تلفزيون سودانيات ـــــ بسم الله نبدأ

[بابكر مخير]

عمل جبااااااار



بث خوفي يجيكم أبو أماني
يقطع تياركم
ولا توحة ويقطع أوتاركم
ولا روفي ويحير أفكاركم

شكرا لكل القائميين والمشاركين والداعمين و"الفراجآ الذيي"
في قيام وإنجاز "والفرجة" بهذا وعليه



هنيئا لك في عالمك أيها الغائب الحاضر بأهل
حافظوا على ما عاهدوك به
أهلك يا خلودي ياهم ديل
كل يوم جديد وعظيم

[جيجي]

شكرا يا ناصر ان اتيتنا بهذا الشباب المثقف الجميل وهذه الجلسة الواعية
شكرا لمعتصم واستضافته الواعية وادبه الجم الجميل
امتعتنا وعيا وثقافة ومفردة يا مهند
وكان حافظ سيد الكلم-لكن والله اتحسنت يا حافظ من زمن فيديو ماما عشة
وشكرا للحضور الجميل
وياسلام عليكم يا سلام

[خالد الصائغ]

الله يخضِّر ضراعك يا ناصر

شكرا قمينا

[نبراس السيد الدمرداش]

ممتاز يا ناصر
دا جهد مقدر منك وكان اكيد على حساب زمنك واسرتك وحتى عملك
لكني متاكده ايمانك بسودانيات ومحبتك ليها هي المحرك الاساسي ورا الشغل دا
ربنا يوفقك ويكلل المجهود بالنجاح اتمنى انو التلفزيون يستمر ويتطور
وزي ما بتقول دائما لقداااااااااااااام

[البديري]

يا سلام عليك يا ناصر، الغالى، الله ينور طريقك مع وليداتك بجاه الحبيب المصطفى - ص،
ربطنا مع الاحباء، لهم الف تراليون محبة وتقدير باذن الله تعالى
ناصر;
ونحن البعيدين ديل مالينا نصيب فى nasir TV ، اعملوا لينا رادى ان شاءالله

**همسة;
كلام وجدى الاسعد، وعن ''اللحظة'' عجبنى وماعجبنى!! عاوز ليهو بوست قائم بزاتة عشان نفتت كل لحظاتة!
ابقو طيبين يا أحباء
والله يا ناصر ومن غير مبالغة انت نور جاهر وظاااااهر جداً فى مكان مٌضيئ!! بس إتخيل شكلك كيف!،قمة فى العطاء، الله يخليك

[البديري]

نسيت اقوليكم
ناصر داقى جرس بانه ماعجباه ''لون'' إقونة التلفزيون قال ليه سوداء!!
انا بقترح تعملوها ليهو صفراء بزيك بنفسجى! زي ''فنلة'' بيبو فى اسمرا، ويا دار مادخلِك شر!

[ناصر يوسف]

المشاركة الأصلية كتبت بواسطة بابكر مخير

عمل جبااااااار

بث خوفي يجيكم أبو أماني
يقطع تياركم
ولا توحة ويقطع أوتاركم
ولا روفي ويحير أفكاركم

شكرا لكل القائميين والمشاركين والداعمين و"الفراجآ الذيي"
في قيام وإنجاز "والفرجة" بهذا وعليه

هنيئا لك في عالمك أيها الغائب الحاضر بأهل
حافظوا على ما عاهدوك به
أهلك يا خلودي ياهم ديل
كل يوم جديد وعظيم

وجانا واحد من كُبارنا يَكَبِر كومنا
أريتك طيب يا الحبيب
وياكا والذكرتهم ،، كلكم كبارنا وتاج راسنا
ويارتنا لو نقدر نفرحكم ،، نسعدكم ،، علي طول
حبابك وحباب رفاقتك الأعمام ( فتحي مسعد / رأفت ميلاد / أبو اماني / شوقي بدري / حسن فرح / قرقاش / عصمت العالم وبيكاسو الجميل وشقيقه البديع السفير جمال ) ياخي ليكم القموه كلكم وبقيتكم من كبارنا وساسنا وتاج راسنا

المشاركة الأصلية كتبت بواسطة جيجي

شكرا يا ناصر ان اتيتنا بهذا الشباب المثقف الجميل وهذه الجلسة الواعية
شكرا لمعتصم واستضافته الواعية وادبه الجم الجميل
امتعتنا وعيا وثقافة ومفردة يا مهند
وكان حافظ سيد الكلم-لكن والله اتحسنت يا حافظ من زمن فيديو ماما عشة
وشكرا للحضور الجميل
وياسلام عليكم يا سلام

تعرفي يا جيجي ،، الشباب ديل لما تقعدي معاهم في جلسة نقاش في أي موضوع ،، غير تربعي يدينك وترهفي سمعك بعمق ،، ما بكون عندك ليهم أي شئ تاني
حقيقي انا يمكن أسعد بني آدم بإنو هذه الدار المحترمه ،، سودانيات ،، البيت الوسيع ،، البيت الكبير ،،، إنها خلتني أعرف ذباب زي ديل ،، شباب مُثقف واعي جداً ،، ربنا يحفظهم ويعلي من شأنهم يا رب

المشاركة الأصلية كتبت بواسطة خالد الصائغ

الله يخضِّر ضراعك يا ناصر

شكرا قمينا

تعرف يا صديقي ،،، المره الجاية لما أجي الرياض ،، ما حأقعد فيها غير دقائق تغيير المسار لدياركم وبحوزتنا كاميرا وشرائط خام تكفي لعشرات الحلقات المُجيده مع الزول الخرافي ،، المسمي مجازاً ( خالد الصائغ )
بس شيل الصَبُر يا الحبيب

المشاركة الأصلية كتبت بواسطة نبراس السيد الدمرداش

ممتاز يا ناصر
دا جهد مقدر منك وكان اكيد على حساب زمنك واسرتك وحتى عملك
لكني متاكده ايمانك بسودانيات ومحبتك ليها هي المحرك الاساسي ورا الشغل دا
ربنا يوفقك ويكلل المجهود بالنجاح اتمنى انو التلفزيون يستمر ويتطور
وزي ما بتقول دائما لقداااااااااااااام

كدي خليني من كلامك الفوق ده كلللللللللللو ،،، وينها الماده الخاصة بليلة محجوب شريف ( عليه الرحمة والمغفرة من ربٍ رحيم) والخاصة بمنتدي سودانيات الثقافي ؟؟

ووينو ذااااتو منتدي سودانيات الثقافي ؟؟ يا ريت لو تتحركوا يا شباب ،،

ثُم إنو إزيك ومشتاقين لكي ولبعلك الحبيب

المشاركة الأصلية كتبت بواسطة البديري

يا سلام عليك يا ناصر، الغالى، الله ينور طريقك مع وليداتك بجاه الحبيب المصطفى - ص،
ربطنا مع الاحباء، لهم الف تراليون محبة وتقدير باذن الله تعالى
ناصر;
ونحن البعيدين ديل مالينا نصيب فى nasir TV ، اعملوا لينا رادى ان شاءالله

**همسة;
كلام وجدى الاسعد، وعن ''اللحظة'' عجبنى وماعجبنى!! عاوز ليهو بوست قائم بزاتة عشان نفتت كل لحظاتة!
ابقو طيبين يا أحباء
والله يا ناصر ومن غير مبالغة انت نور جاهر وظاااااهر جداً فى مكان مٌضيئ!! بس إتخيل شكلك كيف!،قمة فى العطاء، الله يخليك

البديري يا صديقي ،،، سلام وشوق

كدي أول شئ هو إسمو تلفزيون سودانيات ،، مو تلفزيوني أنا ده ياخ

الشئ التاني ،، خت الكاميرا قدام وشك وصور لينا روحك دي ياخ وقول لينا أي شئ إنشاء الله رأيك في لحظة وجدي الأسعد ،، ولا تعمل لينا حلقة حوارية مع أي زول سوداني ،، غير سوداني في أي موضوع ممكن يضيف لدقنوسات الناس من وعي وثقافة وعِلم ،،، إلخ

وبيناتنا التلفون ،، الرسائل الخاصة ،، أيتها وسيلة للتواصل ،، عشان الماده المصورة تصل أشرف السر ولا تصلني أنا ولا كمان أشرف السر شاف لينا طريقة تانية تخليك إنتَ التعمل الأبلودنق للفيديو عبر القناة

المشاركة الأصلية كتبت بواسطة البديري

نسيت اقوليكم
ناصر داقى جرس بانه ماعجباه ''لون'' إقونة التلفزيون قال ليه سوداء!!
انا بقترح تعملوها ليهو صفراء بزيك بنفسجى! زي ''فنلة'' بيبو فى اسمرا، ويا دار مادخلِك شر!

موافق ياخ بس الحيقنع بيكو شنو ياخ
المسألأة كمان ما بتدخلنا في حقوق ملكية فكرية وكده

[ناصر يوسف]

إستراحه ،، أغنية أمي الله يسلمك مع الواعده ،، أمنيه وهي إحدي الذين ذاركوا ضمن البرنامج التلفزيوني الشهير بفضائية النيل الأزرق (نجوم الغد )،، يشاركها بالعزف الفنان حمد البابلي ،،

و حمد البابلي يُعَد من أحد اللذين تغنوا بأجمل الأغنيات للأُم ،، أغنية ( أُمي ) للشاعر الرقيق الإعلامي والإذاعي الراحل المقيم ( ذو النون بشري ) ،، كما تُعد أغنية محمد جبارة للأُم من أحَنَّ الأغنيات التي تغني بها فناني السودان للأم ،،

أترككم مع أمنيه وأغنية ( أمي الله يسلمك) لشاعرها الرقيق ،، التجاني الحاج موسي

YouTube

[معتصم الطاهر]

المشاركة الأصلية كتبت بواسطة جيجي

شكرا يا ناصر ان اتيتنا بهذا الشباب المثقف الجميل وهذه الجلسة الواعية
شكرا لمعتصم واستضافته الواعية وادبه الجم الجميل
امتعتنا وعيا وثقافة ومفردة يا مهند
وكان حافظ سيد الكلم-لكن والله اتحسنت يا حافظ من زمن فيديو ماما عشة
وشكرا للحضور الجميل
وياسلام عليكم يا سلام

جيجي ..

بعد مداخلتك الاولى خفت .. لكن خففت علينا ..

مهند دا زول مضطلع لدرجة مخيفة وو حاجاتو واضحة ..

حافظ ملان أدب و أدب ..

الفيديو ناقص كتير ..

[ناصر يوسف]

المشاركة الأصلية كتبت بواسطة معتصم الطاهر

جيجي ..

بعد مداخلتك الاولى خفت .. لكن خففت علينا ..

مهند دا زول مضطلع لدرجة مخيفة وو حاجاتو واضحة ..

حافظ ملان أدب و أدب ..

الفيديو ناقص كتير ..

نعم يا معتصم ،، الفيديو ناقص كتييييير جداً من الإمتاع والمؤانسة وده بالأسباب الذكرتها فوق
مشكلة صوت في جزئيات ،، والشرائط التلفت جراء حادث السير الغريب

الخميس موعدي مع الشباب لتسجيل حلقات أخري
إنشاء الله يجوني بس

خال فاطنه
اشرف السر
طارق طانديك
حافظ حسين
مهند الخطيب
احمد محمد زين

وبقية العقد الفريد البقدرو يجوني في منطقة ( قَرِّي)

الخميس القدامنا ده والجمعه ،،

يومين للتلاقي والتفاكر والتسجيل بقدر الإمكان

كلو لصالح تلفزيون سودانيات

حبابكم جَت عليكم

[ناصر يوسف]

ولأنو سودانيات بتعني لي كُل شئ
ولأنها غاليه جداً عندي

فلابد إذن من إنو كل أعضاء سودانيات يكونوا غاليين عندي جداً جداً

متفق معاهم في الرؤوي أو مختلف

كلكم عندي أهلي

ولأنكم غاليين شدييييييييييد ،،

حأهديكم اليوم هدية ،، حتلقوا فيها صوركم الحلوه والجميله

وعذراً ،،، ده الجزء الأوي من كوكتيل صور أهل سودانيات

والجزء التاني شغال في المونتاج بتاعه ولسه في ( الحَلَه )

دلوقت أنا في إنتظار الأبلودِنق للجزء الأول ينتهي بس

ليكم محبة واحترام يفوق تصوراتكم

[somiaadam]

سلااااااااااااامات يااهلنا بسودانيات والتي وان غبنا عنها لم تغب عن خاطرنا
لكم التحيه والتجله والتقدير
سرني ان اري ازدهار الموقع وتطوره ونقله الي مشاهد حيه ومباشره عبر
قناه اكترونيه .. لله دركم
ويا اخوي ناصر مافتح الرابط معاي عالجو لينا المشكله وجيبو لينا الرابط
هنا ..تلقونا .. مبحلقين
شكرا لكم

[ناصر يوسف]

المشاركة الأصلية كتبت بواسطة somiaadam

سلااااااااااااامات يااهلنا بسودانيات والتي وان غبنا عنها لم تغب عن خاطرنا
لكم التحيه والتجله والتقدير
سرني ان اري ازدهار الموقع وتطوره ونقله الي مشاهد حيه ومباشره عبر
قناه اكترونيه .. لله دركم
ويا اخوي ناصر مافتح الرابط معاي عالجو لينا المشكله وجيبو لينا الرابط
هنا ..تلقونا .. مبحلقين
شكرا لكم

سميه بت أبونا آدم التي بأُم دُر أمان
تحية وشوق ليك يا بت العم

بالنسبة للرابط ،، عليكي بأشرف السِر
الغريب معظم الناس شاهدت الفيديوهات والرابط

حاولي مرة تانية وربما خدمة النيت عندك ضعيفة شوية

عموماً شيلي الصَبُر وربما تشوفي صورتك في الفيديو الجاي في المداخله الجايه دي
ولو ما لميتي فيها ،، تصبري كمان الجزء التاني من كوكتيل صور اهلي اهل سودانيات ينتهي من الأبلودنق

وأكيد أكيد حأبثه اليوم بمشيئة الله

[أمير الأمين]

سؤال فى البال والخاطر
هل يستمر تلقزيون سودانيات حكرا على الاعضاء الرجال
ام سنشهد بعض "العورات" الحية ؟

[ناصر يوسف]

ولأنكم أهلي وتاج راسي إتفضلوا الجزء الأول من كوكتيل صور أهل سودانيات

YouTube