الأدلة القاطعة علي وجود الله ... لعناية هشام ادم ...

[معتصم الطاهر]

اقتباس:
المشاركة الأصلية كتبت بواسطة معتصم الطاهر

هل أدى/استنفذ هذا البوست غرضه ..

أم سيكتب أمين عن العنوان الحقيقي ..

إثبات وجود الله ..

?

[معتصم الطاهر]

بروف

أنا غايتو اقتعت بأنك من الأسباب التي أدت لاعترافات هشام

و كنت سأجيء بمقالات سرق منها أيضا ..

و الآن الرجل سيبدأ ( نظيف) فجهزوا الحجة بالحجة .. في مسألة وجود الله
عصف ذهني ..










أظن إيقاف هشام يأتي بمخالفته اللائحة

-7 - نشر أي مادة مسموعة أو مقروءة بموقع سودانيات دون الإشارة للمصدر.

[همس الشوق]

المشاركة الأصلية كتبت بواسطة معتصم الطاهر

أظن إيقاف هشام يأتي بمخالفته اللائحة

[زول الله]

المشاركة الأصلية كتبت بواسطة معتصم الطاهر

أظن إيقاف هشام يأتي بمخالفته اللائحة

-7 - نشر أي مادة مسموعة أو مقروءة بموقع سودانيات دون الإشارة للمصدر.

ازييك ياباش

اذا دا السبب -الوحيد- لإيقافه
ف آن لأي واحد ان يمد كرعينو
ويتكي كمان





اقول قولي هذا واستغفر الله لي,,,,,,,,,,,,,

[ام التيمان]

انتو بتفتشوا
على الله
و لا على هشام
اها
لقيتوهم و لا لسه

[أبوبكر عباس]

المشاركة الأصلية كتبت بواسطة أمين محمد سليمان

يكون إستوسخك !!
كان داير عضوية بهناك أنا بجيبها ليك، زاتو نرتاح منك شوية !!

شكرا يا سيدي،
تعرف مشكلتي معاهو شنو؟
قاعد أرسل ليهو من غير تزكية من أي زول بكري بعرفو! قاعد أكتب ليهو:
الأخ/ بكري أبوبكر
تحياتي،
أنا بابكر عباس، كاتب كبير، رائد من رواد التنوير؛ أرجو منحي عضوية بمنبركم
وشكرا
وتحت بكتب معلوماتي
وحاتك ولا مرّة عبرني
لكنّي مواظب على طلب العضوية بنفس الطريقة.

[الجيلى أحمد]

أنا بابكر عباس، كاتب كبير، رائد من رواد التنوير؛ أرجو منحي عضوية بمنبركم
وشكرا

مدهش
_______________
يابابكر قصور اللائحة فى البند بتاع مناقشة الأديان والمعتقدات
لسه عايز طرق أكتر..

شايفك برضو متوجس من المسألة دى

[أمين محمد سليمان]

سلام يا حلوين
الليلة آخر يوم في ال regular season بتاع الNFL "كرة القدم الأمريكية" و اليوم كلو كور زي النار فما عارف بلقي فرقات للرد ولا لا ... عندي حاجتين سريعات و لمن ربنا يهون برد علي الباقيين بالترتيب رغم أنف خالد الغالي !!
- معتصم يا باش ... ما فهمت قصة عايد لي مداخلتك تاني و معاها علامة إستفهام دي شنو ... أنا رديت ليك عليها في مداخلتي رغم 230 ....
- لو الادارة وقفت هشام عشان البند الجابو الباش دا تبقي مووووبالغة مووووبالغة مووووبالغة، و عشان الناس ما تشطح ساي مفروض الادارة لمن توقف زول تعمل تنبيه ( ما داير أقول تنوير ) في منتدي حوار الأعضاء إنو يا اخوانا وقفنا فلان لانو خالف اللائحة رقم كذا اللي نصها كذا كذا... تماما زي ما عملو لاحدي الأخوات قبل فترة....
- بالله يا اخوانا ادونا دعواتكم، فريقنا ( Minnesota Vikings ) لازم يغلب عشان يخش ال playoff ( بكة و الجيلي يمتنعون ) !!

[سارة]

تدفع كم نجر ليك سبحة يا عمو أمين

[الجيلى أحمد]

اقتباس:
المشاركة الأصلية كتبت بواسطة سارة
تدفع كم نجر ليك سبحة يا عمو أمين

عليك الله ياسارة ركزى فى ورقك
وكملى باقى شكلتك مع امال

البروف دا لو شجع مريخ الدخينات معناها حايغلب

[أمير الأمين]

المشاركة الأصلية كتبت بواسطة شليل

صباح الخير يا بروف.. كيف أحوالك
- معليش يابنج.. إلا حنكك ما سنين في إنو مافي مشكلة إنو عنوان البوست ما يطابق الموضوع ؟ هسع لو كتبت بوست أعلنت فيهو سقوط حكومة المؤتمر الوطني وموضوعي كان سقوط الثلج في الجاده رقم 48 بمدينة شنب النمله بتعفوا لي مابتعفوا لي ولا حاجه.. الواحد بيخش المنبر ده والمزًه - بفتح الميم - جمبو ، بالطريقة دي حتشرعوا لينا نلفها والله.
- عفوا إذا ما قدرت أوضَح نقطتي رقم 2 : قصدت يا بروف إنو الناس الفي الحله دي ما معنيين بالصراعات الفي الحله الغادي لأنو ما عندنا فكره عن منشأ الصراع ده ، هل كان فيهو مقصًات وللا خالي مقصًات ، إلخ
- معليش.. قريت ردك لمبر وخالد غالي وما إلتقطت حجه قويه.
- بتسائل معاك عن سبب توقيف هشام آدم ، وبرجو من الإداره إذا وقفت زول تشير للماده إللي تم تجاوزها عشان الناس تعرف الحاصل شنو

---
نعم صورة البروفايل تخص الزول الجميل الإسمو عماد الأمين ، الله يرحمو ويحسن إليه

بالله لسه ما لفيتها ؟

[وهاد ابراهيم محمد]

يااااارب فريق Minnesota Vikings يغلب ويخش الـ playoff..
غايتو الجيلي كده باصر إمتناعه..
خلي بابكر يتصرف

[فتحي مسعد حنفي]

المشاركة الأصلية كتبت بواسطة وهاد ابراهيم محمد

يااااارب فريق Minnesota Vikings يغلب ويخش الـ playoff..
غايتو الجيلي كده باصر إمتناعه..
خلي بابكر يتصرف

الحجل بالرجل يالأفندي سوقني معاك..احنا لامن نمشي حريمنا يمشن ورانا

[الجيلى أحمد]

اقتباس:
المشاركة الأصلية كتبت بواسطة فتحي مسعد حنفي

الحجل بالرجل يالأفندي سوقني معاك..احنا لامن نمشي حريمنا يمشن ورانا

؟؟؟؟؟
بتلغوس فى شنو ياشهاب الدين



شوية احترام لن تضر

[معاوية محمد الحسن]

أحي الصديق هشام ادم علي هذه الشجاعة النادرة في الاعتراف باخطائه و من منا بلا أخطاء .

و كاحد الذين شملهم أعتذار الاخ هشام اذا أنه كان قد نشر أحد نصوصي المنشورة هنا في سودانيات بعنوان (خرائط البلاد البعيدة ) قبل نحو اربع سنوات دون ان يشير الي اسم الكاتب في موقع سودانيز اون لاين فانني اتقبل اعتذاره و اود ان أشير هنا الي انني لم يسبق لي مطلقا ان اتهمت هشام بسرقة القصة المشار اليها و انني أكبر فيه هذا المبادرة الي الاعتذار و قد أرسل لي قبل ذلك رسالة علي بريدي الخاص بسودانيات يعتذر فيها و هو لا حاجة به للاعتذار .

شكرا هشام و اتمني لصداقة دامت نحو عشرين عاما ان لا تنقطع ابدا .

بالمناسبة ارجو من البروف ان يتناول قضايا انتحال الاعمال الادبية و الفكرية او ما يعرف ب plagiarism ضمن اطار اوسع و ما يترتب علي ذلك من نتائج كارثية تلحق بحركة البحث العلمي .. اعتقد ان الموضوع يجب ان يعالج بنظرية اكثر شمولية .

تحياتي