المرة التمام بتمسك الراجل الكعب

[البديري]

المشاركة الأصلية كتبت بواسطة جيجي

يابديري
انت الدواء البقوم الصلع دا ماترسل منو لحفوظي
بعد دا بتجيهوا ضربة شمس ياخ
انا غايتوا بقترح لو حافظ دا صمد كدا لحدوت النهاية نديه الموتي(moty) برايس

حجة جيوووش، سلامات
الغريبة ياجيجى حفوظى ، وللاسف ماعندو صلعة!!
ولكن عندو مشروع جلحات، وانا دائما بدعى فى صلاتى بان يكتمل هذا المشروع باسرع وقت! .. حتى تبان الصلعة وترارى فى نص النهار!
ومش نديهو موتى برايس.. نديهو جائزة نوبل لالمع صلعة فى السوق الشعبى!

جى جى، مسائك بنكهة الفراولة ان شاءالله.

[البديري]

المشاركة الأصلية كتبت بواسطة همس الشوق

قرينا عنوان البوست
دخلنا قلنا نلقى دروس وعبر
في
كيف للمرأة أن تمسك الرجل الكعب
قلنا نتعلم حاجة
لقينا البوست أخد منحنى تاني

عنصرية وقبلية

غايتو الله يغطي عليكن ويحفظكن يا نسوان ( أم در)

يا رأفت خش لينا في الموضوع
وورينا كيف المرا بتمسك الراجل

عن إذنك يابوى..خلينى انظر واتفسح فى همس دى شوية، دى فرصة ماحالقاها قريب دا

سلامات همس
غايتو ماحكتبة ليك هو(من وجهة نظرى الشخصية، وحسب ما ارهو)!
وحسب تجارب رايتها بام عينى من اصدقاء وجيران ومعارف وحتى اهل. وماحكتبة ليك لاقصد بة شيلان حال باحد، ولكن ساعرض بعض الاحداث المؤسفة اللتى ترسخت فى زاكرتى، واللتى ممكن ان تفيد الجميع بحسب المقولة البتقول; السعيد بتعلم من غلط غيره!
والعفو والمعذرة اذا تصادف سردى مع ظرف احد منا هنا اوهناك،..
المهم،
اولاً ياهمس،
اللحظة البتقفل فيها بابك مع زوجك، لا تعتبرية - زوج - وخلاص!
اعتبرية فى المقام الاول; اب ثم اخ ثم ابن..ثم اخيراً زوج، لانك لو اعتبرتية من الاول اب واخ لك، بتقدرى ان تتكيفى مع جميع الاوضاع! ولايمكن ان يطرا ببالك بان تغادرى عشك (البيت)! آى بمعنى شريحة كبيرة منا لديهم فى اسرهم من الاباء والاخوان غليظين الطباع او اصحاب (مزاجات)! يدخلون البيت فى اوقات متاخرة مُترنحين تحت تاثير الخمور او السطِل، فدائماً يجدون الدفء والرعاية من اسرتهم دخل المنزل(بقليع جزمهم،وغسلهم فى الحمام،وتجهيز غيارهم واكلهم حتى يخلدوا فى النوم)،وطبعاَ(ابنائة او اخوانة) بكونوا تحت الاستياء لما وصل له ابوهم او اخوهم! ولكن هم مجبورين لاسباب كتيرة يعلمها الجميع.
فعشان كدة لو المراة بتعامل زوجها السكرجى، كاب او اخ سكرجى، وتتكيف مع هذا الوضع من غير تزمت وتنشنة وتحاول بشتى الطرق* ان تستعدلة للطريق المستقيم..ماحتخرب بيتة وتكون مرأة كويسة ومسكت وعالجت راجلة الكعب!
تانى حاجة;الراجل الكعب; اب عيناً طايرة(البتخفف كل مايشوف طرحة قدامو)، او عامل زى مروحة الطربيزة فى بيوت المناسبات!
من وجهة نظرى ، المفروض المرة تسلك معة فى البيت مسلك; كمثل بائعات الهوى! تحاول ان تتجنب الروتين فى حياتهم الزوجية،
تالت حاجة
الراجل الكعب، القمار(بتاع القمار)!(ودا اصعب واسوأ انواع الرجال، وعلاجة صعب جدا)..ولكن مافى مستحيل لو المرة شاطرة وذكية وبالة طويل وباقية علية,
فعليها ان تتبع بعض النقاط البسيطة، مثل;
- كل ماتشوفو ماشى يقمر..تمشى تجيب سفنجتة وتصلح نخرة السفنجة قدامو!
- تحاول ان تظهر امامة وفى جميع المناسبات بنفس التوب والفستان والشبط!
- ولو عندهم شفع، تخليهم دائماً بتحاوموا فى البيت وقدام باب الشارع بفنيلات داخلية مهردة ومقطعة حتى تبان صرتهم!
- واخيراً تتوصل معة لحل جزرى بان تاخد منة بطاقة الصراف الآلى!
وهى مهمة صعبة مع مدمنين القمار! ولكن لابد من المحاولة المستمرة.
- ودائماً تذكر له بانها حالفة بان لاينزل فى جوفها او جوف ابنائها لقمة حرام، ليوم الدين. حتى لو كسب فى القمار ملايين!!!
رابع حاجة
الراجل الكعب، بدخل الجنة، لانك بتكونى عاملة حسنة مذدوجة، بانك اصلحتى انسان ضائع، واصلحتى زوجك ثانياً.
خامس حاجة
وبرضو من وجهة نظرى الشخصية
الراجل الكعب المفروض مايتعاشرنهائى والمفروض انو يطلق!
هو الراجل البيضرب مرتة باستمرار وفى اتفة الاسباب وقدام عيالهما..!!
والراجل البتزوج فوق مرتو من غير ان يخبرة،(والزواج من غير علم المراة حرام شرعاً)..!!



همس الشوق المقابلة انتهتgapgap

اتمنى ليك من كل قلبى حياة سعيدة وهادية وجميلة ومن غير الاحباط اعلاه..تقُرى عينة ويقر عينك.. ان شاءالله.

[حافظ حسين]

المشاركة الأصلية كتبت بواسطة أبو جعفر

مرحبا حافظ
(تمهيد) وذكرتني حكاية الكتب: (قبل الحديث عن سياسة بسمارك الخارجية .. أرجو أن أحدثكم عن سياسته الداخلية)...

(1) موضوع البوست هو (مظلومية المرأة في فترة محددة من تاريخ السودان) لأنو (زولة) رأفت دي ما عاشت قبل التركية حتى نتحدث عن نساءها الذين كان يرسلهم السادة لممارسة البغاء .. ومن ثم نقول هذا هو السبب - فمن الذي ينجر من التاريخ منا -

علماً بأن البغاء هو أقدم مهنة في التاريخ أي قبل أن يكون هناك سودان من الأساس... فهل نرجع لعهد الفراعنة - 7 ألف سنة ق.م.) ونقول هم السبب.

وعلى هذا فالسبب في معاناة المرأة التي حكى عنها رأفت معلوم وهو قانون لم يضعه السادة - المستقصدين - وإنما وضعه الإنجليز؛ وقد قسم المجتمع قسمين ..... مجتمع الأسر بتنوعه ... ومجتمع القاع بتنوعه ...

وهذا القانون - حسب رأيي - سببه هو مرض الخوف من الدين الذي سببته لهم الكنيسة .. وهو مرض سيء أرجو أن لا نقع فريسة له ونعادي القيم الدينية .. بسبب تسلط (المشاريع السلفية) علينا... كما كان الحال مع الكنيسة في المجتمع الغربي سابقاً.

(2) بالنسبة للمرأة في الريف فأنت تتحدث عن مجتمع مقفول الكل فيه معروف وخروج المرأة للعمل في الزراعة هو وسط معارفها وأهلها ..

(3) الجلابة أسم أطلق على التجار الشماليين الذين يجلبون البضائع من سواكن ويسافرون بها إلى مناطق جبال النوبة، والجنوب ... وجنوب النيل الأرزق .. فهل كانوا يجلبون ضمن تجارتهم النساء للبغاء .. وهل كانت لهم بيوت يديرونها للبغاء في المدن كتجارة مفضلة ... ولو ممكن أسماء .. لأن هذه ستكون معلومة مهمة ... فالأسر التي كانت تعمل في مجال التجارة وقتها معروفة وساهمت في حرب فكي علي للإنجليز .. وأرجو أن لا تعود بي إلى ما قبل التركية السابقة .. فذاك زمان اللا دولة.

داخل النص:
سمعت بقميص عامر ... أهو عامر ده كان واحد من الجلابة ديل حسب ما حكى بابكر بدري، والذي كان هو أيضاً جلابي في وقت من الأوقات.

(4) توضيح ... كتابتي عن سهولة الزواج في الزمن المعني ليس له صلة بك .. وأنت لم تعيش في ذلك الزمن .... وإنما قصدت به نساء قاع المدينة فلو أردن السترة لوجدنها ولكنهن فضلن حياة الضياع.. وتسببن في ضياع أسر.

سلام يا ابو جعفر و محبة
و بعيداً باسمارك و سياسته:
أولاً: أتخيل منطلقاتنا لقراية التاريخ ما واحدة....
أنا ما بنظر للتاريخ بعين (وقع في العام (س) كذا, و حدث في العام (ص) كذا), قرايتي للتاريخ بتأثير (س) علي (ص).... هل لو لم تقع (س) هل ستحدث (ص), و إذا حدثت هل تكون بنفس ايلولتها الراهنة أما أنها تقع بشكل و مذاق مختلفين؟.... عشان كدا يا ابو جعفر جاء الربط بتاع دعارة الأسياد .... يعني الانجليز ما ممكن يجوا يجبيوا ليهم قانون قاطعنه من شبطهم ما لم المجتمع اصلاً قبلان فكرة الدعارة
عشان كدا يا حبيب وقت أقول ليك تجارة الدعارة أشتغلوا بيها الأسياد تجار الرق قبل ما شهية الأنجليز الاستعمارية تنفتح .... عليه عشان تتضح الصورة ازم نربط دعارة الأسرة السابقة بدعارة الانجليز اللاحقة.... و بعدين المجتمع دا ابداً ما قسموه الانجليز, السادة الانجليز لقوا القسمة جاهزة و ساروا عليه.....
ثانياً: ما في حاجة إسمها مرأة في الريف و مجتمع مقفول و بعدين أنا وقت قلت الاطراف و المركز أصلاً ما قصدت الجغرافيا و انما قصدت المركز ببعده الثقافي, الاقتصادي و الاثني.... و لو قاصدن النساء الما بطلعن ربات الخدور ديل نسوان السادة فقط, لكن حتي في المدن كثير من النساء قبال الانجليز زاتهم يجوا النساء من الفئات المستضعفة بطلعن بشتغلن ...
و بعدين منو القال ليك القري ما فيها دعارة و ما فيها جنس خارج اطار الزواج؟
و يكفي فقط مثالك الجبته بعضمة كيبوردك بت القطينة العمها و خالها الحمشين ضبحوها.... دي كانت السيدة مريم

[أبو جعفر]

المشاركة الأصلية كتبت بواسطة حافظ حسين
سلام يا ابو جعفر و محبة
و بعيداً باسمارك و سياسته:
أولاً: أتخيل منطلقاتنا لقراية التاريخ ما واحدة....
أنا ما بنظر للتاريخ بعين (وقع في العام (س) كذا, و حدث في العام (ص) كذا), قرايتي للتاريخ بتأثير (س) علي (ص).... هل لو لم تقع (س) هل ستحدث (ص), و إذا حدثت هل تكون بنفس ايلولتها الراهنة أما أنها تقع بشكل و مذاق مختلفين؟.... عشان كدا يا ابو جعفر جاء الربط بتاع دعارة الأسياد .... يعني الانجليز ما ممكن يجوا يجبيوا ليهم قانون قاطعنه من شبطهم ما لم المجتمع اصلاً قبلان فكرة الدعارة
عشان كدا يا حبيب وقت أقول ليك تجارة الدعارة أشتغلوا بيها الأسياد تجار الرق قبل ما شهية الأنجليز الاستعمارية تنفتح .... عليه عشان تتضح الصورة ازم نربط دعارة الأسرة السابقة بدعارة الانجليز اللاحقة.... و بعدين المجتمع دا ابداً ما قسموه الانجليز, السادة الانجليز لقوا القسمة جاهزة و ساروا عليه.....
ثانياً: ما في حاجة إسمها مرأة في الريف و مجتمع مقفول و بعدين أنا وقت قلت الاطراف و المركز أصلاً ما قصدت الجغرافيا و انما قصدت المركز ببعده الثقافي, الاقتصادي و الاثني.... و لو قاصدن النساء الما بطلعن ربات الخدور ديل نسوان السادة فقط, لكن حتي في المدن كثير من النساء قبال الانجليز زاتهم يجوا النساء من الفئات المستضعفة بطلعن بشتغلن ...
و بعدين منو القال ليك القري ما فيها دعارة و ما فيها جنس خارج اطار الزواج؟
و يكفي فقط مثالك الجبته بعضمة كيبوردك بت القطينة العمها و خالها الحمشين ضبحوها.... دي كانت السيدة مريم.

مرحبا حافظ
ما قلته عن أخطأ الماضي رأي مقبول .. ولكن هل منع تحريم الرق من قيام مدن وأحياء القاع .. والتي تسببت في ظلم بنات ونساء الأسر والتضييق عليهن.. لدرجة - قريبة من - من بيت أبيها، لبيت زوجها، للقبر.

فأنا حين أنتقدت القانون الإنجليزي .. أوجدت حل بسيط وهو إلغاء هذا القانون فتختفي مدن القاع العلنية تلقائياً .. ولا تضطر الزوجة إلى معاشرة زوج منقسم بينها وبين خمر وميسر وبغاء على عينك يا تاجر.

[أسعد]

اخر النسوان التمام هن امهاتنا وما عداهن كائنات فضائية غير مرحب بهن ^_^

[مواهب عبد العزيز نقد الله]

المشاركة الأصلية كتبت بواسطة أسعد

اخر النسوان التمام هن امهاتنا وما عداهن كائنات فضائية غير مرحب بهن ^_^

بوركت ابنى العزيز

[زول الله]

المشاركة الأصلية كتبت بواسطة البديري

(الزواج من غير علم المراة حرام شرعاً)..!![/U][/B]

المشاركة الأصلية كتبت بواسطة البديري

منو القال ليك الكلام دا يابديري؟؟؟

المشاركة الأصلية كتبت بواسطة أسعد

وما عداهن كائنات فضائية غير مرحب بهن ^_^

يازول انت جادي؟
احلف على الـ بالاحمر الفوق دا




اقول قولي هذا واستغفر الله لي............

[أبو جعفر]

المشاركة الأصلية كتبت بواسطة أسعد
اخر النسوان التمام هن امهاتنا وما عداهن كائنات فضائية غير مرحب بهن ^_^.

ههههههههههههه
في بداية الستينيات كنا في مدرسة الهداية الأولية في الجهة الشرقية لتقاطع حي عبد الله خليل وكانت في الناصية الشمالية للتقاطع طاحونة كلبس .. وكان منظر النسوة وجرادلهن المصفوفة في انتظار الطحين هو أول ما يقابلنا حين خروجنا لحصة الفطور .. المهم بعد سنوات عديدة طلبت مني جارة أن آخذها وبنتها لبوتيك قام في نفس موقع الطاحونة ... وقد أزدحم البوتيك لدرجة قفل بابه الداخلي حتى يخف الزحام .. فقلت لجارتي تتذكري منظر النسوان بجرادل العيش كل واحدة منتظرة دورها لطحن العيش ... فقالت لي هو نفس المنظر بس الزمن ده بيطحنن في قروش الراجل المسكين.

[علاءالدين عبدالله الاحمر]

المشاركة الأصلية كتبت بواسطة رأفت ميلاد

ده كلام قالتو لى حجة راجلا الله يرحمو كان راجل كعب والله

السؤال وخلينا فى نسوانا السودانيات .. هل بموت فيهن الأبداع بعد الزواج .. حياتن الأجتماعية بتدبل وأنتاجهن الأدبى والعلمى بيندثر ورا الراجل وتربية العيال

ده غلط ولّ صاح


البديرى وجماعتو يمتنعون .. ما ناقصين أحباط

حسب اهتمام المرأة بهواياتها الكتابية ومدا تمسكها بمنتوجها الداخلي من أحاسيس وانفعالات معبرة

[فيصل سعد]

سلامات يا صديقي رأفت افندي ميلاد و التحية لجميع الاحباب هنا .. اعتقد و اظن ان الرجل (الكعب) لن تقدر عليه كل نساء الارض و ان بذخ تمامهن .. رب العالمين فقط هو المرشد و الهادي و الغفور الرحيم و نعم المولى و نعم النصير .. نسأله الستر و العافية دنيا و آخرة ..

مجدد التحايا ..

[فيصل سعد]

المشاركة الأصلية كتبت بواسطة أسعد

اخر النسوان التمام هن امهاتنا وما عداهن كائنات فضائية غير مرحب بهن ^_^

دا كلام عزابة ساي

[كيشو]

المشاركة الأصلية كتبت بواسطة أسعد

اخر النسوان التمام هن امهاتنا وما عداهن كائنات فضائية غير مرحب بهن ^_^

كديسة ومشلعيب

[رأفت ميلاد]

المشاركة الأصلية كتبت بواسطة كيشو

كديسة ومشلعيب

والما تلحقو جدعو

لكن كلامو صاح ياخ .. هسه النسوان ديل كلهن ما فيهن واحدة فدائية تمسك الراجل ده

[مرافي]

المشاركة الأصلية كتبت بواسطة مرافي

المرا التمام بتمسك الراجل الكعب..

المشاركة الأصلية كتبت بواسطة مرافي

http://www.youtube.com/watch?v=WTBtHfnWc3g

المشاركة الأصلية كتبت بواسطة مرافي

بالله عليكم الله ..كم مرا لايكة القرضة وبالعه الحنضل..

غايتو وراء كل رجل منفوخ امرأة تلوك القرض..

لعل المانع خير...؟؟؟؟
تلاته مداخلات بي فديوهن ولا شكرا ساااااكت مافي..
الله في..

[مرافي]

المشاركة الأصلية كتبت بواسطة أسعد

اخر النسوان التمام هن امهاتنا وما عداهن كائنات فضائية غير مرحب بهن ^_^

قررت ما ادخل البوست دا لكن كلام اسعد دا خطير
على كدا ما ح تعرس..
غايتو نصيحتي ليك امسك في امك قوي وما تتهورش...