جولة الكاميرا - من ألبومي

[عكــود]

المشاركة الأصلية كتبت بواسطة اشرف السر

أستاذ
أستاذ
أستاذ

انا انا
..
فندي.. فندي.

الفي الصحن دا
صعوط هندي

سلام يا اشرف،

الشي زيت زيتون وخل في قاع الصحن.
كان نظام تصبيرة مع رغيف حار يصلك من الفرن مباشرةً.

شاكر ياخي على المتابعة.

[عكــود]

المشاركة الأصلية كتبت بواسطة اشرف السر

شكلها ما مريح أبدا

برضو شوف.

مع إنّها عاجباني بالحيل.

بجيبلك البيعجبك، ولسّع ميسي بعيد وحأجيبلك بعض الصور أخدتها من مانيلا وأماكن أخرى.

[الرشيد اسماعيل محمود]

المشاركة الأصلية كتبت بواسطة عكــود

سؤال (بدون جائزة ):
الشي الفي الصحن شنو؟

هو بالله دة صحن يعني؟

صاحبنا يا عمدة، سامع الناس بتقول شيبس، شيبس، وما حصل ضاقو، يوم الجماعة جابو الشيبس وأدّوهو، قام فتحو، عاين ليهم كدااا، قال ليهم:
هو بالله دة الشيبس!!!، طيّب ما تقولو لي بطاطس

المهم:
هسع الزول يقول ليك حاجة، في مقام الحاجات دي، تقوم تقول لي: شن عرّفك
البوست جمالياتو باينة، مستمتع من سكات (ما ياهو واجبي)

[عكــود]

المشاركة الأصلية كتبت بواسطة الرشيد اسماعيل محمود

هو بالله دة صحن يعني؟

صاحبنا يا عمدة، سامع الناس بتقول شيبس، شيبس، وما حصل ضاقو، يوم الجماعة جابو الشيبس وأدّوهو، قام فتحو، عاين ليهم كدااا، قال ليهم:
هو بالله دة الشيبس!!!، طيّب ما تقولو لي بطاطس

المهم:
هسع الزول يقول ليك حاجة، في مقام الحاجات دي، تقوم تقول لي: شن عرّفك
البوست جمالياتو باينة، مستمتع من سكات (ما ياهو واجبي)

المشاركة الأصلية كتبت بواسطة عكــود

سلام يا اشرف،

الشي زيت زيتون وخل في قاع الصحن.
كان نظام تصبيرة مع رغيف حار يصلك من الفرن مباشرةً.

شاكر ياخي على المتابعة.

سلام يا رشيدنا،

رغم إنّو - فعلاً - واجبك الإستمتاع، لكن ما مِن سُكات (زي ما قال محسن لبكّة ذات مرّة).

زياراتك تسرّنا.

بس ياخي معقول أقول ليك: شن عرّفك؟
أنا بفرّق كويّس بين الرشيد والفقيّر.

[أسامة الكاشف]

متابعة لصيقة (سليسيون)
شكراً يا عمدة على هذا البهاء الطاغي

[عكــود]

سلام يا أسامة،

ياخي والله دي كاميرا بخيتة وسعيدة المرقتك لينا دي!
ليك وحشة ولعلك دائماً بخير.

سأواصل، فما زال في الألبوم بقية صور.

كُن قريباً، فالمنتدى يحتاجك كثيراً.

كل التقدير.

[مبر محمود]

المشاركة الأصلية كتبت بواسطة عكــود

بس ياخي معقول أقول ليك: شن عرّفك؟
أنا بفرّق كويّس بين الرشيد والفقيّر.

يا عمدة، ياخي صحي أنا في الحاجات أياها ديك لو ختوني مع أي زول كفتو حترجح، لكن كمان ما لدرجة الرشيد!
حقو بعد كلامك المجحف دا الزول ما ينزل ليك الصورة دي:

أو دي:

الصورة الأولى: بعدسة موبايل العبد لله في ذات يوم الما تتسمى أياها!
الصورة الثانية: بعدسة ذات الموبايل، ولكن ملتقط الصورة الفنّان الكبير: بابكر عباس!

[الرشيد اسماعيل محمود]

المشاركة الأصلية كتبت بواسطة مبر محمود

وواحدة أيضاً، وكنتُ علي عجل

[مبر محمود]

المشاركة الأصلية كتبت بواسطة الرشيد اسماعيل محمود

وواحدة أيضاً، وكنتُ علي عجل

الفلجة دي ما بتباصروا ليها طريقة عند أشرف السر؟

[الرشيد اسماعيل محمود]

المشاركة الأصلية كتبت بواسطة مبر محمود

الفلجة دي ما بتباصروا ليها طريقة عند أشرف السر؟

معقولة يا مُبر!! نقعد نعلم فيك لمتين ياخي!!
قلنا ليك حاول تفرِّق بين فلجة و (شُرمة)!

ياخي كفاية العمّة، داير يبقن علينا عمّة وفلجة، وكمان عيد ميلاد

[تماضر حمزة]

المشاركة الأصلية كتبت بواسطة مبر محمود

أووول مرّة أشوف ليّ فلجة بالجنبة بتسوي سواتن قدر دا
ياخ انا قهّيت، أومّال الزمبرة دي بتجي كيف؟؟



اسّي الفلجة دي في ذمتك يالرشيد مابتشنقل عديل

مبر، انت فنان أكتر من بابكر بس ناقصك الاعلان.

[سماح محمد]

مرة صديقنا الطيب بشير قال حيسعى في انو عكود يكون عندو إجازة كل عشرة سنين
بس خايف في الفد مرة دي يجي يخرب عليهم!

أسة كوكي دة في فد صورة..عمة..وبسمة..وفلجة..وعصاية (ثقافتي بقت حقت صولجانات ) .. وبقينا في التقهي والتشنقل

الرشيد.
مبر..
هاردلك..

[مبر محمود]

المشاركة الأصلية كتبت بواسطة الرشيد اسماعيل محمود

ياخي كفاية العمّة، داير يبقن علينا عمّة وفلجة، وكمان عيد ميلاد

أها خم وصر، بقت عليك عِمّة، وفلجة، وعيد ميلاد، وكمان "شنقلة" و "كوكي"!

[عكــود]

سلام،
تماضر
سماح
مبر
الرشيد

سأرجع لتعليقاتكم الجميلة جداً (ما كلها جميلة جداً).
بمصاحبة صورة مهداة لكل منكم، كل حسب ما يستحق!
وصاحب العقل يميّز.

[مبر محمود]

المشاركة الأصلية كتبت بواسطة عكــود

وصاحب العقل يميّز.

بعد ترتيبك لأسامينا أدناة، حتى الما عندو عقل المفروض يميّز:

سلام،
تماضر
سماح
مبر
الرشيد

بس كويس الرشيد بعدي!