التقومك من أهلك مريوق تغشيك أم شانق

[أبوبكر عباس]

المشاركة الأصلية كتبت بواسطة اشرف السر

أبو بكر عباس
أيها الكاتب الأريب

ما هكذا تورد الإبل...

كب القصة كلها ياخ شحتفت كيبورداتنا زاتو

يا أشرف يا أخي، القصة لسع تحت التأليف
نحن مألفين تحت كي بوردلتنا

[شبارقة]

المشاركة الأصلية كتبت بواسطة أبوبكر عباس

جيب معاك حجر، المرة دي واحدة في اللوري، الله يكفينا شرّها.

المشاركة الأصلية كتبت بواسطة أبوبكر عباس

صاحبو قال ليهو: إن شاء الله إتذكرت الحجر؟

المشاركة الأصلية كتبت بواسطة أبوبكر عباس

هناك فلسفة رفع الحجر مع المرأة الواحدة لكسر العارض

سلامات يا بابكر

لو قلت طوبة كان يكون أدق من إستخدامك لكلمة حجر لأن المتعارف عليه في مثل هذا الموقف (التشاؤم) طوبة وليس حجرا ً حسب ثقافة أهل المنطقة التي تحكي عنها .. وهناك فرق بين الحجر والطوبة كما تعلم.

كما قال أخونا الرشيد ذات مرة نحن بنحب الونسة والقصص الزي دي وأنا أتفق معه في ذلك لكن حشرك لكلام الكمساري (العلماني) ومحاولة توصيلك لفكرة معينة لم يكن موفقا ً ولا يدعمه منطق حسب سياق هذا النوع من الحكي البلدي البسيط ... وشكرا ً

[شبارقة]

المشاركة الأصلية كتبت بواسطة أبوبكر عباس

يا أشرف يا أخي، القصة لسع تحت التأليف

قطع أخضر يعني ؟ أكان كدي معليش

[أبوبكر عباس]

سلام يا شبارقة،
الطوبة كلام ناس مدن وهي تعني الطوبة المصنوعة حمرا أو خضرا
الناس الكنت معاهم في بداية التسعينات على تخوم ولاية الجزيرة منطقة السعدية وشرقها كانوا بدو ولم يكن هناك بيوت مبنية بالطوب وهم يعتبرون أهل القرى حضرا وبقولوا في شعرهم:
زول القرية كان شاورك ما تشورو رياد للكحل وأكل الرهيفة بدورو

بخصوص جملة الكمساري؛ أظن أنني سمعتها من زول بسيط "ذات" ونسة بسيطة

[ناصر يوسف]

المشاركة الأصلية كتبت بواسطة أبوبكر عباس

يا أشرف يا أخي، القصة لسع تحت التأليف
نحن مألفين تحت كي بوردلتنا

ما هكذا يا كاتبي المُفَضَل ياخ

كده حتشمِت الناس علينا

رشيدويه أنموزجاً ومن يتبعهُ علي هواه كأشرف السِر ده ظاااااااتو ياخ

البروف ما يجي ناطي بهنا كمان والعرجونه جيجي لو جات حتمسكها علينا ذلَه ياخ

الجمع هنا لي انا وكاتبي المُفضَل طبعاً

[أمير الأمين]

المشاركة الأصلية كتبت بواسطة أبوبكر عباس

سلام يا شبارقة،
الطوبة كلام ناس مدن وهي تعني الطوبة المصنوعة حمرا أو خضرا
الناس الكنت معاهم في بداية التسعينات على تخوم ولاية الجزيرة منطقة السعدية وشرقها كانوا بدو ولم يكن هناك بيوت مبنية بالطوب وهم يعتبرون أهل القرى حضرا وبقولوا في شعرهم:
زول القرية كان شاورك ما تشورو رياد للكحل وأكل الرهيفة بدورو

بخصوص جملة الكمساري؛ أظن أنني سمعتها من زول بسيط "ذات" ونسة بسيطة

تستحق لقب ريس حتى بدون الانتخابات


عشان الحنك طبعا

[شبارقة]

المشاركة الأصلية كتبت بواسطة أبوبكر عباس

سلام يا شبارقة،
الطوبة كلام ناس مدن وهي تعني الطوبة المصنوعة حمرا أو خضرا
الناس الكنت معاهم في بداية التسعينات على تخوم ولاية الجزيرة منطقة السعدية وشرقها كانوا بدو ولم يكن هناك بيوت مبنية بالطوب

تسعينات شنو يا بابكر .. أنا الخط ده ماشي فيهو من بداية السبعينيات .. من رفاعة مرورا ً بتمبول وطريق الهوا حتى قهوة النص ومنها ندخل 65 أب ناجمة ومنها حلفا الجديدة أو خشم القربة وكسلا بالساسريب (الساسريب هو نهر عطبرة)... منو الما بعرف كلمة طوب في سودانا ده ؟ بيوتنا كانت من القش وبالرغم من ذلك لا تخلو من بعض الطوب الأخضر كالحوار أو التكل .. وبنسميهو طوب أخضر .. ناس ما بيعرفوا معنى كلمة طوبة من باب أولى ما ح يعرفو إنو ركوب إمرأة وحيدة في عربية مواصلات يعتبر نوع من العوارض .. يا عمك ثقافة الكمساري ممكن تنبلع لكن إستخدام الحجر مكان الطوبة فلا .

[مهند الجيلي بادي]

المشاركة الأصلية كتبت بواسطة أبوبكر عباس

يا مهند يا أخي، أقول ليك لابس جزمة أديداس، تقول لي بلدياتي؟!
كنت في ذلك الوقت باحث بالبطانة، أهلي قبل إستقرارم بمدني كانوا عرووب ساكت، لكن أنا زول حنكوش مولود بمدني

هههههههههههه
بكّة .. ياخ العريبي عمرو ما ببقى حنكوش ..
حنين البادية غلاااااااب يا بك
بلا أديداس بلا بطيخ معاك..


مرفق :
مودتي
بــادي

[وهاد ابراهيم محمد]

ماذا تعني (مريوق)؟
هل هي من (ترويقة)؟
_____
هل ممكن أخاطبك ب(بابكر)؟
ما قادرة أتأقلم مع (أبو بكر)!
_____
يا بابكر، انت حكاي.
وبصورة ممتعة كمان لوﻻ الفواصل المتعبة،
والبعض الذي يقف عليه أخونا شبارقة

[شبارقة]

المشاركة الأصلية كتبت بواسطة وهاد ابراهيم محمد

ماذا تعني (مريوق)؟
هل هي من (ترويقة)؟
_____
يا بابكر، انت حكاي.
وبصورة ممتعة كمان لوﻻ الفواصل المتعبة،
والبعض الذي يقف عليه أخونا شبارقة

مرحبا ً بالأستاذة وهاد

فكـّة الريق (معروفة) وجات منها مريوق (صفة) .. وهي بالمناسبة لا تصل لحد الشبع ولكنها قد تكون من مواد تحسسك بالشبع لمدة طويلة (الدخن مثالا ً)

الحكي بالدارجي لا يخلو من متعة ..وبالتأكيد أخونا بابكر قادر على ذلك .. بس عليه أن يوسع صدرو شوية (ولا حاجة للتبرير) فقليل من النقد لا يضر

[وهاد ابراهيم محمد]

المشاركة الأصلية كتبت بواسطة شبارقة

فكـّة الريق (معروفة) وجات منها مريوق (صفة) .. وهي بالمناسبة لا تصل لحد الشبع ولكنها قد تكون من مواد تحسسك بالشبع لمدة طويلة (الدخن مثالا ً)

جميل..
فعل (فكة الريق) معروف ومألوف طبعا، انما اشتقاق الاسم للصفة (مريوق) غريب علي،
يمكن لعدم تداوله في بيئي المحلية (برغم عدم احاطتي بها جيدا)
آلفها أكثر في ألسنة اخوتنا العرب.

ممكن تشوف لي تصريف معاك لحكاية استاذة دي؟
برضو ما بقدر أتأقلم معاها، واقنع لي معاك اخونا فتح العليم
تسلم شبارقة.

[أبوبكر عباس]

المطر صبّ صبيباً بدّع (علي وزن خبّ خبيباً بدّع بتاعت ود بادي)، السواق شاف ليهو حتة عالية وتكّل فيها، سيد اللوري الراكب جنب السواق نزل وكورك للمرة وساقها ركّبها قدام وجا إندفس معانا تحت المشمعات، بعد المرة نزلت، المداح قال للمداح: ما قلت ليك جبيب معاك طوبة*؟ المداح ردّ للمداح: وأنا موش قلت ليك البتجي من الله كلها خير؟ ووقف على حيلو ورفع يدينو الإتنين لفوق واستقبل المطرة بصدرو.
عمر الكمساري طلّع ليهو من خّرج جنبو تمر بركاوي ووزعوا علينا بالخمشات، وبحركات الكماسرة السريعة ديك مدّ للمرة والسواق القدام خمشتين، بسري قلت: الكمساري دا علماني، حنيّن وكريم، وبسري برضو شكرتو شكر شديد علي فكة الجوعة الدخلها فوقنا برد المطرة.
شوية والمطرة هِدت، عمر شال واحد من المشمعات ومعاهو حبال وظبط لينا تاية بجنب اللوري في دقائق (كنت داير أسري وأضيف للكمساري صفة سريع، لكن خلونا من الجمل الإعتراضية دي)، شلنا المشمع التاني جلسنا فوقو وإنضم لينا السواق. سيد اللوري قال للمداحين أمدحوا لينا، نزلوا الطارات لقوها مرخية، قلت ليهم أنا عندي بابور غاز في شنطتي، وأضفت: نحن برضو عندنا عدة شغل.
شدينا الطارات وكل زول حمس يدينو في البابور والمداحين قعدوا جنب بعض، وبدوا بمدحة: شيء لله يا حسن، يا حسن، الأداء بتاعم أحسن مية مرة من أداء الجمهوريين لهذه المدحة، والمداح الما جاب الطوبة صوتو لو ما أحسن من صوت إخلاص همد، بكون زيها.
قلت ليهم إتوا جمهوريين ولّ ختمية، ردوا لي بمدحة سريعة:
شيء لله يا أب جلابية ويا عثمان شيخ الختمية
شيلوا الفاتحة وأعقدوا النيّة، التمساح جيبولوا أذية
ـــــــــــــــــــ
* قصرت معاك يا شبارقة
واحدة من متعي في المنتدى دا؛ أغالطك.

[عبد المنعم حضيري]

المشاركة الأصلية كتبت بواسطة أبوبكر عباس

المطر صبّ صبياً بدّع (علي وزن خبّ خبيباً بدّع بتاعت ود بادي)، السواق شاف ليهو حتة عالية وتكّل فيها، سيد اللوري الراكب جنب السواق نزل وكورك للمرة وساقها ركّبها قدام وجا إندفس معانا تحت المشمعات، بعد المرة نزلت، المداح قال للمداح: ما قلت ليك جبيب معاك طوبة*؟ المداح ردّ للمداح: وأنا موش قلت ليك البتجي من الله كلها خير؟ ووقف على حيلو ورفع يدينو الإتنين لفوق واستقبل المطرة بصدرو.
عمر الكمساري طلّع ليهو من خّرج جنبو تمر بركاوي ووزعوا علينا بالخمشات، وبحركات الكماسرة السريعة ديك مدّ للمرة والسواق القدام خمشتين، بسري قلت: الكمساري دا علماني، حنيّن وكريم، وبسري برضو شكرتو شكر شديد علي فكة الجوعة الدخلها فوقنا برد المطرة.
شوية والمطرة هِدت، عمر شال واحد من المشمعات ومعاهو حبال وظبط لينا تاية بجنب اللوري في دقائق (كنت داير أسري وأضيف للكمساري صفة سريع، لكن خلونا من الجمل الإعتراضية دي)، شلنا المشمع التاني جلسنا فوقو وإنضم لينا السواق. سيد اللوري قال للمداحين أمدحوا لينا، نزلوا الطارات لقوها مرخية، قلت ليهم أنا عندي بابور غاز في شنطتي، وأضفت: نحن برضو عندنا عدة شغل.
شدينا الطارات وكل زول حمس يدينو في البابور والمداحين قعدوا جنب بعض، وبدوا بمدحة: شيء لله يا حسن، يا حسن، الأداء بتاعم أحسن مية مرة من أداء الجمهوريين لهذه المدحة، والمداح الما جاب الطوبة صوتو لو ما أحسن من صوت إخلاص همد، بكون زيها.
قلت ليهم إتوا جمهوريين ولّ ختمية، ردوا لي بمدحة سريعة:
شيء لله يا أب جلابية ويا عثمان شيخ الختمية
شيلوا الفاتحة وأعقدوا النيّة، التمساح جيبولوا أذية
ـــــــــــــــــــ
* قصرت معاك يا شبارقة
واحدة من متعي في المنتدى دا؛ أغالطك.

دا هنا كلام سمح ومرتب وشبارقة لو جا قال فيهو حاجة بيكون إتلوم طب.

كنت داير اصلح (صبياً) حقت المطرة لكن لقيتك بذكاء أردفتها بمرادفة ود بادي (خبيباً) فعلمت أنك إما قاصدا أو أنها خطأ مطبعي.

تحياتي

[أبوبكر عباس]

المشاركة الأصلية كتبت بواسطة عبد المنعم حضيري

كنت داير اصلح (صبياً) حقت المطرة لكن لقيتك بذكاء أردفتها بمرادفة ود بادي (خبيباً) فعلمت أنك إما قاصدا أو أنها خطأ مطبعي.

تحياتي

فعلا خطأ وناقصة باء

[عبد المنعم حضيري]

بالتوفيق