اقتباس:
المشاركة الأصلية كتبت بواسطة صديق عيدروس
سلامات يا رافت
انا غايتو من زمان محتار في الحصل للسودانيين ،،، وعن سبب اسرافهم في الاشتغال بالغناء ،، وما ترتب عليه من اعرض جانبية (فيدوهات الرقص الخليعة )
اليوم فقط يمكن اقدر اقول ان السبب والفيروس الاول المسؤل عن كل ذلك هو معهد الموسيقى والمسرح ،،
طبعا عارف حاترجع وتقول لي ،، ان كل الدول والشعوب المتحضّرة بنت المسارح والمعاهد والمدارس الموسيقية ،، ولكن هذا الكلام مابكون دقيق عندما نتكلم عن السودان ،،، لاننا بدينا بالموسيقى والمسرح والغناء ،، والاخرين بدأوا ببناء المصانع والمعاهد الفنية انشغلوا بالانتاج ،، وجزء يسير من وقتهم كان للترفيه والموسيقى والمسرح
نحنا قلبنا الاية قفّلنا المصانع ومعاهد التدريب المهني وتوسعنا في الغناء والموسيقى ،، وعلى قول البروف عبداللطيف البوني اصبحنا (الشعب المتغني ) بامتياز ،، الدلوكة ضاربه ليل نهار ،،، في معظم القنوات السودانية ،،إما غناء او كلام عن الغناء وتاريخ الاغاني والمغنين
عشان كده ماتحلموا بثورة قريب ،، المية سنة الجاية حانكون تحت حكم الانقاذ ،، اومايتفرع عنها ،،،،
مجرد تحليل  |
صديق عيدروس
السلام عليكم يا اخوي
ما عارف اقول ليك حرام عليك ولا اقول ليك بالغت ولا اقول ليك مداخلتك دي مغلوووووووطه شديد والله
هسي الدخل معهد الموسيقي والدراما هنا شنو ياخ
اتشرف بإني تخرجت من هذه المؤسسة الاكاديمية الرائده
وهي مؤسسة تخرج لهذا الوطن من الكوادر القادرة علي قيادة الوعي والاستناره
واركز علي الوعي بشكل اساسي هنا
مالها الموسيقي ومالو المسرح
مالها الفنيات والمكياج والازياء
التمثيل والاخراج والنقد والتأليف الموسيقي و و و و و و
لا حولة ولا قوة الا بالله العلي العظيم
ومنو القال ليك بإنو بقية الدول بدأوا بالمصانع وما بدأوا بالفنون عموما ؟
يا حبوب كدي راجع نفسك شويه
برجع ليك برواااااقه
