سلامات نبيل و شكرا للخيط
خضر يا صديقي ياخي والله بغض النظر عن مآلات الحوار بينك و بين نبيل لكن في تقديري مدخلك وسؤالك الاول عن (تحياتي يا نبيل
رأيك شنو في الإحتفال ده ؟ ) سؤال -شايفو-تعسفي !
من الطبيعي اي زول يشوف المهرجان دا علي مستوي الميديا يقول: يا سلام - او يشدوا الحنين لحلفا او النوبة -
ومن الصعب لشخص زي نبيل من بعيد يكون ملم بالتفاصيل بتاعت المهرجان - وشايف من الظلم انك تحاكموا علي اساس رأيو عن المهرجان -
ياخي خليك من نبيل علي بعد الاف الاميال - في جزء كتير في السودان شارك (داقساً او بفهم معين !) في المهرجان -
و بتخيل زول لامن يشوف ناس زي الفنان الجميل عبد الهادي عثمان او غازي سعيد اوالبلابل او الناشطين امثال محمد جلال هاشم او هرمان بل او حجاج ادول من الصعب يجيهو شك انو المهرجان دا ملعوب - و حتي ناس مكي علي ادريس انسحبوا في مرحلة لاحقة بعد كشفهم زيف المهرجان(حسب رأيهم )
و متأكد لو نبيل كان معانا يوم المهرجان داك و معانا محمد جلال هاشم زاتو(زول مساهم في وضع البروبوسال بتاع المهرجان زاتو !) و ما قادرين نخش "مهرجان نوبي" و 80 % من الحضور هم معازيم خاصة للسيد عبد المجيد كان رأي نبيل ممكن يكون غير كدة -- والحاجة التانية والمهمة انو الجزء التاني من فعاليات المهرجان في حلفا كانت اكثر التصاقا بالجمهور(علي الاقل علي مستوي الحضور ) و شاركت كتير من الجماهير النوبية واستمتعت بالفعاليات و الـ هي بالتأكيد ما عارفة انو المهرجان كان مأكلة(حسب شوفي ) !!
فياخي رفقا بهذا الشعب -
عموما يا صديقي في نظري تكوين رأي حول المهرجان ليس بالامر الساهل و خاصة لزول بعيد - و بفتكر بدل استجواب الناس عن المهرجان من الافضل فتح رؤي جديدة و تمليك الناس الحقائق المخفية -
---
مداخلتي دي كلها عندها علاقة فقط بسؤالك الاول الدمغتو انا بالتعسفية !! يعني "نظام طيب ليه قال لي كدة لامن اقول ليهو كدة وخليك فيير" وباقي مآلات حواركم ما عندي بيها شغلة -هههه -شايفو بل وبل مضاد بس !!
---
التعديل الأخير تم بواسطة هيثم طه ; 08-01-2013 الساعة 10:26 AM.
|
