راكوبة المجادعات.. النمة والدوباي

[عبد المنعم حضيري]

المشاركة الأصلية كتبت بواسطة عبده سعد

ياود سعد قول الحضيرى تمام .
مشكور سوى واجبو بى كل إحترام.
وياراجل دا قولاً مابودى لى قدام.
وماكان العشم زيك يكون هدام.

المشاركة الأصلية كتبت بواسطة فيصل سعد

هدام يا عبده خوي فتش عليو بيغادي
نحن لسقالة و مسطرين الحب بننادي
تعال بارينا انا و ود الحضيرى الشادي
و أن غلبك تجاري قول يا لطيف يا هادي

عبده أخوي فيصل ماهو هدام
داير يصلح الحال ويرمي قدام
تعالوا نغني غنانا نرددو أنغام
اصلي قبييل قلت عليهو نمام

[فيصل سعد]

المشاركة الأصلية كتبت بواسطة سمراء

حردان سوقنا من يرضيهو
لاعيدن بجيبك لا سطر ترميهو
لاتقول النخاطر بى حرف نهديهو
خليتك ياعبد لى شوقنا كان ترويهو

" عمر الدنيا للبعرف حسابو تلاتي
يوما راح و هسع يوم و يوما آتي
مادام عمري زايل زي زوال الشاتي
خلني ها النواصلو القلبي بيهو بهاتي"

[عبده سعد]

كت من أول بالسمح بتنادى.
سقالة ومسطرين فوق لى السماء وبى غادى.
( ياراجل ) فيها شىء زى الكلام ماعادى.
ضحله وبتوجع كاويانى جوه فؤادى.

[فيصل سعد]

المشاركة الأصلية كتبت بواسطة عبده سعد

كت من أول بالسمح بتنادى.
سقالة ومسطرين فوق لى السماء وبى غادى.
( ياراجل ) فيها شىء زى الكلام ماعادى.
ضحله وبتوجع كاويانى جوه فؤادى.

يسلم فؤادك يا عبده قول آمين
و ما حصل إلا كل خير خيرين
بنكاوي حضيري سوانا نمامين
و ما بقصد نميمة نحن متيقنين
لكن دايرين نشاغلوا في التضمين
و الوش الاخضر ضحكة ضحكتين

[فيصل سعد]

المشاركة الأصلية كتبت بواسطة سجمان

كل ما أقول اتوب من نمي فيو واتحاشا
من تظهر قليبي قابضاهو بي كمّاشة
الشافوو عموم مطراً غشانا دعاشا
زي الـلبحر وردوهو رجعو عطاشا

" بحلم و الحلم يا صاحبي ما هو ممنّّع
بركب فوق هجينا سرجو زين و مصنع
قاصد السمحة مستولة الترى التترنع
كاملة الحيا الليها الطفيق ما اتدنع"

[عبد المنعم حضيري]

الألفين علي تكميلا يا سجمان
إن جيت مرحبابك يا أخو الأخوان
وإن ما جيت ترانا مصنقرين كيمان
عاصرنو البرش فيصل وعبدو كمان

[عبده سعد]

سجمان أصلو حالو من ركب الصويان.
ولا بكرم ضيوفو ما طلا قام حفيان .
ومن سنوات مفارق شلة الصحبان.
خلانا وسرح تايه بعيد توهان.

[عبده سعد]

قلبت الكلام لا فوق مشيت إسكع.
لقيت الناس خطيرة بالحروف تتجدع.
هنضب نفسى تب ماظنى تانى إشجع.
ياسجمان رواكيبك فيها العبارات تفزع.

[عبده سعد]

يافيصل خلاص البينا صافى حليب.
وأصلا سؤ فهم للمعنى وحدث تأنيب.
لكن بالنسبة لى يمكن شوية أغيب.
وبنعود تانى مرة (للنمة) والترطيب.

بعدين الحضيرى وسجمان وست الكل.
بليغون التحايا والراكوبا هى الضل.
وهى البجمعنا تانى وسط الزهور والفل.

[فيصل سعد]

المشاركة الأصلية كتبت بواسطة طارق صديق كانديك

الزول البسو في المشية عوم الوزة
كمل صبري تب بعد الثبات والركزة
قدرما اقول اتوب بي شوفتو اخد هزة
ما بسلاهو هن جزيت الجبال فد جزة

أبو حمزة الكلس اخبارك بقت مقطوعة
نورت البلد بالجد و الغربة ليك ممنوعة
أشرقت الفيافي يا اب كلمة مسموعة
التوفيق حليفك و كل الصعاب منزوعة

[فيصل سعد]

المشاركة الأصلية كتبت بواسطة نهلة محكر

طارني الصحاب ولا البعد نسّاهم
في بالم بمر ... ولا ما بغشاهم
ملهوف القليب ديمة بس يطراهم
تشرق شمسو بيهم .. نايم على ذكراهم

يا صاحبة الزمن أن نسى ما بننساك
و مهما نغيب نطول نعيش على ذكراك
أظهري طلي بيني ديمة الخلوق فاقداك
و دوزني بالقوافي و ادينا أحلى غناك

[يحي عثمان عيسي]

اللــــــــــه هذا البوست رائع شداني هز كياني
هيجــتو المواجع يا حليلو القصيد جــافاني
شردن وفــارقنـي حروفــو يا خلايا مين يلفاني
زاجر مهري في خيولكم يا ريت يجي التاني

[فيصل سعد]

المشاركة الأصلية كتبت بواسطة يحي عثمان عيسي

اللــــــــــه هذا البوست رائع شداني هز كياني
هيجــتو المواجع يا حليلو القصيد جــافاني
شردن وفــارقنـي حروفــو يا خلايا مين يلفاني
زاجر مهري في خيولكم يا ريت يجي التاني

مرحبتين حبابك رن صوت الناي
يا يحي الكلس سيد الفهم و الراي
ندعم جهودكم حالا كمان و الجاي
بإرادة و عزيمة منبرنا فوق ضواي

[عبد المنعم حضيري]

المشاركة الأصلية كتبت بواسطة يحي عثمان عيسي

اللــــــــــه هذا البوست رائع شداني هز كياني
هيجــتو المواجع يا حليلو القصيد جــافاني
شردن وفــارقنـي حروفــو يا خلايا مين يلفاني
زاجر مهري في خيولكم يا ريت يجي التاني

مهرك كنجي في ترتيبو ماهو التاني
ولا في الحسبة بنحسبك تجي الآخراني
أول وفارس في الكماج وكمان حقّاني
شيخنا وشيخ عربنا فراج لهموم العاني

[عبد المنعم حضيري]

فيصل سريع النهمة يوت متفوق
تمامة كيفنا ردك وبرضو لينا يروق
شال يحي التواضع وجابو لينا يسوق
وردينالو الجميل وإتلافينا أمراً ضيق