشر من غير أي مجازات ، فلان مودر شبطو ،وفلان محدّر طاقيتو ،وفلان يقدل ،وفلان يتقندف ، النخفور يعرج كانت قاسي ؟؟

__

خلّني في فهمي دا ..وانت في فهمك ..

[طيبان]

المشاركة الأصلية كتبت بواسطة أحمد طه

تبلع السيف متني

سيف واحد بلعتو مافي لا متني لا عديل ، وإشارتي ليك في ( شوق شدّت لها ستّة جرارة ) ، عندي ليها قراية تانية خالس ..شوق الشدّت المريسي دي ماها الشوق الرقّاصة يا أحمد ..

__

فلتلقني وراء هذا الوادي ..

[أحمد طه]

حميد كان داير يوصّف عرجة النخفور كان جابا مباشرة

لكن ما كانت بتكون طاعمة و كثيفة المعاني زي (النخفور عافصلو حمارة) لأنو كده بي براعة أشار للقمزة اللت الحلبي و لي سببا و لي كونو من بؤسو ماشي حفيان في حوش الحمير لامن حصل الحصل

والله يا طيبان (عافصلو حمارة ) بالمعنى حقك دا ما جاية ، عافصلو جدادة نعم ، عافصلو كديسة نعم ، لكن عافصلو حمارة دي واسعة شديد

يا زول الحمارة بتتعفص ؟؟

بعدين إنت ولا منو ما عارف لقيتو كاتب (بت ام زين جابتلها بت ) الشي دي (بت تام زين) و ليس (بت ام زين)... دا باب غلات جديد قلت افتحو قبل دا ينسدgapgap

[طيبان]

المشاركة الأصلية كتبت بواسطة أحمد طه

لكن ما كانت بتكون طاعمة و كثيفة المعاني زي (النخفور عافصلو حمارة) لأنو كده بي براعة أشار للقمزة اللت الحلبي و لي سببا و لي كونو من بؤسو ماشي حفيان في حوش الحمير لامن حصل الحصل

والله يا طيبان (عافصلو حمارة ) بالمعنى حقك دا ما جاية ، عافصلو جدادة نعم ، عافصلو كديسة نعم ، لكن عافصلو حمارة دي واسعة شديد

يا زول الحمارة بتتعفص ؟؟

بعدين إنت ولا منو ما عارف لقيتو كاتب (بت ام زين جابتلها بت ) الشي دي (بت تام زين) و ليس (بت ام زين)... دا باب غلات جديد قلت افتحو قبل دا ينسدgapgap

ووقت نقول فلان عافصاهو حمارة دا على أساس انّو الحمارة دي داخلة في دور ديك فحل ؟؟ ما ياها نفس الفكرة ..
يا أحمد واضح انو كل واحد فينا راسو دين حجر .. .. وبالطريقة دي ما بنصل لي شي .
كلامك عن بت تام زين جابت لها بت ، ستة ولاد حتّان البت ،وفي رواية ستّة قُصاف حتّان البت ، راجعتها أسع في المقطع ولقيتا بت تام زين ، مافي أي غلات هني ، مالم تكون داير تشدّد بت تام زين دي المريسي وتلحّقا شوق ..عادي ياخي ست الدار تحكي للزين حال ناس البلد ، وولادة بت بعد ستّة قُصاف تستاهل تضمّن في الرسايل ، دا خبر مهم عند الحريم ..مامهم الأم مني ..فاهمني موش ؟


__

رايك شنو نمرق من تحت الحمارة دي ..

[أحمد طه]

رايك شنو نمرق من تحت الحمارة دي ..

أها مرقنا ،، بي مناسبة الحمار الحمامي الجبت صورتو داك ، صاحباً لينا زواري قال
لي الحمار الحمامي هو أصل الحمير ، و منو تفرعت كل ألوان الحمير ، لذلك ما صاح الزول يقول حمار حمامي ، بل الصحيح حمامة حماريةgap

[ماريل]

مساء الخير يا شباب
غايتو غلاطكم ده سوالى (دوشة وصداع)
وبس قاعدة أقرا فى كلامكم ده وأعيد تااااااانى
فى القراية وخليت شغلاتى وأسكت أقرا واعيد
المشكلة انى ما اقتنعت بى رائ اى زول فيكم
(طيبان)و(احمد)و(عكود)..........
وراسى ضرب والله غلبنى انوم قمت تنقش تنقش
مشيت لى(خالد على)وفتحت ليهوا المنتدى وصفحات
الغلات التكم دى ..كنت دايرهوا يساعدنى بالرائ او انو
يدينى تفسير رابع اقدر ابعلوا و(ابدا ما خيب ظنى فيهوا)
وكلاموا كان الاقرب لى استيعابى من الغلات ده كوووووولوا
ادناه رأى (خالد على):
نبدأ بى كلام طيبان:
لا أعتقد ان (الجنفور عافصلوا حمارة مقصود بيها انو الجنفور عافص الحمارة بى رجلوا فوق رجلا لانو يا طيبان لاحظ انو حميد بينقل فى مشهد كاااااااامل فيهو تقريبا معظم ناس القرية ومشهد (الجنفور مشهد صغير داخل الدراما(مشهد ناس القرية)فمن الصعوبة بمكان ان عفصة الجنفور للحمارة يلاحظ ليها الزول الذى قام بنقل وحكى المشاهد لاحظ يا طيبان انو العفصة دى تحت هناااك فى الكرعيين والدنيا زحمة واكيد العفصة دى ما اخدت اكثر من ثانية لانو مهما كان شدهة الجنفور ما ممكن يظل خاتى رجلوا فوق رجل الحمارة لحدى ما الناس تلاحظ وسط الزحمة دى.. ده غير انو الحمارة كانت بترفع رجلا براها اذا عفصها الجنفور....
نمشى لى كلام احمد طه:
اختلف معاك يا احمد انو (حميد)قاصد (الجنفور جاء يعتب)لانو كان عافصلوا بول حمار مما اصابه(بالداحوسة) لسبب محدد انو حميد بينقل لينا فى مشهد لحظى كل الناس واقفة وكل الاحداث متزامنة مع بعض مستصحب معاك حاجتيين اساسيات انو حميد لا يلجأ لاستخدام الضرورة الشعرية وكمان ما بيخجل من تضمين كلمة(بول)فى شعروا
كان عادى ممكن يقول (الجنفور جاء يعتب لانو عافصلوا بول حمارة وصابتوا الداحوسة)
ويقوم بصياغة كلامى ده بما يتماشى مع القصيدة ولو رجعت لى قصيدة نورة تلقى حميد فى النص (الاساسى)جاب كلمة(بول)لانو بينقل فى واقع وثقافة بامانة تامة دون تزوير للحقايق او تنميق للمفردات عليه الجنفور جاء يعتب للسبب الانت قلتوا بتخلى المشهد ده خارج المشهد الدرامى الكبير لانو عفصة البول القبل كم يوم ديك ماعندها علاقة بالمشهد النقول فى لحظتوا....
ما اراه انا(خالد على):
انو الناس متلمين والشاعر قام بنقل المشاهد الصغيرة ضمن المشهد الدرامى الكبير وينقل فى التفاصيل(المصاحبة لتلك اللحظة)اها فى نص المشاهد دى اتلفت لقى (الجنفور) راكب فوق حمارتوا ما نزل لسه منها وذلك بسبب الشدهة الشديدة والطبيعى انو اول ما يصل ينزل من الحمارة فالشدهة خلتوا راكب فوق حمارتوا وأظن ان(الجنفور)وزنوا كان صعب على الحمار مما جعل الحمار(يتفنس)ودى الصورة الممكن نقول فيها انو الجنفور
(عافصلوا حمارة)......

انا (ماريل)دى اجدنى قادرة اهضم تحليل (خالد على)أكثر من باقى التحليلات مع احترامى للجميع....

[wadosman]

المشاركة الأصلية كتبت بواسطة ماريل

ما اراه انا(خالد على):
انو الناس متلمين والشاعر قام بنقل المشاهد الصغيرة ضمن المشهد الدرامى الكبير وينقل فى التفاصيل(المصاحبة لتلك اللحظة)اها فى نص المشاهد دى اتلفت لقى (الجنفور) راكب فوق حمارتوا ما نزل لسه منها وذلك بسبب الشدهة الشديدة والطبيعى انو اول ما يصل ينزل من الحمارة فالشدهة خلتوا راكب فوق حمارتوا وأظن ان(الجنفور)وزنوا كان صعب على الحمار مما جعل الحمار(يتفنس)ودى الصورة الممكن نقول فيها انو الجنفور
(عافصلوا حمارة)......

It looks sound

[اشرف السر]

سلام عليكم


حسب اعتقادي... ان أشعار حميد.. لا نهائية القراءات والتفسيرات

فكل شخص يقرأها حسب ما سكن في دواخله

وروعتها أن ياتي كل شخص هنا ويخبرنا بما قرًّ في دواخله من أشعار حميد
ولا تعارض بينها
ولا صح ولا غلط فيما يراه كل منا

حميد للجميع
فإقرأوه كيفما شئتم وأنما شئتم
حسب ظرفكم الخاص والعام


ومحبتي للجميع

[طيبان]

سلام يا خالد علي ، وسعيد جدّا بي دخلتك ، شنو ياخي قاعد بعيد ،والقميري قايمي ليها زمن ؟

المشاركة الأصلية كتبت بواسطة ماريل

نبدأ بى كلام طيبان:
لا أعتقد ان (الجنفور عافصلوا حمارة مقصود بيها انو الجنفور عافص الحمارة بى رجلوا فوق رجلا لانو يا طيبان لاحظ انو حميد بينقل فى مشهد كاااااااامل فيهو تقريبا معظم ناس القرية ومشهد (الجنفور مشهد صغير داخل الدراما(مشهد ناس القرية)فمن الصعوبة بمكان ان عفصة الجنفور للحمارة يلاحظ ليها الزول الذى قام بنقل وحكى المشاهد لاحظ يا طيبان انو العفصة دى تحت هناااك فى الكرعيين والدنيا زحمة واكيد العفصة دى ما اخدت اكثر من ثانية لانو مهما كان شدهة الجنفور ما ممكن يظل خاتى رجلوا فوق رجل الحمارة لحدى ما الناس تلاحظ وسط الزحمة دى.. ده غير انو الحمارة كانت بترفع رجلا براها اذا عفصها الجنفور....

المشاركة الأصلية كتبت بواسطة ماريل

ما اراه انا(خالد على):
انو الناس متلمين والشاعر قام بنقل المشاهد الصغيرة ضمن المشهد الدرامى الكبير وينقل فى التفاصيل(المصاحبة لتلك اللحظة)اها فى نص المشاهد دى اتلفت لقى (الجنفور) راكب فوق حمارتوا ما نزل لسه منها وذلك بسبب الشدهة الشديدة والطبيعى انو اول ما يصل ينزل من الحمارة فالشدهة خلتوا راكب فوق حمارتوا وأظن ان(الجنفور)وزنوا كان صعب على الحمار مما جعل الحمار(يتفنس)ودى الصورة الممكن نقول فيها انو الجنفور
(عافصلوا حمارة)......

يا خالد بصيرة حمّيد في تبيان تفاصيل المشهد الدرامي دا لا تحدّها حدود ،مسألة أن الزمن قد يكون ثواني لا يعوّل عليها بدرجة كافية ،فمعظم المشاهد دي أخدت ثواني خد مثلا : (الدهشان حدّر طاقيتو ، شان خوّاجي أداهو سجارة ) ،حدّيرة الطاقية دي بحساب الزمن كم ثانية تكون في المشهد دا ،ستقول أن مشهد الخواجة بيمد السجارة هو حدث سهل الملاحظة لأنو كل ما يفعله الخواجة تحت مجهر الحضور ، (ولهذا السبب حدّر الدهشان طاقيتو لعلمه بأن العيون تتابع ) ، حسناً ..نمشي خطوة تاني ونشوف (عم طريم زي عادّتو مكشّر )،، طالما أصلا هو مكشّر عادة فما في ما يثير انتباه الجمهور ، لكن التقطت ست الدار أن المحجوب نبّهو بإشارة صامتة ( المحجوب أومالو مأشّر ) التقطت ست الدار محض إيماءة لن تتجاوز ثواني ، وارد جدا ألا يكون انتبه لها غيرها من الحضور الممكن يكونوا لاحظوا بسهولة ل(كفت الكامرا وفات متعذّر) لأنو دا رد فعل مثير للانتباه ..وهكذا فيما يخص زمن لقطات المشهد ..
أجيك للزاوية البتعاين منّها ست الدار أو الراوي :
ست الدار دي يا خالد مستهجنة الوضع دا كلّو ومن جية التومات وقولة ( بسم الله مرق حصّلت ..لقيتلك .... وانت ماشي ) هي شالت كاميرتا الراصدة وبارت الحلّة ، عرضت الوضع العام ثم غاصت في التفاصيل التي لا ينتبه لها غيرها ، الشخوص المذكورين في القصيدة محدّدين لأنّها كانت قاصدة تخصّصهم لدلالاتهم ، موسى الفطقة وطه ،وبت الجنفاويي، وشوق ، وعم طريم ،والدهشان ، والنخفور ، ديل خصّصتهم بالاسم ،لكل واحد منهم ميزة ما جعلتها تترصّد ردود أفعالهم ..

نخصّص مشهد النخفور مع الحمارة ،الأرجح والغالب انّو عمنا دا يكون واقف بي حمارتو برّة يا خالد ومافي نص الخلق ، الناس ديل ملمومين في حوش جعفر ،، حوش بيت يعني، المنطقي انّو النخفور ما بيخش بي حمارتو في الحوش ، بيكون واقف طرف ، وممكن جدّا نظرة مترصّدة كنظرة ست الدار تلتقط كرعيهو ...ولو في فترة زمنية انت شايفا بسيطة لأنّنا أظن متفقين انّو التعويل على زمن المشهد مردود وفق مشاهد أخرى تمّت في توقيت مقارب .

لو الموضوع موضوع (فنسة) للحمارة دي بسبب الوزن وقلت لي اتخيّل حمّيد داير يوصّف المشهد دا ح يقول شنو ، ردي حيكون ،حميد ح يقول ( النخفور ..هاجِرلو حمارة ) ما (عافصلو حمارة )، الحمارة في الوضع دا بتتهجِر ما بتتعفص يا خالد ،حمّيد دقيق جدّا في اختيار كلماتو وأنت تعلم ذلك .

المشاركة الأصلية كتبت بواسطة ماريل

نمشى لى كلام احمد طه:
اختلف معاك يا احمد انو (حميد)قاصد (الجنفور جاء يعتب)لانو كان عافصلوا بول حمار مما اصابه(بالداحوسة) لسبب محدد انو حميد بينقل لينا فى مشهد لحظى كل الناس واقفة وكل الاحداث متزامنة مع بعض مستصحب معاك حاجتيين اساسيات انو حميد لا يلجأ لاستخدام الضرورة الشعرية وكمان ما بيخجل من تضمين كلمة(بول)فى شعرواكان عادى ممكن يقول (الجنفور جاء يعتب لانو عافصلوا بول حمارة وصابتوا الداحوسة)ويقوم بصياغة كلامى ده بما يتماشى مع القصيدة ولو رجعت لى قصيدة نورة تلقى حميد فى النص (الاساسى)جاب كلمة(بول)لانو بينقل فى واقع وثقافة بامانة تامة دون تزوير للحقايق او تنميق للمفردات عليه الجنفور جاء يعتب للسبب الانت قلتوا بتخلى المشهد ده خارج المشهد الدرامى الكبير لانو عفصة البول القبل كم يوم ديك ماعندها علاقة بالمشهد النقول فى لحظتوا....

like جدا ..وأحمدك يا الله الجبت خالد علي في هذا البوست ،،قدر ما هرجت وقلت التزامن ولحظة الحدث أحمد طه يعبّي في الرصيد ويفزع في الرهيواب .

__

شكرا يا حبيب ..وغض النظر عن أي رأي هو الأقرب ، تظل وجهة نظركم هي الأصحّ انت وأحمد ، لسبقكما ، في ذات الوقت الذي سأظل فيه قارئاً للمشهد من زاويتي الواردة أعلاه ،، قلبي مطمئن لها أكثر .

[أحمد طه]

اختلف معاك يا احمد انو (حميد)قاصد (الجنفور جاء يعتب)لانو كان عافصلوا بول حمار مما اصابه(بالداحوسة) لسبب محدد انو حميد بينقل لينا فى مشهد لحظى كل الناس واقفة وكل الاحداث متزامنة مع بعض مستصحب معاك حاجتيين اساسيات انو حميد لا يلجأ لاستخدام الضرورة الشعرية وكمان ما بيخجل من تضمين كلمة(بول)فى شعرواكان عادى ممكن يقول (الجنفور جاء يعتب لانو عافصلوا بول

(معيلش يا طيبان ، الرجعة دي عشان ماريل)

ماريل ، للمرة التانية (الأولى كانت قبيل) ، مافي أي ضرورة شعرية في حتة (النخفور عافصلو حمارة) ، لأنو الجملة بتتقال كدة في الواقع ، و مابتتقال (فلان عافصلو بول حمارة !) ، مافي حكاية نطّة من كلمة بول ولاّ كدة!!
الكلام دا أعيدو بي ياتو لغة تاني عشان يتفهم ؟؟!!

المشكلة يا ماريل هي إنو الزول الما مرت عليهو العبارة دي ، و ما وقعت ليهو إلا بعد الشرح الأنا قلتو دا ، ما حيهضمها بي سهولة و يعاين لي خلاصتها ، حيقعد يفكر في البول و في مشي الحفا ...الخ ، لكن الزول السامعها كتير مابيقيف عندها
هسع أنا عادي ممكن يلاقيني ود أب راي المن السويقات داك و اسألو :البارح الجفالي مالو ما حضر المديح؟ و يجاوبني: عافصلو حمارة
طوالي بالي بيروح لي كراعو المو قادر يمشي فوقا ،، يعني القصة في النهاية حالة
مرضية بتمنع الزول من المشي الطبيعي(يا ريت بابكر عباس يجي يشخصها لينا)
____________________

و إن شاالله تاني زول يجي يقول لي (الضرورة)

[طارق صديق كانديك]

المشاركة الأصلية كتبت بواسطة أحمد طه

(معيلش يا طيبان ، الرجعة دي عشان ماريل)

ماريل ، للمرة التانية (الأولى كانت قبيل) ، مافي أي ضرورة شعرية في حتة (النخفور عافصلو حمارة) ، لأنو الجملة بتتقال كدة في الواقع ، و مابتتقال (فلان عافصلو بول حمارة !) ، مافي حكاية نطّة من كلمة بول ولاّ كدة!!
الكلام دا أعيدو بي ياتو لغة تاني عشان يتفهم ؟؟!!

المشكلة يا ماريل هي إنو الزول الما مرت عليهو العبارة دي ، و ما وقعت ليهو إلا بعد الشرح الأنا قلتو دا ، ما حيهضمها بي سهولة و يعاين لي خلاصتها ، حيقعد يفكر في البول و في مشي الحفا ...الخ ، لكن الزول السامعها كتير مابيقيف عندها
هسع أنا عادي ممكن يلاقيني ود أب راي المن السويقات داك و اسألو :البارح الجفالي مالو ما حضر المديح؟ و يجاوبني: عافصلو حمارة
طوالي بالي بيروح لي كراعو المو قادر يمشي فوقا ،، يعني القصة في النهاية حالة
مرضية بتمنع الزول من المشي الطبيعي(يا ريت بابكر عباس يجي يشخصها لينا)
____________________

و إن شاالله تاني زول يجي يقول لي (الضرورة)

الضرورة

[أحمد طه]

المشاركة الأصلية كتبت بواسطة طارق صديق كانديك

الضرورة

الضرورة اليضرولك بيها النوم ، قاعد تتفرج و تضحك سن سن

[طارق صديق كانديك]

المشاركة الأصلية كتبت بواسطة أحمد طه

الضرورة اليضرولك بيها النوم ، قاعد تتفرج و تضحك سن سن

هو في نوم عليك الله لامن يضروه

يعلم الله عاجباني ملاواتك لي طيبان دي .. بس شايفو عصر عليك شويي لمن سألت الشرح بلغة تانية

[ماريل]

المشاركة الأصلية كتبت بواسطة أحمد طه

(معيلش يا طيبان ، الرجعة دي عشان ماريل)

ماريل ، للمرة التانية (الأولى كانت قبيل) ، مافي أي ضرورة شعرية في حتة (النخفور عافصلو حمارة) ، لأنو الجملة بتتقال كدة في الواقع ، و مابتتقال (فلان عافصلو بول حمارة !) ، مافي حكاية نطّة من كلمة بول ولاّ كدة!!
الكلام دا أعيدو بي ياتو لغة تاني عشان يتفهم ؟؟!!

المشكلة يا ماريل هي إنو الزول الما مرت عليهو العبارة دي ، و ما وقعت ليهو إلا بعد الشرح الأنا قلتو دا ، ما حيهضمها بي سهولة و يعاين لي خلاصتها ، حيقعد يفكر في البول و في مشي الحفا ...الخ ، لكن الزول السامعها كتير مابيقيف عندها
هسع أنا عادي ممكن يلاقيني ود أب راي المن السويقات داك و اسألو :البارح الجفالي مالو ما حضر المديح؟ و يجاوبني: عافصلو حمارة
طوالي بالي بيروح لي كراعو المو قادر يمشي فوقا ،، يعني القصة في النهاية حالة
مرضية بتمنع الزول من المشي الطبيعي(يا ريت بابكر عباس يجي يشخصها لينا)
____________________

و إن شاالله تاني زول يجي يقول لي (الضرورة)

يا(افوكاتو)صباح الخير
الكلام الانا جبتو ده ما كلامى ده كلام (صحبك) اهاا وجه كلامك ليهوا
وانا كتبت انو ده كلام (خالد على)عشان عارفاااااااااكم بتجوا تغالطوا وانا
ما قدر غلاتكم ده ولا قدركم زاتو
فجبت ليكم الزول القدركم وقدر غلاتكم وبعرف يباصر الحديث واياكم
وكان كلاموا ما عجبك ممكن تخسر ليك(رصيد ابو خمسة جنيه تاااااانى )
طبعا يا (احمد)اجمل شئ انو (خالد)كان عارف انك ما راح تقتنع الا بى كلامك
لكن قال لى (اسكتى اكتبى على الاقل تبقى وجهة نظر للناس التانين ما لى احمد طه)

[هيثم قوتة]

بوست توثيقي جميل يستحق المتابعه
شكرا ماريل لهذا الجمال