اخونا نبيل سلامات
هي كم نقطة ارقمها ليك والله المستعان
أولا : خضر غلطان في طريقة كتابته ليك..لكن اعتقد كان موجوع وفترت انا من التبرير لخضر دا..فاخدها ياخي من باب انو غلبته من كترة حبه للارض النوبية ما اكتر من كدا.
ثانيا : ودا المهم..المهرجان النوبي انا تابعت تفاصيله بكل جيد،اختلط الرأسمال المعفن بحرمنة مجيدو وفي النهاية مرق شغل لكن هل الشغل دا لبي احتياجيات الناس والناس المؤملة ..الله يعلم
ثالثا : ودا الأهم..الكيانات النوبية بتعيش اوقات عصيبة بمقدراتها البسيطة والتوتر البلازم اي فعالية من نقد بناء او هادم صدقني بصب في خانتين..يا مع الحكومة والاغراق ..أو مع الغبش الما لاقين تلاتة جنيه حق الانترنت خليك من فعالية حضرناها نحن وكان قاعد جنبنا مدير شركة اتصالات وامنجي سابق قال لينا ما تبتهجوا لانو دايرين نسمع.
خلاصتة يا نبيل..المهرجان النوبي الفات دا كان تحالف جوكية مع رأس المال وشغل كعب عديل بثبت حاجات بطالة لقدام..لكن ما مشكلة..فداها حماسة الفنانة الامريكية والبروف الاتكلم عن الحضارة بشكل كويس..
بدون تعصب اقعدوا وازنوا الامور واعتقد انها ما صعبة
تحياتي لكم
|
