اقتباس:
المشاركة الأصلية كتبت بواسطة صديق عيدروس
تقريبا انا متفق معك في كثير مما قلته يا الفاتح ، ولكن وفي كل الاحوال ، لابد ان نكون منصفين ونسمي الاشياء باسمائها ، فما قلته عن تصريحات احمد هارون وامره لجنوده بقتل الاسرى لايعد من اعمال الابادة الجماعية او التطهير العرقي ، ورغم كل ذلك لابد ان نعترف ان احمد هارون هو الوالي الشرعي المنتخب ، وقد كان يتكلم عن عصابات مسلحة تقتحم القرى وتروع الامنين ، فلا يمكن ان نتوقع ان يطلب من جنوده ان يقابلوهم بالترحاب وباقات من الورود
المهم في الموضوع ان الخطأ الوحيد الذي يمكن رصده في كلام احمد هاورن ، هو امره بقتل الاسرى ، وهذه جريمة (ان وقعت ) فهي تقع تحت طائلة جرائم الحرب ولا علاقة لها بالتطهير العرقي او الابادة الجماعية ، وهذا هو الذي يهمنا هنا ، وهو تسمية الاشياء باسمائها
فالخلاصة من كل ما تقدم انه لا وجود لاعمال التطهير العرقي والابادة الجماعية ،إلا في مخيلة بعض العقول المريضة التي لاتفرق بين محاربة النظام وبين معاداة الدولة والمجتمع
|
لمن أشرت لمقولة ( أكسح.. ما تخلي جرحى ، إلخ ) كانت إنموذج لخطاب سائد بيعمل النظام على تعميمو ( أي زول معارض حنقطع ليهو يدينو وكرعينو من خلاف ) ، وفي حزية واحده بتلقى أبواق السلطان بتصف المتظاهرين بإنهم (شواذ ) .
دي نماذج بسيطة عن نوعية خطاب لنظام
ما جاء بشكل شرعي عبر عنها البشير في واحد من خطاباتو المأزومة بإنو ( جينا بدبابه العايز البلد دي يجي يطالعنا ) فلمن تصف أحمد هارون بإنو حاكم شرعي ، مفروض تراجع كلمة شرعية كويس ، ولمن يدرج إسم أحمد هارون كواحد من المطلوبين للعدالة معناها أجرم في حق مواطنينو وفي أدلة إتجمعت ضدو ، بعديها أصدر قرار توقيفو.
بعدين الناس إللي قلت إنو أحمد هارون ما يقابلهم بالورود ديل .. بيحكي لي صديقي الله يرحمو الكنت خاتي صورة بروفايلو ، إنو عرض تلفزيون الدنمارك مكالمة إتسربت بين قائد طائرة عسكرية ، وبين القيادة المسلحة .. القائد بيقول إنو مافي تواجد لقوات عسكرية ، بل في مواطنين.. والقيادة بتوجه ليهو تعليمات : رشًهم يا زول نفذ التعليمات.
مافيش عصابات مسلحة بتروع المواطنين ، العصابة المسلحة الوحيدة ، هي عصابة المؤتمر الوطني إللي بتخصص من ميزانيتها ضعفي ميزانية الصحة والتعليم في مواجهة المواطنين العزل.
شايفك وصلت لخلاصة بتقول :
اقتباس:
|
فالخلاصة من كل ما تقدم انه لا وجود لاعمال التطهير العرقي والابادة الجماعية ،إلا في مخيلة بعض العقول المريضة التي لاتفرق بين محاربة النظام وبين معاداة الدولة والمجتمع
|
وأنا شايف خلاف كده.. فهل يعني إنو ألف الدريكسون من البوست ده ، لوصفك للزول البيختلف معاك في رايك إنو عقلو مريض !
