تلفزيون سودانيات ـــــ بسم الله نبدأ

[اشرف السر]

المشاركة الأصلية كتبت بواسطة ناصر يوسف

أسمعني هنا يا سجم الرماد الكال حماد ،،

بلا شُغُل ممتاز بلا بتيخ ( بتيخ دي مسروقة من زول الله)

انا مُش طالبك دَرِس عَصُر ؟؟ وتييييب

ياخي وكتين ما لاقين لينا زمنم نتلاقي فيه تاني قريب

تعال علي في الخاص ياخ

ووريني شنو الكان خطأ وخلي بعض الفيديوهات ما بتتشاف لجيجي وزول الله ياخ

وشنو الخطوات الإنت عملتها وخلت الفيديوهات تتشاف ؟؟

واااااحده واحده بالله
أصلو الباقي لينا من عقل ده سلوكو خلاص ضَرَبَن ،، طَرشَقن ياخ

غايتو جنس غايتو عليك..

اولا اتصلت عليك... ما بترد مالك

ما عملت حاجة غميسة...
اي فيديو Private عملتو Public
وعملت Publish
ادي كل الحكاية...

بس انت لما ترفع فيديو جديد.. ويتم الرفع.. لازم تتأكد انو عام Public
وتعمل نشر وانتهى الموضوع...

[ناصر يوسف]

المشاركة الأصلية كتبت بواسطة اشرف السر

غايتو جنس غايتو عليك..

اولا اتصلت عليك... ما بترد مالك

ما عملت حاجة غميسة...
اي فيديو Private عملتو Public
وعملت Publish
ادي كل الحكاية...

بس انت لما ترفع فيديو جديد.. ويتم الرفع.. لازم تتأكد انو عام Public
وتعمل نشر وانتهى الموضوع...

والله بس ياهو ظاتو ياخ ،،

إحِم إحِم ،، عُلِم ،، جاري التنفيذ

قــف ،

قِف للمُعلِم ووفِهِ التبجيلا كاد أشرف السِر أن يكون رسولا

[سجمان]

ناصر يا جميل..
شكراً لهذا المجهود النبيل..

ثم معاً نزرع أحرف جديدة
حيث م ش ت ا ق ي ن

بهتت بكثرة الاستعمال يا المشتهنك وين
تفوت تمرق تصابق الجاي من تالانا من أشواق..

ودي الذي تعلم؛؛؛

[ناصر يوسف]

المشاركة الأصلية كتبت بواسطة سجمان

ناصر يا جميل..
شكراً لهذا المجهود النبيل..

ثم معاً نزرع أحرف جديدة
حيث م ش ت ا ق ي ن

بهتت بكثرة الاستعمال يا المشتهنك وين
تفوت تمرق تصابق الجاي من تالانا من أشواق..

ودي الذي تعلم؛؛؛

يا سلااااااااااااام ياخ

الزول الأبداً مو سجمان ولا هو الرمدان

يا سيد الناس يا جميل ،،

أسمعني ياخ ،،
إنت عارفني بحبك قدُر شنو في الله ؟؟

ما ظنيتك عارف والله ،، عِلا بس تراهو قلتها ليك

الشوق دافر قَلُبَنا وروحنا ليكم ياخ

لو في الإمكان يا حبوب في الويك إيند تنسق مع القبطي الكافر ده ياخ وتسجلوا لي برنامج حواري بيناتكم ،،،

وأكيد حتلقوا ليكم مُصور هناك وكاميرا تلفزيونية كويسة ،، ما إنتو في بلاد الفِرنجه ياخ

سجلوا لينا البتقدروا عليه وحننسق لكيفية إنو الفيديو الحتصوروه هناك ده يترفع كيفن بعد المونتاج عشان الناس تقدر تشوف منتج آخر من منتجات سودانيات الثقافية

تحياتي ليك ولرأفت ميلاد ياخ

[الطيب بشير]

.
تحية للجميع
و يا ناصر ....أنا مبسوووووط منك
و في رواية عافي منك
ملهوزة
لو عايز كاميرا بتشتغل بنظام NTSC قول لي
لوووووول

[وهاد ابراهيم محمد]

سلامات يا ناصر
وتبريكاتي الصادقات
وتمنياتي الطيبات أن يُشدَّ عضدك بالعافية وتواصل تحقيق هذا الجمال عمراً مديداً
ليحيا فينا أبداً زاهر.
ده شغل رائع وملهم كمان..
لكن لازمه تكاتف ومساعدات ومعاونات كثيفة ومستمرة ليدوم ويتطور.
في هذه النقطة, يحضرني إثنان في هذا البورد أتمنى لو يكونا عماداً طيباً لقناة سودانيات..
لثرائهما الجم في المعرفة, لتنوّع وتفرّد إهتماماتهما, لرغباتهما المشهودة والحاضرة في تبادل ما أكرمهما به الخالق من علم مع العالمين.
محسن خالد
عبدالله علي موسى
هذان الرجلان أمّتان تسعيان بيننا بكنوز معرفية حقيقية, ليتهما يخصّان قناة سودانيات (إن ناسبهما, ونتمنى) ببعضٍ كثير مما في جرابيهما, وسيكون الإثراء حتماً فخيماً وبهي.

فهل الى ذلك من سبيل؟

بالتوفيق للكل.

[اسامة عبدالماجد]

صديقي الجميل ناصر
سلامات .....
كبير هذا الهم الذي تحمله حبا لهذا الجسر التواصل والمحبه .
وانت تسعي بين صفاك ومروتنا محملا بكل طموح المبدعين لتحيل هذا البعيد الي ممكنا لك الله وطاقاتنا المتواضعه لتدوم الفكره .

[عبدالله علي موسى]

شغل جميل و مميز جداً يا ناصر يديك العافية


شغل كله جميل لكن اسجل إعجاب خاص ب:

صدق و وفاء لا تخطاه عين في كلام العمدة عكود
جمال و رصانة شغل الإخوة أسامة عبدالماجد و زول الله و محمد حسن العالم
تلقائية و جمال روح حافظ حسين
عمق يحيى الذي يبان في الأبيات التي كتبها لوالدة رحمه الله

صدق أو لا تصدق أنا التلفزيون دة هو الجابني سودانيات، عندي نفس الفكرة، ناقشت فيها الأخ أزهري قال لي بس تعال سودانيات.

تحياتي

[معتصم الطاهر]

دى قناة سودانيات

و ديل ناس سودانيات او بعضهم ..

شغل نضيف .. ناصر و اشرف

[معتصم الطاهر]

دى قناة سودانيات

و ديل ناس سودانيات او بعضهم ..

شغل نضيف .. ناصر و اشرف

[هشام ديدي]

يا ناصر تحياتي

سودانيات الاولي ..وانت الاول .ومافي كلام تاني..

[ناصر يوسف]

المشاركة الأصلية كتبت بواسطة الطيب بشير

.
تحية للجميع
و يا ناصر ....أنا مبسوووووط منك
و في رواية عافي منك
ملهوزة
لو عايز كاميرا بتشتغل بنظام NTSC قول لي
لوووووول

إنتَ يا كافي البلاء وحايد المِحَن الفوله دي ما بتتبل فوق قدومك ده أصلو ياخ ؟؟

منتظرك دور كبير حتقوم بيه وإنت في الدوحه
تسجيل برامج حوارية فنية ثقافية فكرية سياسية ،، الهم العام .... إلخ

وضيوفك يا مذيع يا فنان هم :

بورداب الدوجه
المثقفين والفنانين السوانيين

سودانيات بيتك العتيق مُدين ليك بهذه البرامج

صورها هناك ،،، وأبعتها مواد خام ياخ ،، المونتاج وعملية رفعالفيديوهات لمكتبة القناة خليه علي أنا ده

وإن إحتجتوا لي ،، آخد لي إجازة أسبوع من العَمَل و أجيكم شايل كاميرتي البتعمل بنظام الــ PAL لووووووول

بس ده لا يتم الترتيب ليه ترتيب جييييد

وأعني مسألة الزمن يا حكم

يعني نكون مرتبين لعمل لقاء فني مع القامة الفنية الأستاذ الجميل

الفنان / عادل التجاني مثلاً ،،،
وقلنا التصوير حيتم يوم التلاتاء الجاي الساعة عشرة بالليل

ما نجي ونلقي عادل التجاني زاروه بعض أساطين النغم ولا جوهو أهلو زياره في البيت ،، ويتم تأجيل التصوير ،، بكِدَه بتخسر معانا ياخ

أرجو كريم فضلكم إنتَ ومعتصم الطاهر ونزار حسن علي و كل بورداب الدوحه وحتي المسخوت صاحبي أشتر ما تخلوه ،،،
نسقوا مع بعض وخلونا نمشي في الخطوة دي لا قِدام

ويظل سودانيات هو الموقع المحترم ،، الذي يُقدِم للناس ما يُفيدهم دوماً بمشيئة الله

المشاركة الأصلية كتبت بواسطة [COLOR=Red

وهاد ابراهيم محمد[/COLOR];577637]سلامات يا ناصر
وتبريكاتي الصادقات
وتمنياتي الطيبات أن يُشدَّ عضدك بالعافية وتواصل تحقيق هذا الجمال عمراً مديداً
ليحيا فينا أبداً زاهر.
ده شغل رائع وملهم كمان..
لكن لازمه تكاتف ومساعدات ومعاونات كثيفة ومستمرة ليدوم ويتطور.
في هذه النقطة, يحضرني إثنان في هذا البورد أتمنى لو يكونا عماداً طيباً لقناة سودانيات..
لثرائهما الجم في المعرفة, لتنوّع وتفرّد إهتماماتهما, لرغباتهما المشهودة والحاضرة في تبادل ما أكرمهما به الخالق من علم مع العالمين.
محسن خالد
عبدالله علي موسى
هذان الرجلان أمّتان تسعيان بيننا بكنوز معرفية حقيقية, ليتهما يخصّان قناة سودانيات (إن ناسبهما, ونتمنى) ببعضٍ كثير مما في جرابيهما, وسيكون الإثراء حتماً فخيماً وبهي.

فهل الى ذلك من سبيل؟

بالتوفيق للكل.

وإسمك ده يا كافي الباء مالك ما ختيتيه مع الصديقي محسن وعبد الله ؟؟

وِهاد يا بت عمي ،، إنتي بالذااااات معنية بإعداد وتقديم حلقات وحلقات برامجيه ثقافية متنوعة ،، وبرضو حتكوني ضيفة علي برنامج أدبي حيكون من إعداد وتقديم / حافظ حسين ومهند الخطيب وخال فاطنه وشرف السِر

فكرة البرنامج ،، محاورة الزولة الكتاااااااابة وهاد ابراهيم محمد ،، قراءات للكاتبة وهاد ابراهيم محمد ،، رؤي نقدية من مقدمي البرنامج ( أربعتهم )

أها شنو ليك ؟؟ جاهزه يا زوله ؟؟

المشاركة الأصلية كتبت بواسطة اسامة عبدالماجد

صديقي الجميل ناصر
سلامات .....
كبير هذا الهم الذي تحمله حبا لهذا الجسر التواصل والمحبه .
وانت تسعي بين صفاك ومروتنا محملا بكل طموح المبدعين لتحيل هذا البعيد الي ممكنا لك الله وطاقاتنا المتواضعه لتدوم الفكره .

شكراً لدعمكم ووقفتكم يا أسامه لتصوير الرياض ،، شكراً ليك وللزولة الرائعة رفيقتك أنت وعيالك ،، وإن الله مدي في العُمُر ،، بجيكم راجع صاد من تاني

المشاركة الأصلية كتبت بواسطة عبدالله علي موسى

شغل جميل و مميز جداً يا ناصر يديك العافية


شغل كله جميل لكن اسجل إعجاب خاص ب:

صدق و وفاء لا تخطاه عين في كلام العمدة عكود
جمال و رصانة شغل الإخوة أسامة عبدالماجد و زول الله و محمد حسن العالم
تلقائية و جمال روح حافظ حسين
عمق يحيى الذي يبان في الأبيات التي كتبها لوالدة رحمه الله

صدق أو لا تصدق أنا التلفزيون دة هو الجابني سودانيات، عندي نفس الفكرة، ناقشت فيها الأخ أزهري قال لي بس تعال سودانيات.

تحياتي

وأهو تلفزيونك معاك حِاك قاعِد قدامك ،، إنتَ بس تأمرنا يا عبد الله وما علينا سوي إننا نِنَفِذ علي طول ،، في إنتظار آراءك وتوجيهاتك حتي نمشي مع بعض قِدَام

المشاركة الأصلية كتبت بواسطة معتصم الطاهر

دى قناة سودانيات

و ديل ناس سودانيات او بعضهم ..

شغل نضيف .. ناصر و اشرف

يا باش بتتذكر الشُغُلأ العملناه في بيتكم أيام زواج حلا ؟ يوم 10 شهر 11 سنة 2011 ،،

في بعض التسجيلا لقيت فيها مشكلة في الصوت ،، تحديداً الحوار الجميييييل والجاد للغاية ولأجل سودانيات الكان بينك إنتَ ومهند وحافظ حسين ،، ياخي بتاع الفرق ما بين الأدب وقِلَة الأدب داك ،،،
تِصَدِق لقيت فيه مشكلة ،، يبدو من الشريط وربما لطول الفترة الشريط ده بالتحديد تخزينه عندي كان فيه مشكلة ،،
عموماً عندي محاولات تانية قد تنجح وقد ،، لا ،،
انا شخصياً ما عاوز أنزل شئ ناقص ،، باهِت ،، أو فيه بعض النواقص الفنية

أرجو إنك تنسق مع الطيب بشير وتنفذوا لينا برامج من هناك من الدوحه لصالح تلفزيون سودانيات

المشاركة الأصلية كتبت بواسطة هشام ديدي

يا ناصر تحياتي

سودانيات الاولي ..وانت الاول .ومافي كلام تاني..

وإنت ظاااااتك الأول يا ديدي ،،،

أها وحتدينا شنو من الفيديوهات لصالح تلفزيون سودانيات يا هشام ؟؟
وبعني تصوير برامج نم الفِجَه الإنتَ قاعِد فيها دي ياخ ،، هي وين ؟ وهل في بورداب لسودانيات معاك في نفس البكان الإنت قاعِد فيه ؟؟ ولو مافي ممكن تسجل لينا مع أي سوانيين في مواضيع فنية ثقافية فكرية أدبية ،، أي مواضيع تحمل في طياتها المعاني السامية للهم العام ؟؟

يا ريت والله

[حسين عبدالجليل]

مشكور جدا أخ ناصر . شغل جميل و يمثل تطبيقا عمليا لشعار سودانيات " عالم من التواصل و المحبة ! "

لمثل هذا تُرفع العمائم !

[أمير الأمين]

المشاركة الأصلية كتبت بواسطة ناصر يوسف

قالوا عن سودانيـــات
أمير الأمين ،، عضو سودانيات ،، المملكة العربية السعودية ــ جِدَه

لووووول
يا عمنا المنتدى مليان مستنيرين وعلماء ومثقفاتية
تبدأ بالعوام مالك ؟
كده تكون جبت ليهو -قصدى التلفزيون- كج وجلا
دقست يا صاحب....

تكملة لفكرة جيجى (الوجه الجاد)
قكرة سباقة وتوطر وتؤكد -شايف كيف- لفكرة المحبة والتواصل
ويا ريت المرة الجاية تكون فى شكل حوارات بين الاعضاء بشكل عفوى -زى الحوار الكان فى جدة قبل التسجيل- الكلام فى اى صوره اكثر تعبيرا عن
دوخل الذات من الكتابة....

محبتى التى تعرف

[أمير الأمين]

المشاركة الأصلية كتبت بواسطة جيجي

انا قصدت العكس يا ناصر
انه الحمدلله الاتعرفت على دواخلهم اول لانه انا في ناس لوشفتهم كانت اريحية حتكون معاهم محدودة وحاتعامل معاه حسب موثراتهم المادية يعني مثلا صديقي العزيز امير الامين لو كنت شفت جديته دي ماكنت حاعرف اتعاور معاه
يعني عوارة بمعنى البساطة والاحساس بالخوة الشديد ,fkr,g gdi hgfv;m fhga,tm dh [ldg

والله شغالين فيديوهات امير الامين واسامة عبد الماجد وشبارقة وعبد المنعم ووجدي الشين والباقي كلو ما شغال

اظنها رهبة القعدة ... ناصر طبعا عمل الشغل بى ترتيب تقنى عالى
بدا الاضاءة البى الجنبات ديك ... مرورا بالمايك والكاميرا الدجيتال..
وحر الاستديوهات (قفل المكيف ).. ومنع الاصوات (هرش ليك
اولاد فخرى الزين مكان التسجيل)... يعنى عمل لينا بروفة جادة لو
حنت علينا (زى ما بقول صاحبنا) نسرين النمر واستضافتنا ان شاء الله فى "الحوش"....

fv;m hga,tm