شجرة زول الله (قصة)

[حسين عبدالجليل]

المشاركة الأصلية كتبت بواسطة شبارقة

.. عمكم رأفت دا شكلو ما عندو قصة عن شجرة زول الله ولا حاجة .. غايتو إلا حاجة ينجرا لينا من رأسو ساكت

إنتو دايرين قِصة أحسن من كدا كيف؟ وصلنا في القصة الطويلة دي للصفحة السادسة , عملنا فيها شكلتين ,و وقف إطلاق نار واحد , ومازال الليل طفلا وكل الإحتمالات مفتوحة .

بقت عليكم زي نكتة الشايقي المسافر, مع الشاي (نكتة قديمة , نحكيها تاني يمكن تصنع إبتسامة لشخص , إن شاء الله مُحَب ذاتو, وكدا نكسب ثواب(:
الشايقي مسافر و خايف عدم شراب الشاي في السفر يسبب له صداع . وكلما يمشوا ميل ميلين يلتفت لرفيق سفره و يقول له :
"موحومد أخوي , الشاي ماسوا لي شيئ " , كرر كلامو دا زي 50 مرة فصاحبو زهج منو وقال له :
"نان إنت دايرو يسوي لك شنو أكتر من كدي؟ مو بيجننك زي دا " .

فيا جماعة الخير ماقرأتوه في الصفحات السابقة بقلم فردتي إبن ميلاد, ذاك هو قصة شجرة زول الله .

[زول الله]

[COLOR="Blue"]

المشاركة الأصلية كتبت بواسطة حسين عبدالجليل

إنتو دايرين قِصة أحسن من كدا كيف؟ وصلنا في القصة الطويلة دي للصفحة السادسة , عملنا فيها شكلتين ,و وقف إطلاق نار واحد , ومازال الليل طفلا وكل الإحتمالات مفتوحة
-
-
-
فيا جماعة الخير ماقرأتوه في الصفحات السابقة بقلم فردتي إبن ميلاد, ذاك هو قصة شجرة زول الله .

ياحسين نسيت تقول ليهم ... وسعيكم مشكور

غايتو اللقتا الشجرة... زول الله زاتو مالقاها





اقول قولي هذا واستغفر الله لي.............

[أمين محمد سليمان]

البوست ده فتحتو أول مرة أمبارح، بوستات القصص بفتحها متأخر عشان القصة تكون مشت لانو لا صبر لنا على إمتشاق حسام الانتظار !!
ياخي أنا بقرأ، و مرة أسرح و مرة أمرح و مرة تغلبني القراية، لكن قلبة شبارقة للبوست بموضوع الكوامر خلتني أضحك زي المجنون !!
فيا رأفت ياخي، بالله لمن تبدو تتكلمو عن آثر ماريو بالاتولي في هجوم ايطاليا أنفحني برسالة داخلية الله يرضى عليك

[رأفت ميلاد]

المشاركة الأصلية كتبت بواسطة شبارقة

والله البوست ده لو قلبناهو عن الكوامر يكون أحسن .. عمكم رأفت دا شكلو ما عندو قصة عن شجرة زول الله ولا حاجة .. غايتو إلا حاجة ينجرا لينا من رأسو ساكت

والله داير أرد عليك من الصباح لكن المدير عندها أجازة الليلة مدورانى من الصباح .. غايتو زى ما بقولوا (حفر إيدك وغرَق ليك)

قلت لى كوامر .. خلاس كوامر كوامر .. تعرف عندنا زول كان مسمنو الكومر .. بنجت فى راسى من الصباح عشان أتذكر الكومر ده منو وليه مسمنو كده

طبعاً مرتبط فى راسى كوامر الرى

[قرقاش]

اكان للشجره ..نحنه ماقلنا زمان يازول الله .. الشجره دى شكلها ده ح يجيب لينا الكلام ..واهو رافت كان دائر يفتح فيها نار من عينه ( اساطير الاولين ) لكن ربك ستر ونام من الرابع ..
السؤال الاول لرافت
...حبيبو ام فتفت كيف هناك ..؟ وبتلقوها وين ..عشان تفكوها ؟
السؤال التانى لزول الله شجرتك ده شغل ربنا ...ولا فوتوشوب ..؟
اما الكوامر ...فاسا سا هى كانت ( همر ) البواليص لمن كانت الظبطيه اسمها التمنه ..والبقولوا فى الحله جابو الكومر لى بيته وافضحيته ...
المهم لمن الكومر ( جلكم ) استعملوا سليمان موسى عليه رحمه الله فى امتحان رخصه السواقه الكبيره .. وحقيقه البسوق الكومر يقدر يسوق اى حاجه فيها مكنه ولا مافيها ..
المعلومه الاخيره ..الكومر لم يسمح النقل الميكانيكى للحكومه بشرائه الا بعد ان طاف كل انحاء السودان وفى كل المواسم من خريف الى صيف الى شتاء وفى كل الاصقاع من رمال الى تلال الى جبال ..برغم انه صناعه انجليزيه وانجلترا كانت مستعمره للسودان ..

[شبارقة]

المشاركة الأصلية كتبت بواسطة Hassan Farah

...على القسم كومر السجم وحل قعدنا يوم كامل نجرجر فيهو...

المشاركة الأصلية كتبت بواسطة أمين محمد سليمان

لكن قلبة شبارقة للبوست بموضوع الكوامر خلتني أضحك زي المجنون !!

المشاركة الأصلية كتبت بواسطة رأفت ميلاد

طبعاً مرتبط فى راسى كوامر الرى

المشاركة الأصلية كتبت بواسطة قرقاش

..الكومر لم يسمح النقل الميكانيكى للحكومه بشرائه الا بعد ان طاف كل انحاء السودان وفى كل المواسم من خريف الى صيف الى شتاء وفى كل الاصقاع من رمال الى تلال الى جبال ..برغم انه صناعه انجليزيه وانجلترا كانت مستعمره للسودان ..

صباح الكوامر

بمناسبة الكوامر هاكم النكتة دي:

قال ليك طالبات مدرسة طلعن مظاهرة (أيام النميري) .. البوليس أعتقل مجموعة من البنات وركـّبن الكومر
عمك لقى الكومر واقف ملان بنات سمحات فقرر أن ينضم للمجموعة المعتقلة بأى طريقة فبدأ يهتف :
عاش الحزب الشيوعي السودانى .. عاش نضال الطبقة العاملة

الأمباشي واقف جنب الكومر , عاين لعمك وقال ليهو:
يا زول أمشي من هنا ..مش كان تهتف .. والله إن بقيت لينين .. ما بتركب

[فتح العليم]

المشاركة الأصلية كتبت بواسطة شبارقة

صباح الكوامر

بمناسبة الكوامر هاكم النكتة دي:

قال ليك طالبات مدرسة طلعن مظاهرة (أيام النميري) .. البوليس أعتقل مجموعة من البنات وركـّبن الكومر
عمك لقى الكومر واقف ملان بنات سمحات فقرر أن ينضم للمجموعة المعتقلة بأى طريقة فبدأ يهتف :
عاش الحزب الشيوعي السودانى .. عاش نضال الطبقة العاملة

الأمباشي واقف جنب الكومر , عاين لعمك وقال ليهو:
يا زول أمشي من هنا ..مش كان تهتف .. والله إن بقيت لينين .. ما بتركب

حلــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــوة

[مرافي]

المشاركة الأصلية كتبت بواسطة قيس الصديق شحاته

المشاركة الأصلية كتبت بواسطة قيس الصديق شحاته

عاجبنِي في روحي - جدّاً - بقول للزول القاصدو، الكلام في وشّو. ما بتضارى ورا إشارات أو أغتغِت كلامي. هسّه المناضلة الجسورة بتقول لعادل عسوم:

ودِي حركة جبانة وعملية ما ظريفة بتاتاً. أي متابع جيّد هنا يعرف أنّ شخصي الكريم هو المقصود بوصْفها، وهو وصْف يُثير غِبطتي وسروري بالمناسبة. لكن الزول الجبان في طبعو دايماً غالب، إنّو جعجاع وهرّاش وكضّاب. قلتي لي ما بتهمزي ولا بتلمزي؟ نان قايلة البتسوّي فوقو دا فلاحة يا مناضلة الكيبوردات التافهة.


التوقيع: قيس شحاته؛ كاتب نشِط - جناح عادل عسوم.

المشاركة الأصلية كتبت بواسطة قيس الصديق شحاته

آمال الشيخ
أعترف أنّني قد تجاوزتُ في حقك، بسوءِ الظن أوّلاً، وبما طالكِ منّي من إساءة وأذى ثانياً.
أعتذرُ لكِ، على وجْه الخصوص، بشدّة، ولكلِّ مَن قرأ كلماتي المؤذية، عمّا بدرَ منّي؛ فلم يكن ما قلتُه من الأخلاق السّوية.

كدا ياكا قيس البنعرفو تسلم ...
وليك اكبر كم من ال لهذه الشجاعة
فانت اكبر من هذه المفردات
وهي ارفع من تلك المفردات
ودي لكما الاثنين
بالجنبة كدا ..gap
غايتو يا روفي العملتا شجرة زول الله شجرة الدر ما سوتا...
اها تيرابا رميتو ولا لسه...؟؟؟؟

[عبدالحكيم]

المشاركة الأصلية كتبت بواسطة رأفت ميلاد

والله ده أظرف بوست يمر بى .. وصل الصفحة الخامسة ولسة ما بدا

أمال خليك من الحاصل وواصلى معانا فى الشدر

زول الله عليك أمان الله لا قدمت شكوى ولا حأقدم شكوى عشان كلامك دة .. زعلنى ياخ بتين ياخ نبقى ناس كبير الجمل

خليك جاهز يا حكيم

من زمان قلنا جاهزين ومنتظرين كمان ... عندك فرصة 24 ساعة اتيت بقصتك اتيت وإلا سوف نملأ بوستك ده كله شجر من لدن سيدنا آدم وأمنا حواء ( شجرة الخلد ) وشيطانهم الذي وسوس لهما حتى أكلا منها قال تعالى :
(فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِن سَوْآتِهِمَا وَقَالَ مَا نَهَاكُمَا رَبُّكُمَا عَنْ هَذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ ** وَقَاسَمَهُمَا إِنِّي لَكُمَا لَمِنَ النَّاصِحِينَ ** فَدَلاَّهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَانَ لَكُمَا عَدُوٌّ مُّبِينٌ ) ...

وحتى الشجرة الفي الخرطوم جنوب ( بين اللاماب والعزوزاب ) والفيها الري المصري ( المراقب لسد النهضة ) بتاع صاحبك الكومر داك .. وما أكثر الأشجار فمنها الضخم كالصنوبر والتبلدي ومنها شجرة العرديب والمانجو و... ومنها الشجر الصغير كالمورنقا وهي أحدث شهرة هذه الأيام ..

وفي انتظار قصة شجرة زول الله ....

[AMAL]

المشاركة الأصلية كتبت بواسطة مرافي

كدا ياكا قيس البنعرفو تسلم ...
وليك اكبر كم من ال لهذه الشجاعة
فانت اكبر من هذه المفردات
وهي ارفع من تلك المفردات
ودي لكما الاثنين
بالجنبة كدا ..gap
غايتو يا روفي العملتا شجرة زول الله شجرة الدر ما سوتا...
اها تيرابا رميتو ولا لسه...؟؟؟؟

شكرا يامرافي
والرجوع للحق محتاج شجاعة فعلا
وما كل الناس بتقدر عليه
ودونك هنا مثال قريب
السيد عادل اتهم رأفت والادارة اتهام كبير جدا
ورغم ثبوت بطلان ذلك ومطالبة طارق ليه بالاعتذار
لم يستجب وهو الان يقدل بين البوستات كأن شئ لم يكن!!

[عادل عسوم]

المشاركة الأصلية كتبت بواسطة AMAL

شكرا يامرافي
والرجوع للحق محتاج شجاعة فعلا
وما كل الناس بتقدر عليه
ودونك هنا مثال قريب
السيد عادل اتهم رأفت والادارة اتهام كبير جدا
ورغم ثبوت بطلان ذلك ومطالبة طارق ليه بالاعتذار
لم يستجب وهو الان يقدل بين البوستات كأن شئ لم يكن!!

من يتهم الاموات بانهم قالوا سلبا في اخرين ويلوح بذلك ولايعتذر او يوضح للناس ليس اهلا للحديث عن الاخرين...
ومن يدبر المكائد ليلا خلال الانتخابات ويغمط اشراف الناس لايحق له ان ىتحدث عن الغي
قال الجاحظ كلما رايت المرء يسعى الى ازجاء الغير فثق بنقائصه!
واعلمي يامال بانك السبب الاساس في ايما تدبير يفعل بليل للاضرار بهذا المنتدى ولم تكن مصادفة عندما غضب خالد رحمه الله غضبته تلك ووجه حديثه اليك دون الاخرين قائلا بان هذا المنتدى ليس للشيوعيين وانه ندم على كل يوم قضاه في الحزب الشيوعي فما كان منك الا ان رحلت ولم تعودي الى المنتدى الا بعد استيثاقك من موته وهاانت اليوم قد سبقني من اسماك خميني المنتدى!

[AMAL]

مابحلك الجقليب ياتعتذر يا تقدل بالعيب

[عادل عسوم]

المشاركة الأصلية كتبت بواسطة AMAL

مابحلك الجقليب ياتعتذر يا تقدل بالعيب

عشنا وشفنا امال الشيخ تتحدث عن العيب!!!

[AMAL]

ماجديد عليك وبشبهك تمام



اقدل

[أمين محمد سليمان]

المشاركة الأصلية كتبت بواسطة عادل عسوم

ولم تكن مصادفة عندما غضب خالد رحمه الله غضبته تلك ووجه حديثه اليك دون الاخرين قائلا بان هذا المنتدى ليس للشيوعيين وانه ندم على كل يوم قضاه في الحزب الشيوعي فما كان منك الا ان رحلت ولم تعودي الى المنتدى الا بعد استيثاقك من موته وهاانت اليوم قد سبقني من اسماك خميني المنتدى!

مبااااالغة يا عسوم !!
تعرف، لي فترة كدا حاسي انك بالجد مظلوم في البورد دا و إن كانت محيراني قصة حشرك لاسم خالد الله يرحمو في نص صراعاتك بسبب و بدونو زي ما في كلامك الفوق دا، لكن يبدو إنو الواحد غلطان في إحساسو دا !!
الشئ التاني، يا عم عادل ياخي ... إنت اتهمت رأفت إنو عدل في المداخلة و سرحت في الاتهام لدرجة إتهمتو إنو دخل الادارة مخصوص عشان يعدل مداخلاتو القبيحة بدون ما يظهر اسمو، جاء عكود و قال ليك الكلام دا technically ما ممكن يحصل و اداك تفاصيل ليه ما ممكن، ما اشتغلت بكلام زول شغلة و لا قلت نعتذر للزول البهتو دا و جاي تعملها شمطة مع آمال و الحزب الشيوعي ؟!!!
يا عسوم ياخي، ارحمني حاول حس بي !!!